دفعت 💔ثمن انتقامك💔🌷

pary11

#دفعت_ثمن_انتقامك
#للكاتبه_الهميل_الشارد

الحلقه 11 :

ومدلها امجد عليه مغلفه وعاطاها لها..
امجد : خوذيها وافتحيها. ,,
وخذاته حور وفتحاته لقت فون احمر كبير وحلو :واستغربت وشافت لامجد وهو قاللها: ركزت انك بدون فون ..فلازم ايكون عندك وتحد وطبعا خزنتلك رقمي فيه وطبعا أي رقم أخر غير خوك وباتك وانا مافيييش فااااهمه 😬
حور بفرحه : شكرا ...اول مرة ايكون عندي فون 😀
وهزرز معاها وحس بصدق مشاعرها وكلامها وابتسم بحب لحور اللي تحكي وفرحانه بالفون وفتحاته وهي اتحاول تشتغل ببه وهو ايعلم فيها عليه ..ومشا وقتهم حلو وحور بطير من الفرحه 💗 من معاملة امجد لها ..المهم تاني يوم عالغداء امجد في عمله ونجاة طلعت اتزور في اقاربها والبنات كل وحده عندها محاضرة في جامعتها ورحمة استغلت الموقف ومشت لحور اللي قاعده في المطبخ اطيب في قهوة وقمعزت معاها وقعدت اتهدرز عليها وشربت معاها القهوة وقعدت تبكا وتدمع وحور وجعتها رحمة وقالتلها : شوفي اعميمه انا ممكن نكلم امجد وانحاول نقنعه يعطيك اللي تبيه وهو اكيده مش حيزعلك 😔
رحمه وتوترت وخافت وقالت : ااه ?! لالالا مافيش داعي خلاص خلاص ..اساسا فكرت نخليه بينه وبين ربه ..وانا معش بنتكلم في الموضوع انسي 😳
ووقفت وطلعت من المطبخ وحور مستغربه في موقفها وتاكدت ان رحمة ممكن اتكون مش صادقه في كلامها ورفعت الفناجين من طاولة المطبخ و غسلتهن ورحمه اول ماطلعت من المطبخ طلعت فونها من جيبها واتصلت علي رقم وبعد جاوب اللي متصله بيه :
رحمه: ايوه ? ريت الحيوانه هذي بلدت بيا وقريب كشفتني .....لالا مش حينفع ..لازم اتنفذ اللي قتلك عليه من قبل وانا حنحبركها الحكايه بمعرفتي ولا يهمك ....خلاص راجي مني مكالمة في اليومين هذين ...وكون جاهز ...ولا يهمك ياغالي اللي تبيه وبزياده وفوقهن حبتين مسك ,,تمام ...سلاااام 😏
وسكرت وهي تتأمل في زولها علي مراية الصاله اللي في المدخل وعيونها فيهن ضحكه خبييييثه ..وقالت في عقلها (صار بتحكي لأمجد ? حندفعك انتي وامجد اغلا ثمن وتشوفي ياحور 😌)
وخشت لغرفتها وحور دوبها خشت للصاله وطلعت الدروج لغرفتها وخذت فونها واتصلت بخوها مرعي تطمن عليه وطبعا امجد عاطاها رقمه وهدرزت مع خوها اشوي وسكرت وبعدها طلعت من دولابها فستان وخشت للتواليت بدوش ..وعند اللي اسمها رحمه اتصلت بنجاة تبي تعرف امتا بتروح قالتلها بنتعشا عند اقاربي واتصلت علي بناتها عندهن محاضرات وحيتأخرن وامجد في عمله فاتصلت باللي كلماته مبدري وقالتلا : نفذ توا ...قاعده نا وياها في الفيلا بس والخدامه اجازه والكل مش قاعدين ..انت وين توا ? 😒
المجهول: قاعد برا الفيلا متاعكم ياعيني ,
رحمة : خلاص حنفتحلك الباب اشويه بس ,,
ومشت رحمة فتحت الباب وخشت تجري لغرفتها وانطمرت ورا باب غرفتها وخش واحد طوله وسط ومليان وملثم وجه وبانت رحمه من دارها وشافها وشيرتلا عالدروج بمعني اركب فوق وخشت سكرت باب دارها وهي ترجا وخش المتلثم لغرفة حور وامجد ويسمع في صوت الميه في التواليت وعلي طول اتجه للوحه اللي صورتها في فونه ورفعها وكانت صورة فيها ايات قرآنيه ونزلها والقي الخزنة وقعد يفتح فيها مع المحاوله الاولى مازال مع اامحاوله الثانيه فتحت والقي فلوس 💵💵💴وصندوق ذهبي بالفضي خذاه وسكر الخزنه وهو متوجه للباب تطلع حور من التواليت لابسه فستان طويل وكم واتنشف في شعرها واتشوفلكن اللي مصبي في دارها في الاول رمشت عيونها بصدمة 😕 وبعدها تطلق هذكي العيطه 😭 واتخش للتواليت وتسكر علي روحها وهي تبكي واتعيط وترعش والملثم خذا وجه وشافاته رحمه وعلي طول طلعاته من الباب الخلفي وهرب من السور الخلفي وطبعا خذت منه الصندوق وعاطاته نص الفلوس والفلوس كانن خمس رباطي كل ربطه فيها الفين وعاطاته ربطتين خذاهن وهو فرحان وقالتله : فيسع اهرب وتطلع من المدينه حاليا نين نتصل بيك ..فاهم👌 ,
المتلثم. تم تم ...وردي بالك اطولي عليا 👍
وخشت دست الفلوس والصندوق في دارها في مكان في دولابها وطلعت من دارها والشر في عيونها وناويه علي نية الله لا يروعكن ..
وركبت مع الدروج وهي اتعيط واتمثل ان في حد خش لدار حور علي خشت الحاج بدر وامجد اللي اول ماسمعو صوت العياط طووول جري عالدروج لقو حور واقفه عالباب التواليت تبكي وترعش ورحمة طايحه عالوطا وتبكي وتمثل في الوجع جاها بدر يجري وامجد مستغرب وايشوف لمرت باته ولحور اللي واقفه ترعش وتبكي ووجها اصفر وشعرها مبلول فعرف انها واخذه دوش ...
الحاج بدر : ياساتر كنك يارحمة شن في كنك طايحه ?😓
رحمة بصوت يطلع بالوجع والدموع علي وجهها : اااه ياحاج ..شن انقولك بس ? مصدومة ومتوجعه اااه عليك فضيحه صارتلنا فضيحه ياحاااج ..
امجد قعد ايشوف لحور واعيونه عليها ووذنه مع مرت باته اللي قالت : كنت في داري مريضه ومصدعه وحاولت نرقد بس ماقدرت وطلعت اندور علي بنادول ولا حبوب راس دورت حور في الفيلا لوطا مالقيتهاش فقلت اكيد في غرفتها وركبت ونا نسمع ...😔
الحاج بدر انصدم وقرن حواجبه وشاف لرحمه وامجد لف علي مرت باته وبصوت عالي قال: شن سمعتي قووولي ,😡
وحور مصدومه والصدمة شلت لسانها وقربت وهي اعيونها توسعن من اللي تسمع فيه من رحمة وقربت بتحكي فامجد رفع يده في وجهها بمعنى اسكتي وسكتت .وهي تررررعش واتشوف لرحمه اللي قالت : بعد قربت بنخبط سمعتها تحكي مع حد نحسابها تحكي بالفون ..لكن انا سمعت صوت اللي كان معاها وهي اتقولها : خوذهن كلهن وخوذ حتي الصندوق واطلع بسرعه قبل مايشوفك حد ونا انصدمت وخبطت عليهم بالقوة واللي معاها طلع يجري خبطني علي قو قوته وطحت وقعدت انعيط وبس ااااه 😭
حور مصدومه مستكه حست بالدنيا ظلمت وماشعرت بشي الا بيد امجد مسكها من شعرها وسكر باب الدار بالمفتاح والحاج بدر ايخبط عليه وحور بدت اتعيط وامجد بصوت عالي ووجه تلون بالأسود : اتخوني فيا ..خنتيني ..😠
