((نهايه الحرام )) بقلمي ((ايمان عامر ))

((الفصل الخامس عشر)) ((عشر نهايه الحرام ))

((الفصل ال 15 ))
((نهايه الحرام ))
بقلمي ((Eman Amer))

معز .. بغضب . وانا مش موافق
عمر .. طب اهدي شويه محصلش حاجه لكل دا
معز .. بغضب مكتوم . والله انت مش سامع هي بتقول ايه
عمر .. سامع ومعاها حق ولا انت شايف ايه
معز .. بحزن وغضب . يوووووووه ،  عارف ان معاه حق وكل اللي انت بتقوله ، بس قولي انا اعمل ايه ها ، مش بكلمها ولا باجي جنبها ، وكل اللي هي عايزاه بعمله ومش بخلي حد يكلمها ، وبتتكلم بطريقه زفت معايا سواء كنا لوحدنا او وسط الناس ومش بتكلم اعمل ايه تاني
سليم .. طب ممكن تهدي وتوطي صوتك مينفغش كدا
معز .. استغفر الله هديت اهو قولي بقي الحل ايه
عمر .. خليها تيجي تقعد عندي يومين تهدي فيهم
معز .. بغضب خفيف . والله ، لا طبعا مينفعش ، اختك مكملتش اسبوع علي بعضه معايا في البيت
ملك .. باستفزاز . خلاص يا شهد اقعدي اليومين دول وبعد الاسبوع روحي عند عمر
سليم .. ههههه دا حل حلو
معز .. بغيظ . بصي بقي يا ام ابني  نهايه الكلام علشان انا تعبت من الموضوع دا ،  انا موافق اطلقك بس بشرط
شهد .. بطلاقه . موافقه عليه
معز .. بحزن . طب اسمعيه الاول علشان بعد كدا مش هرجع في قراري
شهد .. قول ، خلينا ننهي الموضوع دا
معز .. بضحكه ساخره . للدرجه دي
شهد .. بكره . واكتر من كدا ، اقسم بالله انا لو اطول ادبحك بايدي مش هتردد لحظه ، بس للاسف بخاف ربنا مش زيك
_حزن معز بشده من كلامها ، وتحدث بملامح جامده يخفي داخلها حزنه ، و بحده خفيفه وقال
معز .. بعد الولاده تتنازلي عن الحضانه ، وورقه طلاقك هتكون عندك وكل حقوقك
شهد .. باستغراب . اتنازل !! اتنازل عن مين؟؟
معز .. بحده . تتنازلي عن ابنك
شهد .. بغضب . انت مجنون ابني مين دا اللي اتنازل عنه ، انا مقدرش ابعد عن ابني ، يعني بعد الزل دا كله واللي انا فيه تيجي تقولي اتنازلي عنه مستحيل طبعا
معز .. بابتسامه خفيه . والله دا اللي عندي ، زي ما انتي ابنك غالي عليكي ، هيكون ابني وغالي عليا
_غضبت شهد من حديثه ومن تفكيره ، هي لا تترك ابنها ، وهو لا يترك ابنه ، تحدثت شهد بحده وهي توجهه كلامها الي عمر وقالت
شهد .. شايف كلامه مستفز زيه ازاي
عمر .. بتنهيده . بصراحه هو معاه حق ، في الاول والاخر دا ابنه وغالي عليه
شهد .. بغضب اكبر . انت معايا ولا معاه انا عايزه اعرف
عمر .. بهدوء . انا مع الحق يا شهد انتي مش قادره تتنازلي عن ابنك وهو كمان دا ابنه
ملك .. حبيبتي متزعليش نفسك ، بس هو كمان ليه حق فيه زيك
سليم .. هو اداكي الحل وعليكي الاختيار
شهد .. بكره . ما انت هتقول ايه غير كدا ، لازم تكون معاه مش ابن عمك
سليم .. ببرود . وعمر اخوكي وموافقه في كلامه
_نظرت لهم شهد بغضب وكره وحقد ، ماذا تفعل اتترك ابنها له لكي تبعد عنه وعن اي شي يؤلمها
_ذهبت وتركتهم وكانت دموعها علي وشك النزول ، لحقت بها ملك وذهبت خلفها لكي تجعلها تهدء
_كان معز ينظر لها وكان الحزن يكتسي ملامحه ، وكان يتألم لحزنها ، اخرجه من همه سليم وهو يقول
سليم .. بتتعامل معاه ازاي دي
_نظر له كل من معز وعمر بغضب ظاهر وتحدث عمر وقال
عمر .. بغضب . والله ابن عمك يستاهل اكتر من كدا ، هو يحمد ربنا انها وافقت اصلا تتجوزه بعد اللي حصل ، ولا انتو مش فارق معاكم مشاعر الناس
