((نهايه الحرام )) بقلمي ((ايمان عامر ))

((الفصل الثاني والعشرون ))((نهايه الحرام))

((الفصل ال 22))
((نهايه الحرام ))
بقلمي ((Eman Amer ))

عمر .. بصي يا حنين بصراحه كدا وبدون مقدمات علشان انا مش بحبها انا معجب بيكي و عايز اتجوزك
حنين .. بصدمه . قولت ايه
عمر .. بقول تتجوزيني
_نظرت له حنين في ارتباك واضح وكان وجهها احمر بسبب الخجل وكانت ملتزمه الصمت
عمر .. مالك ساكته ليه
حنين .. بتوتر . مفيش بس هي الناس بقيت تتقدم للبنات كدا وبالطريقه دي
عمر .. بتفهم . انا عارف اني المفروض اكون عندكم في البيت حاليا ، بس حبيت اعرف رائك الاول قبل ما اتقدم
حنين .. بس انا معرفكش ، ومتعملناش مع بعض ، كل اللي اعرفه انك اخو مرات اخويا واللي هي كمان متعملتش معاها غير فتره صغيره ، انت فاهم قصدي
عمر .. بابتسامه . امممم فاهم ومقدر كل دا ، وعارف انك عايزه مساحه في التعارف
حنين .. بتوضيح . مش كدا ، بس انا مقدرش اخد قرار بسرعه كدا ومن غير ما اكون متأكده من قراري
عمر .. وانا مش مستعجل خدي وقتك في التفكير واي قرار هتخديه انا موافق عليه
_ابتسمت حنين له في خجل ، تحدث عمر وقال
عمر .. طيب ممكن في الفتره اللي هتفكري فيها تعتبريني زي اخوكي واني اطمن عليكي ، وكمان فرصه تتعرفي عليا وتعرفي كل اللي انتي عايزاه
حنين .. بابتسامه . اكيد طبعا
عمر .. طيب ممكن رقمك بقي علشان اطمن عليكي
_اعطت له حنين رقمها وكانت في قمه السعاده ، وبعد ذلك قالت له في تسأل
حنين .. هو كدا بعد المشكله اللي حصلت امبارح مش هتقدر تذاكر ليا تاني
عمر .. بهدوء . مش عارف والله خصوصا ان شهد هتفضل الفتره دي بعيده عن الڤيلا ، بس احنا ممكن نتقابل في اي مكان وهكون معاكي في الماده متقلقيش
حنين .. بس معتقدش ان ممكن معز يوافق او بابا
عمر .. مش لازم يعرفو ، وبعدين هي مش فتره طويله ، كلها شهر والامتحانات تبداء ، وكمان انتي حره اللي يعحبك
حنين .. ببابتسامه باهته . تمام مفيش مشكله
عمر .. بابتسامه . تمام يلا اشربي النسكافيه علشان ارجعك الجامعه قبل ما والدك يوصل هناك
_تناول كل منهم مشروبه وبعد ذلك اوصلها عمر الي الجامعه مره اخري ، وبعد ذلك ذهب الي عمله
_وصل محمد المغربي امام الجامعه ، وكانت حنين تنتظره ، استقلت السياره بجانب والدها في الخلف وكانت مبتسمه وقالت
حنين .. حبيبي وحشتني
محمد .. بابتسامه . يابكااشه دول هما يادوب كام ساعه بس
حنين .. بضحكه خفيفه . انت متعرفش الكام ساعه دول عدو عليا ازاي وانت مش معايا
محمد .. هههههههه وايه بقي سر السعاده وانتي الصبح كانت التكشيره منوره وشك
حنين .. هههههههه ماشي ماشي ، وعلي العموم مفيش بس مبسوطه
محمد .. ربنا بيسطك كمان وكمان
حنين .. امين يارب ، صحيح معز كملني وكان عايز حاجته وحاجت مراته من الڤيلا وعايز حد يوصلهم ليه
محمد .. بتنهيده . اممممم مفيش مشكله جهزيهم وانا هبلغ السواق يوصلهم
