((نهايه الحرام )) بقلمي ((ايمان عامر ))

((الفصل الثاني عشر ))((نهايه الحرام))

((الفصل ال 12))
((نهايه الحرام))
بقلمي (( Eman Amer))

في غرفه شهد
_كانت شهد تبكي بسبب ما قاله لها معز ، دخلت لها وفاء في حزن مما كانت تفعله معها ، استغربت شهد دخولها وقالت في احترام
شهد .. اتفضلي حضرتك
_دخلت لها وفاء وجلست بجوارها علي الاريكه وتحدثت في حنان وهي ترتب علي كتفها وقالت
وفاء .. عامله ايه دلوقتي يا بنتي
شهد .. باستغراب . ا.الحمد لله
وفاء .. انا عارفه انك مستغربه وجودي بس انا كنت بتصرف كدا علشان دا ابني ، وانتي كلها كام شهر وهتكوني ام ، وبعدين معز ابني البكري وكنت عايزه افرح بيه في فرح كبير وباللي حصل دا ضيع فرحتي ، فمتزعليش لو قسيت عليكي شويه
شهد .. انا مقدره موقف حضرتك ومش زعلانه والله واي ام مكانك كانت هتعمل كدا
وفاء .. بابتسامه . ماشي يا حبيبتي وربنا يريح قلبك ويقومك بالسلامه
_في هذا الوقت دخل معز وكان علي وجهه علامات الندم مما قاله ، واستغرب ايضا من وجود والدته وقال في قلق
معز .. امي حضرتك بتعملي ايه هنا
وفاء . بحده . وانت مش عايزني اجي هنا ولا ايه
_كان معز ينظر الي والدته وشهد ، خوفا من ان تكون قالت لها كلام جارح
معز .. العفو يا امي بس انا استغربت وجودك
وفاء .. عادي جايه اقعد مع ام ابنك شويه ، وبعدين انت بتتكلم معايا ليه اصلا
معز .. باستغراب . يعني ايه ؟؟
وفاء .. بحده . يعني متتكلمش معايا انا بجد مصدومه فيك وفي اللي عملته في الغلبانه دي
_انصدم معز من كلام وفاء له ، كان ينظر لشهد بحيره من الذي قال لها ؟؟ وتحدث بتوتر خفي وقال
معز .. وهي الغلبانه دي عملت فيها ايه ؟؟؟
وفاء .. بصرامه . يعني مش عارف عملت فيها ايه ، مفيش داعي تداري يا معز ابوك حكالي علي كل حاجه ، بجد مكنتش مصدقه انه بيتكلم عن ابني اللي ربيته علي ايدي وعلمته الحلال من الحرام
_كان معز ينظر الي شهد بحزن ، وتحدث في توتر وقال
معز .. يا امي والله مكنتش ف....
وفاء .. بمقاطعه وغضب . مكنتش ايه هااا مكنتش ايه بقي علي اخر الزمن تتجوز واحده مغصوبه عليك ليه هااااا ، طب علي الاقل خاف علي اختك وخاف من الزمن محدش عارف بكرا في ايه يمكن نبقي فقرا والزمن يلف وواحد يجي يهدد اختك بيك ، انت هترضاها عليها تتجوز واحد غصب عنها علشان تحميك هااااا
معز .. بحيره . اتجوزت مين غصب ومين هيتجوز غصب انا مش فاهم حاجه
وفاء .. بغضب . مش فاهم ايه ، مش فاهم اللي انت عملته في الغلبانه دي ، ولا بتستعبط عليا علشان معرفش حاجه هااا
معز .. يا امي انا مش عارف ايه اللي وصلك وليه بتقولي كدا فهميني طيب
وفاء .. ابوك قالي علي كل حاجه وبلاش لف ودوران وانت عارف انت عملت ايه اكيد يعني مكنتش مغيب ولا ايه
_كان معز في حيره لا يعرف ماذا قال والده لها ، وبعد شكه في ان والدته لا تعرف شي وتعرف شي اخر فضل الصمت الي ان يتوصل الي ما عرفت حتي لا يخرب كل شي ، كانت شهد جالسه مكانها كانت حزينه علي ما يحدث لها ، تحدث معز بهدوء حتي لا يفتضح امره وقال
