((نهايه الحرام )) بقلمي ((ايمان عامر ))

((الفصل ال 37)) ((نهايه الحرام))

الفصل ال 37
نهايه الحرام
بقلمي Eman Amer

_# اكيد الكل افتكر اني مش هنزل صح 😂😂 .. الفصل اهوو وبقالي حوالي 6 ساعات بنقله علي الفون بس ،، لاني كتباه في كشكول خارجي ،، اشوووف بقي تفاااعل يضيع التعب دااا .... وبشكر كل اللي سأل عليا
واخيرا ... اللهم اشفي كل مريض لا يعلم بحاله الا انت ...... 💔💔

عمر .. باستغراب . في ايه؟؟! وواقفه كدا ليه ؟؟!
_وقفت حنين بصدمه من وجود عمر امامها ، لم تتوقع قدومه في هذا الوقت وبالتحديد في وجود معز
_لم ترد عليه ولم تعرف بماذا تجيبه لعنت شقيقها بداخلها علي هذا الموقف وكادت ان تبكي ، فاقت علي صوت عمر وهو يقول
عمر .. باستغراب . مالك يا حنين في ايه
حنين .. بتوتر . هاا مفيش
عمر .. باستغراب اكبر . امال مش بتردي ليه ؟؟ وبعدين من امتي وانتي بتشربي قهوه
حنين .. بخوف . دي مش ليا
عمر .. لمين ؟؟!! احنا عندنا ضيوف ولا ايه ؟؟
حنين .. ايوا ، معز موجود جوا
عمر .. بتفهم . اممم طيب وفيها ايه تعالي ندخله
_ارتبكت حنين لعدم وجود معز في الصالون ، ولكن حمدت ربها عندما وجدت صوت معز قريب منهم نظرت له ووجدته يخرج من الشرفه وكان ينهي مكامله مع احد الاشخاص
_اقترب منهم معز وصافحه عمر ورحب به
عمر .. ازيك يا معز عامل ايه
معز .. بابتسامه . الحمد لله ، انت عامل ايه ؟
عمر .. الحمد لله ، واقف ليه تعالي ندخل
معز .. لا خليها مره تانيه عندي مشوار كدا
عمر .. ماشي اجله شويه ، مش هيجري حاجه
حنين .. بترجي . اه يامعز ، واقعد اتغدي معانا الاكل جاهز
معز .. بابتسامه . بالف هنا عليكم ، بس مش هقدر والله خليها مره تانيه
_وقفت حنين مع شقيقها في الخارج بعد محايلات كثيره من عمر للبقاء معهم ولكن صمم معز علي موقفه ورحل
حنين .. انت كنت فين ؟؟!
معز .. بهدوء . كان معايا مكالمه
حنين .. بخبث . دورت عليك ملقتكش ، كنت عندها صح
معز .. هههههه شوفتيني خارج من عندها ولا من البلكونه
حنين .. امممم ماشي بس بردوا انا مشفتكش في البلكونه اول مره
معز .. بابتسامه . علشان مكنتيش لابسه النضاره بس ، يلا سلام
حنين .. بعيظ . علي فكره انا مش عاميه هااا ، وحوار المكالمه دا مش داخل دماغي
معز .. ههههه هههه انتي عايزه ايه
حنين .. بخبث . كنت عندها صح ، ماهو مش معقول تيجي وتمشي من غير ما تشوفها
معز .. بهدوء مستفز . لا ، وادخلي يلا عايز انزل
حنين .. بغيظ . امممممم كداااب كبيررر يا معز
معز .. ههههههه هههههه سلام
حنين .. بابتسامه . سلااام سلملي علي مامي
_ذهب معز للاسفل وبعدها دخلت حنين للداخل واغلقت الباب خلفها ووجدت عمر ينظر لها بترقب وعلامات الغضب مرسومه علي وجهه
_بلعت ريقها حنين بخوف وتحدثت اليه بابتسامه مهزوزه وهي تهرب من نظراته وقالت
حنين .. في ايه واقف كدا ليه ؟؟
عمر .. ايه اللي رجع شهد بدري كدا ؟ واخوكي هنا من امتي ؟؟
حنين .. باستغراب . انت بتقول ايه ؟؟ انت مش عايزه يجي ولا ايه ؟؟ لو مش عايزه في بيتك هقوله حاضر
عمر .. بغيظ . انا قولت كدا ؟؟! ياريت يا حنين متجوديش من عندك انا مقولتش كداا
حنين .. بجد ؟ امال قصدك ايه بقي ؟!
