دفعت 💔ثمن انتقامك💔🌷

part21

#دفعت_ثمن_انتقامك
#للكاتبه_الهميل_الشارد

الحلقه 21/

وخشت رحمه للمطبخ طيبت شاهي وخذت كبايتها وخشت عالحاج بدر في مكتبه واول ماشافها وقف وقاللها بعصبيه : نعم ? شن تبي جايه هنا ? نش قتلك معش اتجي ناحيتي ? 😒
رحمه بلسان رطب وتجدي : معقوله ياحاج ونا اللي جايبتاك طاهي اللذ تحبه من تحت دياتي !
بدر: مانبي منك شي وياريت اتريحي روحك يارحمه 😒
رحمه قربت منه وقمعزت عالكرسي اللي مقابله وقالت : بس انا تعبت ياحاج ..مليت من معاملتك الجافه ليا ..عليش ماتبيش اتسامحني ?😓
بدر : لانك طحتي من عيني بعمايلك 😒
رحمه : 😔
وطلع الحاج بدر من المكتب وخلاها ابروحها وهي تحرق وتغلي 😠 من القهر وعند نجاة معاها غزاله وحور في المطبخ حايسات ايطيبن.في الغداء ويهدرزن وجوهن سمح خشت عليهن غاده قمعزت اشوي وهي تسمع في غزاله وحور وهن ايبصرن علي مرعي خو حور وخطيب غزاله طبعا ويضحكن وقالتلهن غاده برفعت خشم : بصراحه ياغزاله مش من مستواك ولا من مستوانا تنخطبي لواحد زي هضا ..لا حوش ولا مستوى ..من رايي تفسخيها خير ماتتعبي مستقبلا 😏
حور وجعها الكلام في خوها وقالت : وعليش ? الانيان اللي يكدح ويثبت نفسه هو الراجل الصح وخويا مش ناقصه سي واذا عالفقر (فرسولنا عليه السلام) كان فقير وهو افضل خلق الله ..😔
غاده بتكبر : وانتي قلتيها( رسول الله) مش انسان عادي زي خوك ..المهم انا نحكي مع اختي مش معاك 😒
غزاله ضيقت عيونها وقالتلها : انا ماعنديش مانع ..وبالعكس انا اللي محظوظه بي مرعي ... يكفي انه خو حور حبيبتي ومرت الغالي 😌
نجاة بعتاب : عيب ياغاده ..هضا نسيبنا وخو حور مرت خوك ..ويكفي انه محترم واخلاقه جميله وهصا يكفي عندنا ..والعقبه مانفرح ببك حبيبتي ,
غاده وقفت وخبطت ايديها االطاوله وقالت : انا ماحكيتش معاك ...ومتلعبيش دور الام معايا لانك مش امي ..والموضوع نش شورك انتي .😬
حور وغزاله انصزمن في غاده وردها علي نجاة وجت حور بتحكي قاطعتها نجاة بهدوء. : بس أنا نعتبر فيكن بناتي ومافيش فرق بينكن وحتى حور بنتي ..وانحلكن وانتي ياغاده نعتبر انا اللي ربيتك ,
غاده لنفس الصوت العالي : اللي ربتني ماما رممه وهي امي وبسس وانتي مجرد مرت اب وبس وحركاتك هذين اذا فاتن عالكل انا عمرهن مافاتن عليا ..😒
وطلات وهي معصبه وغزاله وقفت بتمشي وراها اتهزبها مسكتها نجاة ومنعتها وهدتها بس غزاله وحور تنرفزن من كلام غاده وقلت ادبها مع نجاة ..وماراعتش مشاعرها انها انحرمت من الأمومه بس عوضها ربي بأمجد اللي رضعاته وحباته وبعد اتجوزت باته رباته بكل حب وغزاله اللي متعلقه بيها وحتى هي ربتها بكل حب بحكم امها ديما اتخلي فيها في الحوش وادور ونجاة ماعمرها مانعت زالاكس كانت تعامل في بنات زوجها بكل حب وحنيه ,,
بس البنت غاده قريبه من امها رحمة وااااجد ودبما في صفها سوا غلطانه او علي حق ..
ازمهم حاولت حو. وغزاله ايغرن جو نجاة وفعلا قزرن ايضحكنها ويكملن جو الغداء وطاد وتغدت العايله وعمتكن رحمه تغدت في دارها ومعاها بنتها غاده ..وقعدن قارنات الروس ..
وامجد طبعا والحاج بدر يتغدو مع باقي العيله وضحك وجو ايهبل لعد الغداء خش كل واحد لداره وحور وامجد في دارهم يهدرزو .
