((نهايه الحرام )) بقلمي ((ايمان عامر ))

((الفصل السادس ))((نهايه الحرام))

((الفصل السادس ))
((نهايه الحرام ))
بقلمي ((Eman Amer))

سليم .. بزعل .انا عندي حل يرضي جميع الاطراف
محمد .. باستغراب . حل ايه دا ؟؟
سليم .. ان معز يتجوز شهد
محمد .. باستغراب . ايه اللي انت بتقوله دا
سليم .. يا عمي افهمني البنت كانت عذراء ، لو معز اتجوزها هو كدا كدا اول راجل ليها ، وبكدا هي هتتسجل متجوزه ، ومعز يخرج من السجن قبل ما يتعمل ليه قضيه ، ولو حتي اطلقت هيبقي معاها اللي يثبت انها ثيب بالسنه والقانون
محمد .. طيب وسهي بنت خالته انت ناسي انه خاطب
سليم .. لا يا عمي مش ناسي ، بس ممكن يسيبها يعني هو مش اول واحد يفسخ الخطوبه ، وبعدين حضرتك ناسي كلامها انها مش هتقدر تكمل معاه وهو بالشكل دا
محمد .. لا مش ناسي بس قلت هيتعدل ويرجع ليها خصوصا انهم بيحبو بعض
سليم .. حب ايه يا عمي كلنا عارفين انبهار سهي بالمظاهر ومعز بالنسبه ليها الشخص اللي اي بنت تتمناه مش اكتر من كدا ، وكانت بتحب اهتمامه بطل اهتمام بطلت تحب
محمد .. طيب افرض البنت رفضت ، انا زي ما قولتلك مش هقبل اننا نضيع حقها
سليم .. متقلقش يا عمي انا هكلمهم ونتفاهم من غير ما تضيع حقها وبعدين الجواز هيحافظ علي حقها اكتر
محمد .. بارتياح . يارب يا سليم توافق بدل الفضايح دي
سليم .. باطمأنان . متقلقش يا عمي ان شاء الله هتوافق

((في الداخل.))
في مكتب التحقيق
الضابط .. كمل يا بشهمندس بعد ما سيبت الڤيلا والشركه حصل ايه وازاي وصلتلها
معز .. بتنهيده . روحت شقه كنت مشتريها من فتره وفضلت فيها كان معايا لسه فلوس ومسكن ، او مخدر زي ما بتقولوا ، عدي كام يوم كنت الي حد ما كويس مفيش مشاكل بدأت الفلوس تقل والمخدر يخلص والهروين كمان ، بدات استلف وبعدها بكام يوم ، مفيش فلوس مفيش استلاف مفيش مخدر مفيش اي حاجه مكنش قدامي غير اني اروح لي عمر
الضابط .. هو عمر دا اخو البنت اللي في المستشفي
معز .. ايوا هو
الضابط .. وهو كمان مدمن وبيتعاطي ولا بيبيع وبس ؟؟
معز .. بكدب . لا كان بيتاجر فيها تجاره خفيفه بس بطل من فتره
الضابط .. باستغراب . بطل يبع ازاي واخته قالت انه بطل يخبي الحاجه في البيت معني كدا انه كان بيجيب في البيت ولا ايه ؟؟
معز .. بكدب . هو كان كدا فعلا بس بطل من فتره طويله وبعد عن الشغل دا
الضابط .. ولما انت عارف انه مبطل من فتره وبعد روحت البيت عنده ليه ؟؟
معز .. معرفش انا نزلت الشارع ومدرتش بنفسي غير وانا قدام البيت علي اساس اني ممكن يكون عنده اي حاجه تسكن الالم اللي كنت فيه
_كان يحاول معز ان يبعد عمر عن اي شبهه جنائيه تلحق به
الضابط .. بشك . طيب كمل
معز .. روحت عندها البيت ومعرفش ايه اللي حصل بعد كدا مش فاكر اي حاجه خالص ، مش فاكر غير اني فوقت كانت بدايه الصبح ولقتها غايبه عن الوعي جنبي وهي متبهدله وهدومها مقطعه
الضابط .. معني كدا انك معترف انك اعتديت عليها
معز .. انا مانكرتش اصلا
_تحدث الضابط وهو يحدث الذي يجلس بجانبه لكي يسجل اقوال معز وقال
الضابط .. اكتب يا بني ، يحبس المتهم معز محمد المغربي اربعه ايام علي ذمه التحقيق ويراعي التجديد في القضيه
_ثم وجهه كلامه الي معز وقال
الضابط .. تعالى امضي علي اقوالك يا بشمهندس
_قام معز من مكانه وتوجهه الي الضابط ومضي ، وبعد الانتهاء تكلم معز الي الضابط وقال
معز .. انا عايز افضل في مكان منفرد ومش عايز اي حد معايا خالص ينفع
الضابط .. باستغراب . بس ليه حبس انفرادي ، دا بيكون عقوبه للي هنا
معز .. انا عايز كدا ولو حصل ايه جوا ومهما كانت حالتي بلاش حد يدخل ممكن
الضابط .. اللي يريحك بس دا استسنأي مش اي حد بيطلب حاجه بنفذها
_اومي له معز وهو يفكر بشي داخله يجب عليه ان يفعله ، لم يستطيع ان يحققه في الخارج سوف يحققه هنا
_دخل العسكري بعد ان طلب منه الضابط وامره باخذ معز الي حبس انفرادي
_اطاع العسكري كلام سيده واخذ معز وتوجه الي الخارج