عمر .. بغيظ . قصدي واضح اخوكي هنا من امتي ومكلمتنيش ليه ؟؟
حنين .. يادوب مكملش ساعه ، ومكلمتكش ليه علشان دا اخويا وجاي عندي مش حد غريب ، ولا انت عندك رأي تاني
_نظر لها عمر بغيظ ولم يرد عليها ، ولكن توجهه الي غرفه شقيقته ،فتح الباب بقوه افزعتها واضاء الغرفه وتحدث بصوت مرتفع جعلها تنتفض من مكانها وقال
عمر .. من هنا ورايح مفيش شغل في الشركه دي تااني انتي سامعه
_ابتعدت شهد عن الفراش ووقفت امامه في صدمه من غضبه الذي من وجهه نظرها بدون مبرر وقالت في هدوء نوعا ما
شهد .. ليه ؟ عمر هو مش احنا اتكلمنا في الموضوع دا الصبح
عمر .. وقولتي مليش علاقه بمعز ولا بشغله صح
شهد .. ايوا ودي الحقيقه انا شغلي مع والده
عمر .. بسخريه . بجد ؟؟! امال خرحتي من مكتبه معيطه ليه لما شغلك مع ابوه ؟؟ وارجوكي بلاش كدب
شهد .. بتوتر . انت بتراقبني ؟؟!
عمر .. بغضب . لا بقولك ايه مترديش سؤال بسؤال ، انا خلصت شغل وعديت علي الشركه وسألت عليكي قالوا انك مشيتي بعد دخولك الشركه بساعتين بس وكنتي معيطه وسياتك بقالك كتير شغاله معاهم وعمرها ماحصلت ايه الجديد بقي غير وجود معز هاااا
شهد .. بفزع . اااا.انا مش هسيب شغلي
عمر .. بغضب . وانا مش هفضل في الدوامه دي كتير
شهد .. يعني ايه ؟؟!
عمر .. بحده . يعني قدامك ٣ايام تصلي فيهم متصليش تفكري تتنيلي تديني رد واضح وصريح يا موافقه يا لا علشان نقفل ام الصفحه دي بقي ونرتاااح
شهد .. بدموع معلقه . يا عمر اسمعني انا
عمر .. بمقاطعه . شهد معاكي ٣ ايام ومش هتكلم في الموضوع دا تاتي ، ومن هنا ل٣ ايام مفيش شغل في الشركه ، مش كل يوم والتاني البيه يزعلك في الشركه ويجي يصالحك هنا
شهد .. بتوتر . انا مخرجتش ومكنتش اعرف انه هيجي ورايا
عمر .. بسخريه . بجد ؟؟!
