دفعت 💔ثمن انتقامك💔🌷

part24 the end💖

# ﺩﻓﻌﺖ _ ﺛﻤﻦ _ ﺍﻧﺘﻘﺎﻡﻙ

#الحلقة الاخيرة

# ﻟﻠﻜﺎﺗﺒﻪ _ ﺍﻟﻬﻤﻴﻞ _ ﺍﻟﺸﺎﺭﺩ
ﺍﻟﺤﻠﻘﻪ /24
ﺍﻟﻤﻬﻢ .. ﻭﺑﺎﺳﺖ ﻏﺎﺩﻩ ﻋﻠﻲ ﺭﺍﺱ ﺑﺎﺗﻬﺎ ﻭﻳﺪﻩ ﻭﻃﻠﺒﺖ ﺍﻟﺴﻤﺎﺡ ﻭﺳﺎﻣﺤﻬﺎ .. ﻭﻣﺸﺎ ﺍﻟﻴﻮﻡ ﺣﻠﻮ ﻭﻋﺎﺋﻠﻲ ﻭﻳﺴﺘﻌﺪﻭ ﻟﺤﻔﻠﺔ ﺑﻜﺮﺓ ﻭﺍﻟﻜﻞ ﻣﺒﺴﻮﻭﻭﻭﻁ ,,
ﻭﺟﺎ ﺛﺎﻧﻲ ﻳﻮﻡ ,,
ﻭﺟﻮ ﺍﻗﺎﺭﺑﻬﻢ ﻭﺍﻟﻜﻞ ﻓﺮﺣﺎﻥ ﺑﺮﺟﻮﻉ ﺣﻮﺭ ﻭﺣﻤﻠﻬﺎ ﻓﻲ ﻧﻔﺲ ﺍﻟﻮﻗﺖ ,, ﻭﻃﺒﻌﺎ ﺍﻟﻜﻞ ﻋﺮﻑ ﺑﻘﺴﺜﺼﺔ ﻫﻴﺎﻡ ﻭﺍﻟﻠﻲ ﺩﺍﺭﺍﺗﻪ ﻭﻫﻠﻬﺎ ﺗﺒﺮﻭ ﻣﻨﻬﺎ ,, ﻣﻊ ﺍﻥ ﺍﻟﺸﻲ ﻫﻀﺎ ﻣﺎﻳﺮﺿﻴﺶ ﺣﺪ ﻣﻦ ﻋﻴﻠﺘﻬﻢ ﺑﺲ ﺍﻟﻠﻪ ﻏﺎﻟﺐ ﺟﺒﺮﺗﻬﻢ ﻋﺎﻟﺸﻲ ﻫﻀﺎ ,, ﻭﺟﺎ ﻭﻗﺖ ﺍﻟﻌﺸﺎ ﻭﺗﻌﺸﺎ ﺍﻟﻜﻞ ﻭﺿﺤﻚ ﻭﺗﻬﺪﺭﻳﺰ ﻭﻃﺒﻌﺎ ﺣﻮﺭ ﻧﺰﻟﺖ ﻗﺒﻞ ﺍﻟﻌﺸﺎ ﻭﻛﺎﻧﺖ ﻻﺑﺴﻪ ﻓﺴﺘﺎﻥ ﻭﺭﺩﻱ ﺷﺎﻓﻮﻥ ﻣﺨﺼﺮ ﻭﻛﻢ ﻭﻃﻮﻳﻞ ﻭﺭﻓﻌﺖ ﺷﻌﺮﻫﺎ ﺑﺘﻮﻛﻪ ﻭﺭﺩﻳﻪ ﻭﺩﺍﺭﺕ ﻣﺎﻳﻜﺐ ﺑﺴﻴﻂ ﻛﺤﻞ ﺍﺳﻮﺩ ﻭﺭﻭﺝ ﻭﺭﻱ ﻫﺎﺩﻱ ﻃﻠﻌﺖ ﺍﺗﻬﺒﺒﺒﺒﻞ ,
ﻭﺍﻟﻜﻞ ﺍﻳﺤﻤﺪﻟﻬﺎ ﻋﺎﻟﺴﻼﻣﻪ ,, ﻭﺗﻌﺸﻮ ﺍﻟﻀﻴﻮﻑ ﻭﺻﻼﺡ ﺍﻏﺘﻨﻢ ﺍﻟﻔﺮﺻﻪ ﻭﺣﺪﺩ ﻣﻮﻋﺪ ﻋﺮﺳﻪ ﻋﻠﻲ ﻏﺪﻳﺮ ﺍﻟﻠﻲ ﻛﺒﺪﺕ ﻋﻠﻴﻪ ﻭﺣﺒﺎﺍﺗﻪ ,, ﻭﺍﺗﻔﻘﻮ ﻋﻠﻲ ﻣﻮﻋﺪ ﺍﻟﻌﺮﺱ ﻭﺑﺪﺕ ﺍﻟﻐﻨﺪﻭﺭ ﺍﺗﺒﺘﺖ ﻭﻏﺰﺍﻟﻪ ﻣﻌﺎﻫﺎ ,, ﻭﻣﺮﻥ ﺍﻻﻳﺎﻡ ﻭﺍﻟﻜﻞ ﻓﺮﺣﺎﻥ ﻭﺭﺣﻤﺔ ﺑﺪﺕ ﺗﺘﻐﻴﺮ ﻓﻲ ﻣﻌﺎﻣﻠﺘﻬﺎ ﻣﻊ ﺍﻟﻜﻞ ﻭﺍﺗﺤﺎﻭﻝ ﺍﺗﻜﻮﻥ ﻛﻴﻒ ﺍﻟﻨﺎﺱ ﻋﺸﺎﻥ ﻳﺮﺿﺎ ﻋﻠﻴﻬﺎ ﺍﻟﺤﺎﺝ ﺑﺪﺭ ﺗﺎﺭﻳﺘﻪ ﺍﻛﺒﻴﺪﺗﻬﺎ ﺍﻟﻌﻄﻴﺐ ﻭﻋﻨﺪﻩ ﻗﺮﻋﻪ ﻋﻨﺪﻫﺎ
ﻭﺍﻣﺠﺪ ﺧﺎﻳﻒ ﻋﻠﻲ ﺣﻮﺭﻳﺘﻪ ﻋﻠﻲ ﻗﻮﻟﺘﻪ ﻭﺑﺪﺕ ﺍﺗﺎﺑﻊ ﻋﻨﺪ ﺩﻛﺘﻮﺭﻩ ﻧﺴﺎﺀ ,,
ﺍﻣﺠﺪ : ﻫﺎ ﺣﻮﺭﻳﺘﻲ ﺷﻦ ﻗﺎﻟﺘﻠﻚ ﺍﻟﺪﻛﺘﻮﺭﻩ ?,
ﺣﻮﺭ : ﺍﻟﺤﻤﺪﻟﻠﻪ ﻛﻞ ﺷﻲ ﺍﻛﻮﻳﺲ ,, ﻋﻨﺪﻱ ﺷﻮﻳﺔ ﻓﻘﺮ ﺩﻡ ﺑﺲ ,
ﺍﻣﺠﺪ : ﻫﺎ ﺭﻳﺘﻲ ﺗﻮﺍ ? ﺟﺎﻙ ﻛﻼﻣﻲ ? ﺍﺗﻌﺒﺖ ﻭﻧﺎ ﺍﻧﻘﻮﻟﻚ ﻛﻮﻟﻲ ﻛﺒﺪﻩ ﺩﺟﺎﺝ ﻭﺍﻧﺘﻲ ﺗﻌﺎﻧﺪﻱ ,,
ﺣﻮﺭ : ﻣﺎﻧﺤﺒﻬﺎﺵ ﺣﺒﻴﺒﻲ ,, ﻣﺎﻧﻘﺪﺭﺵ ,
ﺍﻣﺠﺪ : ﺧﻼﺹ ﺍﻟﻠﻪ ﻏﺎﻟﺐ ﺣﻨﺎﺧﺬﻟﻚ ﺣﺎﺟﺎﺕ ﺗﺎﻧﻴﻪ ﺍﻳﺰﻳﺪﻥ ﺍﻟﺪﻡ ,, ﻭﻣﺎﻧﺴﻤﻌﺶ ﻻ ﺭﺍﻩ ,, ﻓﺎﻫﻤﻪ ,
ﺣﻮﺭ ﺑﺄﺑﺘﺴﺎﻣﻪ : ﺣﺎﺿﺮ ﺣﺒﻴﺒﻲ ,, ﺍﻱ ﺣﺎﺟﻪ ﺍﻻ ﺍﻟﻜﺒﺪﻩ ,, ﻧﺎﺧﺪﻫﺎ ﻋﺎﺩﻱ ,,
ﺍﻣﺠﺪ : ﺻﺮﻓﺘﻠﻚ ﻋﻼﺝ ?
