دفعت 💔ثمن انتقامك💔🌷

part9

#دفعت_ثمن_انتقامك
#للكاتبه_الهميل_الشارد

الحلقه التاسعه:

وامجد طبعا مع باته في غرفة المكتب يحكو في تفاصيل العمل ..مانبيش انمللكن سريب العمل ممل 😩
المهم حور تحكي مع غزاله الا نجاة اتشوف في العشاء واتجيها رحمة اتقول: معليش ياحور ممكن اشويه نبيك في موضوع 😊
حور: نعم اعميمه ..تفضلي ☺
ومشت رحمة بحور لغرفة الضيوف وقمعزت جنب حور بعد تأكدت ان مافي حد حيخش عليهن وحور استغربت من تصرفاتها وسألت بأستغراب: خير اعميمه ? انشاءلله خير 😓حسك شغلتيني😟
رحمه بنظره حزينه ووجه بريئ قالت: اسمعي ياحور والله كان ماحاسبتك كيف بنتي وحبيتك وتريحتلك ماجتني جرئه نحكيلك ..😔
حور : تسلمي اعميمه وانتي في مكانة أمي الله يرحمها ..☺اتفضلي اعميمت احكي انشاءلله خير 😟
رحمة : ريتي بنحكيلك بس توعديني ماتحكي لحد لان الموضوع فيه قطع رووس راه 😔
حور انفجعت وقعدت ترعش وقالت : احكي ياأعميمه شن في راني حرت شن ساير بالله 😟
رحمة: الموضوع ان أمجد عنده خزنة في غرفة نومكم ..وطبعا داس فيها اوراقه المهمه وفيها صور وحاجاته الخاصه ..وفي صندوق متوسط الحجم فيه اوراق وصور ليا مهماااات واجد بنتي 😔 وامجد الله يهديه واخذهن مني من زمان 😔
حور بأستغراب: وعليش امجد ياخذ منك حاجه مش له .. باهي انتي كيف ياخذ منك حاجه غصبن عنك ?😓
رحمة: لان باته مقويه عليا وعلي بناتي ..ااه باحور اكيده عرفتي طبعه في هالكم يوم اللي عشتيهن معاه ..امجد وااااعر وعصبي وقاسي ومايحبش طاري صبايا ..وكاره بناتي اللذ كان وحده عارضت ولا عطت رايها يبدا فيها ضرب ماتاخذيش عالمظاهر قدام الناس 😒
حور : اسكتت وفعلا أذكرت عصبية امجد وقسوته بعد ضربها اول يوم في فرحهم والعزومة تاني يوم وكلامه واسلوبه ..فطبيعي حتصدقها وقالت : باهي ياأعميمه عليش تحكيلي انا في الكلام هضا ..احكي لعمذ او ناقشي امجد انا مافيدي شي 😔
رحمة : لااااا حبيبتي في يدك ..وتقدري اتساعديني لان كان حكيت لعمك حيطلقني لأنه حالفلي بالطلاق واذا مكيت لامجد حيسكر راسه ويحرش باته عليا ومرات يضرب بناتي او يحرمهن من قرايتهن انتي مش عارفه طبعه ? ولا كيف 😳
حور : باهي هو شنو اللي واخذه منك 😓
رحمة: اوراق مهمه اتخصني انا وبناتي 😔ورث معقبه ليا باتي الله يرحمه وخذاهن مني امجد ودسهن عنده بعد قنع باته انه حيحافظ عليهن تو بالله مش ظلم هضا ولا لا ياحور يابنتي 😳
حور بخوف : انا اسفه ياأعميمة بس مانقدرش. .. والله مانقدر ..😓
رحمه بخبث: انتي توا فكري في كلامي لان توا قريب اطب علينا نجاة والعشاء قريب ايحطوه وياريت ماتكسري بخاطري وترفضي هضا حقي اللي نبي ناخذه ياحور وانتي جابك ربي ليا بتساعديني ومحد حيعرف انك اللي جبتيلي الصندوق يابنتي 😔