سليم .. باحراج . والله مش قصدي يا عمر كدا بس  يعني  مش كدا
عمر .. بحزن .  هو ايه اللي مش كدا ، تعالي نقلب الوضع وخلي اخته مكان شهد وخليها تبقي هاديه وتتكلم كويس
_انقيض قلب سليم فور هذا الحديث ، تحدث معز بهدوء لتهداءت الوضع بينهم وقال
معز .. ياعمر اكيد سليم ميقصدش كدا ، وبعدين احنا  مش في مين مكان مين دلوقتي ، خلينا في المشكله اللي احنا فيها
سليم .. اكيد والله مااقصد وحقك عليا ياعم
_تنهد عمر بضيق ولم يتحدث 
________________
عند شهد
ملك .. ممكن اعرف انتي  مزعله نفسك ليه
شهد .. والله علي اساس المفروض اني ابقي سعيده وفرحانه من اللي حصلي
ملك .. انا مقولتش كدا بس حقك تاخديه بذكاء مش تعلي صوتك وتطلعي نفسك غلطانه
شهد .. بانتباه . والمفروض اعمل ايه بقي
ملك .. قوه الانثي في ضعفها
شهد .. احييه يابت مش فاهمه يعني اعمل ايه
ملك .. انتي دلوقتي عايزه تتطلقي صح
شهد .. صح
ملك .. طيب ، وهو مش عايزه يطلق صح
شهد .. صح
ملك .. طيب ، وانتي مش هتسيبي ابنك وهو مش هيسب ابنه صح
شهد .. بغضب . في ايه يا ملك ادخلي يا حجه في الموضوع مش كدا اخلصي
ملك .. بفزع . في ايه يابت خلقك بقي ضيق كدا ليه مبقتيش مستحمله النفس جنبك
شهد .. اووووف معرفش المهم خلينا في الموضوع
ملك .. بخبث . مش انتي قولتي ان ابوه متحفظ شويتين وانه مبيرضاش بالظلم
شهد .. بتفكير . اها انتي قصدك اني اقوله
ملك .. ايواااا ، اتكلمي معاه وعرفيه انك مش عايزه تكملي مع معز ايه رايك بقي
شهد .. بفرحه . فكره حلوه طبعا خلاص هتكلم معاه وان شاء الله خير
ملك .. ان شاء الله المهم انتي متزعليش نفسك
شهد .. بامل . يارب
_ظلو يتحدثون ومر الوقت وذهب كل من عمر وملك ،
_في الاسفل بعد تناول العشاء جلست شهد بالقرب من محمد المغربي وقالت في خجل وتوتر
شهد .. كنت عايزه اتكلم مع حضرتك
محمد .. بانتباه . اتفضلي يابنتي اتكلمي انا سامعك
_نظرت شهد الي معز ووجدته منتبهم الي حديثهم ، تحدثت شهد بتوتر وهي تفرك في يديها وقالت
شهد .. ممكن علي انفراض
مخمد .. باستغراب . اه طبعا ممكن ، تعالي معايا المكتب ونتكلم
_قام محمد المغربي من مجلسه وخلفه شهد ،
وفاء .. باستغراب . علي فين كدا
محمد .. بابتسامه . علي المكتب مش هنتأخر
معز .. بغضب خفي . وهو اللي هيتقال في المكتب مينفعش يتقال هنا قدامنا ولا ايه
محمد .. بابتسامه . انت مالك انت وبعدين متخفش مش هنتاخر ، يلا يا شهد
_توجه محمد الي المكتب وخلفه شهد ، جلس علي المقعد المجاور للمكتب وجلست شهد امامه ، وقال في حنان وابتسامه
محمد .. ها يا شهد كنتي عايزاني في ايه
شهد .. بتوتر . كنت عايزه اطلب من حضرتك طلب وبتمني من ربنا انك تساعدني فيه
محمد .. بابتسامه . اكيد طبعا شوفي انتي عايزه ايه وانا معاكي ، انتي بقيتي زيك زي حنين بنتي
شهد .. بتوتر وحزن . كنت عايزه ابنك يطلقني انا بجد مش قادره اعيش معاه كدا ، كل ما اشوفه قدامي بفتكر اللي حصل وانا مش عايزه اقضي حياتي معاه بالشكل دا ، اكيد مفيش واحده تتحمل انها تشوف اللي اعتدي عليها قدامها كدا عايش ولا همه اي حاجه
_صمتت شهد وانتظرت رد محمد عليها ولكن لم تجد رد ونظرت اليه و كانت نظرات محمد لا يوجد فيها اي تعبير وكأن شهد لم تقل له شي ، تحدثت شهد وقالت
شهد .. هو حضرتك بتبصلي كدا ليه 