ﺣﻮﺭ : ﺍﻫﺎ ,,, ﻫﺎﺫﻭﻡ ,, ,
ﻭﻣﺪﺗﻼ ﺍﻟﺮﻭﺷﻴﺘﻪ ,, ﻭﺧﺬﺍﻫﺎ ﻣﻨﻬﺎ ﻭﻗﻌﺪﻭ ﻳﻬﺪﺭﺯﻭ ﻭﺗﻤﺠﺪ ﻳﻨﺎﺑﺶ ﻓﻴﻬﺎ ﻭﺣﻮﺭ ﺗﻀﺤﻚ ﻋﻠﻴﻪ ﻭﻓﺮﺣﺎﻧﻪ ﺑﺰﻭﺟﻬﺎ ,,
ﻭﻣﺸﺎ ﺑﻴﻬﺎ ﻟﻠﻔﻴﻼ ﻭﻧﺰﻟﺖ ﺣﻮﺭ ﻭﺍﻣﺠﺪ ﻗﺎﻟﻠﻬﺎ : ﺧﺸﻲ ﻟﻠﻔﻴﻼ ﻭﻧﺎ ﺣﻨﻤﺸﻲ ﻣﺸﻮﺍﺭ ﻭﺍﻧﺎ ﻣﺮﻭﺡ ﺣﻨﺠﻴﺒﻠﻚ ﺍﻟﺤﺎﺟﺎﺕ ﻭﺍﻟﻌﻼﺝ ,
ﺣﻮﺭ : ﺗﻤﺎﻡ ,, ﺭﺩ ﺑﺎﻟﻚ ﻋﻠﻲ ﺭﻭﺣﻚ ﺣﺒﻴﺒﻲ ,,
ﺍﻣﺠﺪ : ﺍﻧﺸﺎﺀﻟﻠﻪ ﺣﻮﺭﻳﺘﻲ ,, ﻫﻴﺎ ﺧﺸﻲ
ﻭﺧﺸﺖ ﺣﻮﺭ ﻭﺍﻣﺠﺪ ﺍﺳﻘﺪ ,,
%%%%%%%%%%%%%%%%%%%%%
ﻭﻓﻲ ﻣﻜﺎﻥ ﺑﻌﻴﻴﻴﻴﺪ ﻓﻲ ﺍﻟﻤﺪﻳﻨﻪ ﻓﻲ ﺑﻴﺖ ﺻﻐﻴﺮ ﻭﻃﺒﻌﺎ ﺣﻮﺵ ﻫﻀﺎ ﻟﻔﺠﺮﻳﻪ ﻣﺮﺕ ﺑﺎﺕ ﺣﻮﺭ ﻭﻋﻴﺎﻟﻬﺎ ﺑﺠﻨﺐ ﻫﻠﻬﺎ ﻭﺧﺬﺍﺗﻪ ﺛﻼﺙ ﺩﻳﺎﺭ ﻭﺻﺎﻟﻪ ﻭﻣﻄﺒﺦ ﻭﺣﻤﺎﻡ ﺣﺸﺎﻛﻦ ﻭﺑﺎﻗﻲ ﺍﻓﻠﻮﺱ ﺍﻟﻔﻴﻼ ﺍﻟﻠﻲ ﻣﻦ ﺣﻖ ﺣﻮﺭ ﻭﺧﻮﺗﻬﺎ ﻟﻌﺒﺖ ﻓﻴﻬﻦ ﻭﺷﺮﺕ ﺳﻴﺎﺭﻩ ﻭﻫﻲ ﺭﺍﻗﺪﻩ ﻓﻲ ﺍﻟﻘﺎﻳﻠﻪ ﻳﺴﺮﻗﻬﺎ ﻭﻟﺪﻫﺎ ﻓﺎﻳﺰ ﺑﺎﻟﺸﺪﻭﻕ ﻭﻳﺴﻮﻗﻬﺎ ﻭﺍﻳﺪﻳﺮ ﺑﻴﻬﺎ ﺣﺎﺩﺙ ﻋﺠﻨﻬﺎ ﻋﻠﺬ ﺑﻌﻀﻬﺎ ﻭﻗﺒﻞ ﺗﻌﺠﻦ ﻣﻌﺎﻫﺎ ﻭﺑﺎﻗﻲ ﺍﻟﻔﻠﻮﺱ ﻫﻴﺠﻦ ﺑﻴﻬﻦ ﺫﻫﺐ ﻭﺍﺛﺎﺙ ﻭﺻﺮﻓﺖ ﻋﻠﻲ ﻫﻠﻬﺎ ,, ﺍﻟﻤﻬﻢ ﻓﺎﻳﺰ ﺍﻧﻜﺴﺮﺕ ﺭﺟﻠﻪ ﻓﻲ ﺍﻟﺤﺎﺩﺙ ﻭﺗﻌﺐ ﻣﻨﻬﺎ ﻭﺍﻣﻪ ﻓﺠﺮﻳﻪ ﻣﻦ ﺩﻛﺘﻮﺭ ﻟﺪﻛﺘﻮﺭ ﻭﺩﺍﺭﻭﻻ ﺑﻼﺗﻴﻦ ﻓﻲ ﺭﺟﻠﻪ ,, ﻭﺑﻌﺪﻫﺎ ﻓﻲ ﻳﻮﻡ ﺑﻨﺖ ﻓﺠﺮﻳﻪ ﻭﻟﻌﺖ ﺍﻟﻐﺎﺯ ﺗﺒﻲ ﺍﺗﺮﻣﺮﻡ ﻭﺍﻣﻬﺎ ﻣﺶ ﻓﻲ ﺍﻟﺤﻮﺵ ﻭﺍﺗﺤﻂ ﻃﺎﺟﻴﻦ ﺑﺘﻘﻠﻲ ﻭﻫﻮ ﻣﺒﻠﻮﻝ ﻭﺣﻄﺖ ﺯﻳﺖ ﻭﺑﻌﺪ ﺣﻄﺖ ﺍﻟﺒﻄﺎﻃﺎ ﻭﻟﻌﺖ ﺍﻟﻨﺎﺭ ﻓﻲ ﺍﻟﻄﺎﺟﻴﻦ ﻭﺍﻟﺒﻨﺖ ﺍﻧﻔﺠﻌﺖ ﻭﺧﺬﺕ ﻣﻨﺸﻒ ﺍﻟﻤﻄﺒﺦ ﺣﻄﺎﺗﻪ ﺍﺍﻟﻨﺎﺭ ﻭﺑﺘﺮﻓﻌﻪ ﻳﻮﻟﻊ ﻧﺎﺭ ﻭﻣﻦ ﺧﻮﻓﻬﺎ ﺍﺗﻮﺟﻪ ﻗﺪﺍﻡ ﺍﻟﻤﻄﺒﺦ ﻭﻗﻌﺪﺕ ﺍﺗﻌﻴﻂ ﻭﺧﻮﻫﺎ ﻣﺠﺒﺲ ﻓﻲ ﺩﺍﺭﻩ ﻭﻃﻠﻊ ﻳﻨﻘﺰ ﻭﺍﺗﺼﻞ ﺑﺎﻣﻪ ﻭﻗﺎﻟﻠﻬﺎ ﺑﻨﺘﻚ ﻭﻟﻌﺖ ﻓﻲ ﺍﻟﺤﻮﺵ ﻭﻓﻌﻼ ﻣﺎﺟﺖ ﻋﻤﺘﻜﻦ ﻓﺠﺮﻳﻪ ﺍﻻ ﻭﺍﻟﺤﻮﺵ ﻭﺍﻟﻊ ﻭﺍﻟﺒﻨﺖ ﺍﻧﺨﻨﻘﻨﺖ ﻣﻦ ﺍﻟﺪﺧﺎﻥ ﻭﺧﻮﻫﺎ ﻣﻦ ﺍﻟﺨﻮﻑ ﻃﻠﻊ ﺑﺮﺍ ﺍﻟﺤﻮﺵ ﻭﻓﺠﺮﻳﻪ ﺑﻌﺪ ﻭﺻﻠﺖ ﺍﻋﻴﺎﻃﺎﺗﻬﺎ ﻗﻠﺒﻦ ﺍﻟﺸﺎﺭﻉ ﻭﺍﻟﻨﺎﺱ ﻣﻠﺘﻤﻪ ﻭﺍﻟﻤﻄﺎﻓﻲ ﺍﻃﻔﻲ ﻓﻲ ﺍﻟﻨﺎﺭ ,, ﻃﺒﻌﺎ ﻫﻞ ﻓﺠﺮﻳﻪ ﺑﻠﻐﻮ ﺍﻟﻤﻄﺎﻓﻲ ﻭﻃﺒﻌﺎ ﻓﺮﺍﺕ ﺣﺎﺻﻠﻪ ﺟﻮﺍ ﻣﺎﺯﺍﻟﺖ ﻭﺑﻌﺪ ﻋﻠﻤﺖ ﻓﺠﺮﻳﻪ ﻗﻠﺒﻬﺎ ﻗﻌﺪ ﻳﻨﻬﺶ ﻓﻴﻬﺎ ﻭﺍﻟﻜﻞ ﺍﻳﻮﺍﺳﻲ ﻓﻴﻬﺎ ﻧﻴﻦ ﺧﻤﺪﺕ ﺍﻟﻨﺎﺭ ﻭﺧﺸﻮ ﺭﺟﺎﻝ ﺍﻟﻤﻄﺎﻓﻲ ﻳﻄﻠﻌﻮ ﻓﻲ ﺍﻟﺒﻨﺖ ﺍﻟﻠﻲ ﺣﺎﺻﻠﻪ ﻭﻃﺒﻌﺎ ﺑﻌﺪ ﻃﻠﻌﻮ ﻛﺎﻧﺖ ﺟﺜﺔ ﻭﺍﺣﺪﻩ ﻭﻣﻐﻄﻴﻴﻨﻬﺎ ﺑﻘﻤﺎﺵ ﺍﺑﻴﺾ ﻭﻫﻨﺎ ﻓﺠﺮﻳﻪ ﺍﻧﻬﺎﺍﺍﺭﺕ ﻭﺑﺪﺕ ﺍﺗﻨﺘﺶ ﺭﺍﺗﺮﻳﺶ ﻓﻲ ﺷﻌﺮﻫﺎ ﻭﺗﻀﺒﻂ ﻓﻲ ﺑﻨﺘﻬﺎ ﻭﺍﻟﻨﺎﺱ ﻣﺘﺄﺛﺮﺓ ﻭﺍﻳﺼﺒﺮﻭ ﻓﻴﻬﺎ ﻫﻠﻬﺎ ,, ﻭﺷﺎﻟﻮ ﺍﻻﺳﻌﺎﻑ ﺍﻟﺠﺜﻪ ﻭﺑﺪﻭ ﻓﻲ ﻋﺰﺍﻫﺎ ,,
###############
############
ﻋﻨﺪ ﺣﻮﺭ ﻣﺘﻜﻴﻪ ﻋﺎﻟﺴﺮﻳﺮ ﻭﺍﻣﺠﺪ ﺟﻨﺒﻬﺎ ﻣﺎﻫﻨﺎﻫﺎ ﺍﺗﻘﻴﻞ ﺍﻟﻤﻨﺠﻮﻩ ﻭﺣﻮﺭ ﻣﻐﻠﺐ ﻋﻠﻴﻬﺎ ﻧﻮﻭﻭﻡ ﺗﺒﻲ ﺗﺮﻗﺪ ﻭﻫﻮ ﺷﻲ ﻣﺮﺓ ﺍﻳﺒﻮﺱ ﻓﻴﻬﺎ ﻭﻣﺮﺓ ﻳﺤﻀﻦ ﻓﻴﻬﺎ ﻭﺣﻮﺭ ﺍﻋﻴﺎﻁ ﻭﺧﻼﺹ ,,
ﻭﺍﺷﻮﻳﻪ ﺍﻳﺮﻥ ﻓﻮﻥ ﺃﻣﺠﺪ ﻭﺍﻟﻘﻴﻪ ﺭﻗﻢ ﻏﺮﻳﺐ ﻭﻛﻠﻤﻪ ﺣﺪ ﻭﺍﻣﺠﺪ ﻣﺴﺒﻮﻩ ﻭﺷﺎﻑ ﻟﺤﻮﺭ ﺍﻟﻠﻲ ﺷﺎﻓﺘﻼ ﺑﺄﺳﺘﻐﺮﺍﺏ ﻭﺑﻌﺪﻫﺎ ﻃﻠﻊ ﺑﺮﺍ ﺍﻟﻐﺮﻓﻪ ﻭﻛﻤﻞ ﺑﺎﻗﻲ ﻣﻜﺎﻟﻤﺘﻪ ,,
ﻭﺑﻌﺪﻫﺎ ﺧﺶ ﻋﻠﻲ ﺣﻮﺭ ﻭﻗﺎﻟﻠﻬﺎ : ﺣﻮﺭ ﻫﺬﻱ ﻣﻜﺎﻟﻤﻪ ﻣﻦ ﺟﻴﻬﺖ ﺧﻮﺗﻚ ﻭﺍﻣﻬﻢ ,
ﺣﻮﺭ ﻗﻤﻌﺰﺕ ﻭﻗﺎﻟﺖ : ﻣﻦ ? ﻭﻛﻨﻬﻢ ﺧﻮﺗﻲ ?
