((نهايه الحرام )) بقلمي ((ايمان عامر ))

((الفصل العاشر ))((نهايه الحرام))

((الفصل العاشر ))
((نهايه الحرام ))
بقلمي ((Eman Amer))

_قبل اذان الفجر اسيتقظ عمر من نومه وقام وتوجه الي غرفه شهد ، وفتح الباب واخذ ينادي باسمها
عمر .. شهد ، شوشو قومي الفجر خلاص علي ادان ، حبيبتي يلا
_لم يجد عمر منها رد ، اضاء الانوار ولم يجدها ، وتذكر انها توجد الان في بيت زوجها ولم تعد في منزله ، حزن عمر في داخله ودعا لها بالسعاده وراحه الباب ، خرج عمر من الغرفه وتوجهه الي المرحاض وتوضاء ونزل الي الاسفل لكي يؤدي فريضه الفجر
_________________
في ڤيلا المغربي

استيقظت شهد علي همس لاحد يهتف باسمها ،
استغربت شهد المكان وظلت تنظر حولها ووقع نظرها علي معز الذي كان مستلقي علي الفراش بجوارها
نظرت له شهد في غضب وايقظته وهي تقول
شهد .. بصوت مرتفع . قوووم انت ايه اللي منيكم هنا
_قام معز من مكانه بفزع من صوتها العالي والغاضب ، ونظر لها وتحدث في هدوء وقال
معز .. في ايه انتي كويسه
شهد .. بحده . انت ايه اللي منيكم هنا مش كنت نايم علي الكنبه
معز .. وانا قولتلك مش بعرف انام علي الكنبه محصلش حاجه لكل دا يعني وبعدين انا ولا قربتلك ولا جيت جنبك
شهد .. بحزن . ولو قربت مبقاش عندي حاجه اخاف عليها
معز .. ادخلي اتوضي هروح اصحي بابا وحنين تكوني خلصتي
_نظرت له شهد في غضب من بروده ، ولم تجيبه وحبست دموعها التي كانت علي وشك النزول
_اطلق معز تنهيده قويه ، وقام وتوجه الي الخارح ، بينما قامت شهد وذهبت الي المرحاض ، وهنا سمحت لدموعها بالنزول وظلت تبكي حتي سمعت صوت معز بالغرفه مسحت دموعها وبعد ذلك توضأت وخرجت
_نظر لها معز في حزن وقال
معز .. الدموع دي لزمتها ايه طيب
شهد .. بحزن . حاجه متخصكش ، عرفني القبله منين
_اقترب منها معز وحاول ان يتحدث بهدوء وقال
معز .. علي فكره انتي اول واحده تتعامل بالطريقه دي وانا معديها بمزاجي ، بس دا مش هيطول ماشي
شهد .. بتجاهل لكلامه . فين القبله عايزه اصلي
_اشاره لها معز ، واقترب منها بقوه وهمس لها وهو يبتسم
معز .. القبله من هناا ياااا ام ابني
_ظلت شهد واقفه مكانها ، وذهب معز الي المرحاض
_توجهت شهد للصلاه وقبل ان تنتهي خرج معز ، وضع سجاده صلاه بجانبها ولكن كان يتقدم عنها بمسافه  وبداء في صلاته ، كان يقراء القران الكريم وصوته جميل جدا جدا ، انتهت شهد وظلت تردد بعض الاذكار وتستغفر  ، بعد فتره كان انتهي معز من الصلاه وكانت شهد مازالت جالسه علي سجاده الصلاه ، التفت لها معز وقال في هدوء
معز .. ام ابني
_نظرت له شهد في حزن وتحدثت بصعوبه وقالت
شهد .. نعم
معز .. عايز اتكلم كلمتين من غير ما تتعصبي وتزعلي
_نظرت له شهد في توتر من حديثه وقالت
شهد .. هنتكلم في ايه مفيش بينا حاجه نتكلم فيها
معز .. لا في ، في ابني اللي في بطنك
شهد .. بدموع . انت عايز ايه دلوقتي
معز .. يا ش....ام ابني افهميني اقسم بربي انا ما كنت في وعى وكنت مغيب فعلا صحيح مكنتش واخد مخدر بس بسبب اني كنت عايز للمخدر مكنتش حاسس بنفسي وكنت بحاول اسيطر  علي نفسي بس
_توقف معز عن الحديث لانه لم يعرف ماذا يقول وكان يتكلم في ندم ظاهر علي ملامحه وصوته
_نظرت له شهد وتحدثت في حزن وبعض من السخريه وقالت
شهد .. بس عادي وايه يعني ما كدا كدا دي بنت وغلابه وملهاش حد ،  وبعدين انت الراجل تعمل اللي انت عايزه في الوقت اللي انت عايزه من غير اي سابق انذار وايه يعني صح
معز .. يا شه...
_قاطعته شهد بصرامه وغضب وقالت
شهد .. قولتلك مليون مره متجبش اسمي علي لسانك خااالص انت سامع
معز .. بتنهيده . حاضر اللي انتي عايزاه بس ممكن تهدي علشان العصبيه غلط علي الحامل
_نظرت له شهد في غضب ، واكمل حديثه وهو يقول
معز .. بس انا اتعقبت ودخلت السجن ، مع اني كنت ممكن اخرج منها لكن احنا اتربينا علي ان اللي غلط يتعاقب ، وكمان علشان متدفعيش التمن لوحدك كنت هدفعه لو مكنش الحمل دا حصل
