دفعت 💔ثمن انتقامك💔🌷

part 18

#دفعت_ثمن_انتقامك
#للكاتبه_الهميل_الشارد

الحلقه 18/

وحور طلعت من التواليت وهي منحرررررجه وهي تذكر في شكله وهو مبلول وكيف فجعها وايفاجاءها فونها اللي رن وخذاته ولقت رقم غريب مابتش اترد واشويه واتجيها رساله فتحتها ولقت مكتوب فيها (حور انا وحده نبي ننصحك لوجه الله تعالى ... زوجك أمجد داير علاقه مع وحده من وراك ويبي يتجوزها ونا قبل نبي انقولك عليها ...بس انتي مارديتيش ..اذا تبي تتأكدي من كلامي تعالي وشوفي بروحك وين يمشي بعد ايحطك بي العمل ..واذا حرتي اتصلي بيا وحنساعدك ....فاعلة خير ).
حور انصدمت وقعدت واقفه دقايق وهي مش مستوعبه اللي قراته واشويه طلع امجد من وراها وشافها سرحانه قرب منها وقاللها : كنك سارحه شن في ?
حور ارتبكت بعد شاغت امجد خصوصا انه طالع بمنشغه لافها علي نصه وشكله يكلب وهي امبلمه وقالت : هااا
امجد : لا انتي مش معايا بكل ...عارف روحي انهبل بس مش لدرجه تسرحي وتبلمي 😏
حور ارتبكت وجت بتطلع مسم يدها امجد وقاللها : قولي كنك ..شكلك في حاجه امضايقتك .
حور وهي اتشوفلا بتفكير : لا ابدا مافيش شي امغير في حاجه شاغلتني نبي انديرها .
وطلعت من الدار وهي سارحه وتفكر في اللي قراته وحارت اتقول لامجد ولا لا ..ونزلت لقت نجاة في المطبخ وغزاله في الصاله تحكي نت مع مرعي والضحكه علي وجهها وحور في عالم ثاني زعما اتصدق الكلام ولا لا وكيف عرفت اسمي ورقمي اخرا وقعدت شارده بروحها ونزل امجد لابس ومشيك وبارم علي روحيته والعطر اللي سبقه وملا بيه الفيلا وحور اتشوفلا وتبي نحكيلا بس قالت اكيده حينكر مافيش حد ايدير عملة زي هذي وبحكي بيها عادي وقررت انها تمشي وراه وفعلا طلع وخلا سيارته اتصلت بيه حور وضرب فونه امجد فتح وقال : ايوا حوريتي تبي حاجه .😍
حور ارتبكت من كلامه وقالت : سلامتك بس نبي نستأذنك نبي نطلع نا وغزاله للسوق ,
امجد : وليش ماقلتيلي كان هضا شلتك .
حور : لا عادي اصلا نا نبي انجرب انسوق بدون مساعده وانت خليت السياره فعادي يعني .
امجد : ارجي تو انروح وانشيلكن .
حور بعناد : لااا ياامجد نبي نمشي انا وغزاله برواحنا ممكن..? نبي نعتمد علي روحي .
امجد بعناد اكثر منها : لااا ابروحك مازال نين نتأكد انك تميتي ميه ميه في السواقه بعدها عادي تمشي وين ماتبي بس توا لا .
سكرت حور منه وهذ منقهرة خطتها الاولى فشلت ولازم اتفكر في خطه ثانيه وقعدت حايسه .
وطبعا جا وقت الغداء وحور ماجتهاش نبه فعقبتلها مجاة مع امجد وفات وقت وروح امجد وحور علذ اعصابها بتعرف وين مشا وبعد روح ايتكرداته حور وركبت لدارها وامجد يحسابها زعلانه علي سلت انه ماخلاهاش تذلع للسوق وخس للغرفه القيها امقمعزه عالسرير وهي ساااوحه وشاف للكوميدينو القي الكيسه اللي جابها معاه قبل مايدوش مازالت في مكانها وقرد من الكيسه وخذاها ووقف قدام حور اللذ نزلت راسها ماتبيش اتشوفلا ونزل امجد ركبة ونص قدامها اكيده عارفات كيف يعني ركبه االوطا وركبه علي صدره وشاف لوجه حور اللي باين عليها التوتر وقاللها. زعلانه ?
حور : لا ابدا مش زعلانه .
امجد : لا شكلك زعلانه وقلبي حاسس بيك .
حور : لهدرجة ?
امجد : اها باين ..بعدين قوليلي عليش ماخذيتي الكييه هذي اللذ جبتها امبدري .?
حور بعدم فهم : وعليش ? مانحبش ناخذ حاجه مش ليا ,
