دفعت 💔ثمن انتقامك💔🌷

part5

#دفعت_ثمن_انتقامك
#للكاتبه_الهميل_الشارد

الحلقه الخامسه:

وكل مايرفع القميص ايبانن عليه اكتر انقهر امجد ومسك يد حور وكرها للغرفه وقمعزها عالسرير وقال: خليكي هنا ماتتحركيش ...فاهمه ?😒
حور بخوف وهي تشوفلا : حاضر 😓
وطلع امجد بعد خذا مفاتيحه وركب سيارته ووصا البواب اللي عالبوابه يرد باله من الفيلا وايسكر البوابه ومايفتح لحد نين ايجي ..وطلع بسيارته للبلاد وعلي اول صيدليه خذا مرهم للجروح وشاش طبي ومسكن وروح للمزرعه وفتحلا البواب وبعد خش امجد سكر البواب البوابه وخش امجد للفيلا وفي غرفته القي حور مقمعزه في نفس المكان اللي حطها فيه والقيها تبكي بدون صوت قرب منها وحط شكارة الدواء وقاللها : نوضي بيش تسلحي القميص 😒
حور بصدمة : نعممم 😨
امجد : عشان العلاج ..ولازم بعد اتحطي المرهم اتخليك بدون حاجه تلمس ظهرك نين يجف هضا ماقال الصيدلي 😒
حور وهذ اتشوف لكيس الدواء : اوكي حنحط الدواء بس ممكن اتخليني نمشي للدار الثانيه 😔
امجد : وكيف حتحطي العلاج انشاءلله 😒 سكري فمك وهيا اسلحي النم بسرعه خيرلك راه 😬
حور خافت وقعدت ترجف وشفايفها يرجفن وامجد يتأمل فيها وهو مغلول وقفت حور جابت اسدال امتاع صلاة اللي يوصل للخصر وخشت للحمام سلحت القميص ولبست الاسدال وهي خايفه والعيون مابطلن ادموع وفي خاطرها: (هضا كنه هكي مرة اينت ومرة يضرب ومرة يبي ايعالجني ?!😢يااارب كون معايا والله ماني عارفه شن دايره في عمري بس من فجريه لسي امجد ..ياخوفي نقعد انقول ملاهيا مرت بوي لولا 😓
وطلعت وتفاجئ امجد من حركتها لان فعلا الاسدال خفيف وفي نفس الوقت سترت روحها ووقفت جنب السرير امجد وهو يتأمل فيها: هيا ارقدي علي بطنك 😒
حور: 😨
امجد: تي سقديني راه ماعنديش وسعت بال ارقدي بيس انحطلك النم بيش نرقد وانتي تنخمدي 😬
حور من عصبية امجد شكله اللي ايخوف التيشرت اللي لابسه لاااصق فيه من حجم عضلات صدره وذرعانه وهي ماعندها جهد له جسمها الرشيق اللي كسره بالضرب ,,ولحمها ذاب وتتالم فاختصرت الشر ورقدت علي بطنها وهي منحرررررجه عالأخر ورفع امجد الأسدال لكتوفها وخذا المرهم وبدا ايوزع فيه عالجروح والمرهم يحرررق وحور الدموع بدون وعي واراده ينزلن ومسكت بيديها املاية السرير بقوووة وعضت علي شفايفها وطبعا امجد لاحظ يديها وانتفاضتها مع حطته للمرهم عالجروح عرف انها تتوجع وبعد كمل قاللها : خليكي هكي عالاقل ساعه نين يجف المرهم ونين انجيك نا انقولك خلاص ..اوكي 😒
حور بصوت مليان عبره: حح ححاضر 😢
