((نهايه الحرام )) بقلمي ((ايمان عامر ))

((الفصل الثالث عشر ))((نهايه الحرام))

((الحلقه ال 13 ))
((نهايه الحرام ))
بقلمي ((Eman Amer))

في صباح يوم جديد استيقظت شهد ولم تجد معز في الغرفه ، توجهت الي المرحاض وبعد فتره خرجت اخذت السجاده الخاصه بالصلاه وبداءت في صلاتها ، وقبل ان تنتهي من الصلاه دخل معز الي الغرفه وجلس علي الاريكه ينتظرها ، بعد فتره انتهت من صلاتها ، ونظرت له في غضب وكره ، تجاهل نظراتها و قال لها
معز .. مساء الخير
شهد ..
معز .. بتنهيده . امممم علي العموم اخوكي منتظرك تحت
_اشرق وجهه شهد عند سماع تلك الجمله وقالت في سعاده
شهد .. انت بتتكلم بجد اخويا تحت
معز .. بابتسامه . اممم
_قامت شهد من مكانها وتوجهت الي باب الغرفه وكانت خطواتها اشبه بالركد ، ولكن اوقفها معز وهو يقول
معز .. انتي هتنزلي كدا ؟؟
شهد .. باستغراب . كدا اللي هو ازاي مش فاهمه
معز .. كدا بالاسدال والطرحه دول
شهد .. بغضب . والمفروض انزل ازاي بقي
معز .. بهدوء . مفيش حد تحت غير بابا وكمان في اوضه المكتب ، والخدم كلهم ستات لو عايزه تلبسي حاجه مريحه وتاخدي راحتك مفيش مشكله بدل التكتيفه دي
شهد .. ببرود . انا مرتاحه كدا عن اذنك
_توجهت شهد الي الاسفل وعندما رأت عمر وملك كادت ان تموت فرحا ، وكان معز بجوارها ، ركدت اليهم في سعااده وضمت ملك اليها في قوه كبيره وقالت في فرح ظاهر في كلامها
شهد .. وحشششتيني اووووي اوووي يا موكا ، كدا متسأليش عليا
ملك .. وانتي والله يا حبي وحشااااااني مووووت ، عامله ايه
شهد .. الحمد لله ، وانتي عامله ايه وباباكي عامل ايه معاكي
ملك .. الحمد لله ، طول ما انتي بخير انا كويسه يا حبي
_كانت كل من شهد وملك تشد من حضنها للاخري ، تحدث عمر في حنان وقال
عمر .. ايه دا بقي يا ست شهد هو من لقي اصحابه نسي اخواته ولا ايه
_ابتعدت شهد وهي مبتسمه لي اخيها واقتربت منه وضمها اليه وقالت
شهد .. بابتسامه . المثال غلط يا اذكي اخواتك ، وبعدين انا مقدرش انسااك دا انت حته من قلبي
_ رفعها عمر اليه وضمها اكثر ، وكانت نظرات معز اليهم تحمل بعض من الغيره ، اقتربت منه حنين وقالت
حنين .. يييييي نفس غيره كل مره هههههه
_نظر لها معز في غضب وجااء ان يتحدث ولكن قاطعته حنين وهي تقول
حنين .. بتزمر مصطنع . انا مش غيران وهغير من ايه
_نظر لها في غضب وقال وهو يضغط علي اسنانه
معز .. اترزعي يا حنين واسكتي خالص سامعه
_وضعت حنين كفها علي فمها واشارت بانها سوف تصمت
_جلست شهد وكانت ملك بجوارها من جهه وعمر بجوارها من الجهه الاخري وكان معز بجوار عمر علي الاريكه وحنين بجوار معز
ملك .. عامله ايه يا شوشو وحشاااني والله
شهد .. بتنهيده . الحمد لله ، انتي عامله ايه ، وعامله ايه في الشغل
ملك .. بابتسامه . الحمد لله كله بخير ، حبيب خالتو عامل ايه
_وضعت شهد بتلقائيه كفها علي بطنها وقالت في ابتسامه حنونه
شهد .. حبيب خالتو تعبني شويه بس هو الحمد لله
حنين .. بمرح . ايه دااا بقي هو علشان غلبان مش بيتكلم زي عمتو اللي هو انا هتتكلمو عليه كدا ولا ايه
معز .. برفعت حاجب . مين دي اللي غلبانه انتي ، يارب سمحها علي الكدب دا
عمر .. بجديه . انتي تعبانه بجد
شهد .. متقلقش انا كويسه والله
_نظر عمر الي معز نظرات اتهام ، فهمها معز وقال
معز .. لا متبصليش كدا اختك مطلعه عيني ولا بتاكل ولا بتشرب ولا بتبطل عصبيه اعمل ايه انا وبحاول معاها علي قد ما اقدر واسالها اهي موجوده
