((نهايه الحرام )) بقلمي ((ايمان عامر ))

((الفصل السابع والعشرون))(( نهايه الحرام ))

((الفصل ال 27 ))
(نهايه الحرام ))
بقلمي(( Eman Amer ))

حنين .. بصدمه . نعمم نتجوز عرفي
عمر .. عندك حل تاني
حنين .. اكيد في حل تاني
عمر .. بتنهيده . طب قولي يا حنين وانا معاكي
حنين .. بحزن . معرفش ، حاليا معرفش ، بس لو فكرنا اكيد هنلاقي حل غير اننا نتجوز عرفي
عمر .. بزهق . طيب اقفلي يا حنين ولما تلاقي الحل بلغني سلام
حنين .. بحزن . في ايه ياعمر
عمر .. مفيش ياحنين مفيش تعبت من الرفض ومبقتش عارف اعمل ايه
حنين .. بتنهيده . سبها علي الله ياعمر وربنا يسهل
عمر .. يارب ، هسيبك تفكري وابقي عرفيني قرارك
حنين .. حاضر
_اغلقت حنين الهاتف ، واخذت تبكي بقوه علي ما يحدث لها
_دخلت اسيا اليها وقالت في حزن عليها
اسيا .. هتفضلي تعيطي كدا كتير
_نظرت اليها حنين وجففت دموعها بظهر كفها وقالت
حنين .. وانا في ايدي ايه غير اني اعيط
_اقتربت منها اسيا وجلست بجوارها وقالت في تفكير
اسيا .. لا في ايدك كتير قوي
_نظرت لها حنين وبداخلها امل جديد وقالت
حنين .. زي ايه  ؟؟
اسيا .. زي مثلا انك تروحي لمعز وتتكلمي معاه
حنين .. بشهقه . انتي مجنونه اروح لمعز واتكلم معاه ، لا انتي فعلا مجنونه
اسيا .. لا مش مجنونه ، معز طيب وحنين واكيد هتصعبي عليه ولما يعرف انك فعلا بتحبي عمر ، وعمر كمان بيحبك بجد مش لمجرد الانتقام
حنين .. وانا فعلا متأكده ان عمر بيحبني بجد
اسيا .. طيب مستنيه ايه ، روحي واتكلمي معاه وربنا يريح قلبك
حنين .. بتوتر . طيب لما يجي هروح واتكلم معاه
اسيا .. هو جيه من شويه وطلع الاوضه روحي بقي اتكلمي معاه قبل ما ينزل تاتي
حنين .. بخوف . تفتكري ، خايفه منه قوي
اسيا .. بابتسامه . افتكر وبعدين هو اللي خلاني اطلعلك اطمن عليكي ، يلا بقي قومي
_تنهدت حنين بتوتر من هذه الخطوه ، نظرت اليها اسيا باطمنان
_قامت حنين وتوجهت الي غرفه معز
_طرقت الباب بخفه ، وبعد فتره فتحت شهد الباب وقالت بابتسامه
شهد .. تعالي ياحنون
حنين .. بخفوت . معز هنا
شهد .. امممم في الحمام بياخد شور
_دخلت حنين واغلقت شهد الباب بهدوء ، وجلست بجوار حنين علي الاريكه
حنين .. بتوتر . هو معز مزاجه حلو ولا ايه
شهد .. بمشاكسه . توتو جااي ومتعصب وبيتخانق مع نفسه
_قامت حنين بخوف وكانت متوجهه الي الباب وقالت
حنين .. طب انا ماشيه بقي
شهد .. هههههههههه يا جبانه تعالي تعالي مزاجه حلو متقلقيش
حنين .. باطمأنان . الله يحرقك خضتيني
_امسكت شهد حنين من كفها واجلستها مره اخري وقالت
شهد .. بابتسامه . اول مره اعرف انك خوافه كدا
حنين .. بتنهيده . معز دا اخر واحد اخاف منه ، كنت بغلط واجري استخبه في حضنه من بابا ، كنت لما اعوز اخرج او اروح رحله اجيله هو وهو اللي يقول ل بابا ، اول مره اخااف منه قوي كدا ، اول مره اكون مخنوقه وماجيش اعيط في حضنه
شهد .. بحزن عليها . اكيد فتره وهتعدي وهيرجع معاكي زي الاول
حنين .. بدعاء . يارب
_خرج معز من المراحاض ، واستغرب وجود حنين ولكن لم يتحدث معها ، توجهه الي المرأه واخذ يجفف شعره
_قامت حنين من مكانها بتوتر واضح عليها واخذت تفرك يديها وقالت
حنين .. معز ك.كنت عا.عايزه اتكلم معاك شويه
_نظر لها معز بطرف عينيه دون ان يحرك رأسه وقال في حده