وشاف لمكان الخزنه القي الصورةع الأرض والخزنه مسكرة قرب منها وفتحها ومايلقاش لا الفلوس ولا الصندوق ويلف وجه لحور اللي تبكي وتررررعش واتشوفلا بخوووف وقال امجد : كنت عارف انك لابسه قناع الطيبه والبراءه ..لكن مش اليوم ياكلبه مش اليوم ياخااااينه 😠
حور بصوت ضعيف ويرررعش : وو.والله مااصار ...والله ممم.مما.ماخنتك ..كذذب والله كذب😢
ويدفها عالوطا بقوة وجعتها وبدا فيها ضرب بيديه كفوف وكرها من شعرها ورفعها من االوطا من قوة شده لشعرها وهي اعياطها قلب الفيلا والحاج بدر ايخبط عليه بالقوة وامجد خلااااااص انعما علي كل شي ومعش يسمع الا في كلام مرت باته يتردد في وذانه وكل كلمة يسمعها تتردد يضرب فيها حور نين خلا وجهها احمر وتنفخن اخدودها من الضرب وسلح حزام سرواله وحور بعد شافاته ماسك الحزام قالت بخووووف واضح : حررررام عليك يا اممممجد والله مادرت حاجه والله كذب ماصارش اللي قالاته والله وتربت امي الغاليه ..😭
ويبدا فيها امجد ضرب ومعش شاف قدامه حور لكن صورة قديمه في حياته تخيلها في حور وقعد يضرب فيها وهي تجري منه في الغرفه اتحاول تحتمي بأي شي وهو ايشد فيها بقوته المفرطه ويضرب فيها بدون رحمه واعيونه دمعو وهو يزيد يضرب في حور اللي الدم نزل من جلدها من قوة الضرب واغمي عليها وخذا الحزام كتف ايدين حور بيه وفتح باب داره وباته وجه احمر من العياط وشاف لولده امجد اللي قعد شيطاااان مش انسان لعند رحمة ابروحها خافت من نظرة اعيونه ياريته مرطها حتى هي ال 🐒..😒
ونزل وهو يتنفس بصوت االي وناداه باته ولا رد عليه علي ترويحة البنات من الجامعه شافن امجد معصب خافن من منظره وخشن يجارن وهو ركب في سيارته وساقها بدون وجهة معينه وايخبط عالدومان وايقول بعصبيه : جرحتيني ياحوووور جرحتيني ..ليش ليش بديت انحط فيك الثقه. ليييييش 😠
والبنات بعد خشن شافن عمتكن رحمة ياشرينتي موجوعه والحاج بدر ساندها ونازلين من الدروج وجنها يجارن وسندنها عن باتهن وخششنها في غرفتها وحكتلكن باللي كذبت فيه اللي ماتخاف ربي وغاده وغدير صدقن الا غزاله وقفت وقالت : مستحييييل مش حور اللي اتخون مستحيييل اكيده في شي غلط حور مش خاينه 😢
وطلعت خذت فونها واتصلت بنجاة اللي حكتلها عالفون وتبكي غزاله وتشهق ونجاة روحت وحكتلها رحمه ونجاة ساكته وتسمع وهي قارنة حواجبها وقالت : وحور وين توا ?
رحمت بدموع التماسيح : ضربها وكسرها بالضرب وسكر عليها الدار وطلع 😔
وركبت نجاة لغرفة نوم حور وامجد لقتها امسكرة بالمفتاح نادت علي حور بس حور ماردت مازالت فاقده الوعي ونزلت نجاة خشت علي مكتب الحاج بدر وقالت بكل ثبات : ..........................

سامحني عارفه روحي طولت عليكن بس الرصيد كمز وماعبيت نين جا الغندور جايبه معاه في الليل 😒

المهم قراءة ممتعه 💋💚