عمر .. ليه كدا يا شهد احنا اتفقنا علي ايه
_تنهدت شهد بحزن ولم ترد عليه ونظرت الي ملك وقالت
شهد .. كل دي فتره تغبيها عني يا موكا
ملك .. بابتسامه . والله غصب عني اخوكي مكتش بيعرفني والله
عمر .. بغضب خفيف . شهد متغيريش الموضوع
شهد .. بحزن . لا هغيره لان مش عايزه اتكلم فيه يا عمر ولو هتتكلم فيه هطلع فوق
_جاء عمر ان يتحدث ولكن قاطعه معز وهو يقول
معز .. خلاص يا عمر ومتقلقش عليها
عمر .. طيب ربنا يهديها
_جاءت سهي من الاعلي في هذا الوقت وقالت في غرور وهي تلوح بيديها
سهي .. هاااي
_لم يرد عليها احد سوى حنين وقالت
حنين .. ببرود . هاي ورحمه الله
_تجاهلت سهي طريقتها ، وجلست وهي تقول
سهي .. دا في ضيوف و وجوه جديده مش تعرفني يا ميزو
حنين .. ببرود . ايه ميزو دي يا سحليه يوووه قصدي سهي وبعدين دول مش ضيوف
_ابتسم الكل علي كلام حنين ليها واحراجها ، وتحدث معز وهو يحاول ان يكتم ضحكاته وهو يشير اليهم وقال
معز .. دا عمر اخو اااا ام ابني ، ودي ملك صحبتها
سهي .. بغيظ . ام ابنك اممممم وهي ملهاش اسم تنادي عليها بيه ولا ايه
حنين .. بطلاقه وبرود . وانتي مزعله نفسك ليه يا حبي كل واحد حر ، ويعدين كلنا بنقولها ام ابنه ، ياريت تخليكي في حالك
سهي .. بغيظ . وانا ازعل نفسي ليه عااادي ، عن اذنكم هطلع فوق عند خالتو لاحسن الجو بقي حر
حنين .. ياريت والله لان احنا بنحب نستمتع بالشتا
_صعدت سهي وسط نظرات من الكل ، همست ملك لي شهد وقالت
ملك .. مين البومه دي ؟؟
شهد .. بابتسامه . دي بنت خالته تقريبا
ملك .. وهي كدا بارده من عند ربنا ولا هي بارده الفتره دي بس
_قامت حنين من مكانها وانضمت لهم وجلست بجوار ملك وقالت في همس لهم
حنين .. لالا هي بارده كدا من عند ربنا يااختي والله
ملك / شهد .. هههههههه ههههههه يخربيت فقرك دي بنت خالتك المفروض تزعلي عليها
حنين .. بس متقوليش بنت خالتي دي ، دي واحده لا تطاق حتي وهي كانت مخطوبه لمعز مكنتش طيقاها
_استغربت شهد من كلام حنين ونظرت الي معز ، ورجعت بنظرها الي مكانها وفضلت الصمت
ملك .. بفضول . هي كانت مخطوبه لي اخوكي وفسخت ليه هاها قولي ليه
حنين .. ههههههه لا دا كدا هنبقي اصحاااب رسمي اصلي بحب النميمه هههههههههه
ملك .. لالا متقوليش كدا دي شهد تقوم تقطعك اللي عندي دا اسمه فضول
حنين .. لالا يا شوشو انا مش بحب النميه دا اسمه فضول ههههه
شهد .. ههههههههه ربنا يهديكي انتي وموكا كانت واحده دلوقتي بقيو اتنين
حنين .. وكدا احسن قولي ليه
شهد .. ليه
حنين .. علشان تاخدي ثواب اكبر للهدايه شوووفتي بقي
شهد .. ربنا يهديكي يارب
ملك .. معرفتش برضو الخطوبه اتفسخت ليه
حنين .. طب ايه رايكم نطلع في الجنينه برا علشان ناخد راحتنا
شهد .. مفيش مشكله يلا نطلع
_قامت الفتيات ، استغرب عمر ومعز وقوفهم وقال عمر
عمر .. انتو رايحين فين
شهد .. مفيش هنطلع الجنينه شويه
عمر .. امممم طيب
_ذهبوا الي الخارج ، حيث وجهه معز نظره الي عمر وهو يخرج المال ويضعها امام عمر ويقول
معز .. اتفضل يا عمر
عمر .. باستغراب . ايه دول
معز .. دي الفلوس اللي انت اديتها لي شهد
عمر .. طيب وبعدين بترجعها ليا تاني ليه
معز .. لانها دلوقتي بقيت مراتي وكل اللي هي تطلبه عندي انا مش عندك
عمر .. مش هتفرق كتير يا معز
