دفعت 💔ثمن انتقامك💔🌷

part12

#دفعت_ثمن_انتقامك
#للكاتبه_الهميل_الشارد

الحلقه 12 :

وركبت نجاة لغرفة نوم حور وامجد لقتها امسكرة بالمفتاح نادت علي حور بس حور ماردت مازالت فاقده الوعي ونزلت نجاة خشت علي مكتب الحاج بدر وقالت بكل ثبات : ممكن نحكي معاك ياحاج ?
بدر: نعم يانجاة ? شن تبي ?
نجاة : نبي نحكيلك علي شي ونبيك تسمعني كويس وماتقاطعني نين انكمل كلامي ,
وقعزت تحكي لبدر وحتعرفن بعدين شن قالتله ..وعند امجد اللي لف بالسياره وقرر شي يبي ايديره لحور ورجع للفيلا وخش علي غرفته وطبعا غزاله شافاته وطوووول جرت لنجاة وخبرتها...
وعند حور كانت دوبها فايقه من الأغماء وحاولت تقمعز وهي تتألم وتبكي من الوجع والظلم وحاولت اتفك يديها المربطات بالحزام علي خشت امجد عليها وهي تررررعش من الخوف وقرب منها وفعد ايشوفلا وهي ترررجف وخلاااص وقرب منها فك ايديها وجابلها عبايتها ووشاحها وعزقهن علي وجهها وبدون. مايحكي معاها وبدت هي تلبس بدون ماتسأله تحسابه بيشيلها لحوش هلها ولبست ومسكها من ذراعها وطلع بيها وهو ايكر فيها وهي تبكي وخلااااص وشافتهم نجاة وغزاله وبدر وغدير الا غاده مع امها رحمة الا اتمثل انها مريضه نجاة لأمجد: امجد ممكن اشويه نتفاهمو بس ,
امجد بصوت عالي : لااااا ..😡
نجاة : باهي نبي نحكي مع حور قبل ماتشيلها بس , ارجوك نحكي معاها لأخر مرة بس .😓
امجد طلق يد حور وقاللها ددون مايشوفلها : بسرررعه وتطلع للسياره والا حنخش انطلعها مع شعرها .😠
وطلع وحور منهارة تبكي وترجف جتها غزاله حضنتها ونجاة قابلت حو وقالتلها : احكيلي ..شن اللي صار واياكي تكذبي لاني انا الفرصه الأخيرة بيش نساعدك لكن لو كذبتي مش حنقدر نساعدك .😐
حور وهي تبكي حكت لنجاة كل اللي شافاته وسمعاته وغزاله واقفه وتسمع فيها وشافت لنجاة اللي ماتغيرتش ملامح وجهها وبعد كملت حور قالت : والله والله هضا اللي صار وهي كانت تحدا فيا لها شهور عالصندوق واتقولي خوذيه ليا من امجد بدون مايعلم وانا والله مادرت حاجه 😢
نجاة : باهي توا امجد وين يبي ايشيلك ?
حور : ماقاليش بس اكيده بيشيلني لهلي 😢
وغزاله اتشوف لحور بحيره وخشت تجري لدارها وحور طلعت بعد ودعت نجاة واتقابل امجد خاش بيطلعها واباين عليه العصبيه وناوي عالشر وايشدها بقوه من ذراعها وحور منصدمه في معاملته القاسيه وقالت بصوت ضعيف : امجد .. وين شايلني ? والله مظلومه ياأمجد خليني نفهمك بس ..😢
ويفتح باب السياره ويدفها بالقوه فيه وهمسلها وهو ايجز علي اسنونه : مانبيش نسمع منك شي ..كل شي واضح 😬
وركب وشغل سيارته وطلع بيها وهو يجري وحور خاااايفه وقالتله: ياامجد بالله اسمعني ..مرت باتك لها كم اسبوا اتقولي انجيبلها صندوق من خزنتك وانا والله مارضيت وصديتها 😢
امجد : هه وتبيني انصدقك يعني ?😒 بعد كشفاتك وبينت حقيقتك تبي تطلعي من جريمتك وتتهمي مرت باتي بالكذب 😡
حور انقهرت وصرخت بصوت عالي: ايوه كذابه ..كذابه واتا مادرت شي غلط واذا مش واثق فيا معش نبيك ولا نبي نعيش معاك لانك واحد شكاك ومهما حاولت مستحيل اتصدقني ,😢
وشافلها امجد وحور بدت ترجف وهي اتغرم في روحها في سرها ياريت ماعصبت عليه وطلع بيها برا المدينه وهي مستغربه في الطريق بعدها ادكرت فيلا المزرعه وفعلا كان متوجه لفيلا المزرعه وبعد وصلو نزل امجد حور وهو يكر. فيها من شعرها وحور اتعيط وفتح باب الفيلا ونزل بيها لبدروم في الفيلا تحت الفيلا فيه مخزن ومكان واسع بدياره وتواليت وفتح باب دار صغيره مافيها شي بالمره ودف فيها حور نين طاحت عالوطا وقاللها : مش امجد اللي اتخونه كلبه زيك وايسيبها بالسهوله هذي قبل مايدفعها الثمن ..😡سااامعه ..حندفعك اغلا ثمن ياحور لأنك خنتيني وانا اللي قبل سلمتلك قلبي 💔