امجد : بس هذذ جبتها لكي ,
حور : ليا نا ?
امجد : انعم ..لكي انتي ..ونبي رايك فيها
وفتح الكيس وطلع علبه ذهبيه صغيره وفتحها قدام حور اللي تفاجأت وشافتلا بحب واضح في عيونها : اخيرا ..بعد عاركتك وقلتها لكي .
امجد بحب : أسف حوريتي والله مانحسابك بدونها .
وطبعا للقصقاصات اللي يبن يعرفن شنو جابلها 😒 جابلها دبله ومحبس خيااااااال 💍ايهبللللن عقبالكن سنقولات قولن امين 😉 وجاب لروحه دبله فضه معاهن .
المهم لبسها امجد الدبله والمحبس وباس يدها وحور. منصزمه في امحد وتصرفاته واسلوبه نعاها ايش كان وايش قعد ...واعيونها دمعن وقاللها امجد : اسف حبيبي نوعدك معط ننسا اي حاجه اتخصنا ومعط نزعلك وربي ايقدرني نسعدك ونكون سندك وانعوضك علي شفتيه مني ياحوريتي 😍
حور بدموع: ياربت ياامجد ..لاني بجد معش فيا حيل ننجرح من جديد ..معش نقزر انسامحك اذا جرحتنذ ياامجد ,😢
امجد وفف وقمعز جنبها ومدلها دبلته الفضه وقاللها : ياعليك جفاف تي كلا انتي 😒 هاكي لبسيني دبلتي وسمعيني كلمة اترد الروح عاد بلا بخل 😉
ابتسمت حور علي كلامه وخذت منه الدبله متاعه ولبستها له وقعد امجد يشوفلها وهي شافتلا وقالتلا : نوض جيب الغداء قبل جياعنه وبعدها انقولك اللي تبيه 😆
امجد : 😨
حور ضحكت عليه نظرته لها ..وهو ذاب في ضحكتها وقعد مسبوه فيها وقاللها : حنجيب الغداء وبعدها نتحلو راه 😉
وغمزلها وعمتكن حور الضحكه اختفت وتخزرطت والعيون قعدن هك 😨
وطلع امجد من الدار وهو يضحك علي شكلها 😂 وهي الوجه تحمرط ووقفت عالزيانه وفي سرها تحكي ( زعما شن اندير انصدق امجد ولا الرساله اللي جتني ..بس مافيش دليل مجرد كلام ..لكن اللي مجنني من اللي بعثها وكيف عرفني...اكيده حد يعرف امجد او وحده ? لالا امجد ناااقم علي جنسنا بالذات وياما دار فيا لكن ....مش عارفه شن اندير ياربي وريني الحق يااارب 😓) .
ويخش امجد للدار وهو جايب سفرة غداهم وهو مبتسم وحط الغداء عالطاوله اللي في غرفتهم وقربت حور وتغدو وهو ايوكل فيها ومره ايمدلها في لقمه تفتح فمها ايفوتها وياكلها هو وعمتكن حور تدلع عليه بالزعل وهو ميييت علي حركاتها وملامحها الطفوليه والفرحة في عيونه وكملو غداهم وقيلو وطبعا مايخلاش الامر من امجد اللي لازم يستغل فرصة نوم حور ويقرب منها ويضمها في حضنه ..وفي العشيه ناضت حور لقت روحها في حضن امجد وقعدت في مكانها مابتش تنحرك وبعدها سمعت العصر ناضت من جنبه وخشت للتواليت وتوضت وطلعت صلت العصر وبعد كملت صلاتها شافت امج دوبه طالع من التواليت وصلى العصر بعدها ونزلو للعيلة تحت وحور قررت اتفوت الرساله اللي جتها وتعطي امجد فرصه الا اذا جاها دليل ..هذكي فيها كلام اخرا عاد 😒 حتى نا معاها ولالا يامليشيا 😎
المهم العيلة اتهدرز وجوهم حلو خش الحاج بدر وهو متضايق والكل لاحظو ضيقه من يوم اللي لز فيه رحمه من البيت لان حس بزعل بناته وخصوصا غاده اللي ماتطلعش من دارها بكل ..فالكل بقو يغيرولا في جوا وبعدها قال أمجد : شن رايكم نمشو للمزرعه ونقعدو فيها كم يوم ?
غزاله بفرحه : الله ,😍 ياريت يامجودي لنا زمان مامشينا للمزرعه ,
حور تلكبست واذكرت مواقفها مع امجد وملامحها تغيرن وامجد لاحظها بس قال: ومنها انديرو فيها عزومه ونعزمو خوت حور ولا شن رايك ياباتي ?