معز .. لا هتفرق يا عمر هي دلوقتي بقيت مراتي يعني اي حاجه عايزاها تطلبها مني انا مش منك انت
عمر .. بس هي مطلبتش ولا هتطلب لان شهد مش بتطلب حاجه بتكتفي بالي معاها وانا متعود علي كدا
معز .. بس دا كان الاول قبل ما تبقي علي ذمتي وبعدين كنت عرفتني وانا مكنتش هتاخر عليها ولا انت شايفني ايه
عمر .. عارف انك مش هتتاخر عليها ، بس كمان اكيد مش هاجي اقولك ادي فلوس لي اختي ، وبعدين هي مكنتش عايزه تاخدهم مني هتاخد منك انت وخصوصا انها مش طيقاك
معز .. طب ياريت تتكلم معاها ، حقها في المصاريف وكل اللي تحتاجه حاجه وزعلها مني حاجه ، مع اني والله بحاول معاها بكل الطرق علشان اخليها تهدي من نحيتي علي الاقل في الكلام بس مفيش فايده اللي في دمغها في دماغها
عمر .. بتنهيده . الطريقه اللي هي بتتعامل بيها معاك دي مش في دماغها يا معز ، دا في قلبها وجعها منك ومني ووجعها علي نفسها والروح اللي في بطنها مخليها تتعامل كدا ، اكيد مش هتتعامل معاك كويس بسهوله ولا بيومين حلوين ولا بهدايا ولا فلوس ، لان اللي خسرته اكتر من كدا بكتير
معز .. بحزن . عارف والله ومقدر دا واي واحده مكانها كانت هتعمل زيها واكتر كمان ومش زعلان منها ، بس انا عايز علي الاقل تهتم بنفسها وابنها اكتر من كدا
عمر .. ربنا يهديها يارب وانت كمان خلي بالك منها ومن اكلها
معز .. بتنهيده . وهو انا بعمل حاجه غير كدا متقلقش عليها
عمر .. مقلقش ايه بس دا انا مش بعرف انام وهي مش في البيت الدنيا بقيت فاضيه عليا من غير وجودها ، الظاهر عند الناس ان هي اللي محتجالي مع ان انا اللي محتجلها اكتر منها ، وفوق كل دا احساسي بالذنب من اللي جرالها بسببي ووجع قلبها لحد دلوقتي
معز .. ربنا يصلح الحال ليك وليها يارب
عمر .. يارب
____________________________
عند الفتيات ، فور خروجهم
شهد .. تصدقي الجنينه احلي بكتير من القعده جوا
حنين .. امممم جدا جدا
ملك .. انتي اول مره تخرجي ولا ايه
شهد .. بخزن . امممم انا اصلا مكنتش بخرج من الاوضه غير للاكل بس وسعات كنت باكل فوق
حنين .. باحراج . هو انا ممكن اسألك سوال يا شهد بس هو شخصي شويتين
_نظرت شهد الي ملك بعيون حزينه قابلتها ملك بنظرات مطمئنه
شهد .. بابتسامه مصطنعه . اكيد يا قمر قولي من غير احراج
حنين .. هو انتي اتجوزتي معز ازاي
شهد .. بتوتر . يعني ايه ازاي ، جيبنا مأذون واتجوزنا زي الناس
حنين .. مش قصدي ، يعني شافك فين حبيتو بعض امتي ولا اتجوزتي تقليدي ، وليه معرفتوش حد ، خصوصا اني مفيش حد من بابا او ماما كان هيعترض علي جوازه منك ، دول ما اعترضوش علي جوازه من سحليه العقربه هيعترضو عليكي انتي
شهد .. بتهرب . اااه صح انتي مقولتيش هما سابو بعض ازاي وليه ، وليه انتي بتكرهيها كدا
حنين .. دا موضوووع طوييييل ، بس هقولكم عليه
ملك .. قولي يا اختي احنا ورانا حاجه
حنين .. بصي معز وسهي المفروض بيحبو بعض بس انا مش كنت بحسه بيحبها او هي بتحبه ، مفيش بينهم لهفه كدا اول ما تشوفه او يشوفها ، كان التعامل بينهم عادي جدا ومن غير حدود عندها ممكن تطلع تصحيه عاادي عندها
ملك .. دا ايه البرود دا دي بجحه بصحيح
