دفعت 💔ثمن انتقامك💔🌷

part16

دفعت ثمن انتقامك
#للكاتبه_الهميل_الشارد

الحلقه 16/

وتغطا وهو يتامل في شكلها وابتسم علي حشمها وانحراجها وحط يده علي خده وبعدها فمه وضحك بدون صوت وغمض اعيونه .
وفي الصبح ناض امجد وشاف لحور القيها راقده زي البيبي شعرها منثور علي وجهها وقعد امجد يرفع في خصلات شعرها بيده ويتأمل في ملامحها وابتسم وبعد اذكر العذاب اللي داره لها قرن حواجبه وحس بذنب وضميره قعد يأنب فيه وقرب منها وطبع بوسه خفيفه علي خدها وغطاها اكويس واشويه حس بيها تتململ وتبي اتنوض غمض امجد عيونه ودار روحه راقد فتحت حور اعيونها لقت امجد راقد علي حسب فهمها 😏 وتأملاته اشوي ووقفت وخشت للتواليت وامجد فتح اعيونه وقال لروحه بعد خشت وسكرت ( ينعليا نا وخلاص كيف اندير بس بيش تنسا وترجعلي ).
وعند مرعي ايجهز لحفلة تخرجه ورن فونه القيه خوه احمد : مرحبتين يامان وينك ?
احمد : الحمدلله ..كيف حالك يامرعي وكيف حال حور ?
مرعي : بخير والله الحمدلله ..وشخبار شبابنا الحلوين .
احمد : اكويسين ومستعجلين عالسفر يبو يشوفوك انت وحور ..
مرعي : وحتى نحن والله ..متشوقين نبو انشوفوهم عاد .
احمد : انشاءلله قريب ..خلاص هانت درت نقل واموري بأذن الله تمام وحنكونو قريب من بعضنا ونونسو بعضنا يامرعي سادنا فراق ياخوي .
مرعي واعيونه دمعو : اكيد ياخوي بأذن الله .
وهدرزو اشوي وسكر منه احمد وقاله يسلملا علي حور وعند حور جهزت روحها لعملها وامجد لبس طبعا بيوصلها ونزلو فطرو مع العيله والحاج بدر جاه تلفون طلع يكلم في المكتب امتاعه واشوي وطلعت حور وامجد بيوصلها ..والحاج بدر طلع حتي هو ومعاه بناته بيوصلهن للجامعه ...الا غاده ماعندهاش محاضرات ..
ونجاة حايسه فيها في الحوش ضم مع الخدامه وتنكيت ..
عند حور وامجد اللي في السياره .
امجد : ها ياحور شن رايك نعطيك اتسوقي باقي الطريق ابروحك .
حور بفرحة وتوتر : باهي ..بس ..خايفه اشوووي .
امجد : لا عاد لا خايفه ولا غيره ..بتتعلمي السواقه لازم اتسوقي وسط البلاد ..
ووقف عالجنب ونزلو من السياره وبدلو مكاناتهم وبدت حور اتسوق وامجد معاها بالتعليمات وفعلا قدرت اتسوق بسرعه بطيئه اشوي بس ساقتها ..
تي خير مني ..😒
ووصلت للعياده ونزلت وامجد وصاها علي روحها وقاللها : عالواحد تلقيني هنا بأذن الله .
حور : انشاءلله .
وخشت للعياده وامجد ركب سيارته ومشا للعمل .
ومشا اليوم عادي عالكل ..وبعد يومين احمد جا مع عيلته للمدينه وشرا. حوش كبير وفوق فيه شقه اصغيره تبي تكمله ..واثث حوشه وعيلته تعرفت علي مرعي وحور اللي مشتاقين لجو العيله واللمه وقلوبهم تقطعت من الحزن والبعد واليتم .ومرت احمد وليه اكويسه وهي البنت اللي احمد خدم وتعب عشانها واسمها روان وعيالها الولد اسمه عماد وعمره 5 سنوات والبنوته اسمها علا وعمرها 4 سنوات وطبعا يوم قضوه مع بعض واحمد اصر ان خوه ايعيش معاه سده من عيشت الداخلي ومرعي رفض في الاول بس احمد وروان اصرو وطمنه احمد ان الشقه اللي فوق حتكون له ..وفعلا مشن الايام ومرعي قدم مشروعه وحضرو الكل من حور وامجد واحمد وروان واولادهم وغزاله عاد ماننسوهاش هذي عاد ...تي كبيدتها مرعي 😆