ووقف امجد وخلاها عالسرير وطبعا ماشافش وجهها اللي قعد احمر ومشا للمطبخ جاب طاسة اميه وجاها من جيهة السرير التانيه وعطاها حبة المسكن وخذتها وعطاها ميه شربت وقالت : شكرا
امجد وقف وشاف لوجهها الأحمر وطلع وقعد في الصاله يتفرج عالتلفزيون وفي سره ( انا عليش جبتلها دواء ..مانا نبيها تتعذب شن دخلني بيها تبكي ولا تموت 😒..يوووووه 😤عليش انحس في قلبي يوجع فيا بعد انشوفها تبكي ,??😔 كله كذب قناع لابسته كيفها كيف غيرها كلهن كيف بعضهن الخونه والكذب والنفاق في دمهن ,,😒
ومرت اكثر من ثلاث ساعات وامجد رقد عالانتريه في الصاله حس ظهره ناض بيخش لغرفته طفا التلفزيون وخش القي حور في نفس وضعيتها مش متغيره بشي قرب منها بشويييش ولف لجيهة اللي عاطيه فيها وجها ولقيها راقده بالنوم ووالوجه امعباه دموع وملامحها البريئه كانها طفلة خذو منها لعبتها امجد حس بروحه زودها بس ماحبش يقنع نفسه بيه الشي هضا وخلاها راقده ورقد جنبها ولف جيهتها وفي سره ايقول (زعمك ياحور تختلفي عنهن والا كيفهن ? ياريت اتكوني مختلفه لأني محتاج للي تفهمني واداوي جرحي ..لكن مانضني في وحده مخلصه وتقدر اداوي جروحي ..)😳
ولف رقد علي ظهره وغمض اعيونه ,,ورقد
&&&&&&&&&&&&&&&&&&&&&&&&&&
صباح يوم جديد في حوش الحاج ابراهيم فجريه طالقه بلعومتها عالصبح 😒عشان اتوتي في فطور الصبح لعويلها ولمرعي اللي عنده جامعه وهو عاد غلاوته كيف غلاوة حور عند فجرية مانحكيلكن 😏 ومرعي لبس وقعد يرجا فيها وطولت بالعاني وماجابت الفطور واظطر يطلع بلا فطور وهو يستغفر في ربه علي معاملة مرت باته وبعد طلع الحاج ابراهيم مالقيش مرعي سال العيل المرخي اللي اسمه فايز ولد العقرب : وين خوك يافايز 😔
فايز وهو يلعب عالبلاستيشن : عدا للجامعه 😛
ابراهيم : فطر ? ولا لا ?😔
فايز: لا مازلنا مافطرنا وماما طولت فعدا 😆
ابراهيم : لا حول ولا قوة الا بالله العلي العظيم 😳
فجريه خشت للدار وحطت السفره اللي معبية فطور دحي مطبوخ علي حليب وشاهي وزيتون وجبنه نوعين وبريوش وزبادي وقهوة وكعك خبر حاطته اتقول ماعمرها افطرت 😒 عاطها سم المستشره 😠 وقالت : خيييير كنك تذكر في ربك ياأبراهيم ..صبح راه 😒
ابراهيم : يافجريه نذكر في ربي وربك وبعدين الحمدلله الخير واجد وعليش ماجبتي السفرة ومرعي قاعد ?? ترضيها يمشي للجامعه علي لحم بطنه ?? 😟
فجريه. وكنه ماصبر وراجا الفطور وهو مستعجل ديما طاير من فجور ربي وبعد انجيب الفطور نلقاه زرق ومشا شن انديرلا هو حر مش ذنبي ..وبعدين ولدك راجل ساع يفطر في الجامعه مع اصحابه 😒
ابراهيم وقف وخذا محرمته وحطها علي كتوفه فجريه بشهقه : هيييييي ..وين ماشي افطر قبل ?
