دفعت 💔ثمن انتقامك💔🌷

part13

#دفعت_ثمن_انتقامك
#للكاتبه_الهميل_الشارد

الحلقه 13 :

وطلع امجد وهو غاااامه ويذكر في شي صار معاه زمان وعلي طول سواقته للسياره نشا لفيلا هله واول ماخش للفيلا صرخ بصوت عالي وقال : رحممممممه 😡
وتنط عمتكن رحمه اتقول شالطها ضي من سريرها وهي واقده في عز النوم 😂 واعيونها زارقات وقلبها يدلف ومااااحوتك وقفت وطلعت من الدار وهي تشوف الخاج بدر طلع من داره مع نجاة وبناته كلهن الا غاده الا طالعه من الحوش والكل ايشوفلا وخايفين شن بيقول وايقرب امجد من رحمة اللي ددت تتوتر ولاحظت نجاة الشي هضا وقال امجد : وبن الصندوق با مرت باتي ? 😬
رحمة : 😨
امجد : طلللعي الصندوق .😡
الحاج بدر : امججحد واعي لروحك فيش اتقول ? 😠
امحد بصوت هادي : واعي ياباتي ..وحنقولك كيف ,
وخش امجد لدار مرت باته وهذ تلحقه واتعيط فيه : امجججد فيش ادير اطلع برا داري ..رد بالك اتمد يدك علي حاجه ,
امحد ولا عبرها فتح ضفات الدولاب بالةحده ويفتش وقعد يدور وكل شي تحت انظار الكل ونجاة واقفه واتشوف لرحمه واشويه ووقف امجد عن البحث وذلع بين ايديه الصندوق ومااه الفلوس كبف ماهن مغير ناقصات الربطتين بس اللي عطتهن للمتلثم .
أمجد : باهي هضا شنو يا ..يا.. شن نبي انقول بس مرت باتي ولا رحمه ولا شنو بس ,😡
وعمتكن رحمه استكككككت رسمي خلااااص قعدت تررررعش,وتلكلك بالكلام واتقول بصوت مليان توتر : اااا...ا .اانا مم م لالال ل...لا اانت اللذ حطيته هنا مش نا ,
واتلف علي بدر ونجاه واتقول : مش نا صدقنذ اكيده هو اللي حطه صدقني ياحاج ..اا.. ههو هو ولدك ....
ومكملت كلمتها نين جاها كف👋 معتبر من عمكن بدر. والكل انصدم لان اول مرة الحاج ايمد يده علي حد ورحمة اعيونها دموع واتشوف لبدر اللي نظرات الكره بانن في عيونه وقال : ليييش يارحمه ..ليييش بس عيشتك احسن عيشه وماعمري رفضتلك طلب واللي تبيه حاااضر ..هضا كله ماسدكش تبي تاخذي خاجه مش لكي 😬
رحمه. انفصلت وقعدت اتعيط وتصرخ فيهم وقالت : الااااا يابدر مش كل شي ..انت حرمتني منك من انذ انكون الاولى في الفيلا وفي كل شي ..ديما تاخذ في راي نجاة العاقر قبل رايي وتسمع في كلامها عن كلااامي وانا اللذ جبتلك ثلاااث بنات وهي ولااا شي ربت ولدك وبسسس عشان رضعاته وبسسس وكل شي لأمجد ..امحد خوذ امجد محتاجين فلوس وهو كيف الباسا امتا مايحن يعطيي ولالا ? انا مليييت وتعبت ,😠
نجاة : وليش اتهمتي حور ظلم ..ومن اللي خش عليها قولي يارحمة ,
رحمه : ههههههههه تي لعبت بيكم كلكم ...حور القطه اامغمضه صدقتو فيها الكلام واناااا استغليت احلا فرصه ...عارفين شنو .? خيانه مراتك لولا لكي ياسي امجد ..لما القيتها مع راجل غييرررك ..عرفت انك كرهت الصبايا من يوم عملتها ونا بالعاني قعدت نقنع في باتك بحور لاني عارفتها طيبه زياده االلزوم بس مش غبيه لأنها رفضت وشكت فيا ..عشان هكي اظطريت نتفق مع ولد خوي..علي ..الفاشل السكار السرااااق علي قولك يابدر هو اللي خششته علذ حور في دارها وهي بعد شافاته بدت اتعيط ونااا هربته ورقيت عليها بعد عرفتكم روحتوا من العمل طحت عالوطا ودديت انمثل عليكم  وانتم بغبااائكم صدقتوني ههههههههههه هههههههه 😂
امجد يسمع في الكلام وكأنه امواس وخناجر في قلبه واعيونه دمعن ويثسكت معش تكلم ..لانه خلااااص عرف روحه ظاااالم وقااااسي وعلي من علي ارق انسانه في حياته واللذ شكك في اخلاقها وعذبها ..
الحاج بدر منصدم في الكلام اللذ يسمع فيه وقال : حررام عليكي يارحمه خذيتي ذنوب علي روحك وظلمتي بنت الناس وعلي سبت شنو رزق دنيا وكلام فااااضي ? افلوس شنو  اللي تحكي عليهن ? اللي اتشوفي فيهو عاايشه فيه كلللله لأمجد يارحمة الصندوق اللي سرقته والفلوس هذين لأمجد مال يتيم ياوليه .. 😔