حنين .. فعلا مكنش عندها خجل البنات اللي عندنا ، المهم اتخطبو مع ان بابا كان معترض علي دا بس في النهايه دي كانت رغبه معز ، اتخطبو من 6 شهور كدا كان اول فتره بيعاملها كويس جدا بعدين بدأت المعامله تتغير شويه شويه هي بقيت زنانه وهو بقي مهمل فيها ، مش بيسأل عليها ولا كان بيكلمها غير كل فتره مره كدا ، وبعدين بداء ميردش عليها اصلا وتجاهل واهمال ، وكانت بتشتكي لي بابا كتير جدا ، لحد من قبل ما يسافر بفتره كلمت باباوقالت انها مش هتقدر تكمل معاه بالطريقه دي ، علي اساس انه يتغير معاها او يسأل عليها بس معز بعد عنها اكتر واكتر ، وكانت عايزه ترجع ليه تاني بس معز عمل اللي محدش يتوقعه ان هو يتجوز شهد ويسافر ومن سعتها وهي شايطه كدا ههه بس هو دا مختصر الحكايه
ملك .. وايه اللي غيره كدا معاها طالما كان بيحبها بعد عنها ليه
حنين .. مش عارفه بس من فتره كدا معز فعلا اتغير فيها جامد ، بقي بيرجع متأخر من الشغل وينام كتير ، ودايما عصبي ومكنش بيتكلم مع اي حد خالص حتي سليم اللي هو صاحب عمره بعد عنه
شهد .. هو سليم دا المحامي بتاعه ولا صاحبه
حنين .. بابتسامه . بس سليم مش محامي ، دا شغال معاه في الشركه وكمان يبقي ابن عمي
شهد .. اممممم ابن عمه وصاحب عمره والله افتكرته محامي ومحامي متعصب كمان
حنين .. ههههههه لالا بس هو ومعز روح واحده تلقيكي كنتي مزعله معز ولا حاجه علشان كدا كان بيدافع عليه
شهد .. بابتسامه باهته . والله ابدا يا اختي هو اللي كان مزعلني وكان بيدافع عليه حتي وهو غلطان
حنين .. هههههههه اممم هو سليم كدا ، ييييييي اهو جيه اصله بيجي علي السيره
_تقدم منهم سليم وقال في ابتسامه
سليم .. مسااء الخير عليكم
حنين .. مسااااءووو يا كبير ، كنا بنجيب في سيرتك لسه
سليم .. وياتري بالخير ولا
حنين .. ولا طبعا وهو انت بيجي من وراك الخير ابدا
سليم .. احممم طب بس علشان الناس ، اخوكي جوا
حنين .. اينعم جواا ومستنيك من الصبح ومش راضي ياكلنا من غيرك
سليم .. هههههه احسن خليكي بالجوع لحد ما تخسي شويه
حنين .. بغيظ . طب غور بقي
سليم .. ههههههه هدي اعصابك يا جميل لاحسن تنفجري مننا اكتر من كدا
_ توجهه سليم للداخل بسرعه ، عندما رأي حنين تنهض من مجلسها
ملك .. هههههههه ههههههههه ايه كل دا
حنين .. هههههه ههههه هو كدا بيحب يغظني علطول متعرفيش ليه ، مالك يا شهد
شهد .. بابتسامه . ا مفيش حاجه سلامتك
ملك .. امال ساكته ليه
شهد .. عادي هقول ايه
_جاءت الخادمه في هذا الوقت وهي تقول
الخادمه .. استاذ معز بيبلغكم ان الغدا جاهز
حنين .. بابتسامه . حاضر يا داده احنا وراكي اهو ، يلا بقي علشان انا جعاانه جدا جدا
شهد .. روحو انتو انا مش جعاانه
حنين .. ليه كدا دا انتي مفطرتيش اصلا
شهد .. عادي مليش نفس لما اجوع هقوم اكل
ملك .. مفيش حل غير اننا نقول لي عمر وهو هيتصرف معاكي
شهد .. بغضب . داا علي اساس اني هخاف منه ولا ايه يعني
ملك .. باستغراب . ايه دا انتي زعلتي ليه انا مش قصدي انا قصدي انك بتسمعي كلامه مش اكتر
شهد .. بغضب وحزن . عن اذنكم
_ذهبت شهد من امامهم وجلست علي العشب
حنين .. هو في ايه هي زعلت ليه ؟؟
ملك .. باستغراب . مش عارفه تعالي ندخل ونعرف عمر ويتكلم معاها
حنين .. يلا
_توجهو الي الداخل ، واخبرو عمر ومعز بما حدث ، استغرب عمر وتوجهه للخارج ، حيث توجد شهد
عمر .. شهد
شهد .. بجمود . نعم
عمر .. بحنان . مالك يا حبيبتي في ايه
شهد .. مفيش حاجه
عمر .. مفيش ازاي كنتي كويسه وفجأه زعلتي ، ايه اللي زعلك
شهد ..
______________________
وبكدا الفصل خلص رايكم وتوقعاتكم ، يا تري ايه اللي زعل شهد ؟؟؟؟
ممنوع التشر بدون اذني
💔نهايه الحرام💔 بقلمي ((ايمان عامر ))