حور رفعت راسها في امجد وهي متفاجأه ورد الحاج بدر وقال : والله فكره اكويسه وبالمره انكلم عيت خالك حسن ايجو للعزومه ولا شن رايك يانجاة ?
نجاة طبعا فرحت لأن حسن خوها الوحيد ومتجوز وعنده ولد وبنت اكبار الشاب اسمه عماد وعمره 29 سنه حنطي البشره واعيونه عسليه وطوله وسط وجسمه رياضي وشعره اسود وعنده لحيه يرسم فيها قفل ديما وعنده ضربه علي حاجبه اليمين قاسمته له زايدته حلاوه وهو شاب متعلم ومتخرج من الجامعه وماسك عمل باته في شركته وطبعا شركتهم تبع انتاج وحالتهم ماشاءلله ..والبنت اسمها علاء بنوته حلوة وكيوت بيضا ورقيقه وطشه وشعرها ناااعم قصير لكتافها وعمرها 17 سنة ولباسه وغاليه عليها روحها بس طيبه ومتواضعه..وامهم نجيه وليه متثقفه ومتعلمه تشتغل معلمه في مدرسة ثانوي وهذي عيلت حسن خو نجاة ,,,
بدر : ها شن قلتي يانجاة ?
نجاة بفرحه : اللي اتشوفه ياحاج انا موافقه عليه بس بشرط اذا سمحتو .
الكل شافلها وقال امجد : شنو شرطك ياامي ادللي ,
نجاة وهي اتشوف للحاج بدر : اترد رحمة قبل وترجعها للحوش و...
قاطعها بدر بعصبيه : مستحيييل يانجاة انموت ولا نردها ...الوليه اللي قبل خربت بيت ولدي وتبلت عليه واتسببت في ظلم امجد لحور بدون ذنب ..?! لا إلا رحمه .😡
طبعا الكل سكت وبنات رحمه بالذات وطلعت غاده من دارها علي صوت باتها اللي ايعارك وقعدت مصبيه والحقد ماليها ومرت لحظه عليهم نين قطعت الهدوء حور اللي قالت : بس انا مسامحتها ياعمي ..وياريت ترجعها ,
المل انصدم في حور وقال بدر : بس ياحور هذي قبل سببت في طلاقك يابنتي و....
وقاطعت حور كلامه : معليش ياعمي الكل يغلط ومافيش حد كامز الكمال لله ...وبعدين صدقنذ انا والله مش شايله عليها ..المهم الحقيقه بانت وعرفتو ببرائتي وامجد ماطلفنيش ومازلت وسطكم واذا نش عشانذ ...عسان بناتم غزاله وغدير وغاده ..مهما كان هذي امهن ..
بدر سكت وأمجد حتي هو ونجاة زادت وقعدت تقنا في بدر اللي شاف لغزاله وغدير وهن باين عليهن الزعل وفي نفس الوقت مش قادرات يحكن لان امهمن غلطت ..وشاف لغاده اللي باين عليها الزعل من بوم امها سيبت الحوش ووافق بعد خذا راي امجد اللذ ابتسم وقال : توكل على الله ياباتذ هذذ ام خواتي ومستحيل انشيل منها ممكن زعلت في الاول بس توا لا ...وهيا توا انردوها نا وياك وامي نجاة .
ووافقت نجاة ومشت معاهم وفعلا ردت رحمة معاهم لأنها كانت عايشه المر مع مرت خوها وخوها اللذ تسببت في حبس ولدهم ..وبعد يونين تجهيز للمشيه للمزرعه اسقدو سيارتين وطالو الخدامه معاهم ماعندها عليش تبرم وحدها ومنها اتساعدهم ...
واول يوم دارن حمله عالفيلا ضم وتنكيت وتسييق وتبخير وامجد اول ماشال الشناطذ لغرفته نزل للمزرعه بيطمن علي حصانه بلاك وبرم عليه وطبعا في عامل يهتم بي الحصان والبواب اللي عالبوابه وحذر حور وخواته ان مافيش وحده تطلع بلا وشاح ..
وجا الليل وجهزو عشاهم مشاوي علي سلطات ونشاريب وجوهم حلو وامجد كل اشوي يزرق بتغزيلات لحور اللي وجهها ينحمر وهم يتعشو سافو سيارة حسن بهله وصل واستقبلوهم وتعشو معاهم وتعرفت حور عليهم وسهرو سهرة حلوة ضحك وتهدريز وجو من الاخير وبعد نعسو الكل خش لمكانه طبعا الرجاله رقدو في المربوعه والبنات خذن دار مع بعضهن ما ان في اجنحه بس مانحكيلكن علي جو التهدريز والصبايا الكبار خشن كل وحده في دار .
وفي الصبح ..........

قراءة ممتعه 💚