((نهايه الحرام )) بقلمي ((ايمان عامر ))

((الفصل الرابع))((نهايه الحرام))

((الفصل الرابع ))
((نهايه الحرام ))
بقلمي ((Eman Amer))

معز .. بقلق . هي كويسه ؟؟
الطبيب .. مين اللي عمل فيها كدا ؟؟
سليم .. بقلق . عمل فيها ايه وهي حصلها ايه ؟؟
الطبيب .. اتعرضت للاغتصاب
_ كانت كلمه الطبيب صدمه للكل حتي معز كان مصدوم
معز .. بتوتر . ب.بتقول ا.ايه
الطبيب .. احنا مطرين نبلغ بالحاله لان دي مسؤليه احنا مش قدها
_توتر كل من معز وسليم ولكن كان يختلف لديهم الحال ، كان معز متوتر بسبب الفتاه التي بالداخل وما فعله بها وماذا سيكون حالها بعد ان تستفيق ، لكن سليم كان متوتر بشأن النيابه والصحافه ومعرفه محمد المغربي بخبر مثل هذا لان اسم المغربي اسم كبير ومعروف
_تحرك الطبيب ولكن لم يتركه سليم وتحرك خلفه في اسف واخذ يتحدث معه في هدوء تاام
_بينما جلس معز علي اقرب مقعد في حزن وحسره علي ما فعله في حق ذلك الفتاه ماذنبها ليحدث معها ذلك
_جاء سليم اليه وجلس بجواره وقال في حزن وغضب خفيف
سليم .. ايه اللي حصل علشان توصل للحاله دي ؟؟
معز .. سليم انا مش فايق ليك ولا لكلامك خالص
سليم .. ماشي يا معز بس علي الاقل عرفني هتعمل ايه في البنت اللي جوه دي
معز .. هعمل ايه يعني هستني لما نشوف هتقول ايه لاني بجد مش فاكر حاجه
سليم .. علي العموم انا منعت الدكتور يبلغ دلوقتي هنستني لما تفوق ونشوف يمكن متبلغش
معز .. ربنا يسهل المهم دلوقتي مش عايز حد يعرف
سليم .. مينفعش يا معز لازم علي الاقل ابوك يعرف
معز .. بخنقه . يعرف ايه بس هقوله تعالي شوف انا هببت ايه مقدرش اقوله كدا طبعا
سليم .. انا هعرفه بس المهم نعرف اهل للبنت اللي جوا دي
معز .. بضيق . ملهاش حد تقريبا غير اخوها
سليم .. انت تعرفه ؟؟
معز .. اه اعرفه بس معرفهاش هي
سليم .. وتطلع مين دي بقي وانت تعرف اخوها منين ؟؟
معز .. باحراج . هووووف دا اللي كنت بكلمه اما اعوذ مسكن
سليم .. بعصبيه . قصدك مخدر
معز .. بضيق . وحيات اهلك مش ناقصك ولا طايق نفسي علشان اطيقك
سليم .. طيب يا معز هروح ابلغ ابوك بس يارب ميعملش اللي في دماغي
معز .. باستغراب . قصدك ايه ؟؟
سليم .. قصدي اني ابوك مثالي زياده عن اللزوم وبيقف مع الحق حتي لو كان علي حساب نفسه وانت عاارفه كدا
معز .. ربنا يستر
_______________بقلمي ((ايمان عامر))
في ڤيلا المغربي
_استيقظ محمد المغربي علي رنين الهاتف ، التقط الهاتف ورد في استغراب من المتصل في هذا الوقت
محمد .. السلام عليكم
سليم .. وعليكم السلام معلش يا عمي صحيتك بدري
محمد .. ولا يهمك يا سليم بس خير في ايه
سليم .. في مصيبه عندي ومش عارف اعمل ايه ؟؟
محمد .. بقلق . خير يا سليم قلقتني في ايه
سليم .. معز يا عمي
_انقبض قلب محمد فور سماع اسم معز ورد
في قلق
محمد .. ماله معز يا سليم انطق يا يابني
سليم .. بتوتر . معز اتصل بيا واحنا حاليا في المستشفي
محمد .. بقلق اكبر . مستشفي ليه معز جاراله حاجه ما تنطق يا بني
سليم .. اهدي يا عمي هو كويس مفهوش حاجه والله
_تنهد محمد بارتياح ولكن عاد ليسأله في استغراب
محمد .. امال في ايه وانتو في المستشفي ليه ؟؟
_تحدث سليم بقلق وهو يبتلع ريقه بخوف من رد فعل محمد وقال
سليم .. بقلق . اعتدي علي واحده ونقلناها المستشفي