معز .. ممكن اعرف بابا قالك ايه
وفاء .. علي اساس انك مش عارف ولا ايه ؟؟؟
معز .. بتهرب . لالا عارف بس يعني عايز اعرف قالك ايه
وفاء .. قالي علي كل حاجه ، وقالي انها ضربتك بالقلم ، وانك اتجوزتها غصب علشان ترد كرامتك ، حكالي الموضوع كله
معز .. باستغراب . مين اللي ضرب مين ؟؟
وفاء .. شهد مراتك ضربتك انت
معز .. بصدمه . بجد امممم
وفاء .. بس تصدق حلال فيك الضرب والله انت بنت جدعه
_ابتسمت شهد لحديث وفاء ، وحمدت ربها ان محمد المغربي لم يقول لها ما حدث معهم ، لتظل كرامتها محفوظه
معز .. الله يسامحك يا امي بقي جايه معاها عليا دا انا ابنك
وفاء .. بابتسامه . وهي بنتي التانيه ، ومرات ابني ، والاهم من دا كله انها ام حفيدي اللي جاي ، يعني معزتها اكتر منك يا حبيبي
معز .. ايه دا بقي احنا فينا من كدا ولا ايه
_ابتسمت شهد لها ، ضمتها وفاء اليها وجعلتها داخل احضانها وقالت في حنان ام
وفاء .. من النهارده تعتبريني زي مامتك الله يرحمها ، واي حاجه تعوزيها تطلبيها مني علطول ماشي يا حبيبتي
شهد .. بابتسامه . انا مبسوطه انك هتعتبريني زي بنتك متعرفيش فرحتي قد ايه دلوقتي وانتي ضماني كدا ، وباذن الله هكون مع حضرتك زي بنتك حنين
وفاء .. بزعل مصطنع . ايه دا بقي ايه حضرتك اللي بتتقال دي ، انتي تقوليلي يا ماما زي معز وحنين
شهد .. بحزن . ماشي يا امي
وفاء .. حبيبتي كلمت امي طالعه منك زي العسل زيك كدا ،
_ابتسمت شهد وهي في داخل احضان وفاء ، وكان معز مبتسم بتغير العلاقه بين والدته وبين شهد علي الاقل يستطيع ان يتركها ويذهب الي العمل وهو مطمأن عليها ، تحدث معز وقال
معز .. علي فكره انا غيور جدا جدا هااا
وفاء .. وياتري غيران علي مين فينا
_نظر معز الي شهد وقال بابتسامه حب وغمز لها
معز .. بغير عليكم انتم الاتنين
_ نظرت لهم وفاء في فرحه وقالت بابتسامه ومشاكسه
وفاء .. ياااا راجل علينا احنا الاتنين ، ولا علي مراتك
معز .. هههههه انتي عايزه ايه
وفاء .. عايزاك تنزل انت وام ابنك علشان ناكل كلنا تحت
_ابتعدت شهد قليل عنها ولكن مازالت بجوارها وقريبه منها ، وقالت
شهد .. معلش مش هقدر انزل مليش نفس اكل
وفاء .. ليه يا حبيبتي ، دا انتي من اول ما جيتي وانتي اكلتك ضعيفه كدا ، انتي لازم تتغذي علشان الحمل
معز .. قوليلها يا امي لاحسن انا غلبت معاها
_نظرت له شهد بغيظ من كلامه ، ووجهه نظرها الي وفاء وقالت في هدوء
شهد .. بجد يا امي مش هقدر اكل
وفاء .. طيب ايه رايك اخلي الداده تطلعلك الاكل هنا
_حاولت شهد الاعتراض ولكن قطع حديثها ، كلام معز وهو يقول
معز .. ماشي يا امي خلي الداده تطلع الاكل وانا هتصرف
وفاء .. حاضر يا ابني يلا عن اذنكم
_ذهبت وفاء الي الاسفل ، بينما نظرت شهد الي معز بغيظ وقالت