وتخرج مرعي وحور مازالت علي موالها مع امجد بس مسافه البعد بدت تنقص اشوي اشوي ..
وفي يوم قرر مرعي يخطب وكلم حور واحمد وخذا رايهم وحكالهم وحور طبعا وافقت وزادت شجعاته وفعلا مشا احمد ومرعي وخطبو غزاله لمرعي اللي طارت من الفرحه وماوارتها بكل عليك جيل 😒
ونجاة فرحتلها وامجد وغدير اللي تقبلت صلاح وبدت اتكلم فيه بالفون لكن غاده شي البنت هذي لاتطلع مع العيله ولا شي مسكره علي روحها وخلاص اتقول فيها حاله ,😐👉
وطبعا احمد كمل الشقه اللي فوق ومرعي بعد خطب غزاله ودارلها خطبه عائليه سافر للعمل وحور وجعها خوها اللي بيتغرب ووصاته ايكلمها وسافر واحمد شاله للمطار ووصاه علي روحه وعطاه كم نصيحه اخويه ..مهما كان احمد توا الاخ والاب ليهم ..وهم محتاجين السند اهوا ..كيف ماهو محتاجهم .
وعند حور كانت في دارها مكسده وامجد طالع مشوار وقاللها بيطول وماترجاهش عالعشاء .فقررت اتكسد علي روحها فتحت دولابها وطلعت فستان بيتي لفوق الركبه لونه عنابي وكان ربع كم ورسمه رقبته مثلث ومخصر وايهبببل عليها طلقت شعرها علي ظهرها وخلاته علي راحته ومكجت دارت بودره خفيفه علي كحل اسود وروج وردي داكن ..تي طلعت وااااو 😍 اطلع طووووول جمال طبيعي ايهببببل وقعدت اتشوف لروحها عالمرايه وعاجبتها روحها ومبتسمه وعزقت لروحها بوسه في الهواء وقالت : ياااخيه انهبببل 😙 نجيني وخلاااص 😘
عاد حركاتنا ومايغبااكن ..,😆😆
المهم. هي تلعب بشعرها بيديها وتلف واتعيييييط 😲 ااااااااااااااااااا ...فيش ادير انت 😨
امجد : نجك ليا وخلاص..واخذ طفله نا ولا شنو 😉
وحور نزلت راسها منحرجه والوجه سيمافرو رسسسمي وامجد قرب ووصل فيها وقعد ايشوفلها وقال : تعرفي نحمد ربي ان امي وباتي جوزوك ليا غصبن عني .😀
حور بتوتر وتررررعش : اا..اااا.و.وعليش 😳
امجد: لأني بجد مش عارف كيف كنت عايش بدونك بس ..تي نحبك ياهمي نحبك حرام عليكي نحبك ومعش نقدر نصبر راه .😍
حور خافت وبدت توخر وقالتله : اااامجد ا. اا انت وعدتني .انت .😟
امجد تعقد ومسك ايدين حور بقوة وقاللها : وعد وعد وعد ...انتي شنو قلبك هضا تحجر ولا شنو? اعتذرتلك واعترفت بغلطي ومازلت شاريك ياحور وحبيتك ومش متنازل عنك لكن اللي اديري فيه هضا حرااام وانتي عارفه انك من حقي ومفروض انتي ماتمنعينيش عنه حقي الشرعي ..اذا كنتي تصلي وتخافي ربي فأكيده عارفه انك تاخذي في ذنب علي روحك بمنعي ومنع روحك علي حقي .
حور تلبكت وقالت : اي حق مانت من اول يوم ضربتني وقلتلي اتعيشي معايا زي الخدامه ولا نسيت .
امجد : اها نسيت لاني نحلم نسيت لأني نموت فيك نسيت لاني مازلت شاريك يابنت الناس ونبي نبدا معاك صفحه جديده انسيت ...فعليش انتي مش قادره تنسي 😡
حور ضعفت وبدت تبكي وهي اتشوفلا ومعش قدرت تحكي وشفايفها يرجفن وعضت علي شاربها التحتي بسنونها وهنا عمكن امجد معش اقدر وهجم علي شفايفها ايبوس فيهم بشوق ونهم وعشق وحور حاولت اتباعده بس امجد حاوطها بذرعانه وماقدرتش اتباعده  بالنسبه لها عصفوره بين ايدين وحش ... وذابت مع اصراره وعاشت لحظتها مع امجد اللي زاد حضنها وكأنه يبي يخفيها في صدره وهو يد علي ظهرها ويد يلعب بشعرها وهي حاوطت رقبته بيديها ...
و..............................

     قراءة ممتعه 😉