حور اسكتت وقعدت اتشوف لرحمة هل اتصدقها ولا كيف ? احتارت وفي نفس الوقت هي شهدت علي قسوته وعصبيته بس مازالت مش مقتنعه بكلام رحمة واحتارت ووقفت وقالت : مش عارفه بس مش حنوعدك اعميمه بعد اذنك 😔
وطلعت حور وهي ترعش من كلام رحمة ومن طلبها ..وقمعزت جنب غزاله اللي تهدرز عالنت ولفت عليها وقالت : حور كنك سارحه ووجك اصفر 😕
حور سارحه ماسمعتها بكل فزادت غزاله وقالت : الووووووو ياللذ واخذ عقلك يتهنى بيه 😉
حور فاقت علي صوت غزاله وقالت : هاااه كلمتيني ?! 😟
علي طلعت امجد وباته من غرفة المكتب وقمعزو معاهم وحور بعد شافت امجد ارتبكت ولاحظ هو توترها واستغرب كنها ? بس فوت الموضوع قدام باته وخواته وبعد اشويه حطو العشاء ورحمة قمعزت وحبت اتنفذ شي في راسها قدام حور فقالت للحاج بدر: ياحاج نبي منك طلب بعد اذنك ?😊
بدر: نعم يارحمه شن تبي ?☺
رحمه: نبي مبلغ فلوس نبي نشري حاجات مهمه 😊
بدر: وشنو هن الحاجات المهمه ? مش عطيتك قبل فرح امجد وشريتي ولا كيف 😕
رحمه: كيف صار ياحاج اتحاسب فيا علي تشري فيه ليا ولا كيف😒
بدر: لا يارحمه ماقلت شي لكن نبي نعرف شن ناقصك ولا مش من حقي نعرف 😐
رحمة: نبي نشري فون جديد لان فوني طاح مني في العرس ونبي ناخذ لابتوب لغدير مواعدته بيه من نجاحها وانت تنسى 😒
بدر: خلاص ولا يهمك امجد حيعطيك ☺
امجد : حاضر تدللي خالتي انتي وغدير 😐 احلى فون واحلى لابتوب .. معليش انشغلت علي هدية نجاحك ياغدير !😐
غدير. : ولا يهمك ..معذور 😒
وحور لاحظت الموقف وفي سرها قالت ان عمها فعلا عاطي الصلاحية كلها لأمجد ..بس امجد مش مقصر بالعكس حيجيبلهن اللي يبنه واسلوبه اكويس ..ياااربي راسي بيفرقع شن في بس 😓
وفاقت علي صوت نجاة اللي اتكلم فيها : حووور كولي حبيبتي كنك وقفتي ولا طعامي مش عاجبك 😊
حور تلبكت وقالت : هاه لا ناكل اعميمه تسلم ايديك ايهبل ..😓
وامجد بنظره استفزاز خطر عليه شي وقال : بكره خلي حور اطيب ياأمي واحكمي علي طعامها 😏
حور استكت وشرقت في طعامها ونجاة بشهقه قالت : بسم الله يابنيتي بشواش علي روحك ..امجد ريح روحك كنك مع حور 😉
امجد : لا شي غير نبو نذوقو طعامها ولا كيف الراي بتسوي انتي ديما ياأمي عليش متجوز نا ?😌
حور نزلت راسها ورحمة اتشوفلها وغدير وغاده بشماته الا غزاله تحساب حور انحرجت وانها ماتعرفش اطيب فقالت : مازالت عروس حور مافيش داعي لاحقه عالمطبخ ,😉
حور باحراج وبصوت هادي قالت : لا عادي بكره انطيب اذا تحبو ..ماعنديش مشكله ..😶
نجاة: لا مافيش داعي ياحور في خدامه وانا مازلت بصحتي قاعده فاضيه ماورايا شي 😊
أمجد وهو ايشوف لحور : خلاص بكره الغداء علي حور وبصراحه نبوه غداء امبحبح ..وحنكلم صلاح بكره تم ?😏
حور شافتلا وهي مستغربه لانها عارفه ان امجد ذاق طعامها فليش يستفز فيها قدام هله وقالت : عادي اصلا نا واخذه عالمطبخ .. شن تبيه غداء بكره ?😒
امجد عرفها تتحدى فيه وقاللها: اممممم شن رايك بكره اديري رز بالتقليه علي لحم بقر وعصبان وحركات من اللي يحبهن قلبك ..وفهمك كفايه 😉