_لحظات استغرقها محمد المغربي قبل ان يفهم ما قاله سليم للتو وعن من يتحدث سليم عن معز الذي كان لا يتوقع منه ان يفعل ذلك في يوم من الايام ولكن تحدث في عصبيه افذعت وفاء التي كانت بجواره غارقه في النوم وقال 
محمد .. بعصبيه . انت اتجننت ايه اللي بتقوله دا معز ابني انا يعمل كداااا
سليم .. بهدوء . اهدي يا عمي انا مش بكدب واحنا في المستشفي حاليا
محمد .. بغضب . اسم المستشفي ايه
_انقبض قلب وفاء فور نطق محمد بهذه الكلمات وهي لا تعرف ماذا حدث مع ابنها غير انها سمعت اسمه ومستشفي
_اغلق محمد مع سليم بعد ان عرف اسم المستشفى
وفاء .. بخوف . ابني ماله يا محمد في ايه
محمد .. بغضب الدنيا . وفااااااء ابعدي عني اناااا مش طايق نفسي
وفاء .. بخوف ودموع . محمد الله يخليك طمني ابني جراله ايه
محمد .. بحزن . ابنك ضااع وضيعنااا معاااه ربنا يستر من اللي جاي
وفاء .. ببكاء . ابني جراله ايه يا محمد هاا ؟؟
_قام محمد من مكانه وتوجه الي المرحاض وغير ملابسه وتوجه الي الخارج دون ان يرد عليها وكانت هي لا تكف عن الاسأله وهي تبكي ، ذهب الي الجراچ واستقل سيارته وذهب الي طريقه
____________________
في المستشفي
وصل محمد المغربي بعد فتره وصعد الي الاعلي امام الغرفه
محمد .. بعصبه . ممكن اعرف ايه اللي حصل وحصل ازااي
_تفاجأ معز من وجود والده ونظر الي سليم بغضب رد علي والده بحرج
معز .. معرفش مش فاكر حااجه خالص من اللي حصل
محمد .. بعصبيه . مش فااكر اماال مين اللي فاكر هااا
سليم .. يا عمي اهدي خلينا نشوف حل البت لو فاقت ولا حد من اهلها ظهر هنروح في سين وجيم واسأله وقضايا ومحاكم ملهاش اول من اخر
محمد .. اسمها ايه ولا تعرفها منين ولا روحت ليها ازاي
معز .. معرفش اسمها ايه بس اعرف اخوها اسمه عمر الدالي
محمد .. بحرن . ربنا يسامحك علي الموقف الزفت دا ربنا يسامحك بقي ابني انااا يعمل كدا
_كاد معز ان يرد حتي وجد الطبيب يقترب منهم وقال
الدكتور .. السلام عليكم
محمد .. وعليكم السلام ، طمني يا دكتور هي المريضه اللي جوا كويسه
الدكتور .. والله مش عارف اقولك ايه بس هي ابعد ما يكون كويسه سواء نفسي او جسدي واحنا مطرين ناخد الاجراءت وانا فهمت الاستاذ علي كل حاجه
_واشار الي سليم الواقف امامه ، اوما سليم في خفوت وقال
سليم .. احنا مستنينها تفوق وان شاء الله كل حاجه هتبقي كويسه ومش هنحتاج للحكومه في حاجه
_نظر له محمد نظره جامده لم يفهمها سليم وظل يتنقل بنظره اليهم ولم يفهم منهم هذه النظره حتي تحدث محمد المغربي وقال في جمود
محمد .. لا حضرتك اتفضل خد الاجراءت اللي محتاجه تتاخد في الوقت دا
_ثاني صمده بالنسبه لمعز وسليم في هذا اليوم ، علي الرغم من انه كان متوقع ذلك من والده كما كان متوقع حاله شهد ، تحدث معز الي والده في استغراب  وقال
معز .. بابا حضرتك عارف بتقول ايه انت واعي للي بتقوله ؟؟
محمد .. بحزن . واعي وعارف انا بقول ايه ودا اللي هقوله في اي مكان وفي اي وقت حتي لو كان اللي عمل كدا يبقي ابني
سليم .. عمي ارجوك اهدي وفكر شويه انت كدا بتضيع اسم العيله
محمد .. انا عارف بقول ايه وبفكر ازاي ودا نفس اللي كنت هعمله لو كانت اللي جوا دي حنين بنتي
_انقبض قلب كل من معز وسليم فور نطق محمد لاسم حنين .