ﺍﻣﺠﺪ ﺣﻜﺎﻟﻬﺎ ﺍﻟﻠﻲ ﻗﺎﻟﻪ ﻟﻪ ﺍﻟﺮﺍﺟﻞ ﺍﻟﻠﻲ ﻛﻠﻤﻪ ﻭﺣﻮﺭ ﺗﺴﻤﻊ ﻭﻫﻲ ﺳﺎﻛﺘﻪ ﻭﻣﻨﺼﺪﻣﻪ ﻭﺍﻣﺠﺪ ﺣﻜﺎﻟﻬﺎ ﺑﻄﺮﻳﻘﻪ ﻋﺸﺎﻥ ﻣﺎﺗﻨﻔﺠﻌﺶ ,, ﻭﺑﻜﺖ ﺣﻮﺭ ﻭﺟﻌﺘﻬﺎ ﺧﻴﺘﻬﺎ ﻭﺍﻣﺠﺪ ﻳﻬﺪﻱ ﻓﻴﻬﺎ ﻭﻋﻠﻤﻮ ﻋﻴﻠﺖ ﺍﻣﺠﺪ ﻭﺍﺗﺼﻠﺖ ﺣﻮﺭ ﺑﺨﻮﺗﻬﺎ ﻭﺧﺒﺮﺗﻬﻢ ﻭﻃﻮﻭﻭﻭﻝ ﻣﺸﻮ ﻟﻠﻌﺰﺍﺀ . ﻭﻃﺒﻌﺎ ﺣﻮﺭ ﻣﻌﻬﺎ ﻧﺠﺎﺓ ﻭﻏﺰﺍﻟﻪ ﻭﺭﺣﻤﺔ ﻭﻏﺎﺩﻩ ﻭﻏﺪﻳﺮ ,, ﻭﺍﻭﻝ ﻣﺎﺧﺸﺖ ﺣﻮﺭ ﺗﺒﻜﻲ ﻭﻭﺍﺟﻌﺘﻬﺎ ﺧﻴﺘﻬﺎ ﻭﺍﻟﺼﺒﺎﻳﺎ ﻳﺴﺄﻟﻦ ﻭﺍﻟﻠﻲ ﺗﻌﺮﻓﻬﺎ ﻭﺍﻟﻠﻲ ﺗﻨﺸﺪ ﻋﻠﻲ ﺣﻮﺭ ﻭﺍﻭﻝ ﻣﺎﻣﺎﺣﻮﺭ ﺷﺎﻓﺖ ﻓﺠﺮﻳﻪ ﻣﺸﺖ ﻧﺎﺣﻴﺘﻬﺎ ﺑﺘﺒﻜﻲ ﻣﻌﺎﻫﺎ ﻣﻬﻤﺎ ﻛﺎﻥ ﺧﻴﺘﻬﺎ ﺍﻟﻠﻲ ﻣﻴﺘﻪ ﻭﺗﻌﺘﺒﺮ ﻣﺮﺑﻴﺘﻬﺎ ﻋﻠﻲ ﺇﺩﻳﻬﺎ ,,, ﺑﺲ ﻓﺠﺮﻳﻪ ﺍﻟﻠﻲ ﻛﺎﻧﺖ ﺗﺒﻜﻲ ﻭﻣﻨﻬﺎﺭﺓ ﻭﻓﻲ ﺣﺎﻟﻪ ﺍﻟﻠﻪ ﻻﻳﺬﻭﻗﻬﺎﻟﻜﻦ ,, ﺍﻭﻝ ﻣﺎﺷﺎﻓﺖ ﺣﻮﺭ ﺩﻓﺖ ﺣﻮﺭ ﺍﻟﻠﻲ ﺫﺍﺣﺖ ﻋﻠﻲ ﻧﺠﺎﺓ ﺍﻟﻠﺬ ﻛﺎﻧﺖ ﻭﺭﺍﻫﺎ ﻭﻗﺎﻟﺖ : ﺍﻧﺘﻴﻴﻴﻴﻴﻴﻲ ,,, ﻣﻔﺮﻭﻭﻭﻭﺽ ﺍﻧﺘﻴﻴﻴﻲ ,,
ﺣﻮﺭ ﻣﻨﻔﺠﻌﻪ ﻣﻦ ﻣﺮﺕ ﺑﺎﺗﻬﺎ ﻭﺧﺎﻓﺖ ,, ﻭﻧﺠﺎﺓ ﻗﺎﻟﺖ ﻟﻔﺠﺮﻳﺔ : ﺑﺴﻢ ﺍﻟﻠﻪ ﻳﺎﺣﻮﺭ ﺑﺸﻮﺍﺵ ﻋﻠﻲ ﺭﻭﺣﻚ ,, ﻛﻨﻚ ﻳﺎﻏﺠﺮﻳﺔ ﺍﺗﻘﻲ ﺍﻟﻠﻪ ﻓﻲ ﻧﻔﺴﻚ . ﻣﻌﻘﻮﻟﻪ ﻫﻜﻴﻲ
ﻓﺠﺮﻳﻪ ﻭﻫﻲ ﺍﺗﺤﺰﺯ ﻋﻠﻲ ﺣﻮﺭ ﺗﺒﻲ ﺗﻀﺮﺑﻬﺎ : ﺍﻃﻠﻘﻮﻧﻲ ,,, ﺣﻮﻭﻭﻭﻟﻦ ﻧﺒﻲ ﻧﻘﺘﻠﻬﺎ ,,, ﺍﻟﻜﻠﺒﻪ ﺍﻧﺘﺬ ﺍﻟﻠﻲ ﻣﻔﺮﻭﺽ ﺍﺗﻤﻮﺗﻲ ﻧﺶ ﺑﻨﺘﻲ ﻧﺎﺍﺍﺍ .. ﺣﻨﻘﺘﻠﻚ ﻳﺎﺣﻘﻴﺮﺭﺭﺭﻩ ,
ﻭﺍﻟﺼﺒﺎﻳﺎ ﻣﺎﺳﻜﺎﺗﻬﺎ ﻭﺍﻟﻠﻲ ﻓﻲ ﺍﻟﻌﺰﺍﺀ ﺑﺪﺍ ﻳﺸﻚ ﺍﻥ ﻓﺠﺮﻳﻪ ﺍﻧﺠﻨﺖ ,,, ﻫﺎﺑﺎ ﻣﺎﻳﺤﺴﺎﺑﻮﻫﺎ ﺣﻘﻮﺩﺓ ﻣﻦ ﻳﻮﻡ ﻳﻮﻣﻬﺎ ﻣﻐﻴﺮ ﻫﻀﺎ ﻭﻳﻦ ﺍﻧﻔﺠﺮﺕ ﻭﻃﻠﻊ ﻛﻠﻪ ,,