وطلع وسكر الباب عليها بالمفتاح وحور تبكي ومنهارة وتجدا فيه : امجد افتح الباب انا مادرتش شي مرت باتك تكذب والله العظيم تكذب ..عمري مادرت غلط في حياتي ..بنديره عندك ياأمجد ? افتتتتح حراااام. والله حرام عليك 😭
وعيطت وتوسلت وشي ولا كان في حد محبوس في البدروم لان امجد طلع ووزع البواب عطاه اجازه وقاله حتاخذ, راتبك بس اقعد خوذ اجازه وماصدق عاد البواب 😒
وحور بعد دهشت وتعبت من العياط والبكا قمعزت عالوطا وهي تبكي وطلعا الغرفه اللي خطها فيها امجد فااااضيه لافراش ولا كرسي ولااا حاجه فيها وروشن واحد فيها مشبك بالحديد ...
عند رحمة عاطها مايرزيها 😠 قاعده في دارها وراقده عالسرير وسارحه وفجاءة ايرن فونها شافت للرقم لقياته رقم المتلثم اللي خش علي حور تأفتت وصبت اتشوف في حد برا الدار ولالا وخشت فتخت الفون وقالت : ايييوه 😬
المتلثم: اوويييي وينك ياغاليه لا رنه ولا شي 😌
رحمة : لحقت انت اتمل ?! مش قتلك نين نتصل بيك نا ونقولك تي كنك انت 😡
المتلثم: غي بشواش نبي نطمن منك شن صار معاك كل شي تمام ولا ?
رحمة: ايوه كل شي مشا كيف ماخططتله ..وكل شي بقا بين ايديا ..وحتشوف بعد كم يوم شن حيصير فيه 😏 وسكر توا وماتتصلش الا بعد انا نرن عليك وانقولك تعال فاااهم 😒
المتلثم: فاهم ..تم توا سلاام ,
رحمه سكرت عليه وهي تدعي عليه ولفت وتنصدم في اللي واقفة قدامها 😨
غدير: ماما في من كنتي اتكلمي ? وكيف وقفتي ابروحك ? تعافيتي ولا ....?
رحمه لتوتر: اه ..لا مغي. صبيت بنحرك روحي من رقدت السرير مليت ..و.ووبعدين كنت انكلم في علي ولد خالك ..ايسلم عليكم و.و.وقال بيسافر ,,
وعاودت رقدت عالسرير وغدير اتشوف لأمها بنظرة شك وطلعت وخلتها وفي نفس الوقت عند رحمة خافت ان بنتها اتكون سمعتها ولالا ..
عند امجد اللي روح للفيلا عند هله يكلمو فيه باته وامه نجاة واخته غزاله ولا عبرهم وخس لغرفته وفتح الدولاب وطلع دبش له ولحور ومشا لمكان الخزنه خذا كل شي فيها وعرف اللي انسرق منه شنو وشنو وقفلها ولقي فون حور الكوميدينو جنب السرير خذاه وطلع شايل شنطه الدبش وباته مستك فيه يحسابه بيسافر وقفله وبصوت عالي قاله : امججججد وقف وين ماشي ? وعليش واخذ شنطة السفر ووين حور اتصلت بباتها نحسابك شلتها لهلها قالي ماجتناش وين البنت ياأمجد ? 😠
امجد بهدؤ غريب : حور معايا وماشلتهاش لهلها وماحد ايزيد يسالني ولا يدورني ..خلوني براااحتي مش هذي هي البنت اللي جوزتوها ليا بالغصب ياباتي ? معناتها خلااااص مش من حق حد يدخل بيناتنا 😬
نجاة : لا ياأمجد ماتتسرعش وادير شي ممكن تندم عليه مستقبلا ..لازم تفهم الموضوع واتشوف الحقيقه وين ..وتسمع من حور ان بعض الظن اثم ياأمجد ,😓
امجد : شافتها خالتي رحمه وحكت قدام باتي كل شي وهي كانت مدوشه وسكتت وارتبكت ومن اللي يقدر يخش لدار النوم بدون ماتشوفه او ماتعيط ..كل شي ضدها ياأمي كل شي ثابت عليها ..والاوراق راحن والفلوس ..بس مستحيل نسكت حتقولي وين الاوراق ومن اللي كان معاها وغصبن عنها 😬
وطلع ونجاة اتنادي فيه وباته ولا عبرهم وغزاله واجعتها حور وخشت لدارها تبكي ونجاة قمعزت عالصالون محتاره في اللي صار والحاج بدر انقهر عاللي صار في حوشه واللي تقهر ان امجد عاودلا موقف الماضي اللي امخليه كاره جنس حواء ..