حور عرفاته يتحدا فيها ونجاة والحاج بدر منصدمين😨😨 في اللي يسير قدامهم ورحمة وبناتها نفس الشي ورحمت في سرها ( ههي. 😏يازعميتا تقدر تمسك غداء وعزومه ..حنشهدو علي فضايح بكره وبنقعدو بلا غدا 😒)
وكملو عشاهم وخشت حور مع غزاله لغرفتها وهدرزن
مع بعضهن وبعد اشوي وخس امجد لغرفته القي غزاله مع حور اللي وقفت بعد مست علي غزاله وخشت للتواليت وغزاله طلعت وامجد قمعز عالكنبه وهو سارح في رد حور بانها وافقت ومادارتش مشاكل بالعكس حتي ردها كان ثابت وبالعقل وابتسم علي طلعت حور من التواليت شافاته مبتسم تحسابه فرحان انه احرجها قدام هله كانت مغيره دبشها بتوتا حلوة بسيطه لونها اسود نص كم للخصر عليها كتيبه بالذهبي وسروالها ضابط اشوي عليها وشعرها مفتوح مشت للزيانه واعيون أمجد 👀 عليها وعلي شعرها اللي هبله طوله وجماله ولا بشرتها اللي عكست مع اللون الاسود وقمعزت ع كرسي الزيانه وبدت تمشط في شعرها وداراته ضفيره مرخيه عشان بترقد بيها وتتريح في نومتها ودهنت يديها بشويه كريم ترطيب ليلي واتجهت للسرير خذت وساده ولحاف واتجهت لامجد اللي استك بيها جايه شوره وقعد سارح فيها نين وقفت قدامه وقالتلا : ممكن اتصبي 😒
امجد وقف ومازال يشوفلها وهي رقدت عالكنبه وتغطت باللحاف وامجد غمتلا وقال : والله صاح 😬
حور لفت عليه وقالت : نعم ?😕
امجد: نوضي صبي عالسرير ..هيا 😒
حور: لا مافيش داعي متريحه حتى هنا 😒
امجد كر الغطا من عليها وشالها بين ايديه ومشا بيها ناحية السرير وحور منصدمه ونا كيفها الصراحه 😨
وعزقها عالسرير وحور تالمت : ااااه 😖
امجد بصوت واطي وهو مقرب من وجه حور : من يوم وغااااادي المرقد هنا فاااهمه ومانبيش نقاش والاااا 😡
حور : كنك ? مش انت اللي قلتلي نرقد عالكنبه عليش غيرت رايك 😢
امجد حط ايديه في جيوب سروال التوتا اللي لابسه وقال : هك ...مزاااج ...وكلمة اخرا معش بنسمع .. انخمدي ,😒
حور سكتت وهي محتاره رسمي فيه وفي اسلوبه وتغطت باللحاف زييين وبعد سمعت امجد طفا الضي وخش جنبها غطت راسها ورقدت وهي تررررررعش 😆
%%%%%%%%%%%%%%%%%%%%%%%
صباح ثاني يوم ناض امجد مالقيش حور جنبه طبعا كان يوم جمعه فخش للتواليت ادوش وطلع لابس تيشرت اسود وسروال ووتا اسود ومشط شعيراته وبخ من عطره اللي ايدوخ وشكلكن دختن حتي انتن 😆
المهم ونزل القي نجاة فرحانه وهي طالعه من المطبخ وتشكر في ربها وشافت امجد صبحت عليه وسالها علي حور قالتله في النطبخ خش عليها القيها حاطه وشاح علي راسها ولافته لاورا وحايسه في المطبخ والطناجر عالنار وشافلها باستغراب وهي ولا عبراته وطلعت من جنبه والوحيده اللي اتساعد فيها غزاله وبعد شافت امجد قاللها ..............

زعما شن قاللها النكدي 😒
افجعني عاد بتوقعاتكن 😠

قراءة حلوة نعموشاتي 💋