ﺍﻟﻤﻬﻢ ﺻﺎﺭﺕ ﺩﻭﺷﻪ ﻭﺣﻮﺭ ﺧﺎﻓﺖ ﻭﺗﺒﻜﻲ ﻭﺣﺎﺿﻨﺘﻬﺎ ﻏﺰﺍﻟﻪ ﻭﻏﺪﻳﺮ ﻭﻏﺎﺩﻩ ﺑﺼﻮﺕ ﻋﺎﻟﻲ : ﺑﺸﻮﺍﺵ ﻋﻠﻲ ﺭﻭﺣﻚ ﻳﺎﻣﺎﻣﺎ ﺭﺍﻫﻮ ﻣﺶ ﺑﺎﻟﺴﺎﻫﻞ ﺗﻀﺮﺑﻲ ﺑﻨﺘﻨﺎ ,,, ﻭﻳﺎﻭﻳﻠﻚ ﻛﺎﻥ ﺗﻘﺮﺑﻲ ﺍﻳﺪﻙ ﻧﻘﻄﻌﻬﺎ ﻟﻜﻲ
ﻧﺠﺎﺓ ﻓﻨﺼﺖ ﻓﻲ ﻏﺎﺩﻩ ﻭﻗﺎﻟﺖ : ﻏﺎﺍﺍﺍﺩﻩ ,, ﻋﻴﺐ ﺍﺳﻜﺘﻲ , ﻭﻫﺒﺎ ﺣﻨﺮﻭﺣﻮ ﺑﻼﺵ ﻣﻨﻬﺎ ﺍﻟﻘﻌﺪﻩ ﺍﻟﻨﻴﻪ ﻭﺍﺻﻠﻪ ,
ﻭﻃﻠﻌﻦ ﻭﺣﻮﺭ ﺗﺮﺟﻒ ﻭﺍﺗﺼﻠﺖ ﻏﺰﺍﺍﻩ ﺑﻤﺮﻋﻲ ﻭﺧﺒﺮﺍﺗﻪ ﺷﻲ ﺍﻟﺒﻨﺖ ﻫﺬﻱ ﻣﺎﺗﻤﺴﻚ ﺣﺎﺟﻪ ﻋﻠﻴﻪ ﻧﻈﺎﻡ ﻧﺸﺮﺓ
ﻭﻋﻠﻲ ﻃﻮﻝ ﺍﻟﺮﺟﺎﻟﻪ ﺟﻮﻫﻦ ﻭﺍﻣﺠﺪ ﺧﺎﻳﻒ ﻋﻠﻲ ﺣﻮﺭ ﺍﻟﻠﻲ ﺗﺮﻋﺶ ﻣﻦ ﺍﻟﻔﺠﻌﻪ ﻓﺠﻌﺘﻬﺎ ﻫﺎﻟﻤﺴﻤﻮﻣﻪ ﻋﺎﻃﻬﺎ ﻣﺎﻳﻄﻴﺮﻫﺎ ,,
ﻭﺭﻣﺒﻮ ﻓﻲ ﺍﻟﺴﻴﺎﺭﺍﺕ ﻭﺗﻌﺬﺭ ﺑﺎﺕ ﻓﺠﺮﻳﻪ ﻻﻣﺠﺪ ﻭﻣﺮﻋﻲ ﻭﺍﺣﻤﺪ ﻭﺍﺗﺴﻘﺪﻭ ﻋﺎﻟﻔﻴﻼ ,, ﻭﻓﺎﺕ ﺍﺳﺒﻮﻉ ﻭﺣﻮﺭ ﺯﻋﻼﻧﻪ ﻭﺍﻣﺠﺪ ﻳﺤﺎﻳﻞ ﻭﺍﻳﺴﺎﻳﺮ ﻟﺪﺭﺟﺔ ﻗﺒﻞ ﺍﺟﻠﻮ ﻣﻮﻋﺪ ﻓﺮﺡ ﻏﺪﻳﺮ ﺑﺲ ﺣﻮﺭ ﺍﺻﺮﺕ ﺍﻧﻪ ﻳﻜﻤﻠﻮ ﻭﻳﻄﻠﻌﻮ ﺍﻟﻔﺮﺡ ,,
ﻭﻓﻌﻼ ﺑﻌﺪ ﺷﻬﺮ ﻃﻠﻊ ﺍﻟﻔﺮﺡ ﻭﻛﺎﻧﺖ ﺣﻮﺭ ﻓﻲ ﻧﻬﺎﻳﺔ ﺍﻟﺮﺍﺑﻊ ﻭﺩﺩﺕ ﺑﻄﻨﻬﺎ ﺗﻜﺒﺮ ﺍﺷﻮﻱ ﻭﻏﺪﻳﺮ ﺧﺎﻳﻔﻪ ﻭﻓﺮﺣﺎﻧﻪ ﺧﺎﻟﻄﻪ ﻋﻨﺪﻫﺎ ﻭﺻﻼﺡ ﻣﻦ ﺍﻟﻔﺮﺣﻪ ﻗﺮﻳﺐ ﻳﻄﻴﺮ ﻭﺟﺎ ﻭﻗﺖ ﺍﻟﺰﻓﻪ
ﻭﺍﻟﻜﻞ ﻻﺑﺲ ﻭﺍﻣﺸﻴﻚ ﻭﺣﻮﺭ ﻟﺒﺴﺖ ﻓﺴﺘﺎﻥ ﺍﺳﻮﺩ ﺑﻠﻤﻌﻪ ﻭﻛﻤﻪ ﺷﺎﻓﻮﻥ ﻭﺍﻟﻔﺴﺘﺎﻥ ﺩﺍﻧﺘﻴﻞ ﻭﻃﻮﻳﻞ ﻭﺭﻗﺒﺘﻪ ﻣﺜﻠﺚ ﻛﺎﻥ ﺑﺴﻴﻂ ﻭﻋﺎﺩﻱ ﺑﺲ ﻟﻤﺎ ﻟﺒﺴﺎﺗﻪ ﻃﻠﻌﺖ ﺍﺗﺠﻨﻦ ﻭﺣﻄﺖ ﻣﺎﻳﻜﺐ ﺧﻔﻴﻴﻴﻴﻒ ﻧﻈﺎﻡ ﻛﺤﻞ ﻭﺑﻮﺩﺭﻩ ﻭﺭﻭﺝ ﻭﺭﺩﻱ ﻫﺎﺩﻱ ﻭﺭﻓﻌﺖ ﺷﻌﺮﻫﺎ ﻧﻈﺎﻡ ﻛﻌﻜﻪ ﻓﻮﻕ ﻭﻟﻤﺎﺗﻪ ﻛﻠﻪ ﻭﻧﺰﻟﺖ ﺧﺼﻠﻪ ﻭﺣﺪﻩ ﻣﻦ ﺍﻟﺠﻨﺐ ﻭﺍﻣﺠﺪ ﺍﻭﻝ ﻣﺎﺷﺎﻓﻬﺎ ﻳﺘﺒﺴﻤﻠﻬﺎ ﻭﺣﻮﺭ ﻭﺧﺮﺕ ﻭﻗﺎﻟﺘﻼ : ﺍﻣﺠﺪ ﺭﻳﺢ ﺭﻭﺣﻚ ﻭﺭﺍﻧﺎ ﺯﻓﻪ ﺭﺍﻩ ,