حور : تمجد شن بي شكلك سارح مش معايا بكل ,
امجد : لا مغير في موضوع هكي انفكر فيه ليا فترة وشاغلني .
حور : ممكن نعوف شن هو ?
امجد : بصراحه انفكر في الرساله اللي جاتك ..هي مازالت في فونك ولا مسحتيها ?
حو. : لا مامسحتهاش ,
وخذت حور فونها وحطت االرساله وعطاته لأمجد اللي قراها وقعد. ايفكر زعما من اللي دازها ? وطلب من حور اترن عالرقم وادير روحها صدقت الكلام وتحاول تجبد صاحب الرقم عشان يعرفو منه اي حاجه .
اتصلت حور بالرقم في المرة الاولى ماردش في الثانيه ماردش في المرة الثالثة فتح الخط ويمعت صوت انثوي ,
حور : الوو ...
المجهوله : اهلين ..خييير .
حور : معليش ياخيتي اناي دزيتيلي رسالة ..ونبي نتاكد منك الكلام هاذا .
المجهوله : اي رساله واي كلام ? انا مش عا فه عن شنو تحكي ?
حور عرفت ان صاحبة الرساله خايفه منها وتبي تتأكد من هويه حور ..فقالت: انا جتني رساله مهمه من رقمك هضا وبصراحه انا نبي نتأكد ونتريح لان في رسالتك قلتيلي اذا وحلت نتصل بيك وانتي تساعديني ..فارجوك الموضوع جاد ومافيش بصاره .
المجهوله : اها ...انتي حور مرت امجد ?
حور انقهرت بس وسعت بالها : ايوه .
المجهوله : اللي مكبد في وحده ويبي يتجوزها وانتذ راقده علي ودانك .
اثطبعا حور فاتحت مكبر الصوت وعمكن امجد قريب ايهزبها بس وسع باله عشان يعرفوها من .
حور بصوت ياشرينتي نبكي : اها اللي ماعندي حظ ..قولي ياخيتي من اللي يبيها راجلي ومسود عيشتي وهاملني عشانها ..قولي بالله .
المجهوله بانت الفرحه.في صوتها وقالت لحور : اها ... اسمعي اذا تبي تتأكدي بعد اسبوع بالضبط بعد ايحطك في عملك اتصلي بيا ونا انقولك وين وكيف والعنوان بالضبط ..
حو. : باهي انتي من وعليش تساعدي فيا ?
المجهوله : بالنسبه ليا حتعرفيني اكيد وهضا وعد ..وليش انساعد فيك ..لأنك وجعتيني ومانحبط انسوف وليه مظلومه مع راجلها ..وماتتصليش بيا الا بعد اسبوا ..تم ?
حو. : اوكي .
وسكرت المجهوله علي حور وشافت حور لامجد اللي قاللها : هذي وحدة مش ناويه خير ياحور ...بس تارفي قوتها مش غريب عليا ..
حور  باستغراب : مش عارفه بس ممكن اتكون وحده من قريباتك ?
امجد : مش عارف ..بس .بعد اسبوع ساهل ..حنكون جاهزلها .ونعرف من هي وعليس اتقول هكي .
وفي العشيه بعد العصر صلت حور فرضها ونزلت عالعيلة الا امجد نزل اول ماسمع الأذان مع باته ومشو للجامع وبعومسن الايام وقبل مايطقو الاسبوع جاهم صلاح وعمته اللي مربيته زياره وطبعا بيحددو موعد الفرح وبما ان صلاح جاهز ببيته ومن مجميعو فوافقو وبد ايجهزو علي موعد الفرح ودزت غدير اتبتت ويمطن معاها غزاله وحور ومره صارت عركه من رحمة وغاده وانها لازم تمشي معاهن وكالعاده خلت المشكله نجاة بحكمه وراضت الكل ذباا غزاله دارتلهن جو انشقاق وقاعده زعلانه من موقف امها اللي,داراته لحور ورحمة مقهورة ان بنتها جايه ضدها وقعدت تحرق وتسب في بنتها ..ومشا اليوم عادي .. وفي اليوم الثاني كانت مهلة نهاية  الاسبوع وحور وامجد علي اعصابهم ..وفي الصبح حط امجد حور في العياده واسقد علي عمله وحور اتصلت بالمجهوله. واول مارنت ردت عليها المجهوله طووول وقالتلها ........................

   زعما من المجهوله وشن تبي من حور ??🤔😥😅

        قراءة ممتعه 💚💋