دفعت 💔ثمن انتقامك💔🌷

part 3

#دفعت_ثمن_انتقامك
#للكاتبه_الهميل_الشارد

الحلقه الثالثه :

وطلع أمجد من دار أمه بعد رضاها وباس يدها وراسها
ومشا للمطبخ سمع مرت باته الثانيه رحمه تحكي بالفون واتقول لحد في الفون : لا لا اصبري اذا تبي اللي في بالك لازم اتحملي ماجت غير علي هذي نضمنها لكي نا مش حتعيش متريحه ولا حيحبها وزيديها نا حنسود عيشتها ..امغير فكيني من زنك توا وخلي ايسير اللي في بالي 😒
وسكتت اشويه تسمع في اللي تحكي معاه وبعدها قالت : خلااااص هكي تعجبيني ..وخلي الموضوع يمشي اصلا هو من توا يبي ينجن يابال اتجي.. طبعه وحافظته كيف ماقتلك ..تمام اوكي باي توا 😉
وسكرت وهي فرحانه وامجد تباعد من المطبخ ودار روحه ياشرينتي دوبا يمشي شور المطبخ وتقابل مع مرت باته رحمه ارتبكت بعد شافته بس هو خلا روحه عادي ويتأمل فيها ببرود والشي هضا يبدع فيه يستفز الشخص او يتعامل معاه ببرود
رحمه بتوتر : ااا ام امجد! كنك شن تبي ?😓
امجد ببرود وملامح خاليه من التعبير زاد حيرها : حلوة حتى هذي ,,😏نبي ناخذ قهوة والا تبيتي ناخذ منك اذن في هذي ?! 😒
رحمه عرفت روحها ارتبكت وحاولت اترقع موقفها : لالا مش قصدي ياأمجودا 😅 غير نبي نسالك شن تبي وانا انديرا لكي يعني ماتفهمنيش غلط 😅
امجد شافلها بنظره بارده ولف وجا للخدامه اللي في نهاية المطبخ وطلب منها كابتشينو واتجيبه له في داره وطبعا المطبخ كبيييير وواسع وفيه جميع اللي تخطر في بالك واللي ماتخطر من ادوات وامكانيات وفتح الثلاجه وخذا تفاحه وطلع وخلا مرت باته رحمه ترعش من التوتر وفي خاطرها قالت : عاطه دعوه رعشني .. ياناري علي حتاخذه بصيره لا يشم ولا يستطعم ..لكن علي من ياأمجد عليا نا انكان مادمرتك مانسمى رحمة والأيام بيناتنا 😬
*************************************
في حوش الحاج ابراهيم حور في دارها تعبانه وهلكانه من الجري في الحوش وبعد حصلت هزايب من مرت باتها واهانات وكلام ايجرح قمعزت علي سريرها وهي مخنوقه ونفسيتها تعبانه واتخيل كيف بتكون حياتها بعد تجوز وتفتك من عيشتها مع مرت باتها وماشاغل بالها الا خوها مرعي اللي حتقعد مشغوله عليه الا احمد ساكن في عمله في الصحراء حتى في الزيارات مايجي كاره مرت باته لأنه عاش معاها في بدايه مراهقته وتعباته وسببتلا حاله وكره الحوش منها الا ام مرعي وحور وليه طيبه واتخاف ربي ورباته بحب وحنيه بس الله غالب ربي خذا امانته بعد تعبت من مرض هاجمها وتوفت ..وبعد باته اجوز فجريه يحسابها كيف ورده ام حور ومرعي طلعت عقرب انصدم فيها وبعد اكبر اشوي وكمل الثانويه سيب القرايه وحصل عمل وقعد يشتغل ويقرا ومعش روح لحوش باته ..وحور سارحه في خيالها كيفها كيف اي بنت فرحانه انها حتتجوز واتخيل في شكل خطيبها بحكم ماعمرها شافت وجه وتحشمت حتى تسأل عليه وتدعي ربها انها اتريح بعد تجوز وربي يعوضها في عيشتها وفاقت من احلامها علي صوت فجريه اتضبحلها : حوووووور انتي يالمرخيه يادعووووة 😡حوووور ??!!!
حور : 😨 هيا هي انا جايه 😔
فجريه : وينك ياحنه ليا ساعه انعيطلك 😡
حور: اسفه اول ماسمعتك جيت علي طول 😔
نعم خالتي تبي حاجه ?😓
فجريه : باتك يبيك في الصاله سقدي روحك امشيلا 😒
ومشت حور لباتها اللي اول ماشافها ابتسم وقال: مرحبتين بالغاليه تعالي نبيك ☺
حور: نعم ياباتي تبي شي ?😔
ابراهيم : نعم يابنتي نبي انقولك بكره وتي روحك بيش انشيلك للسوق وتشري اللي تبيه عشان عمك الحاج بدر اتصل بيا وقالي انشيلك للسوق وتاخذي اللي تبيه ☺
حور بخجل: حاضر ياباتي ..بس هو ....يعني ... قصدي انقول ان .... 😔
ابراهيم فهم علي بنته وقال: قصدك عالمهر ??😊
حور وجهها انحمر وتحشمت من باتها ونزلت راسها وابراهيم عارف ان حور مافي حد يوريها وايفهمها او يحكيلهاطبعا فاهمات انتن ان البنت بعد تنخطب تبي تعرف كل شي في سريب الخطبه او الشراء من دبش او ذهب وغيره وحور ماعندها قلب حنون يحكيلها او حتى ياخذ رايها ..المهم ابراهيم قال : اتفقت انا والحاج بدر بكره بعد الظهر ايجيني ويدفع المهر ونشارطو ونقرو فاتحه الطيبه وتبدي علي طول تشري 😊