ابراهيم بغل: النيه طارت فاطر من عقلي ..😒
وطلع وسيبها وهي ولا عبراته وطبعا الكلام اللي قالاته كله كذب بالعاني طولت بالسفرة نين عرفت ان مرعي معش يقدر يتحمل لانه تاخر وعنده محاضرة بدري وبعد شافاته طلع طلعت بالصفرة اللي معبيتها لضنوتها اللي اتقول فيران طاحو في الوكال ماعقبو حاجه مرض 😤
وابراهيم بعد طلع اتصل بمرعي وقاله نبيك ومرعي قاله انا توا في المحاضرة دوبني خشيت وفعلا مشاله الحاج ابراهيم وراجاه نين طلع وبعد طلع عطاه 30جنيه قاله :سربهن فطورك وماتقعدش بلا فطور وباته مشا ومرعي وجعه باته وتأثر من موقفه وفي نفس الوقت واجعته ان باته ماعندش كلمه مع مراته وابتسم وخش للجامعه القي صاحبه ومشا معاه للكافتيريا بيش يفطر ...الله غالب ربي يوفقه ويفتك من مرت باته حتى هو ,👐 ..
انجو للمزرعه ناضت حور لقت روحها عالسرير ومالقتش حد يالاها وقفت وخشت للتواليت دوشت ولبست فستان كم وطويل لونه ذهبي بالأبيض ومخصر وقمعزت اتنشف في شعرها ومشطاته وخلاته مطلوق. ولبست اسدال الصلاة وصلت وبعدها وقفت طلعت للصاله مالقتش حد وقعدت تتفرح عالفيلا نين لقت المطبخ وكانت ميته جوع من امبارح تي قولن من بدايه يوم امس ماذاقت فيها حاجه 😒 ماعلينا وقعدت تفتش نين لقت اللي تبيها طيبت قهوة ولقت جبنه وزيتون وخبزة تست وهي في بالها (اممممم ياربي جيعانه موت ) وفطرت وضمت حوستها وطلعت برا الفيلا بعد حطت الاسدال علي راسها وقعدت اتلفت نين شافت عمكن امجد لابس سروال راب جينز ومش لابس لاتيشرت ولا قميص صدره عريان ولابس نظاراته واايتعانه مع كلب امتاعه ولف امربيه ايلعب فيه بعد شاف حور وقف ومشا ناحيتها وهي بعد شافاته استكت معش عرفت تخش ولا تقعد مكانها وارتبكت ولاحظ امجد توترها وبعد قرب منها نزلت حور راسها تحشمت من منظره اللي جاي بيه وهو عرفها منحرجه فقاللها: شن اتحسي في روحك اليوم ?
حور بصوت هادي: الحمدلله ,
امجد: فطرتي ?
حور: اها الحمدلله ,
امجد : وكنك مانديتي عليا ..انا مازلت مافطرت ...😒
حور بتوتر: اسفه نحسابك فطرت ..ش.شش.شن تبي تفطر ?
امجد: قهوة عربيه وسط ..وجيبيها ليا غادي عالكراسي هذين .
وشير اتجاه كراسي وطاوله محطوطات في المزرعه موقعهن ايهبببل وحركت حور راسها بمعنى حاضر وخشت اطيب في قهوته وبعد جهزتها شالتها له وحطتها له عالطاوله قدامه وهو ماسك اللابتوب ويشتغل عليه وبدون مايشوفلها قال: الغداء نبيه كسكسي باللحم الوطني وماتنسيش المصير وانتي وشطارتك عاد ..😒
حور بصدمه : نعممم ,😨
امجد رفع راسه وشافلها وقال: ريتي بيش انكون معاك صريح ..انتي وضعك معايا كوضع الخدامه مع سيدها لا أكثر ولا أقل ..اللي نبيه اتنفذيه وبالحرف ..ومن الأخير مستحيل ترتفع مكانتك في يوم من الايام عشان اتكوني زوجة امجد بدر ..فاااهمه والا مش حتشوفي مني الا الوجه اللي شفتيه امبارح 😎