_تذكر معز حديث كلا من محمد وسليم عن نهايه ذلك الحرام وما يفعله من معاصي تغضب الله تعالي
معز .. بحزن . اتفضل يا دكتور شوف المناسب واعمله
_كاد ان يجن سليم من تصرفهم هذا ليس شي يستهان بيه وكيف يتضرر اسم العائله من هذه القضيه او بهذا النوع من القضايا وتحدث في عصبيه وقال
سليم .. ايه اللي بتقولوه دا اهدووو وفكروا الموضوع مش بالسهوله دي
معز .. انا عارف وانا متعودتش ان اعمل غلط واهرب منه ولا اتربيت علي كدا ، والبنت اللي جوا دي ليها حق وهتاخده
محمد .. باستهزاء . اتربيت هههه انت بعد اللي عملته دا مشفتش تربيه ولا انا عرفت اربي
_تنهد معز في غضب من خديث والده ، وانه كان يعتبره محمد صديقه وليس ابنه وكان دائما يري فيه زرعته الصالحه
_تحدث الطبيب وقال
الطبيب .. عن اذنكم انا هدخل اشوف المريضه
_اوما له محمد في صمت ، دخل الطبيب الغرفه بينما توجه محمد بنظره الي كل من سليم ومعز في اسف وحزن علي ما يلحق به من اذي
_______________
داخل الغرفه عند شهد
_دخل الطبيب الي الداخل ووجدها قد استعادت وعيها واستغرب من وجودها ساكنه في مكانها بدون ان تتحرك وبدون ان تتحدث او تصرخ فقط ساكنه
الطبيب .. في حزن . حمد لله علي السلامه
_نظرت له شهد في شرود وبعد ذلك وجهه نظرها الي الاتجاه الاخر
الطبيب .. انتي كويسه طيب ؟؟
_تنهدت في ضيق مكتوم ولم ترد عليه
الطبيب .. انتي حابه تبلغي عن الاي حصل
_نظرت ليه شهد وحركت رأسها بالاجاب علي كلامه
الطبيب .. طيب انا هبلغ الاداره بكدا
_وجاء حتي يخرج حتي وجدها تتحدث بهدوء ولكن بصوت مهزوزو يحمل كل معاني الحزن والكسره والالم وقالت
شهد .. بضعف . عايزه اخويا
_اقترب منها الطبيب وقال
الطبيب .. علي صوتك شويه لاني مش سامع
شهد .. عايزه اخويا جنبي
الطبيب .. طيب انتي تعرفي رقمه
_حركت شهد رأسها بالاجاب
_اعطي لها الطبيب الهاتف الخاص به حتي تهاتف شقيقها
_اخذت شهد الهاتف بيد مرتعشه وكان جسدها ينتفض بالكامل كتبت شهد رقم عمر علي الهاتف وضغطت زر الاتصال ، وبعد فتره جاءها صوت عمر وهو يقول
عمر .. السلام عليكم مين معايا ؟؟
شهد .. بحزن . انا شهد يا عمر
_استغرب عمر من رقم الهاتف وصوتها الذي كان حزين ومكسور وقال
عمر .. شهد بتتكلمي منين وليه صوت حزين كدا
شهد .. بحزن . عمر انا في المستشفي
عمر .. بفزع . مستشفي ليه ؟ ايه اللي حصل ، فيكي ايه يا شهد انطقي
شهد .. بدموع . اللي حصلي اصعب من انك تعرفه علي الموبايل
عمر .. بخوف . شهد قوليلي انتي جرالك ايه وليه في المستشفي
شهد .. بشرود . بتتعاقب علي *نهايه الحرام*فيا
عمر ..
____________________
وبكدا خلص الفصل رايكم وتوقعاتكم للي جاااي
عمر هيعمل ايه ؟؟ وسليم هيسيب محمد يبلغ عن معز ولا ايه ؟؟ وشهد هيكون ايه مصرها ؟؟ وايه اللي جمع معز وشهد مع بعض ؟؟ كل دا في الفصل اللي جاااي
ممنوع النشر بدون اذني
💔نهايه الحرام 💔 بقلمي ((ايمان عامر ))