رحمه : ايوا ايوا عشان هو الراجل وانا جبتلك البناااات ولالا ? 😡
بدر قرد منها ومسك ذراعها وقاللها : لاااا مش عشان هو راجل وانتي جبتي بناااات ..عشان الرزق عضر كله لأم امجد الله يرحمها ..انا بثيبل مانجوزها ماكان اندي حتى غداء يوووم وتعرفت عليها في العمل لانها كانت صاحبت العمل وبعد تجوزتها قعدت اللي تشوفي فيه قدامك ..وبعد جابت امجد توووفت قبل ماامجد يطق شهر ونجاااة كانت ممرضه في العياده اللي ولدت فيها المرحومه وطلبت من خو نجاه يستأذن من اخته ويخليها اترضع امجد اللي رفض يرضع من الرضاعه كيف الأطفال ..حررام عليكي نجاة تعلقت بأمجد وماعمرها شافتني ولا شفتها وماعمري قلت لحد عن حالتي الماديه بعد خذيت ام امجد ..وماعلمتش ان نجاة اطلقت لانها جابت بنت وماتت وراجلها طلقها بعد عرف انهم شالولها الرحم وخوها رفيقي وتوملت علي الله وطلبتها وتجوزنا لانها زوجه المثاليه بالنسبه لياا ربت امجد حافظت علي ماله وماعمرها طلبت طلبات خياليه لانها اا فه الرزق نش ليا انا مجرد حافظت عليه لولدي لان نش من حقي ناخذ منه شي يارحمه فهمتي ولا لاااا ? 😵
رحمه فاتحه فمها ومذتكه زادت نجاة وقالت : تعرفي من زمان خسيت عندك فضوز ع الصندوق اللي في خزنة امجد لاني انا يارحمه عرفت انك حاطه عينك عليه ..كان غير حيتيني وسألتي راهو قتلك شن فيه .
وقربت نجاة من صندوق امحد وخذاته من بين ايديه وجت وقفت قدام رحمة اللي اعيونها عالصندوق وفتحاته لها وطلعت ورقتين وصور قدام اشويه الورقه الاولى رساله من ام امجد لأمجد تبيه يقراها بعد يكبر ..والورقه الثانبه اقرار ملكيه واثبات بحق امحد بورثه من رزق امه ..والصور ..عذين صور لام امحد وهي طفله ووحده وهي شباب ووحده وهي متجوزه ووحده واللذ اخر مرة اتصور وهي ماسكه امجد وهي دوبها والده وباين عليها المرض ...امجد نزلن ادموعه علي ملام امه اللي رباته نجاة... وقالت نجاة : انا صاح ربيته وحبيته اكثر من روحي لكن مستحيل يارحمه في يوم نستغل محبتي لولدي وناخذ منه حاجه مش ليا حتى لو عطاها ليا بطيب خاطر .
طاحت رحمه علي رجليها وجاها امجد ونزل لمستواها وقاللها: لو قلتيلي نبي فلوسك ياأمجد راهو عطيتك كل رزقي وخذيت ذكريات امي ..ولا سببتيلي جررررح في قلبي ما الأنسانه اللي بالزغم اتجوزتها غصب ... بس حبيتها لكن توا خلاااااص ادمر كل شي والسبب انتي يارحمة انتي...وانا مستحيل انسامحك في يوم ,😡
وطلع امحد وهو خلااااص راسه بينفجر واعيونه ادموعوركب سيارته وطووووول مشا لحبيبته اللي عذبها خبيبته اللي بالرغم مازال ماكملو زواجهم وعاملها بأقسى ماامله بس كانت ديما اتقابل فيه بهدوؤ وابتسامه حلوة علي وجهها حبيبته اللي خلاها تتعذب مز يوم مااه وزاد عذبها بعد شكك في شرفها واتهمها بااااطل وقعد علي هالحاله نين وصز لفيلا المزرعه ونزل يجري لحور اللي بعد خش للغرفه اللي فيعا القيها ساجده واتصلي وتشهق وتبكي وهي ساااجده وقعد ايشوفلها بحززززن ووجع وبرك علذ ركبيه وادموعه في وجه وبعد كملت حور لقت امجد علي يسارها قريب من الباب خافت منه ووقفت بسرعه وسندت عالساس وقالتلا : بالله لا ..خلاص والله مادرت شي حيبيلي مصحف ونحلفلك عليه والله مادرت شي 😢
امجد نعش تحمل وقف وقرب منها وحضنها بقووووه وهي من قربه عيطت تحسابه بيضربها واستغربت فيه يبمذ وتو حاضنها واستنت نين كمل وشافلها وقاللها : اسف ..سامحيني ياحور ..بالله سامحيني انا أسف 😭