ﺍﻣﺠﺪ ﺑﺨﺒﺚ : ﻭﻧﺎ ﺷﻦ ﻗﻠﺖ ﺑﺲ ,,,
ﺣﻮﺭ : ﻋﺎﺭﻓﺘﻚ ,, ﺍﺗﻘﻮﻝ ﻫﻜﻲ ﻭﺑﻌﺪﻫﺎ ﺗﺒﺪﺍ ﺍﺗﻀﺎﻳﻖ ﻓﻴﺎ
ﺍﻣﺠﺪ ﺣﻀﻨﻬﺎ ﻭﻗﺮﺑﻬﺎ ﻟﺤﻀﻨﻬﺎ ﻭﻫﻲ ﺍﺗﺸﻮﻓﻼ : ﻭﻧﺎ ﺷﻦ ﺍﻧﺪﻳﺮ ﺑﻌﺪ ﺗﺒﻘﻲ ﺣﻠﻮﺓ ﻫﻜﻲ ﻏﺼﺒﻦ ﻋﻨﻲ ﺑﻨﻀﺎﻳﻘﻚ
ﺣﻮﺭ : ﺑﺎﻫﻲ ﺧﻼﺹ .. ﻫﻴﺎ ﻧﻤﺸﻮ ﻳﺮﺟﻮ ﻓﻴﻨﺎ ﺭﺍﻩ ,
ﺍﻣﺠﺪ : ﺑﺎﻫﻲ ﻋﻄﻴﻨﺬ ﺗﺼﺒﻴﺮﺓ ﻟﻴﻦ ﻧﺮﻭﺣﻮ ,
ﻭﺍﻣﺠﺪ ﺍﻳﻀﺎﻳﻖ ﻓﻲ ﺣﻮﺭ ﻭﺣﻮﺭ ﻟﺘﻬﺮﺏ ﻣﻨﻪ ﻋﻠﻲ ﺩﻟﻔﺖ ﻋﻤﺘﻜﻦ ﻏﺰﺍﻟﻪ ﻓﺘﺤﺖ ﺍﻟﺒﺎﺏ ﺭﻋﺸﺘﻬﻢ ,, ﺧﻄﺮﺕ ﻋﻠﻴﺎ ﻭﺣﺪﻩ ﺍﻟﻤﻜﺎﻓﺤﻪ
ﻏﺰﺍﻟﻪ : ﺗﻲ ﻫﻴﺎ ﻳﺎﺣﻮﺭ ﻃﻮﻟﻨﺎ ﺭﺍﻩ ,
ﺍﻣﺠﺪ ﻓﻨﺺ ﻓﻴﻬﺎ ﻭﻗﺎﻝ : ﻓﻲ ﺑﺎﺏ ﺍﻳﺪﻗﻮ ﻋﻠﻴﻪ ﻳﺎﻫﻤﻲ
ﻏﺰﺍﻟﻪ ﺧﺬﺕ ﺣﻮﺭ ﻭﻫﻲ ﻃﺎﻟﻌﻪ : ﻣﻦ ﻗﺎﻟﻠﻜﻢ ﺍﺗﺨﻠﻮﻩ ﻣﻔﺘﻮﺡ ﻳﺔﺳﻜﺮﻭ ﺑﺎﻟﻤﻔﺘﺎﺡ ﻣﺮﺓ ﺗﺎﻧﻴﻪ ,, ﺑﻨﻨﺪﻟﻒ ﻣﺎﺩﺧﻠﻨﻴﺶ ﻧﺎ
ﺣﻮﺭ :
ﻭﻣﺸﻮ ﻟﻠﺼﺎﻟﻪ ﻭﺯﻓﻮ ﺍﻟﻌﺮﻭﺳﻪ ﻭﺑﺪﺕ ﺣﻔﻠﺘﻬﻢ ﻭﺍﻟﻜﻞ ﻓﺮﺣﺎﻥ ﻭﻏﺪﻳﺮ ﻃﻠﻌﺖ ﺍﺗﻬﺒﺒﺒﻞ ﻭﺑﻌﺪ ﺧﺶ ﻋﻤﻜﻦ ﺻﻼﺡ ﺍﻟﻀﺤﻜﻪ ﻣﻦ ﻭﺫﻥ ﻟﻠﻮﺫﻥ ﻭﻃﻠﻊ ﻣﺰﺯﺯﺯ ﺍﻟﻌﻄﻴﺐ ﻭﻳﻌﺰﻕ ﻓﻲ ﻧﻈﺮﺍﺕ ﻟﻐﺪﻳﺮ ﺍﻟﻠﻲ ﺫﺍﺍﺍﻟﺒﺖ ﻣﻦ ﺍﻟﺤﺸﻢ ,, ﻭﻫﻴﺠﻮ ﻭﻗﻌﺪﻭ ﺍﻟﻌﺮﺳﺎﻥ ﺍﺷﻮﻳﻪ ﻭﺑﻌﺪﻫﺎ ﻗﻄﻌﻮ ﺍﻟﺘﻮﺭﺗﺎ ﻭﺻﻮﺭﻭ ﻓﻲ ﺍﻟﻘﺎﻋﻪ ﺍﻟﺠﻮﺍﻧﻴﻪ ﻛﻢ ﻟﻘﻄﻪ ﻣﻦ ﺍﻟﻤﺼﻮﺭﺍﺗﻴﻪ ﻭﺫﻟﻊ ﺑﻴﻬﺎ ﻋﻤﻜﻦ ﺻﻼﺡ ﺧﻼﺹ ﺻﺒﺮ ﻭﺍﺟﺪ ﺍﻟﺮﺍﺟﻞ