محمد .. بهدوء . مستنيكي تخلصي كلامك علشان اقدر ارد عليكي
شهد .. انا خلصت
محمد .. بهدوء . بصي يا بنتي انا هقولك علي حاجه بس مش علشان اطلع ابني مش غلطان لا انا عارف ان معز غلطان ويستاهل العقاب كمان ، بس هو مكنش كدا ابدا ، معز كان راجل بمعني الكلمه وكان ملتزم بجد ومكنش بيفوت فرض ، واللي حصل دا غصب عنه
شهد .. واكيد دا مش مبرر للي عمله
محمد .. عارف ، وعارف انه مش ذنبك تتحملي غلطه حد ، بس والله ابني بجد مش وحش ، اديله فرصه واسمعيه هو ولا كان مدمن ولا عمره عرف السكه دي اصلا
شهد .. بس ابنك هيفضل طول عمره  وهو المذنب الاول والاخير وانا اللي بدفع التمن ، وعمري ما هسامحه ابدا علي اللي عمله فيا
محمد .. حقك طبعا تعملي اكتر من كدا ، هو غلطان ويستاهل ، بس الغلط مش عليه لوحده ، الغلط مني ومن اخوكي كمان
شهد .. باستهزاء . ليه هو اخويا قله روح اعتدي عليها ولا تعالي البيت اصلا
محمد .. لا مش كدا بس اخوكي هو اللي كان بيبيع ليه المخدر ولما هيخلص من عنده طبيعي هيكون عند اخوكي ولا انتي عندك راي تاني
شهد .. بحزن . عندك حق والمفروض اني استحمل كل دا وانا ساكته مش كدا واخويا وابنك يعيشو حياتهم وانا الوحيده اللي ادفع التمن وميكونش ليا حق اتكلم ولا حتي اعترض مش كدا
محمد .. بتنهيده . اكيد مش قصدي كدا ، وحاضر هكلم معز في موضوع الطلاق ، بس معلومه صغيره بس اني معز مش هيوافق علي الطلاق
شهد .. بتزمر . بس يمكن لما حضرتك تكلمه هيوافق
محمد .. معتقدش ابني وانا عارفه لما بيتعلق بحاجه مش بيسبها ولو حصل ايه
شهد .. باستغراب . قصدك ايه يعني
محمد .. بابتسامه . قصدي هتعرفيه مع الايام ، وحاولي تفهميه هتكسبيه و...
_قطع محمد المغربي حديثه لوجود شحص يطرق باب المكتب ، اذن له محمد بالدخول وقال
محمد .. ادخل
_دخل معز وهو ينظر الي شهد وتحدث في احترام لوجود والده وقال
معز .. خلصتوا كلام  ولا لسه
محمد .. اه خلصنا ليه ؟؟
معز .. مفيش بس علشان هي طول اليوم وهي قاعده علي الكرسي  ودا غلط عليها
شهد .. باستهزاء . والنبي بلاش الشويتين بتوعك دول حضرته كان معانا في اللعبه البايخه اللي احنا فيها
_ابتسم محمد علي حديثها مع معز وقال في حنان
محمد .. يعني هو الحق عليه انه خايف عليكي وبعدين ايه حضرتك دي بصي انتي  قدامك حل من الاتنين يا تناديني بي بابا او تناديني بي بابا اختاري انتي بقي
_ابتسمت شهد وظهرت غمازاتها وقالت
شهد .. بابتسامه . حاضر يا بابا
محمد .. بحنان . اول مره اعرف ان كلمه بابا حلو كدا
معز .. بغيظ . والله ، دا علي اساس انك اول مره تسمعها
محمد .. بابتسامه . لا بس اول مره اسمعها من ام حفيدي اكيد مختلفه طبعا
_ابتسمت ليه شهد وصمتت ، وتحدث معز بغيظ وقال
معز .. طب هنطلع بعد كل دا ولا قاعدين شويه عندي شغل بكرا
شهد .. اطلع انت انا مش عايزه انام دلوقتي
معز .. هتقعدي مع مين مفيش حد موجود ، حنين طلعت وكمان امي مفيش حد
شهد .. هقعد مع بابا
معز .. بابا هينام علشان الشركه بكرا وبعدين هو مبيحبش يسهر
شهد .. بغيظ . رخم وبارد ومستفز و و
معز .. ولو مقمتيش هتصرف تصرف مش هيعجبك
شهد .. اوووف ، عن اذن حضرتك
محمد .. هههه تاني حضرتك ، وعلي العموم اتفضلي يابنتي وفكري في كلامي كويس
_ابتسمت له شهد وقامت شهد وصعدت مع معز وهي غاضبه منه