حور مستكه والدموع بدن يجمعن في عيونها ومن القهره ماعرفت شن اتجاوب عليه هزت راسها بايوا ومشت وخلاته وهو قعد ايشوفلها نيييين خشت للفيلا وعاود ايشوف للابتوب وحط ايديه علي وجه بعد شال نظاراته ومسح علي وجه ووقف مشا للاسطبل اللي مربي فيه خيل وركب علي حصانه (بلاك) ..حصان اسود من الخيول العربيه الأصيله مربيه امجد وايموت فيه..وقعد يلهد عليه في المزرعه وحور خشت للمطبخ وتسمع في صوت خيل جت للروشن وشافت امجد وهو يلهد كان شكله ايجنن شكل جسمه وعضلاته مع بشرته الحنطيه متناسقات مع شكل حصانه الأسود كيف الظلام القاتم وهو ماسك حزام السرج بيد وحده ويلهد بيه حور لنفسها : اااااه علي بختي نا وخلاص ..ايهههبل ماشاءلله عليه ..لكن مايعطيهش الحق ايشوف روحه عليا ..انا احلا منه المغرور ..😒 اااه ياامجد كان اتحس بيا بس واتحس بجروحي اللي في قلبي ..حتعرف اني مليانه جروووح وهم ومحتاجه للي يفهمني ..والله حتحبني بس شكله قلبك حجر وماعمره حب ولا حيحب ..يالله ..من عذاب مرت باتي لعذاب راجلي ..😢
وقعدت حايسه مش عارفه مكان حاجات واجده بس لقت اللي تبيه وبدت اتقرض وخش عليها امجد بعد ربع ساعه قاللها : احسبي احساب خمس انفار معاي ..عازمهم عالغداء..وياويلك اتسودي وجي قدامهم ,😒
وطلع وحور فاتحه فمها واتشوفلها وخلاص. غمت عندها وسلحت اسدال الصلاة ورفعت شعرها كعكه وبدت اطيب ..وهي بطبيعتها بعد تزعل او تنرفز اتحط غلها في التطييب وجا وقت الغداء والمربوعه برا الفيلا منفصله بتواليتها وجاها امجد خذا القهوة والحلو ومشا ضيف جماعته وبعدها بوقت. في حدود الساعه جا شم ريحت الأكل قالبة الفيلا وخش للمطبخ القي سفرتين جاهزات وملبستهن قزير ومدتلا اول سفره وهو مستغرب فيها ماحكتش اي كلمه والقي اسفر جاهزات فيهن فواكه ومكسرات وعصاير جاهزات وبراد شاهي عالغاز وحاجه في الكوشه بس ماركزش وخذا اول سفره وشالها للمربوعه وخش خذا السفرة الثانيه ولحقاته بسفره المشروبات لباب الفيلا وبعد جا القيها في الممر خذا منها السفرة ويبي يحكي معاها مشت وسيباته وخشت للمطبخ وهو خش للمربوعه اللي طبعا قعدتها جلسة عربيه رااااقيه اخر موديل وقربو اصحابه كل ثلاثه علي سفرة ورفعو القزير وهم. يتفاجئو سفرة من احلى السفر كسكسي باللحم الوطني والخضرة التامه ومعاه ثلاث انواع سلطات و كفتة وسيخ باللحم الدجاج وسمبوسه والعصير طبيييعي مش غاز او باكوات وكلو وهم يشكرو في الاكل اللي ماخلو منه حاجه وبعدها قدملهم الشاهي الخضرا والبيتزا ومعها فواكه والمكسرات وماروحو الشله البارده نين طلعو منتفخين من الرمرمه 😒
وخش امجد عالمطبخ القي حور اتضم في الحوسة جا يبي يحكي معاها بس فات وخش لداره وفي سره(معقوله دارت كل شي ابروحها ? تي كيف امالا قدامي خشت للمطبخ وبدت فيها ابروحها ..والله بنت صح ..بس خليها مش حنشكرها ولو انها تستاهل بوسه عالراس واليدين اللي طيبن. احلى اكل ..مش غير شكيره ..بس لا... حنشوف طبعها الأصلي حيطلع ولا لا ?? واذا هضا وجهها ولا لا ..حنشوفو يا ...حووور 😎

شن رايكن😎 امبووووش وحده اتقولي قصيرة 😤

قراءة ممتعه 💋