ﻭﺭﻭﺣﻮ ﺍﻟﻤﻌﺎﺯﻳﻢ ﻭﺣﻮﺭ ﺑﻌﺪ ﺭﻭﺣﺖ ﺍﺩﻭﺷﺖ ﻭﺧﺸﺖ ﺳﺮﻳﺮﻫﺎ ﻭﺍﻣﺠﺪ ﻳﺮﺟﺎ ﻓﻴﻬﺎ ﺍﻭﻝ ﻣﺎﺧﺴﺖ ﺑﺘﺘﺮﻳﺢ ﺑﺪﺍ ﻓﻴﻬﺎ ﻣﻨﺎﺑﺸﺎﺕ ﻭﻣﻀﺎﻳﻘﺎﺕ ﻭﺣﻮﺭ ﻭﺣﻠﺖ ﻓﻴﻪ ﻋﻠﻴﻤﺎ ﺩﺍﺭﺕ ﻓﻴﻪ ﺷﻲ ,,
ﻋﻨﺎﺩ ﻭﺳﻜﻨﻠﻬﺎ ﻭﻛﺎﻟﻌﺎﺩﻩ ﺧﺬﺍ ﺍﻟﻠﻲ ﻳﺒﻴﻬﺎ ,
ﺍﻟﻤﻬﻢ ﺑﻌﺪ ﺳﻨﺔ ,,,,
ﺍﻣﺠﺪ ﻣﺎﺳﻚ ﻻﺑﺘﻮﺏ ﻭﻳﺸﺘﻐﻞ ﻋﻠﻴﻪ ﻭﻳﺤﻜﻲ ﻣﻊ ﺑﺎﺗﻪ : ﺧﻼﺹ ﻳﺎﺣﺎﺝ ﺣﺠﺰﺗﻠﻬﻢ ﻣﻌﺎﻧﺎ ﻭﺗﻢ ﻛﻞ ﺷﻲ ,
ﺑﺪﺭ : ﺍﻟﻠﻪ ﺍﻳﺮﺑﺤﻚ .. ﻭﻭﻳﻦ ﺑﺘﻤﺸﻮ ?
ﺍﻣﺠﺪ : ﻟﻠﺴﻌﻮﺩﻳﻪ ﻳﺎﺣﺎﺝ ,, ﺑﻨﺪﻳﺮﻭ ﺯﻳﻜﻢ ﻋﺎﺩ ﻛﻴﻒ ﺍﻧﺖ ﻭﺍﻣﻲ ﻧﺠﺎﺓ ﻭﺍﻣﻲ ﺭﺣﻤﺔ ,, ﻋﻤﺮﺓ ,
ﺑﺪﺭ : ﺍﻳﻴﻲ ﻳﺎﻭﻟﺪﻱ ﻣﺎﻓﻲ ﺍﺣﺴﻦ ﻣﻦ ﺍﻟﻌﻤﺮﺓ ﻭﺍﻟﺤﺞ ﺗﻤﻨﻴﺖ ﻣﺎﺭﻭﺣﺖ ,
ﻭﺍﻳﺨﺶ ﻋﻠﻴﻬﻢ ﻭﻟﻴﺪ ﺩﻭﺑﻪ ﻳﺘﻌﻠﻢ ﻓﻲ ﺍﻟﻤﺸﻲ ﻭﺍﺗﻤﺸﻲ ﻓﻴﻪ ﺭﺣﻤﻪ
ﺩﺩﺭ : ﺗﻌﺎﻻ ﻳﺎﺩﺭﻫﻮﺑﻲ ﻧﺠﻚ ﻟﻴﺎ ﻭﻳﻦ ﻛﻨﺖ ?,
ﺭﺣﻤﺔ : ﺭﺿﻊ ﺭﺿﻌﺎﺗﻪ ﻭﻗﺎﻟﻲ ﺍﺑﻲ ﺩﻳﺪﺍ
ﺷﺎﻟﻪ ﺑﺪﺭ ﻭﻗﺎﻟﻪ : ﺍﺭﻫﻮﻣﻪ ,, ﺗﻤﺸﻲ ﻣﻌﺎﻳﺎ ?
ﻃﺒﻌﺎ ﺣﻮﺭ ﺟﺎﺑﺖ ﻭﻟﻴﺪ ﻭﺍﻣﺠﺪ ﻗﺮﺭ ﺍﻳﺴﻤﻴﻪ ﺍﺑﺮﺍﻫﻴﻢ ﻋﻠﻲ ﺑﺎﺕ ﺣﻮﺭ ﻭﺑﺪﺭ ﻓﺮﺡ ﻭﺭﺣﺐ ﺑﺎﻻﺳﻢ ,,
ﺍﺑﺮﺍﻫﻴﻢ : ﺩﻳﺪﺍ
ﻭﻗﻌﺪ ﺑﺪﺭ ﺍﻳﺒﻮﺱ ﻓﻴﻪ ﻭﻳﻠﻌﺐ ﻓﻴﻪ ﻭﺍﻣﺠﺪ ﺍﻳﺸﻮﻓﻠﻬﻢ ﺑﻔﺮﺣﻪ ﻭﺍﺗﺨﺶ ﺣﻮﺭ ﺟﺎﻳﺒﻪ ﺷﺎﻫﻲ ﻭﻣﻮﺍﻟﺢ ﻭﺭﺍﻫﺎ ﻧﺠﺎﺓ ﺑﺎﻟﻤﻜﺴﺮﺍﺕ ﻭﺍﻟﻔﻮﺍﻛﻪ ﻭﺭﺣﻤﻪ ﺍﺗﻜﻠﻢ ﻓﻲ ﺑﻨﺘﻬﺎ ﻏﺰﺍﻟﻪ ﻣﺎﻟﻬﺎﺵ ﺍﺳﺒﻮﻋﻴﻦ ﻃﺎﻟﻊ ﻓﺮﺣﻬﺎ ,, ﻭﻏﺎﺩﻩ ﺍﻧﺨﻄﺒﺖ ﺣﺘﻲ ﻫﻲ ﻭﻓﺮﺣﻬﺎ ﺑﻴﺠﻬﺰﻭﻻ ﺑﻌﺪ ﻳﺮﻭﺣﻮ ﻣﻦ ﺍﻟﻌﻤﺮﺓ ,,