حنين .. ممكن يا بابي اروح انا
محمد .. اه طبعا مفيش مشكله بس عرفيه انك رايحه علشان يبقي عارف
حنين .. حاضر يابابي
_وصل محمد المغربي وحنين الي الڤيلا وكانت وفاء تنتظرهم في الصالون
محمد .. مساء الخير
وفاء .. مساء النور
حنين .. ازيك يا مامي
وفاء .. الحمد لله ، ابلغهم يجهزو الغدا
محمد .. ياريت لاني جعان جدا
حنين .. متعملوش حسابي انا يادوب الحق اجهز واجهز الحاجه علشان متأخرش
وفاء .. باستغراب . حاجه ايه دي وتتأخري علي ايه
محمد .. بهدوء . معز طلب منها حاجت مراته وهي هتجهزهم وتوديهم
وفاء .. اممممم طيب ما تخلي السواق يوصلهم
حنين .. مامي بليز انا عايزه اروح علشان عايزه اقعد معاه شويه
وفاء .. طيب اللي يريحك ، عن اذنكم هشوف الاكل
_ذهبت وفاء وكانت ملامح الحزن مرسومه علي وجهها ، وذهب محمد المغربي للاعلي لتبديل ملابسه ، وذهبت حنين لغرفه معز وجهزت لهم كل شي ووضعته في حقيبه كبيره ، وبعد ذلك ابدلت ملابسها وذهبت الي معز ...
__________________
عند معز في الشقه
استيقظ معز علي صوت الهاتف ، رد بنوم وهو يقول
معز .. الو
حنين .. انت لسه نايم !!
معز .. عايزه ايه اخلصي
حنين .. وهعوز منك ايه يعني ، بابا قالي اني ابلغك اني جايه مش عارفه ليه يعني بس ما علنيا
معز .. طيب ، انتي فين كدا
حنين .. اقل من نص ساعه واكون عندك
معز .. تمام ، سلام بقي
حنين .. سلام
_اغلق مع حنين الهاتف ، ونظر في ساعته ووجدها الرابعه والنصف ، قام من الفراش وتوجه الي المرحاض وبعد فتره خرج ، وكانت توجد رائحه طعام طيبه ، توجه الي المطبخ ووجد شهد تقف وتعد الطعام
_كانت ترتدي بنطلون برموده من اللون الرمادي وكان خاص لمعز وكان بالنسبه لها بنطلون كامل ، وكانت ترتدي سوي تيشرت بكم من اللون الاسود ، غير متناسق مع البرموده ، وكانت تشمر جزء من الاكمام حتي يكون مناسب مع زراعها القصير بالنسبه لمعز ، وكانت ترتدي قبعه صغيره علي شعرها وكانت اطراف شعرها ظاهره ، كان شكلها جميل جدا ومغري ، تخيل معز للحظه ان زواجهما طبيعي ويذهب اليها ويضمها اليه ، ويقبلها بقوه
_اقترب منها بهدوء ووضع يديه بخفه علي خصرها
_شهقت شهد بقوه اثر لمسته ، ابتعد هو علي الفور ورفع يديه باستسلام وقال
معز .. سوري ، سوري بجد مكنش قصدي
_نظرت له شهد ووضع يديها علي صدرها تحاول ان تأخذ نفسها وقالت بتقطع
شهد .. حرام عليك خضتني
معز .. بابتسامه . حقك عليا مكنتش اعرف ان قلبك خفيف كدا وبتتخضي بسرعه
_تحدثت شهد وهي ما زالت تأخذ نفسها بصعوبه وقالت
شهد .. دا الطبيعي يعني ، بعيد عن اني بخاف المفروض انك نايم وانا لوحدي في الشقه
معز .. بابتسامه . ايوا يعني هو النايم دا مش بيصحي ولا بيفضل نايم علطول
شهد .. لا اكيد بيقوم ، بس بيعمل صوت مش كدا
معز .. امممم ، خلاص المره اللي جايه هبقي اعمل صوت
_صرخت شهد بقوه ، وهي تلتفت الي الاكل وقالت