المهم عند حور من كثر البكاء رقدت عالوطا وامجد في سيارته ماشي لفيلا المزرعه وبعد وصل خش للفيلا وطاح عالسرير وهو مخنوق بالعبره ومقهور وحط ايديه ع وذانه ايسكر فيهن وكانه يسمع في كلام مايبيش يسمعه وقنعز واعيونه حمرررر. واعروق رقبته بارزات من العصبيه ووقف مشا ناحيه بدروم وفتح الغرفه اللي فيها حور القيها راقده قرب ننها وبكل غل شدها من شعرها ناضت مفجووووعه واتعيييط وطبعا كانت مقمعزه وماسم سعرها ورافع وجهها علي قصاد وجه وهو مقمعز علي ركابه وقاللها : وتوا ياحور تبي تحكي بالطيب من الحيوان اللي خششتيه لدار النوم وخليتيه ياخذ فلوسي واوراقي ولا لا ,? 😡
حور بوجع والدموع عبن وجهها : والله مانعرفه والله انصدمت بيه في الدار بعد طلعت من الممام مانعرفاش 😭
امجد وهو يضرب فيها اكفوف : ولييييش ماعيطتي بعد انك ماتعرفيش من هو 😠
وقعد يضرب فيها كفوف نين اغما عليها وطاحت بين ايديه وهو ايشوفلها بقهر والدموع عبن وجه وصرخ من وسذ قلبه صرخه تدل علي عذابه ..عذاب حبه للمرة الثانيه ينجرح والمرة هذي من الانسانه اللي سلمها قلبه ونزلها بالشويه وطلع وطبعا سمر عليها وخش في داره يدخن ويفكر ..
وطبعا مرن يومين علي حور ضرب وشد شعر ويجلد فيها بالحزام نين بقت هزيله واعيونها حلقن وكل ماينفتح باب الدار اللي قاعده فيها تزحف للزاويه وتقعد ترررررعش وتبدا تبكي ..😭😢
ويسأل فيها امجد في اليومبن هذين من الراجل اللي خش عليك وعطيتيه الفلوس وهي ياروحي عليها من كثرت ماتحلف ومتقول ماتعرفه نين ملت وفي مره خش عليها القيها واقفه واعيونها يجمعن فيها الدموع وشفايفها يرجفن وواصح عليها الارهاق والتعب وامجد بتقطع بدل المره. الف مرة عليها بس مازال مقتنع انها خاناته ومسك حزام السروال وهي اتشوف للحزام وشافتلا وقالت : تبي تضرب كعادتك ..لأن ما في يدك شي الا الضرب وبس ..تحساب روحك راااجل لانك تضرب في مرا ضعيفه? وتفرح وانت اتشوف في دموعي وتوسلاتي ليك ? ومهما حلفت ولو جبت الكعبه بين ايديا مش حتصدقني ..لانك مرييييض وماعندكش ثقه ..مش فيا ياامجد ماعندكش ثقه في روحك ..وحيجيك يوم ياامجد وتعرف الحقيقه بس ساعتها مش حنكون معاك لان مهما انكون في يوم حبيتك ..انت ماتستاهلش حبي 😢
امجد بكل بروود مصطنع: هه والله ? اي حقيقه بالله ? انك خششتي واحد غريب في غرفو نومنا ياحور ..?! 😠
حور : بس الكلام اللي قالاته رحمة ماصارش ومعش نبي نحلف ..انا دوشت وطلعت القيته قدام الخزنه اللي اصلا استغربت مكانها ومنين طلعت .
امجد : وانتي شن درتي ?
حور : عاودت لاحمام وسكرت علي روحي وقعدت انعيييط بس ماكانش في حد اصلا الا نا ورحمه ..
امجد : وليش رحمه بتقول الكلام هضا عليك ,? شن غرضها ?
حور : اسأل روحك شن واخذ منها ..اصلا هي لها كم اسبوع ساكنتلي تبيني نجيبلها صندوق من خزنتك ونا رفضت وقلتلها اذا تبي صندوقك حنكلم امجد ويعطيه لكي ,
امجد : ومن قالك ان الصندوق لها اصلااا ,
حور : هي قالت هكي ..قالت ان الصندوق فيه اوراق ورث معقبه لها باتها وباتك خذاهن منها وعطاك الصندوق وانت دسيته عندك ..
امجد سكت واذكر شي وقاللها : ادا كلامك طلع مذب مش حيصير فيك طيب ..
حور : علي اساس ساير فيا كل خير يعني 😒
وطلع امجد وهو غاااامه ويذكر في شي صار معاه زمان وعلي طول سواقته للسياره نشا لفيلا هله واول ماخش للفيلا صرخ بصوت عالي وقال :................

قبل الفجر بنزل حلقه باهي 😒

قراءة ممتعه 💋