دفعت 💔ثمن انتقامك💔🌷

part 10

#دفعت_ثمن_انتقامك
#للكاتبه_الهميل_الشارد

الحلقه العاشره :

وطلعت حور  من جنبه والوحيده اللي اتساعد فيها غزاله وبعد شافت امجد قاللها : اعبي بأثنين اخرا عالغداء عزمتهم ..ناس مهمه 😏
غزاله : 😨
حور: اهلين بيهم ..اصلا طيبت بالزايد وعارفه انك حتقولي هكي فعبيت عليها حركتك هذي 😌
أمجد عصد وقهراته ببرودها وطلع وخش للمربوعه وهو ايفكر في طريقه اينرفزها بيها .. وحور حاييه بين الطنتجر وااكوسه وغزااه عرقت ودهست وهي اتحاوز اتساعدها ةااخدامه البنقلا في جرتهن دهشنها بغسل الماعين الا التطييب ماقربت منه حاجه ونجاة تبذ اتساعدها لكن حور حلفتلها ماتمس حاجه وأذن الظهر ومشو الرجاله للجامع ..وغزاله طلعت تدوش وصلت وجت لحور اللي خلااااص منتهيه 😥 ..وقالتلها : ها شن مازال توا 😊
حور : خلاص كملت كل شي ..عالتسقاي بس ..وينقني نبي نمشي ندوش ياغزوله ..وردي بالك من الطناجر اموطيه عالتقليه والموالح خلاص طفيت عليهن ..باهي 😥
غزاله: خلاص تم ..امشي وكوني هانيه 😊
وطلعت حور رقت لغرفت النوم وطلعت فستان شافون كم وردي فاتح مورد بالاصفر الفاتح و مخصر بحزام ساتان لونه وردي داكن ونظامه واسع من تحت وخفيف في الحركه وخشت للتواليت ادوشت وبعد طلعت دهنت جسمها بلوشن معطر بريحة روووعه 😍ولبست فستانها وجت قدام المرايه كحلت عيونه بكحل اسود داكن وحطت روج وردي هادي بلمعه بسيطه وتعطرت بعطر خفيف وجففت شعرها بالسشوار االسريع ومشطت شعرها ولفاته ولبست وشاح وردي داكن بالزهري الفاتح ونزلت للمطبخ ..طبعا وحور في غرفتها خشت عمتكن رحمه عالمطبخ ناويه تخرب طعام حور😒 لكن بعد لقت غزاله انقهرت وعليما حاولت اتوزعها البنت شي 😂 مابت خايفه علي غداء حور ايشيط او تسيرلا حاجه وطبعا طلعت رحمة وهي تحرق وتدعي😠 علي بنتها اللي مش مسايرتها بككل...وعلي خشت حور للمطبخ قابلت رحمة طالعه من المطبخ اللي شافت لحور بنظره حب مصطنعه ☺ وحور بادلتها الابتسامه علي نياتها وخشت لقت غزاله اتذوق في الرز 😋 ضحكت عليها حور وقالتلها : ها شنو رايك ?😊
غزاله وهذ تغمض في عيونها : ينعليااااا امتا اتحطي نبي ناكل 😍
حور: خلاص بنبدا انحط للرجاله وبعدها للصبايا ,☺
وجو الرجاله من الجامع ومعاهم ضيوفهم وطبعا كانو أمجد وباته وصلاح ولد عمه واثنين اخرا عزمهم امجد بس واحد منهم يبي ايخليه مفاجاءة لحور لأنه يعرف حور زين ..وخش عالمطبخ يبي ايشوف سن قا. في الغداء ..وهو يستك واعيون امجد قعدن هك 😍 ساف عمتكن حور مغيره ولابسه وبارمه علي رويحتها سرح فيها وهي اتمدله في سفرة الطعام المسلفرة بلقزير ونافاق الا علذ صوت غزاله الي اعيونها عليهم 👀 وضحكت علي خوها اللي سارح عيني عينك وقالت : اووووويييي 😆 خوذ السفرة مازال وراك وحدة ثانيه 😌
فطن امجد وخذا السفرة وطلع وحور في خاطرها فرحانه😊 علي موقف امجد وبدت تتاكد من اعجابه بيها❤ ورجع امجد وخذا  السفرة الثانيه ومشا للمربوعه وطبعا مايخلا الامر من المشروبات وعند الرجاله بعد شالو القزير ذابو من منظر الطعام اللي يشهي وطبعا حور طببت رز بالتقليه علي لحم بقر 🍖🍜🍛وعصبان 🍤وبطاطا امبطنه وسمبوسه وسيخ بالدجاج والخضرا🍡 وبرودو بالخضره ولحم الدجاج مضروب الخلاط حار وحانط 🍲وثلاث انواع سلطه ..وحده خضرا بكمالياتها ووحده بابا غنوج ووحده بالجزر والملفوف والبازيلا الخضراء والمايونيز ..عارفة روحي سهفتكن ..سامحني 😆
