دفعت 💔ثمن انتقامك💔🌷

part 1

دفعت_ثمن_انتقامه
#للكاتبه_الهميل_الشارد

الحلقه الأولى :

في بيت كبير وواسع وفي وحده من غرف المنزل كانت فيه بنت تبكي 😭ومنهارة وجسمها يوجع فيها من الضرب اتشوف ليديها ورجليها كيف آثار الضرب بدن يبانن ويوضح من اللون الأحمر للموف ودموعها معبيات وجهها وكارسه في زاويه الدار وترعش ودبشها ممزق من قوة الضرب واشويه وايخش عليها راجل في  نص عمره  والحزن باين علي وجه وأول ماشافاته البنت زادت تبكي ومن الوجع ماقدرت اتصبي وتمشيله وقرب منها وخذا ها في حضنه وهو يبكي بدون صوت وهي منهارة بالدموع ابكا بصوت عالي ..😭
واتخش عليهم وليه في الأربعينات من عمرها وليه الشر باين في عيونها المشترات 😒 وحاطه ايديها في نص وسطها وقالت بهزوه: هالمرة طريحه ياماما المره الجايه ذبح وكان اتعود دوتك اللي بكري ...فااهمه والا خلي باتك ايفهمك 😒
خلني انفهمكن شن القصه شكلك دختن 😂 طبعا هذي عيلة الحاج ابراهيم راجل طيب لأبعد حد  وعنده ثلاث اولاد وبنتين الكبار من عويله احمد وعمره 25 يشتغل في الصحراء في شركه بترولية وطموح انه يتجوز البنت اللي يبيها ويعيش معاها بعيد عن هله وطبعه واعر واناني وطبعا فردي يعني امه اول وحده تجوزها عمكن ابراهيم وأطلقت منه ومتجوزة راجل تاني عندها واشون ابروحها 😒..الثاني من اولاد ابراهيم  اسمه مرعي وعمره 21 يقرأ في الجامعه تخصص إعلام وشاب اكويس وصلاي وحنون وطموحه يبني مستقبله ويشتغل ويسافر برا وايحب باته واااجد وطبعا هو شقيق بطلتنا اللي اسمها حور بنوته جميله ورقيقه وجذابة بشرتها بيضا وشعرها بني مايل للكستنائي وطويل لخصرها وناعم بتمويج حلو وعيونها عسليه وواسعه وخشمها واقف وشفايفها ايهبلن وجسمها حلو لا مليانه ولا ضعيفه ومكمله الإعدادي وقرت معهد تمريض سنتين وتخرجت بامتياز وعمرها 20 سنه  وطبعا عمكن ابراهيم متجوز بعد مراته الأولى ام حور وبعد جابتلا حور و مرعي توفت واظطر بعد كم سنه يجوز وياخذ الثالثه اللي هي قاعده توا وعنده منها بنت وولد الولد عمره 15 واسمه فايز والبنت اسمها فرات وعمرها 12 سنه وطبعا يقرو وامدلعتهم امهم ومخربة طبعهم واسمها فجريه ونازله علي راقدة الريح حور  ضم وتطييب ولم وجري في الحوش ابروحها وإذا عاركتها ولا مالبتش طلباتها تنزل فيها ضرب بالعصا وحور من أخلاقها وطبعها الهادي مستحيل اترد عليها..وطبعا فجريه اغصبت علي حور انها توافق علي شخص حور مازالت ماشافاته ولا عارفاته غير لأنه غني وأمرت باتها تقرب لامه وبس ..

                     قراءة ممتعه 💚

طبعا هذي بدايتها 💗💖
رايكن ايهمني انكمل ولا نفوتها  😒