((نهايه الحرام )) بقلمي ((ايمان عامر ))

((الفصل الثاني ))((نهايه الحرام ))

((الفصل الثاني ))
((نهايه الحرام ))
بقلمي ((Eman Amer))

سليم .. بغضب . ايوا انا اللي قولت ليه علشان تفوووق لازم تفووق من اللي انت فيه ومفيش غير ابوك هو اللي هيفوقك .. ياريت يا معز تفقول قبل فوات الاوان لان نهاااايه الحرام نهاايه سوده ودايما بتكون بعد فوات الاوان
معز .. بعصبيه . انت اتجننت انت مالك انت ؟؟
سليم .. بهدوء . يامعز فوق من اللي انت فيه الحرام اخره وحش ومتنساش ان عندك اخت لازم تحافظ عليها وربنا موجود وشايف ومطلع عليك لازم تفوق قبل فوات الاوان
_تحدث معز بتحزير له وعدم التدخل في حياته وقال
معز .. بقولك ايه ملكش دعوه بيا وباللي بعمله انت سامع ابويا بعد كدا لو عرف حاجه هنسي كل اللي بنا انت سامع
سليم .. باستغراب . انت تجننت ايه اللي بتقوله دا ، دا بدل ما تقول انك هتحاول تبطل القرف دا بتقولي ابعد
معز .. اللي عندي قولته ومن غير سلام
_خرج معز من مكتب سليم وصفع الباب خلفه في عصبيه شديده وذهب الي مكتبه . جلس في عصبيه وتوتر واخد يفتش في ادراج المكتب ولم يجد ما كان يبحث عنه وقام في عصبيه وظل يدور في الغرفه ، امسك معز الهاتق الخاص به وطلب احد الاشخاص ولكن لم يجد رد اعاد محاوله الاتصال اكثر من مره ولكن لايوجد رد ، القي الهاتف علي المكتب بعصبيه
معز .. لنفسه . اوووف منك لله يا عمر اعمل ايه انا دلوقتي ولا بيرد ولا جيه لحد دلوقتي
_حاول ان يلهي نفسه في اي شي حتي ينسي ذلك الصداع والرعشه التي تسيطر عليه واخذ يقلب في الورق الذي امامه مر الوقت والصداع يزداد والرعشه تزداد لديه ، واخذ يحاول ان يهاتف عمر ولكن لم يجد رد
_قام معز من مكانه واخذ الهاتف وتوجه الي الخارج ، خرج معز من الشركه واستقل سيارته وذهب بها
_اخرج الهاتف واتصل علي احد الاشخاص وبعد ثواني اجاب الطرف الاخر
$ .. مساء الخير يا باشا
معز .. معاك عنوان عمر يا حسام
حسام .. خير يا باشا في اي خدمه اقدر اقوم بيها
معز .. مش عايز منك غير عنوان عمر
حسام .. بتلعثم . انت عارف يا باشا ان عمر مش معرف عنوانه لحد خالص
معز .. وعارف بردو انك عارف عنوان عمر فاخلص وقول بدل ما اتصرف تصرف مش هيعجبك
حسام .. بخوف . بس انا مقولتلكش علي العنوان
معز .. بزهق . اخلص
حسام .. اكتب عندك ....
_اغلق معز الهاتف بعد ان عرف ما يريده وتوجه الي منزل عمر ، توقف امام البنايه وخرج من السياره ودخل وتوجه الي الشقه وقف امام الباب لثواني وبعد ذلك طرق الباب ولكن لايوجد استجابه ، بعد فتره توجه الي الاسفل واخذ يبحث بعينيه الي ان وجد احد الاشخاص يجلس امام (سوبر ماركت ) ذهب اليه معز وقال له
معز .. السلام عليكم
# .. وعليكم السلام خير يا ابني في حاجه
معز .. بحرج . كنت بسأل علي واحد ساكن في العماره دي اسمه عمر هو مش فوق
صلاح .. خير يا ابني عايزه في ايه ؟؟
_تلعثم معز في الكلام وهو لا يعرف ماذا يقول له فقال بارتباك
معز .. مفيش كنت عايز منه خدمه كدا وبكلمه علي الموبايل مش بيرد وكنت عايزه ضروري
_صمت صلاح وفهم من معز انه لا يريد اخباره بشي فاحترم ذلك ، لكنه لا يلعم ماذا يريد منه وقال
صلاح .. هو نزل من بدري ومش عارف راح فين بس اخته موجوده في المكتبه اللي هناك دي
_اشار له صلاح علي المكتبه ، نظر لها معز وقال
معز .. شكرا يا حج عن اذنك
صلاح .. اتفضل
_توجه معز الي المكتبه التي تجلس بها كل من شهد و ملك .