المهم طاحو فيه الغداء ماتقول عمرهم كلو نين قريب داخو 😒وعند الصبايا مقمعزات الطاوله طبعا متاع الأكل ورحمة وبناتها غاده وغدير بعد شافن الأكل استكن 😨 وانصدمن ونجاة فرحاااانه 😀 وقالت لحور : ماشاءلله ياحور ربي يعطيك الصحة والله طعامك طعام مناسبات ربي يحفظك 😃
حور بكل تواضع : صحة وعوافي عميمه 😊
غزاله طاحت في الوكال جيعااانه 😂ومعش حكت كلمة ورحمه شافت لبناتها وهن شافلها وذاقن الطعام وفنصن اعيونهن وكلن بدون كلام ولا تعبير وكل حاجه ايذوقنها ينقهرن من روعة طعام حور وشطارتها لكل شي ..المهم بعد الغداء غزاله طايحة عالصالون الأنتري وتاكل في موزة جتها غدير وقالتلها.  من جدك تاكلي 😒 اللي يشوفك مايقولش انك تغديتي ومسحتذ الوكال مسح 😏
غزاله خمست بيدها👋 علي وجه اختها بدون ماتلف عليها وقالتلها : خمسه في عيونك ..صلذ عالنبي وانتي اتنقي عليا ..😒 بالكي انتي اللي طيبتي ولا تصرفي عليا ..😌
غدير : خلاص وانتي السانك اعرض منك 😒 نبي نسالك بس تحكي الصدق وراس خيتي 😒
غزاله : شنو ?
غدير : جديات ان حور هي اللذ طيبت كل الوكال هضا كله ابروحها ولا حصلت مساعده من برا 😒
غزاله : ين عن جد مساعده من برا 😒 خرفي ..تي هي اللي ناضت من الفجور غسلت الدواره وخرطتها ودارت العصبان وبدت في الرز وكلللل شي بصراحه انا يلت مش حتقدر بس بعد شفتها كيف امصبيه في المطبخ ابروحها وجعتني وقعدت انياعد فيها علي قدي يعني انقرض معاها او ندير معاها في المبطن وباقي الموالح وتحت اشرافها را .. 😌 بصراحه انحبببها حور 😍 اتهبل في كل شي 😉
غدير : ماشاءلله حب مرة وحده 😒ونحن خوات ماعمري شفت منك لا حب ولا حن ,,😒
غزاله : علي قصاد معاملتك ياحنه اصلا حور اتعامل فيا احسن من معاملتكن 😒
غدير : وكنها معاملتنا انعاملو فيك اكويس انتي اللي لسانك طويل
غزاله : بالعكس ديما اتهزن عليا وتعايرن فيا بجسمي ومتفقات انتي وغاده عليا بس انا عمري ماكرهتكن انتن خواتي .
غدير : تي خلااااص قلبتيها دراما عليا ...انا الغلطانه اللي نحكي معاك .
وطلعت وسيبت غزاله اللذ كلت موزتها وماعبرتها 😂وخشت لغرفتها بتقيل عاد 😂
وغدير طلعت للحديقه الخلفيه وقمعزت االكراسي وقعدت اتكلم بالفون في الكبيده اللي مدره كبدها وهي متضايقه غدير بصوت حزين : أحمد كنك معش اتصلت بيا وين احمد اللي كان ديما ايرن عليا عشان انعدل عليه وانكلمه
احمد: منك انتي قتلك نبي انهدرز معاك وانتي خايفه ماتبي تثقي فيا 😒
غدير بصوت حاسم : اسما ياأحمد انحبك ااه ..بس نطلع مااك هذي من سابع المستحيلات تبيني حتجيني وتخطبني اما اذا تلعب فحتبان وسكرت عليه ..وقعدت تبكي 😭
وفي اللحظه هذي طلع صلاح ولد عمها من المربوعه ومشا يكلم بالفون متاعه وايلف ايدور في تغطيه للفون وايشوف غدير اللي هو طبعا امكبد فيها من زمان ..😍😍
خلنذ نوصفلكم صلاح شاب طويل برونزي البشره واعيونه عسليات وفيه لحيه ديما يرسم فيها ورقيق بس بعضلات حلوة وفيه غمازه في خده كيف امجد اللي ديما يتعاندو كل واحد ايقول غمازي احلا ياعليك حاله 😂 وصلاح ايحب غدير بس مش معترفلها يبي يتاكد اذا تبادله نفس الشعور او لا ..
المهم شافلها القيها تبكذ معش تحمل غض بصره ولف عطاها بالضهر وقاللها غدير كيف حالك ? لاباس كنك تبكي ?
غدير : 😨 ااه لالا شي. ,
وطول خشت تجي ما الباب الخلفي للفيلا وصلاح قلبه شاغله عليها وعاود للمربوعه وهو سارح فيها 😍