شهد .. بسخريه . اممم فعلا كنت هتدفعه سنه اتنين تلاته حرمان من اهلك من الشركه من الخروج  ((واكملت بدموع )) لكن انا بدفع عمري كله حزن والم وكسره وذل وقرف
معز .. طب اهدي خلاص حقك عليا مش هنفتح الموضوع دا تاني ، مع اني كنت عايز اتكلم فيه واعرفك اني مش وحش للدرجه دي ، وان الادمان دا مكنش حياتي ولا طريقي في يوم من الايام
_قامت شهد وجففت دموعها وتوجهت الي الاريكه ، ولكن اوقفها معز وهو يقول
معز .. نامي علي السرير
شهد .. بحده . لا
معز .. دا امر مش طلب واتفضلي يلا
شهد .. انت مالك انت انا حره
معز .. لا مش حره واتفضلي بدل ما اتصرف تصرف مش هيعجبك
شهد .. بغضب . دا تهديد يعني ولا ايه
_معز .. بابتسامه . لا والله ما تهديد وانا مش بهدد انا بنفذ علي طول
_كان معز يقترب منها وكانت هي ترجع الي الخلف ، ثم نظرت اليه في غضب وتوجهت الي الفراش 
_ابتسم معز عليها وذهب ليستلقي بجوارها وبعد جلوسه نظرت له شهد في غضب وقالت
شهد .. مشفتش بجاحه زي كدا
معز .. تعالي علي نفسك النهارده وبكرا باذن الله هيكون في كنبه انام عليها
شهد .. فرقت قوي يغني
معز .. ايوووا فرقت دي صغيره ومش مريحه ، لكن الثانيه هتكون مريحه ونامي بقي النور طلع
_بعد قليل كان كل منها في ثبات عميق
___________________
بعد مرور ساعات
كان عمر في بهو الڤيلا ، قابلته حنين بابتسامه لطيفه وهي تقول
حنين .. اهلا وسهلا يا استاذ عمر اتفضل
عمر .. بابتسامه . اهلا بيكي
حنين .. ثواني وشهد تنزل انا بلغتها وهي نازله حالا
عمر .. اممم طيب
_لم تمر لحظات كثيره وكانت شهد في الاسفل
_ذهبت شهد الي عمر في لهفه وشوق وضمها اليه في حب وقال
عمر .. بحب . عامله ايه يا حبيبتي
شهد .. بخير يا قلبي انت عامل ايه
عمر .. الحمد لله ، اخبار حملك ايه
شهد .. بابتسامه . الحمد لله ، اتأخرت كدا ليه
عمر .. متأخرتش علي فكره خلصت شغل وجيت علطول
حنين .. بابتسامه . اتفضلو يا جماعه واقفين ليه
_جلس كل منهم ، وجاءت الخادمه بالمشروب الذي طلبه عمر وهو القهوه ، وضعته الخادمه وذهبت
شهد .. ملك عامله ايه  ومجتش معاك ليه ؟؟
عمر .. هجبهالك بكرا باذن الله
حنين .. بفضول . مين ملك دي مراتك ؟؟
عمر .. بابتسامه . لا مش مراتي دي صاحبتها الانتيم
حنين .. اممم تلقيها زيك عسوله كدا وتتحب بسرعه
شهد .. بابتسامه . اممممم جدا جدا واكتر مني كمان هتحبيها بسرعه متقلقيش
حنين .. شوقتيني للمعرفه عليها هتيجي امتي بقي علشان اتعرف عليها
عمر .. بابتسامه . بكرا باذن الله هتكون عندكم
شهد .. باذن الله
_جاء اليهم معز وانضم اليهم وقال بابتسامه وهو يصافح عمر
معز .. ازيك يا عمر
عمر .. الحمد لله انت عامل ايه
معز .. الحمد لله بخير ، اتفضل
_عاود عمر الجلوس مره اخري وجلس معز بجانب حنين 
_كان الجو متوتر منذ نزول معز وانضمامه اليهم
وبعد فتره دخلت سهي اليهم وقالت
سهي .. مبرووووك يا معز مش كنت تقول انك هتتجوز
_انصدم معز وحنين من وجود سهي ، وكانت مجهوله بالنسبه لي شهد وعمر
معز .. سهي انتي ايه اللي جابك هنا
_كانت سهي  تنظر الي شهد بغضب وقالت
سهي .. بسخريه . مبروك يااا عروسه ولا اقول ام ابنه زي ما بيقول
معز .. بغضب . سهي كلامك معايا انتي سامعه
سهي .. بحده . بجد ومن امتي وسيتك بتهتم بحد كدا
معز .. استغفر الله ، انتي عايزه ايه دلوقتي
سهي .. بغضب . عايزه اعرف انت اتجوزتها ليه هااا
معز .. شي ميخصكيش واتفضلي بقي من هنا
سهي .. بغضب . انت بتطردني يا معز
حنين .. اها اتفضلي بقي
_جاء من خلفهم صوت غاضب وكانت وفاء  وقالت في حده
وفاء .. بغضب . والله عال يا استاذ معز بقي بتطرد سهي علشان دي ، بتطرد بنت خالتك علشان واحده متعرفش جايه منين ، وعلي العموم هي مش في بيتك علشان تقول مين يقعد فيه ومين يخرج 
معز ..
______________
الفصل خلص رايكم وتوقعتكم للي جاي
معز هيعمل ايه ؟؟؟؟ وياتري وفاء ممكن تطرد ابنها ؟؟؟
ممنوع النشر بذون اذني
💔نهايه الحرام💔 بقلمي((ايمان عامر))