شهد .. الله يسامحك نسيت الاكل
معز .. بحب . والله لو هيتحرق هيطلع طعمه جميل جدا علشان هيكون من ايدك
_نظرت له شهد بخجل ، وبعد ذلك عادت بنظرها الي الاكل ولم ترد عليه. ، ابتسم معز وقال لها في هدوء ، تحبي اساعدك في حاجه
شهد .. اه ياريت لو بس تجبلي اطباق احط فيها الاكل ، هي تقريبا فوق وانا مش عارفه اجبهم
معز .. هههههههه ومش عارفه تجبيهم ليه صغيره
شهد .. بغيظ . لا طبعا بس انا حامل وممنوع الحامل تجيب حاجه بعيده عليها
معز ... ههههههه بجد !! يعني مش علشان قصيره ومش عارفه تجبيهم
شهد .. بثقه . لا طبعا ، وبعدين مالهم القصيرين دا مفيش احلي منهم ولا عندك اعتراض
معز .. باستسلام . لالا ولا اعتراض ولا حاجه ، وبعدين كفايه شكل العثل دا وانتي بالهدوم دي ، بجد اول مره اشوف واحده قصيره جميله كدا
شهد .. بتهرب وتوتر . ط طب يلا هات الاطباق خليني اكمل باقي الاكل
_احضر لها معز الاطباق ووضعهم علي الرخام وقال في حب
معز .. اي خدمه تانيه
شهد .. اه امسك المعلقه دي وافضل قلب في الصلصه وانا هغسلهم لان شكلهم متشال من فتره طويله
معز .. امممم من يجي كدا 15 سنه اكتر اقل مش فاكر قوي
_اخذ منها الملعقه ، واخذت هي الاطباق لكي تغسلهم ، وبعد الانتهاء منهم قالت
شهد .. هات بقي انا خلصت
معز .. امسكي
_اعطها معز الملعقه وابتعد عنها واسند بظهره علي المطبخ الخشبي وقال
معز .. بحب . هموت واعمل حاجه بس خايفك لتزعلي
شهد .. بطلاقه . اقسم بالله لو قربت مني وبوستني هضربك بالمعلقه السخنه في وشك
معز .. ههههههههه انا مكنش قصدي كدا ، بس لو عايزاني ابوسك مفيش مشكله
شهد .. بحرج . ه.ها . ا.ايه ا.انا
معز .. ههههههه علقتي ولا ايه انا كانت نيتي سلميه بس الظاهر انك .. يلا بقي بلاش هههههههه
شهد .. بغيظ . لا والله !!
معز .. بابتسامه . اه والله ، المهم
شهد .. المهم ايه
معز .. كنت عايز هدومي اللي انتي لابساها دي لاني عايز اغير هدومي دي
شهد .. بحرج . نعممم ، عايز ايه ، علشان تعرف بس ان نيتك مش تمام
معز .. ههههههههه ، الله هدومي وانا حر فيها
شهد .. في هدوم كتير في الدولاب ادخل هات وغير ، الدنيا موقفتش علي دول بس
معز .. والله بعد ما شوفتك لابساهم الدنيا وقفت عليهم
شهد .. بحرج . احترم نفسك
معز .. هههههههههه ما انا محترم اهو ، والله ما عارف ازاي انا هادي كدا وربنا مصبرني عليكي وانتي بالجمال دا
شهد .. بتزمر . معععععز ارجوك بلاش كدا
معز .. بتنهيده حزينه . انتي عامله اكل ايه
شهد .. عامله طاجن لحمه ومحره رز وعملت حبه سلطه
معز .. امممممم دي اكلت حنين المفضله هتيجي تفترس الاكل دلوقتي
شهد .. بابتسامه . بالف هنا عليها ، طب كلمها خليها تيجي
معز .. هي جايه في الطريق اصلا
_شهقت شهد بقوه عندما صعدت بعض فقعات من الصلصه علي يديها
_انتفض معز في وقفته وتقدم منها واغلق النار وقال في خوف