شهد .. انت مبتفهمش انا قلت مش هقدر اكل ولا هو حتي الاكل بالغصب زي كل حاجه
معز .. بتنهيده . مش غصب والله يا ام ابني ، بس انا خايف عليكي تتعبي ولا تضعفي وانتي من سعت اما جيتي هنا وانتي مش بتاكلي ، واحنا بقلنا هنا يومين
_نظرت له شهد بحزن وتنهدت بحزن وظلت صامته
_________________
في الاسفل
_نزلت وفاء الي الاسفل وامرت الخادمه بان تجهز طعام اخر وتصعد به الي غرفه معز ، ثم جلست وفاء بجوار محمد المغربي ، وعلي الجهه الاخري كانت تجلس سهي وكانو يتناولو الطعام ، تحدث محمد في تسأل وقال
محمد .. امال فين معز منزلش يعني
وفاء .. خليت الدادا تطلع ليهم اكل فوق
محمد .. امممن طيب
سهي .. بهمس وغيظ . حضرتك يا طنط تخلي حد يطلعلها الاكل ، انتي غيرتي الاتفاق ولا ايه
وفاء .. بهمس وتوتر . لالا بس يعني قولت نتعامل معاها كويس علشان لما معز ينزل الشغل ميكنش قلقان عليها ويطمن اني بعمالها كويس
سهي .. اممممم افتكرت انها عرفت تخدعك بدموعها دي
وفاء .. بابتسامه متوتره . لا متقلقيش
_ثم نظرت الي محمد الذي ابتسم لها ليجعلها تطمأن ، ردت له الابتسامه واكملت الاكل ، تحدثت حنين بحماس وقالت
حنين .. بابي عمر اخو شهد هيجي بكرا وهيذاكر ليا فرنساوي
محمد .. بهدوء . ما انا قولتلك اجيب ليكي دكتور متخصص في الماده انتي اللي رفضتي
حنين .. انت عارف يا بابا اني مش بفهم بسوله وبعدين شهد قالت ان شرحه حلو وممتاز
محمد .. ماشي يا حبيبتي ، بس اهم حاجه عايز مجموع حلو وتقدير عالي زي كل سنه
حنين .. بفرحه . متقلقش يا بابا ان شاء الله خير
_______________________
في غرفه معز
_وضعت الخادمه الطعام علي الطاوله واستأذنت وذهبت الي الاسفل
_اخذ معز الطعام ووضعه بجوار شهد وقال لها في حنان
معز .. اتفضلي كلي
شهد .. استغفر الله ، انا مش فاهمه انت بتفهم بالشقلوب ولا ايه
معز .. بغيظ . لا بفهم معدول ، بس الاكل زي ما قولت ملهوش علاقه باي حاجه
شهد .. وانا مش عايزه ، ومش هاكل غصب عني
معز .. طيب انتي حره ، بس مفيش عمر بكرا بقي وخليه مرتاح في البيت ، وخليها بقي اسبوع تاني عقبال ما يخلص شغل علشان تعرفي تقضي اليوم معاه
_نظرت شهد له بغيظ واخذت الطبق وظلت تأكل منه وهي تنظر له بنظرات غاضبه ، لم يهتم معز الاهم لديه انها تأكل وتكون بصحه جيده
معز .. بابتسامه . هههههههه مكنتش اعرف انك بتحبي عمر كدا
شهد .. بحزن . الحاجه اللي فاضله ليا في الدنيا
معز .. ربنا يخلهولك يارب ويخليكي ليا
شهد .. ببرود . ربنا ياخدك
_بعد فتره انتهت شهد من الاكل وصعدت الخادمه واخذت الاطباق ونزلت الي الاسفل
_ذهبت شهد للنوم علي الفراش ، بينما معز توجه الي الاريكه
______________
انتهي مساء هذا اليوم ،،،، ولكن مع كل صباح جديد احداااث جديده
__________________
وبكدا خلص الفصل ،، رايكم وتوقعاتكم ؟؟؟؟؟
ممنوع النشر بدون اذني
💔نهايه الحرام 💔 بقلمي ((ايمان عامر))