وطبعا عند حور اللي خلاااص منتهيه جت السرير وتمددت بتريح وايخش عليها امجد وقاللها : حور نوضي نبيك 😒
حور بعد قمعزت : نعم شن في 😒
امجد: في حد يبي ايسلم عليكي هيا 😒
لبست حور وشاحها وطلعت ورا امجد ووصلت لباب الصاله الداخلي واتشوف مرعي من فرحتها نسيت امجد وحضنت خوها اللي فرح بعد شافها وطبعا كان معزوم عالغدا عزمه امجد وخذاهم امجد للحديقه الخلفيه وخلاهم علي راحتهم وقعد مرعي يسال في حور علي حالها واحوالها واذا متريحه ولا لا وحور اطمن فيه مابتش تشغله وقعدت اطمن فيه وتسال فيه اذا متريح في الداخلي ولا لا وطمنها انه متريح وبالعكس افتك من مرت باته وهم يهرزو مايجيبو علم نين تدلف عليهم غزاله بدون ماتندري علي خو حور اللي انصدم فيها وهي ادور في حور..
غزاله: حووور ...حوررررر ,,
واتلف اتشوف مرعي امطبس رايه وغاض بصره لان غزاله هاده بلا وشاح. ولابسه توتا متزرطه فيها وهي درهوبه ااد مانحكيلكن وشعرها رافعته لفوق باهمال ونازل خصلات علي وجهها وتررررريح جري للفيلا وهي منحرررجه والوجه سيمافرو 😆
وحور ضحكت عليها وقالت : عاطك الخير ياغزاله اكيده ماتحسابكش معايا ,,😀
مرعي : اكيده ..انحرجت البنت ,😊
وهدرز مع حور وبعدها طلع مع أمجد بيوصله للداخلي وانعجب مرعي بامجد وامجد عجبه مرعي انه من الشباب العاقلين الواعيين ..وبعد وصل مرعي روح وصلاح روح والضيف التاني حتي هو وخش امجد للصاله القي باته وامه نجاة وخواته غزاله وغاده وغدير ايهدرزو الا رحمه اللي انخمدت في دارها انشاءلله ماعاد اتنوض المسمومه ,,
وقمعز بجنب نجاة وقال : وين حور ?
نجاة : في دارها ااتريح من تعب اليوم ☺
الحاج بدر : نشهد بالله انها فالحه وشاطره ربي ايبارك كل شي منها ماشاءلله هذي المرا ولا بلاش 😊
غزاله : مش غير طعامها ايجنن روووعه ..خطرها الطعام زعما زاد من المبطن والعصبان 😰
صمكو عليها ونجاة بطيبه : اها زاد اشوي ماشاءلله مع انها كثرت الطعام بنيتي حور بس ماخلينا شي ..لكن في تبسي زاد فيه مبطن ومصيرينات 😊
وطارت غزاله للمطبخ وهم يضحكو عليها واستأذن امجد من عيلته وركب لداره فتح الباب القيها مظلمة وهاديه الا ضي السهاره اللي والع وساف للسرير القي حور راقده من التعب بدبشها وقرب منها وقعد ايشوفلها وهو قارن حواجبه وفي عقله ايقول ( زعما ياحور هضا اصلك وطبعك ولا تخدعي فيا ,,زعما نعطيك ونعطي روحي فرصه معاك ولا لا ?!  خايف نثق فيك تكسريني ..خايف نفتحلك قلبي تجرحيني )
وتأملها وغطاها باللحاف وتمدد جنبها عالسرير وفي عقله مية سؤال وسؤال. ..وعدا اليوم عادي مافيهش احداث ومرن ايام وماتغير عليهم شي ..وطبعا رحمه ساكنه لحور بالموضوع الخزنه وتبيها تساعدها وحور خايفه وكل يوم بعد اتحصل فيها فرصة بروحها تقعد اتبكا وتمثل انها مظلومه وحور تتأثر لكن خايفه لانها اتحس في احساس في داخلها ايقوللها ان الموضوع فيه غلط ..وفي يوم مقمعزة حور عالسرير تقرا في قران خش عليها امجد وفي يده باكو مغلف ومده لها وحور مستغربه ..
حور : شنو هضا ?
امجد : خوذيها وافتحيها. ,,
وخذاته حور وفتحاته لقت فون احمر كبير وحلو واستغربت وشافت لامجد وهو قاللها ..................

معليش نعموشاتي
تأخرت عليكن لان اليوم كانو عندي ضيوف وحيررروني 😭
وحاولت نكتبها. بسرعه انشاءلله تعجبكن 😊😀
        قراءة زايطه 😉💋