معز .. تعالي تعالي
شهد .. انا كويسه ، دي لسعه خفيفه مش مستاهله
معز .. طيب تعالي اغسلي ايدك الصلصه سخنه جدا
_وضع يديها تحت صنبور الماء البارد ، وبعد فتره ازالت شهد يديها وقالت
شهد .. المايه ساقعه وانا بردانه خلقه
معز .. طب تعالي احطلك مرهم
شهد .. بجديه . لا مش مستاهله بجد ، عادي يعني
_ لم يرد عليها معز ، وهو يعلم ذلك ولكن كان يريد اي فرصه للتقرب منها ولمس يديها وكان يبتسم داخله بخبث
_احضر معز مرهم جروح ، وجاء اليها ، وامسكها من خصرها وحملها بخفه ووضعها علي الرخامه ووقف امامها ووضع لها المرهم ، وبعد الانتهاء قال في حنان
معز .. احسن دلوقتي
شهد .. بتألم . كنت كويسه قبل المرهم ، بص دي بقللت
معز .. هههههههه معلش وبعدين دي صلصه ، شويه واكيد هتخف
شهد ..  ماشي ، علي فكره عينك وحشه قوي
معز .. باستغراب . ازاي يعني
شهد .. ببراءه . من الصبح تقولي شكلك حلو شكلك كيوت ، شكلك مش عارفه ايه بالهدوم دي ، شكلك مش عارفه ايه وانتي قصيره واديني اتحرقت ينفع كدا
معز .. ههههههههههه هههههههه حقك عليا ، مش هقولك شكلك حلو تاني ، بس بجد بجد يعني طالعه زي القمر
شهد .. بهزار . كفااايه كفااايه لاحسن الشقه هتولع بعد كداا
معز .. ههههههه خلاص هسكت ، المهم هو الاكل كدا خلاص خلص ولا لسه
شهد .. لا خلاص بس هحط الصلصه في طاجن وهحطه في الفرن وشويه ويطلع
معز .. طب خليكي وانا هعمله
_ احضر معز الطاجن ووضع بيه الصلصه وداخلها قطع اللحمه ووضعه بالفرن
_نظر الي شهد ووجدها تهز قدماها وتقول له ماذا يفعل ، وبعد الانتهاء تحدث اليها وقال
معز .. تعالي بقي نقعد بره عقبال ما يجهز
شهد .. طيب
_اقترب منها معز بقوه ووضع يديه علي خصرها بهدوء وقال
معز .. احسن دلوقتي
شهد .. بخفوت . اممممم
_ضغط معز علي خصرها بخفه وتملك واقترب من وجهها وكانت انفاسه متقطعه وكان ينظر في عينيها بحب ، كانت متخدره من لمساته وانفاسه ، اقترب من وجهها بقوه اغمضت شهد عيونها بخفه واستسلام وقبل ان يقبلها دق جرس الباب
_انتبهت شهد علي وضعهم ، ابعدت وجهها عنه ووضعت كفيها علي صدره وقالت في ترتر وخجل
شهد .. الباب
_لعن معز في سره ، وابتعد عنها ولكن مازال يحاوط خصرها وتحدث في خيبه امل واحباط وتوعد للطارق وتنهيده حاره ومحاوله منه لتنظيم انفاسه وقال
معز .. اكيد دي حنين
_ رفعها معز وانزلها بهدوء علي الارض وذهب لكي يفتح لشقيقته ، وقال في غيظ منها
معز .. اوقاتك زفت خالص يلعن ابو شكلك
حنين .. باستغراب . متأخرتش كتير علي فكره
معز .. ياريتك اتأخرتي ولا ما جيتي اصلا ، ادخلي ادخلي
_نظرت له حنين باستغراب لم تفهم ماذا يقول ، ودخلت وصعد السائق خلفها وهو يحمل الحقيبه وبعد ان وضعها انصرف الي الاسفل
_دخلت حنين والتقت لشهد وضمتها اليها وقالت بابتسامه
حنين .. حبيبتي عامله ايه ، والف سلامه عليكي
شهد .. الله يسلمك حبيبتي ، الحمد لله دلوقتي احسن كتير