معز .. السلام عليكم
ملك .. وعليكم السلام
معز .. هو حضرتك اخت عمر
_استغربت ملك من كلامه واردفت بنفي ، واشارت الي شهد الجالسه علي مقعد خشبي علي بعد منها بقليل
ملك .. لا مش انا ، اخته اهي
_اتت شهد عندما سمعت حديثهم وقالت في قلقل
شهد .. خير حضرتك
معز .. كنت عايز عمر هو مش موجود
شهد .. لا مش موجود نزل من بدري
_زفر معز في ضيق وقال في حرج
معز .. طب ممكن تكلميه
_رفعت شهد حاجبها في استغراب وقالت
شهد .. اكلمه !! ليه هو مين حضرتك ؟ وعايز منه ايه ؟
معز .. بكدب . هو كان مكلمني علي شغل وانا جايب ليه شغل وبرن عليه مش بيرد و. و صاحب الشغل عايز يشوفه ع. عشان هو مستعجل و.ولو في حاجه الحق اشوف غيره
شهد . بشك . حاضر لحظه واحده
_امسكت شهد الهاتف الخاص بها و هاتفت عمر وكانت تنظر الي معز بشك وخوف ظاهر ، بينما كان ينظر هو لها بقلق وتوتر
عمر .. السلام عليكم
شهد .. بتوتر . وعليكم السلام انت فين يا عمر ؟؟
عمر .. بخوف عليها . في ايه يا شهد ؟؟
شهد .. في واحد بيسأل عليك وعايزك
عمر .. باستغراب . مين دا
_قبل ان تجيب شهد كان الهاتف بين يدي معز وتحدث هو بدل منها بعد ان ابتعد عن المكتبه بمسافه صغيره وتحدث في عصبيه خفيفه وقال
معز .. انت فين ياعمر ومجتش ليه ؟؟
عمر ..بعصبه . انت بتعمل ايه عند اختي وبعدين عرفت مكاني منين هاا
معز .. بغضب . عمررررر بقولك ايه انا دماغي هتتفرتك اقل من ربع ساعه تكون في المكان اللي بنتقابل فيه كل مره
عمر ..بغضب مكتوم . طيب يا معز
_اغلق معز الهاتف واعاده الي شهد ثم بعد ذلك ذهب الي السياره وانطلق بها
ملك .. باستغراب . مين دا يا شهد وكان عايز عمر في ايه ؟؟
شهد .. معرفش يا ملك
_اعلن الهاتف اتصال جديد اجابت شهد علي الفور وقالت
شهد .. مين دا يا عمر وكان عايز ايه ؟؟
عمر .. انتي فين يا شهد ؟؟
شهد .. باستغراب . انا عند ملك في المكتبه
_تنهد عمر في ارتياح بانها لاتوجد في الاعلي بمفردها وقال
عمر .. طيب متطلعيش غير لما اجي انتي سامعه
شهد .. حاضر بس هو في ايه يا عمر ؟؟
عمر .. متقلقيش وانا مش هتأخر ولما اجي هفهمك علي كل حاجه
شهد .. ماشي سلام
_اغلقت شهد الهاتف مع عمر ، تنهدت بتعب وقالت في نفسها
شهد .. يارب استرها معانا يارب يااارب
________________بقلمي ((ايمان عامر))
عند معز وعمر
_بعد مده من الزمن وصل عمر الي معز في المكان المعروف لديهم
معز .. بعصبيه . كل دااااا يا عمر احنا مش كنا متفقين اننا نتقابل الصبح
عمر .. ببرود . مكنتش فاضي وبعدين انا مش تحت امرك
معز .. فين الحاجه
عمر .. فين الفلوس
_اخرج معز المال بعد ان رمقه بغل واعطي له المال ، واعطي له عمر الحبوب
_بعد ان اخذ معز بعض الحبوب قال لي عمر بتوهان
معز .. انت لسه هنا بتعمل ايه ؟؟
عمر .. بعصبيه . انت اللي كنت بتعمل ايه عندنا ؟؟
معز .. بهدوء . كنت عايزني اعمل ايه وانا دماغي هتتفرتك ومش عارف اوصلك ولا بترد علي موبايلك
عمر .. ومين اللي عرفك العنوان
معز .. انت ناسي انا مين ولا ايه ؟ فاكر اني مش هقدر اجيب عنوانك
