دفعت 💔ثمن انتقامك💔🌷

part8

#دفعت_ثمن_انتقامك
#للكاتبه_الهميل_الشارد

الحلقه الثامنه:

حور بدون فهم : نعم ? اي حيوان مش فاهمه ?!😓
وايوقفها امجد ومسك اكتافها وقاللها : الحيوان اللي قعد ايكحل فيك بدري ونحن مروحين للفندق 😠
حور مازالت ماعرفاته علي من.. ومن الفجعه قالت : اي واحد فيهم مانحن انشوفو في واجد ..قصدك من فيهم ?😓
امجد دفها عالسرير وقال: ياسلاااام كم واااحد ياحلوة شفتيه وشافك وكحل اعيونه بيك? ...تكلمي 😬
حور بخوف: غير بشواش بس ..هدي روحك ..انت عارف شن اتقول ? يعني نمشي معاك برا وماتبي حد ايشوفني هاضوم اجانب ايشوفو للناس عادي يعني مش بقصد😓
امجد : شن قصدك يعني نا مانفهمش 😡
حور زحفت عالسرير ووقفت في الجيهة التانيه وقالت : لا مش قصدي ...انا قصدي انت عارف الأجانب وتفكيرهم 😓
امجد زاد تعصب: اهاااا يعني انوافق علي عزومتهم قصدك وانخلي الحيوان يملا اعيونه منك 😡
حور بحيره: لااااا مش قصدي ياأمجد كنك اتفسر في كلامي هكي 😓
امجد : تي شن قصدك مالا ? راك بديتي اتنرفزي فيا ياحور 😡
حور سكتت وحطت يدها علي فمها بمعني خلاص معش بنحكي وعمك امجد يركب االسرير وايجيها يجري وهي تنفجع واتعيط وتريح اتلف من قدام السرير وقرييييييب خشت لتواليت الغرفه وسكرت الباب ويدلف عليها امجد الباب بالقوة نين اخبطت عالحوض وتالمت ورفعت يدها قدام امجد وقالت : والله ماقصدي حاجه نا ..انت فاهمني غلط بس قصدي انقول مانعرفاش اللي تحكي عليه والله العظيم 😢
امجد مسكها من يدها وطلعها برا التواليت وقمعزها عالسرير ونزل قدامها علي ركبيه ورفع سروالها بيشوف ركبتها اللي خبطت وحور انصدمت في طبعه معش فهماته 😨 بيني وبينكن حيرني حتي نا اللي نكتب في قصته 😒 المهم رفع سروالها وقعد ايتلمس في مكان الخبطه وحور غمضت عيونها ذاااايبه العطيبه مع لمست يده 😆 وامجد رفع راسه لها وقال : توا نا نحكي معاك عليش هربتي للتواليت ?😬
حور فتحت اعيونها وقالت بصوت هادي : لاني خفت منك 😔
امجد : وعليش خفتي ? ماسلحتش حزامي نا 😒 بعد نبي نضربك الحزام قاعد 😏
حور شافتلا ونزلت راسها بوجع وقالت: وعليش هضا كله ? الموضوع مايستاهلش انك تضرب من يوم جيتك ماعمري عليت صوتي عليك 😔
وقف امجد وفي سره (هذي كنها هكي 😒 زعما باين  عليها طبعها هكي ولا زعما مازالت اتمثل ولا كيف صار😤 حيرتني معاها البنت هذي ,,وانحس بقلبي مش مسيطر عليه معاها حتى تصرفاتي ايتغيرن علي طول ..انشاءلله ياحور تطلعي كيف مانبي ..والا والله مايفكك مني الا عزرائيل 😠
خرررف يستر الله منه وخلاص ماتلقن غير اللي يسبل عليها البنت هذي 😒
ماعلينا ..طبعا وضعهم مع بعضهم مش كاي زوجين لكن حور فرحت بالكلام اللي قاله لها امجد وفي سرها قالت ( زعما ياأمجد تغار عليا ولا غير تحب تخوفني وتقهرني .😔..لالا باين واضح انه يغار عليا  😍واذا يغار معناها ايحبني 😍يااااربي اهديه ليا يااارب )
وقعدو للصبح واول ماناض عمكن امجد حجز التذاكر بيش ايروح للبلاد وفعلا عالظهر ركبو طيارتهم✈ وروحوا..
وعند رحمه في فيلا الحاج بدر اتكلم بالفون ومركزه عاللي تحكي معاه ..وبعد شافت نجاة نازله من الدروج سكرت ومشت امورها عادي وغزاله ماسكه فونها واتبربش عالنت ومكسده وخواتها التانيات قارنات الروس ويقرمن في عباد الله ويتفرجن علي فونات بعضهن ويسهوكن ونجاة فرحانه ورحمه لاحظت فرحتها ..
رحمة: فرحينا معاك يانجوتا ..شكلك فرحانه 😊
نجاة بطيبه: مش غير يارحمه ..اليوم بيوصلو العرسان ونبي انجيبلهم هديه زواجهم ☺
رحمه بهمس لروحها ماخلتش نجاة تسمعها: وعليش البزعقه الزايده ..يعني عشان راجل كل حاجه له 😒 لكن صبرك عليا انتي وامجد متاعك انكان ماندمتكم مانسما رحمه 😏
نجاة ركزت علي رحمه اللي سارحه وقالتلها: رحمه قلتي حاجه. 😕
رحمه بضحكة مجاملات : اه ..االا سلامتك مغير قلت شن انجيبلهم حتى نا.. مازلت مافكرت في هديتي لهم 😅
نجاة علي حسن نيه: عادي يارحمه انا وانتي واحد  ..حنشري هديه وانقولولهم منا نحن الأثنين ☺
وعمتكن رحمة عاد ماصدقت ..تي تموت عالقرش وماعمرها عاطت حاجه ,😒
وفات الوقت وجا وقت مرواح العرسان علي قولهم هابا مايندرو علي حاجه 😥ووصلو للفيلا واستقبلتهم نجاة وغزاله الا الحاج بدر في عمله ورحمة كرست في دارها كيف القطوس وبناتها جن بعد سمعن غزاله اتسلم واترحب يبن ايجاملن اشوي لان امجد في يده كل شي وهو اللي ديما يلبي في طلباتهن وماعمره حرمهن شي امغير هن مسموات كيف امهن عاطهن سم 😬 الا غزاله سبحان الله امسميها الحاج بدر علي امه وطلعت عسل واكويسه وحنونه كيفه وكيف امه وفي النهايه رباها امجد ونجاة وهي صغيره ديما معاهم ..المهم خشو العرسان بعد سلامات وتحميدات وتريحو في غرفتهم وفي المغرب ناضو وهدرزو مع العيلة وجوهم سمح كلهم الا رحمة وبناتها الاثنين الكبار عاطهن نار 😠وامجد طبعا مع باته في غرفة المكتب يحكو في تفاصيل العمل ..مانبيش انمللكن سريب العمل ممل 😩
المهم حور تحكي مع غزاله الا نجاة اتشوف في العشاء واتجيها رحمة اتقول...................

توقعاتكن فرنداتي ..😉
وياريت يهلب الاعجاب 100😢