معز .. هصلي الاول وبعدين اسمعك
_القي معز الفوطه علي المقعد بقوه وذهب ليؤدي فرضه في الزاويه المخصصه للصلاه
_رجعت حنين مره اخري وجلست بجوار شهد وكانت ملامحها حزينه ، رتبت شهد علي كتفها بحنان وقالت
شهد .. متزعليش ، اكيد مش هيهون عليه انك تفضلي زعلانه كدا كتير
_ابتسمت لها حنين واخذت ترتب ماذا ستقول له وكيف تبداء
_بعد فتره انتهي معز من صلاته ، وتوجهه اليهم  وجلس علي المقعد بملامح جامده وقال في حده
معز .. سامعك
_تحدثت شهد في هدوء وقالت
شهد .. عن اذنكم هروح اشوف اسيا
حنين .. لا يا شهد خليكي انا عايزاكي انتي كمان
_ جلست شهد مره اخري في استغراب ولكن لم تتحدث
حنين .. بتوتر . كنت عايزه اتكلم معاك بخصوص عمر
معز .. بجمود . ماله
حنين .. يامعز انا بحبه وهو كمان بيحبني
معز .. وبعدين
حنين .. بترجي . وافق يا معز عليه علشان خاطري
معز .. اتكلمي مع بابا لو وافق هو حر
حنين .. بتأكيد . بس انا عارف انك لو وافقت هتقدر تقنع بابا بيه وهو كمان هيوافق ، ارجوك يا معز انا بحبه ونفسي اكمل معاه
معز .. بهدوء . هو انتي غبيه يابت  ، انتي ليه مش قادره تفهمي انه عايز ينتقم مني فيكي ، عايز يوجعني بيكي ، ليه مش قادره تفهمي دا
حنين .. بس اللي بيحب ميقدرش يأذي اللي بيحبه
معز .. ودا لو بيحبك فعلا ، عمر قرب منك علشاني انا مش علشان بيحبك افهمي دا
شهد .. حنين معاها حق يا معز اللي بيحب حد مش ممكن يكون السبب في عذاب اللي بيحبه
معز .. باستهزاء . واخوكي بيحبها بقي
شهد .. انت متعرفش اللي في  قلبه يمكن بيحبها بس بيكابر ، يمكن لما تقرب منه فعلا وتعرفه قد ايه هي بتحبه وبتعشقه دا يغير فيه كتير ، وبدل الانتقام يتحول حب بجد ، سيبها تعيش زي ماهي عايزه يا معز وخليك في ضهرها اظن كدا هتبقي مطمن عليها
معز .. وانا كنت متوقع منك الكلمتين دول ، مش علشان اخوكي ، لا ، بس لانك دايما بتحكمي قلبك ، في حاجات لازم نحكم فيها العقل ، ودا شي مش هيتغير
حنين .. بترجي . ارجوك يامعز وافق انا بجد مقدرش اعيش من غيره
شهد .. وافق بقي ، حرام عليك تكسر قلبها ، وكمان بدل ما تروح تتجوزه من وراكم وتجبلكم العار
معز .. بغضب . نععععم تتجوز مين دا انا كنت دفنتهم الاتنين في مكان واحد
_ذهبت حنين الي معز واقتربت منه وقالت في ترجي
حنين .. وافق بقي ، الشيطان شاطر وممكن اتجوز من وراكم فعلا ، وحيات ابنك اللي لسه مجاش الدنيا دي توافق
_نظر معز اليها في قله حيله ، وبعد ذلك نظر الي شهد
_ابتسمت له شهد بخفه وحركت رأسها بهدوء
_تنهد معز بقوه وقال
معز .. بس لو زعلك
حنين .. بمقاطه . لا ان شاء الله مفيش زعل ، ولو حصل كأني مقولتش حاجه وانا هحل كل مشاكلي
معز .. بابتسامه . وانا دايما هكون في ضهرك ومش هتخلي عنك ، وربنا يستر بقي ويطلع فعلا بيحبك زي ما بتقولي
حنين .. بحب . والله هيطلع بيحبي بس انت وافق
معز .. بتنهيده . ماااشي ياستي لو اتقدم تاني هوافق
_فرحت حنين بقوه واخذت تقفظ في الهواء من الفرحه ، وقبلت شقيقها بحب وقالت
حنين .. ربنا يخليك ليا يارب
معز .. بابتسامه قلق . ويخليكي بس دا لو اتقدم هاا
حنين .. بدون وعي . هيتقدم وبكرا هيكون عندك
معز .. وعرفتي ازاي اوعي تكوني لسه بتكلميه
حنين .. هااا لا طبعا ، يلا بقي اشوفكم بعدين
_ذهبت حنين الي غرفتها وهي في قمه سعادتها لكي تهاتف عمر وتخبره ما حدث