ﻭﺧﺸﺖ ﺣﻮﺭ ﻭﺑﻄﻨﻬﺎ ﻗﺪﺍﻣﻬﺎ ﺣﺎﻣﻞ ﻓﻲ ﺍﻟﺨﺎﻣﺲ ﻭﻏﺎﺩﻩ ﺣﺎﻣﻞ ﻓﻲ ﺍﻟﺴﺎﺑﻊ ﻭﻃﺒﻌﺎ ﺑﻴﻄﻠﻌﻮ ﺷﻬﺮ ﻋﺴﻞ ﺑﺲ ﻻﺣﻠﻰ ﻣﻜﺎﻥ ﻭﺍﻗﺪﺱ ﻣﻜﺎﻥ ﺍﻟﻠﻲ ﻫﻮ ﺍﻟﻜﻌﺒﻪ ﺍﻟﺸﺮﻳﻔﻪ ﺭﺑﻲ ﻳﻄﻌﻤﻨﻲ ﻭﻳﻄﻌﻤﻜﻦ ﺯﻳﺎﺭﺗﻬﺎ ﻳﺎﺭﺏ ,,,
ﻭﺍﻟﻜﻞ ﻳﺠﻬﺰ ﺑﻴﺴﺎﻓﺮ ﻭﺍﻟﺴﻨﻔﻮﺭ ﺍﺑﺮﺍﻫﻴﻢ ﺑﻴﻘﻌﺪ ﻣﻊ ﺟﺪﻭﺩﻩ ﻃﺒﻌﺎ ﺍﻟﻜﻞ ﺍﻣﻜﺒﺪ ﻓﻴﻪ ,, ﻭﺷﻜﻠﻪ ﺍﻟﺪﺑﺪﻭﺏ ﻭﺑﺎﺗﻪ ﻓﺮﺣﺎﻥ ﺑﻴﻪ ﻭﻳﺮﺟﺎ ﻓﻲ ﺍﻟﻠﻲ ﺑﻴﺸﺮﻓﻪ ﺑﻌﺪ ﺍﺭﺑﻊ ﺍﺷﻬﻮﺭ ,,
ﻭﺣﻮﺭ ﻓﺮﺣﺎﻧﻪ ﺑﻌﻴﻠﺘﻬﺎ ﻭﺯﻭﺟﻬﺎ ﻭﺧﻮﺗﻬﺎ ﺍﻟﻠﻲ ﻫﻤﺎ ﺳﻨﺪ ﻟﻴﻬﺎ ﻣﻬﻤﺎ ﺍﻟﻮﺣﺪﻩ ﺍﺗﻜﻮﻥ ﻣﺮﺗﺎﺣﻪ ﻣﻊ ﺯﻭﺟﻬﺎ ﺿﺮﻭﺭﻱ ﻣﻦ ﺳﻨﺪ ﻓﻲ ﺍﻟﺪﻧﻴﺎ ,, ﻭﺑﻌﺪ ﺍﻳﺎﻡ ﺳﺎﻓﺮﻭ ﻟﻠﻌﻤﺮﺓ ﻭﺍﺗﻤﻮ ﻋﻤﺮﺗﻬﻢ ﺑﺤﺐ ﻟﻠﻪ ﻗﺒﻞ ﻛﻞ ﺷﻲ ,, ﻭﺯﺍﺭﻭ ﻗﺒﺮ ﺍﻟﺮﺳﻮﻝ ﻭﺑﻌﺪ ﻛﻤﻠﻮ ﺍﻟﻌﻤﺮﺓ ﺭﻭﺣﻮ ﻭﻋﺎﺷﻮ ﻣﺘﻬﻨﻴﻴﻦ ﻭﻣﺒﺴﻮﻃﻴﻦ ﻓﻲ ﺣﺐ ﻭﻣﻨﺎﻭﺷﺎﺕ ﻣﺮﺓ ﻣﺮﺓ ,,, ﻻﻥ ﺍﻟﻜﻤﺎﻝ ﻟﻠﻪ ﻛﻴﻒ ﻣﺎﺗﻌﺮﻓﻮ ,,
ﺍﻟﻨﻬﺎﺍﺍﺍﺍﺍﺍﺍﺍﻳﻪ ﺗﻤﺖ ﺑﺤﻤﺪ ﺍﻟﻠﻪ ,
ﺍﻧﺸﺎﺀﻟﻠﻪ ﻋﺠﺒﺘﻜﻦ ﺭﻭﺍﻳﺘﻲ ﻧﻌﻤﻮﺷﺎﺗﻲ ﻭﺍﻟﻨﻬﺎﻳﻪ ﺑﺎﻟﺬﺍﺕ ﻭﻋﺮﻓﺘﻦ ﺍﻟﻌﺒﺮﻩ ﺍﻟﻠﻲ ﻓﻴﻬﺎ ,, ﺍﻥ ﺍﻻﻧﺴﺎﻥ ﻳﻌﻄﻴﻪ ﺍﻟﻠﻪ ﻋﻠﻲ ﺣﺴﺐ ﻧﻴﺘﻪ ﻭﻋﻠﻰ ﻧﻴﺎﺗﻜﻢ ﺗﺮﺯﻗﻮﻥ ,,
ﻭﻛﻴﻒ ﻣﺎﺷﻔﻨﺎ ﻓﻲ ﺍﻟﻘﺼﻪ ﻣﺶ ﻛﻞ ﺣﺪ ﻳﺘﻮﺏ ﻭﻳﺮﺩ ﻟﻠﻄﺮﻳﻖ ﺍﻟﺼﺤﻴﺢ ﺯﻱ ﺭﺣﻤﺔ ﻭﺑﻨﺘﻬﺎ ﻏﺎﺩﻩ ,, ﻓﻲ ﻧﺎﺱ ﺑﺎﻟﺮﻏﻢ ﻣﻦ ﺍﻟﻌﺒﺮ ﺍﻟﻠﻲ ﻳﻌﺎﻗﺐ ﻓﻴﻬﻢ ﺍﻟﻠﻪ ﺑﻴﻬﺎ ﻭﻳﻮﺭﻱ ﻓﻴﻬﻢ ﻭﻳﺒﻴﻬﻢ ﻳﺮﺟﻌﻮ ﻟﻄﺮﻳﻖ ﺍﻟﺤﻖ ﺑﺲ ﻟﻼﺳﻒ ﺷﻴﺎﻃﻴﻨﻬﻢ ﻣﻐﻠﺒﺎﺕ ﻋﻠﻴﻬﻢ ﺯﻱ ﻓﺠﺮﻳﻪ ﻣﺮﺕ ﺑﺎﺕ ﺣﻮﺭ ,,
ﻭﺳﺎﻣﺤﻮﻧﻲ ﻋﺎﻻﻃﺎﻟﻪ ﻧﻠﺘﻘﻲ ﻓﻲ ﻗﺼﺔ ﺟﺪﻳﺪﺓ ﻭﻋﻨﻮﺍﻥ ﺍﺧﺮ ,
ﻛﺎﺗﺒﺘﻜﻦ ﺍﻟﻬﻤﻴﻞ ﺍﻟﺸﺎﺭﺩ 💋❤