شهد .. بتأكيد . والله ما خرجت
عمر .. بتنهيده . طيب ياشهد علشان حلفانك بس ، عن اذنك
_خرج عمر من الغرفه وتركها بمفردها جلست مره اخري علي الفراش بتعب وحزن مما يحدث لها ، فاقت علي صوت حنين وهي تقول
حنين .. بصدق . والله العظيم معز بيحبك بلاش تخسريه وتضيعيه من ايدك هترجعي تندمي عليه بعد فوات الاوان
شهد .. بحزن . خسرت اللي اغلي منه مش هبكي عليه
_قبل ان ترد عليها اتاهم صوت عمر المرتفع باسم حنين ، تنهددت شهد وقالت
شهد .. روحي كلمي عمر بينادي
_قامت حنين من جوارها واتجهت للخارج ولكن قبل ان تغلق الباب التفتت اليها وقالت
حنين .. بابتسامه . بقولك هو معز جالك هنا
شهد .. بهدوء . هو خرج من عندي ؟؟
حنين .. دي مش اجابه
شهد .. باستفزاز . صراحه معنديش اجابه ليكي
حنين .. بخيبه امل . امممم طيب
_خرجت حنين واغلقت الباب خلفها ، القت شهد بجسدها علي الفراش بتعب ووضعت كفيها علي وجهها تنهدت بقوه وهي تقول
شهد .. يااارب
________________
في ڤيلا المغربي
دخل معز الي الڤيلا وبداخله سعاده لا توصف ولكن بمجرد ان لمح سليم ووالده تحولت ملامحه الي الضيق ، تنهد بقوه وتقدم منهم وقال
معز .. مساء الخير
رد عليه الكل .. مساء النور
_جلس بجوار والدته وابتسم لها وقال
معز .. عامله ايه ياست الكل
وفاء .. بحنان . الحمد لله ياحبيبي ، مالك شكلك مضايق في ايه
معز .. بابتسامه باهته . لا مفيش بس منمتش من امبارح وهلكان
وفاء .. سلامتك يابني ، طب قوم ارتاح شويه عقبال العشا ما يجهز
معز .. طيب ، عن اذنكم
_اذن له الكل وتوجهه الي الاعلي
_ استأذن سليم منهم وصعد خلفه
*في غرفه معز*
_طرق سليم الباب ودخل ووجد معز مستلقي علي الفراش
معز .. بهدوء . خير ؟ جاي تكمل اللي مقولتهوش في المكتب ولا ايه !!
سليم .. بحرج . احممم لا ياسيدي
معز .. امال جاي ليه
سليم .. خلي قلبك ابيض بقي انا كنت عامل علي مصلحتك
_اعتدل معز واستند علي معصمه ونظر الي سليم الجالس امامه علي الاريكه وقال
معز .. مصلحتي انا عارفها كويس تمام ، خليك بعيد بقي
سليم .. بابتسامه . تمام هخليني بعيد ، كنت فين بقي عندها صح ؟؟!
_نظر له معز بغيظ من تدخله ، والقي بجسده مره اخري علي الفراش وقال
معز .. ايوا ، وغير السيره بقي علشان مزعلكش
سليم .. ههههههه ماشي ياعم ، المهم كلمت والد ملك واتفقنا ان كتب الكتاب كمان يومين
_ابتسم له معز بفرحه حقيقيه وقال
معز .. الف مبروك ياسليم ، وربنا يسعدك معاها وتشيل الهواجس اللي في دماغك دي
سليم .. بابتسامه باهته . يارب ، سيبك انت المهم متنساش الاتفاق اللي بينا هااا
معز .. هههههه لا ياعم مش ناسيه ، وعلشان تعرف اني احسن منك هحجزلك قاعه علي حسابي تكتب فيها
سليم .. اقنع بقي ابوها لانهم عايزينه عندهم
معز .. ولا يهمك هكلمه انا
_قام سليم من مجلسه وتوجهه للخارج وقال
سليم .. تمام هسيبك بقي ترتاح شويه ، ومردوده قريب باذن الله
معز .. بابتسامه . يارب
_خرج سليم من الغرفه ، واعتدل معز وذهب للمرحاض وقف تحت الماء واخذ يتذكر ما حدث معه ، وبعد فتره خرج من المرحاض وذهب الي فراشه تمدد عليه ولحظات وذهب في النوم
_________________
مر يومان ولم يحدث فيهم شي سوا استعداد الكل لحفل عقد القران ، وموافقه والد ملك باتمام العقد في احد القاعات
_لم تخبر شهد محمد المغربي بما طلبه منها عمر بعدم الذهاب الي الشركه ولكن اعتذرت منه لكي تكون مع صديقتها فقط ولم تخبره باي شئ اخر وتفهم هو ذلك