عمر .. بغيظ . لا عارف انك تبقي معز المغربي ، بس دا مش عليا اسمك وفلوسك مش عليا انت سامع والعنوان بتاعي تنساه خالص
معز .. عمر انا مش فاضي لكلامك دا عن اذنك عندي شركه
_صعد معز للسياره وانطلق بها . زفر عمر بغيظ منه وقال في نفسه
عمر .. يارب استرها معااها يارب انا مليش غيرها يارب
_______________بقلمي ((ايمان عامر ))
في ڤيلا المغربي
كانت تجلس وفاء وبجوارها حنين ، اتت اليهم الخادمه وقالت
الخادمه .. وفاء هانم الست سهي منتظره حضرتك في الصالون
حنين .. بزهق . استغفر الله هي كانت ناقصه سحليه هانم
وفاء .. بصرامه . حنين عيب كدا دي مهما كان خطيبه اخوكي وهتبقي مراته
انزعجت حنين من حديث والدتها وقالت بدعاء
حنين .. يارب تموت قبل اليوم دا ما يجي
وفاء .. بصرامه . حنين خلاص
وبعد ذلك وجهه حديثها للخادمه وقالت
وفاء .. خلاص روحي انتي يا هناء
_انسحبت الخادمه بهدوء
_وجهت وفاء حديثها الي حنين وقالت في صرامه
وفاء .. ايه اللي بتقوليه دا انتي اتجننتي
حنين .. مش بطقها يا ماما ومش عارفه ازاي دي هتكون مرات معز
وفاء .. هو عايزها وهي موافقه ايه مشكلتك ، يلا قومي
_قامت وفاء وحنين وتوجهوا الي الصالون
حنين .. مساء الخير
سهي .. مساء النور
وفاء .. ازيك يا سهي يا حبيبتي
سهي .. الحمد لله يا طنط حضرتك عامله ايه
وفاء .. الحمد لله يابنتي
سهي .. هو انكل ومعز مش هنا
حنين .. ببرود . لا مش هنا
سهي .. باحراج . اممم طيب متعرفيش هيجي امتي
حنين .. باستفزاز . لا انتي عارفه محدش يعرف ليهم مواعيد
سهي .. طب عن اذنكم ولما انكل يجي بلغوه اني كنت عايزا
وفاء .. باحراج . خليكي يا بنتي انتي لسه جايه
سهي .. معلش يا طنط مره تانيه مامي مستنياني
وفاء .. انتي كنتي عايزاه ضروري يا سهي ولا ايه ؟؟
سهي .. بزعل . بصراحه اه عايزه اعرف معز مبقاش معايا زي الاول ليه وبقي عصبي وكل ما اكلمه يا اما ميردش يا اما يتكلم بعصبيه ويقفل بسرعه
حنين .. بزعل عليها . تصدقي صعبتي عليا يا سحليه
سهي .. باستغراب . نعم !!
حنين .. بسرعه . قصدي سهي ،وليه بقي معز بيعمل كدا هاا ليه ؟
وفاء .. حنين اسكتي دلوقتي
_ووجه حديثها الي سهي وقالت
وفاء .. وهو ايه اللي هيغيره عليكي بالشكل دا يا سهي
سهي .. بزعل . معرفش والله يا طنط مبقتش فاهمه حاجه ولا عارفه هو بيعمل معايا كدا ليه ، قولت اكلم انكل يشوفلي حل
وفاء .. اهدي يا حبيبتي و انا هكلم محمد وان شاء الله خير
سهي .. ان شاء الله ، عن اذن حضرتك انا مطره امشي
وفاء .. خليكي يا حبيبتي .
سهي .. تسلمي يا طنط عن اذنك
وفاء .. اتفضلي حبيبتي
_ذهبت سهي الي الخارج ، جلست حنين ووفاء مره اخري
حنين .. تفتكري معز متغير معاها ليه
وفاء .. مش عارفه هو انا كنت معاهم ، بس فعلا اخوكي متغير بقاله فتره
حنين .. بتنهيده . فعلا يا ماما
_تذكرت حنين موقف الصباح ولكن رفضت التحدث فيه امام والدتها
________________
وبكدا خلص الفصل رايكم وتوقعاتكم للي جااي .. ؟؟
ممنوع النشر بدون اذني
💔نهايه الحرام 💔بقلمي ((ايمان عامر ))