_دخل معز خلفها وقال
معز .. هروح اصلي العصر ، وخلي حنين هي اللي تجهز الاكل وابعدي انتي عن الاكل السخن
حنين .. اشمعنه انا يعني ، وبعدين في ايه انتي حصلك حاجه
شهد .. لا حبيبتي بس اتلسعت من الصلصه مش اكتر ، تعالي تعالي
_دخلت شهد وحنين الي الصالون ، وذهب معز الي غرفته لكي يؤدي فرضه
_وبعد فتره تم تجهيز الطعام ووضعه علي السفره ، وجلس الكل وكانت حنين تأكل بشراهه
معز .. بقرف . براحه يا طفسه الاكل مش هيطير
حنين .. وهي تأكل . الاكل طعمه حلو قوي قووي يعني
معز .. بقرف . يخربيتك يا مقرفه
شهد .. ههههههه بالف هنا حبيبتي ، عمر كمان بيحب الاكله دي قوي
_شرقت حنين فور كلمه شهد ، ناولتها شهد الماء وقالت بخضه
شهد .. انتي كويسه
حنين .. بهدوء . ااه اه كويسه
شهد .. بهزار . قولتلك عينك وحشه مصدقتنيش البت كانت هتموت في الاكل
معز .. هههههه لا دي مش عين دي طفاسه انتي شايفه هي بتاكل ازاي اصلا
حنين .. الله اكبر في عيونك
_اكمل الكل الطعام وبعد ذلك توجهه معز الي الصالون ليشاهد التلفاز ، وذهبت حنين وشهد وصنعو الشاي وبعد ذلك انضموا الي معز
_كانت نظرات معز متوجهه الي شهد مما زاد ربكتها وقالت بدون وعي
شهد .. ايه رايك يا حنون تفضلي معانا النهارده ونجيب موكا بكرا ونقضي اليوم كلنا
_نظر لها معز بغيظ وعاود بنظره الي التلفاز مره اخري ولم يتحدث
حنين .. مش عارفه ممكن مامي تعترض
شهد .. ليه بس هو انتي قاعده عن حد غريب ، انتي مع اخوكي
حنين .. ايه رايك يا معز
معز .. بغضب مكتوم. براحتك اسأذني منهم وانتي حره
شهد .. يلا بقي كلميهم ، وكدا كدا عندك اجازه بكرا
حنين .. طيب ، عن اذنكم اكلمهم
_ذهبت حنين الي الشرفه واخذت الهاتف الخاص بها وهاتفت والدها لكي تستأذن منه
_نظر معز الي شهد وقال في هدوء مخيف
معز .. النهارده هتبات معاكي ولو ممكن بكرا ، بس باقي الايام هنكون لوحدنا ، وزي ما قولت قبل كدا لو عايز اعمل حاجه هعملها
شهد .. بخوف . ا.انا مش قصدي حاجه ا.انا عايزاها عادي يعني نقضي اليوم كلنا سوا
معز .. امممممم طيب
_انضمت لهم حنين وقالت
حنين .. بابي وافق بس النهارده بس
_نظر معز الي شهد وابتسامه ساخره ظاهره علي شفتيه ، تحدثت شهد في ارتباك من نظرته وقالت
شهد .. طب كويس تعالي بقي نقعد جوا
_امسكتها من معصمها ودخلت بها للداخل هاربه من نظرات معز لها
_تنهد معز بهدوء ، واخذ يتناول مشروبه في هدوء
_ بعد فتره من قضاء الوقت ، ذهبت كل من حنين وشهد في النوم

((انتهي مساء هذا اليوم ولكن مع كل صباااح جديد وشمس جديده احداث جديده ))
________________
وبكدا خلص الفصل ،، رايكم وتوقعاتكم ... ؟؟؟

وبالنسبه للي حصل في المطبخ ،،، هو دا بيحصل في الجواز فعلا ولادي اشاعات طالعه عليكم وظلم من الناس وبتفتري عليكم بالكلام 😍😍😂😂

ممنوع النشر بدون اذن
💔نهايه الحرام💔 بقلمي ((ايمان عامر ))