وطبس علي وذن حور وبهمس قاللها: عشان تاخذي اللي تبيه من قبل ماتاخذ فجريه الفلوس منك   يابنتي نبي انتهنا عليك ولو سالاتك علي كلامنا قوليلها اني كنت ننصح فيك ونوصي فيك علي خطيبك وهل دارك ..باهي 😐
حور : حاضر 😔
ومايجيبوا علم تندلف عليهم عمتكم فجريه جايبه براد الشاي في صفره ومعاه خبزه حوش وكعك طلبا منها الحاج ابراهيم يلهي فيها 😂 وطبعا الكعك والخبزه دايرتهن حور راكن تحسابن فجريه داراته عاطها مايرزيها 😒
ماعلينا واتخش فجريه وقالت بقرنت حواجب : شن تحكوا ?? ولا كلامكم سر يعني 😒
ابراهيم بضحكه صفرا: لا مافي شي مهم امغير انوصي فيها عشان لاقدام ماتكشفش بينا قدام الناس هاضوم عرب خواجات وطبعهم راقي ونبيها اتشرفنا نا وياك خصوصا انتي في الواجهه لانك في مقام امها ونبيها ترفع راسك 😅
فجريه مشا عليها الكلام وقالت :  يستر الله بنتك وجه كشايف وفضايح انوصي ديما لكن شي اتقول انكلم في بكوش 😒
ابراهيم في سره: حسبي الله ونعم الوكيل فيك وفي سرك وتفكيرك 😒
وعدن يومين وشرت حور دبشها وحاجاتها اللي تبيهن وفجريه تحرق اللي مامسكت افلوس مهرها في يدها بيش تلهط منهن لان حور مشت مع باتها وعمها اللي اصر يدفع فوق من مهرها عشان ماينقصها شي وفرحت حور بعمها اللي فرحان بيها وبعد كم اسبوع جا وقت الفرح وعيلت الحاج بدر اتجهز وتوتي في كل شي على احسن مايكون وفرحان الحاج بدر ومراته نجاة وعلقو الزينة وامجد ناقم وكاره روحه ومش طايق حد يحكي مع.حد وبالغصب جاه ولد عمه واسمه صلاح شاب في 23 من عمره والانتيم متاع امجد الروح بالروح وبالغصب لبسه وفتلكه الا اللحيه امجد اتقول حازن علي عمره مابا يحلقها نين اقنعه صلاح يرسمها قفل وبالغصب ولبسه بدله سودا علي قميص رمادي وقرفطه سودا وعمكن امجد لبس نظاره علي عيونه زادت من حلاوته ووسامته لان مايبي حد ايشوف اعيونه الحمر من السمور 😂 وحلفه صلاح ان مايخش عالعروس بيهن ووعده امجد وصلاح ايركب عليه وامجد مستحيل ايتحمل حد الا صلاح لانه حتى هو يتيم ومربيته جدته وعمامه ويعتبر متربي مع امجد بحكم ديما مع بعضهم حتى في العمل ..
المهم عند حور مشت للمزين وزينتها ودارتلها تسريحه نازله علي ظهرها عشان ايبان شعرها الطويل ولبست فستان الفرح خياااال وايهبل واصرت حور انها تاخذ فستان مش عريان واجد نفس الفستان اللي في الصوره والمايكب خلاها طلعت ملكه جمال وبعد جا وقت الزفه كانت حور خايفه وترعش والدموع بدن يجمعن في عيونها وجو هل العريس ونجاة جتها بالضحكه والزغاريد واتبخر فيها بالفاصوخ خايفه عليها من الحسد والعين وطمنتها واشويه وخش العريس وكان مززززز 😍 ايجنن شخصيته وطوله وجسمه اللي يجنن وبنات اللي في العرس اعياطتهن قلبن القاعه😍 وحور القلب داير فرقة شطيح جوا وحاست بيه بيطلع من بين اضلوعها .. وماتخافنش خش بلا نظاره خذاها منه صلاح 😂 ياخيه ايهبل صلاح 😍 المهم خش وماسك في يد امه نجاة ووصلاته لعروسته اللي رفع طرحتها وماركزش علي ملامحها وقمعز جنبها وهي قمعزت وهي ترررررعش واشويه لفت وجهها لناحيته لقاته قارن الحواجب وابتسمت لانه عجبها ونزلت اعيونها وبعد اشويه من روتين اعراس الليبيين امجد وقف ومسك في يد حور وبدون مايركز عليها يبي يهرب من الاجواء تي هو كاره جنس حواء وخش قاعه امعبيه صبايا تي باهي اللي مامعاه سلاح الراجل 😂
ماعلينا خذا حور وطلع بيها للسياره المزينه وركبها وركب في كرسي السواق وحط سبسي في فمه وحور ماتحبش ريحة الدخان وغمتلها انه يشرب في الدخان ومعش تحملت السياره معبيه دخان فقالت : اححم مممكن معليش ممكن تفتح روشن السياره الدخان عماني 😔
امجد بعصبيه والعيون باين فيهن الشر قال :.......

زعمك شن قاللها عمكن امجد ?😕

               قراءة ممتعه 💋💚