حور بعدت ايديه من خصرها وقالت : علي سنو ياامجد ..اسف علي شنو ولا شنو ..بانت الحقيقه ولا نازال ? 😢
امجد هز واسه بمعنى ايوا بانت ابتسمت حور ورفعت راسها وغمضت اعيونها وقالت : الحمدلله اللي بين الحق واظهر برائتي 😢
امجد خضن وجه حور بيديه وقاللها : انتي بريئه وطاهره وطيبه وانا ظلمتك وعذبتك بس من حبي ليكي درت هكي من غيرتي عليكي ..انا ...انا يا حور ..
حور : انت شنو ياأمجد ? شن اللي ايخليك اتعاملني هكي بالله من اول حيتك عروس ضربتني فيه .. مسرت بخاطري جرحتني اهنتني ومله مشيته وقلت تحملي ياحور ممكن مغصوب ويحب وحده ثانيه او اي شي بس لييييش ..شن السبب قووولي 😢
امجد نزل اعيونه وقال : لان زوجتي لولا خانتني ..روحت من العمل في يوم القيتها في حضن راجل ثاني ..طلقتها وكرهت حاجه اسمها صبايا لعند جبروني نتجوزك ..بس بعد عشت معاك وعرفت طبعك حبيتك بس خفت نعترفلك تجرحيني لأن الشي اللي صارلي دمرني ياحور جرحني 😢
حور منصدمه فاتحت فمها واعيونها متوسعات وقالت : اا ان.. انت كنت متجوز ? وو .ليش محد قالي? 😢
امجد : هضا كان شرطي اني نقبل نتجوزك محد ايقول شي  .
حور وقفت وقالت : وليييش ? حرااام عليك انا شن ذنبي اتعذنبي بذنب وحده ثانيه انا شت ذنبي تدفعني ثمن غلطه وحدة ثاااانيه ...داير روحك تصلي وتصين ورسولنا الكريم وصا عالنساء ياأمجد ..قاللكم (رفقا بالقوارير ) لان نحن فعلا زي القارورة نانتحملوش كسرة الخاطر ..😢
امحد وقف وهو يشوفلها بحب وحزن ووجع وقال : باهي قولذ شن تبي ونا انديره لكي ياحور بالله سامحيني 😢
حور مسحت ادموعها وخذت عبايتها ووشاحها ولبستهم وقالتلا : شيلني لحوش باتي ياامجد انا تعبانه ,
امجد : وليش حوش باتك ? اتروحي لحوشك وراسم مرفوعه ,
حور : امجد قتلك انا تعبانه ممكن اتشيلني لحوووش باتي ,
امجد : حاضر .
وطلعو وركبو في السياره وعاود خذا شنطت دبشها اللي في الدار اللي كانت فيها وركب في سيارته وطوووول شالها لحوش باتها وخلاها وروح وهو مكسور وجروح ومهزوم ..وخش داره وعزق روحه عالسرير وقعد يبكي وحاته نجاة خشت عليه لقاته يبكي كيف الطفل قمعزت جنبه ومسكت يده وامجد يقمعز وقال : عذبتها ياامي حبستها وقعدت نضرب فيها وهي تبكي وتحلف ونا مكذبها ..جرحتها مستحيل اتسامحني 😢
نجاة بحب : هشششش خلاص ياروح امك ..حور طيبه واكيد بتسامحم ...لكن هي وين توا ?
امحد : طلبت انشيلها لحوش باتها .
نجاةوهي اتشوفلا : حور حنونه واكيد بتسامحك مغير توا مجروووحه منك ياامجد وخاطرها واجعها ..خليها ارتاح كم يوم وحنرجعها لكي ..لكن لازم تعرف ان الصبايا مس ملهن كيف بعضهن وحور انسانه تخاف ربي وقزونه وياما شافت من مرت باتها ..تبيك سند لها وحبيب وبات واخ وصديق ..مش تخسرها وتكون عدو .
وحضنها امجد وقعد يبكي ويقول : نوعدك ياأمي نغير ترجع والله ماعد نزعلها ونصونها ونحافظ عليها .
وطبعا بدر بلغ الشرطه في علي ولد خو رحمه وتم القبض عليه واعترف من اول كف 👋 عاطو ه له ..عار الرجاله 😒
ورحمه لزها بدر ومشت عند خوها بات علي وقعد يغرم فيها انها ضيعت ولده ومعيشتها سوده نوده تستاهل نقنت في نعمتها 😒 وصلاح علم بالقصه اللي صارت من امجد وعاركه وفهمها ان النساء مش كلهن خاينات وعديمات الوفا ولازم يعرف يفرق ..ونصحه وعاتبه ..وقعد امحد شبه يومي يمشي لحور  بيرجعها وحور مسكره راسها معش تبيه وتبي اطلق ولم عليها العيلة كلها وشي عمتكن حور بالرغن من معاملة نرت باتها الزفت لها متحمله ومسكره راسها لعند في يوم تعب عليهم باتها ابراهيم وشالوه للمستشفى وبعد طلع عليهم الدكتور قال .....................

قراءة ممتعه 💋