دفعت 💔ثمن انتقامك💔🌷

part2

#دفعت_ثمن_انتقامك
#للكاتبه_الهميل_الشارد

الحلقه الثانيه :

طبعا حور بعد بكت وتعبت من البكا رقدت في حضن باتها وحطها ابراهيم عالسرير  وتأمل وجها المتورم من الضرب وادموعها غاسلات وجهه ومسح علي رأسها وطلع من الدار وسكر الباب بعد طفا الضي .. وهو طالع للصاله جاته ام لسان فجريه وهي حاطه يديها في نصها وقالت: وين الغندوره؟ كنها كرست في الدار ؟؟ ماتقوليش زعلانه ؟ 😒
ابراهيم بصوت غلب عليه الحزن: رقدت يافجريه خليها في حالها 😔
فجريه: يااااسلاااام والعشاء من ايطيبا؟ !😡
اسمع ياأبراهيم بنتك تبي تربايه. .واليوم ردت عليا وماضربتها إلا من قلة ادبها 😒
ابراهيم تنهد: حور مش قليلة ادب ...حور مؤدبه وماعمرها علت صوتها علي الأكبر منها ...اتقي الله فيها يافجريه 😔
فجريه لوت وجهها وقالت : اللي يسمعك  ايقول انعذب فيها ومعيشتها عيشة القزون 😒 والنبي خليك ساكت ولكني من اسطوانة كل يوم 😬
ومشتقاته للمطبخ خلت ابراهيم ايشوفلها بغل ومشا قمعز عالتلفزيون في الصالة وعمتكن فجريه طيبت العشا وحطت لإبراهيم وعياله مرعي وفايز وهي حطت مع بنتها وطبعا كالعاده ماعقبتش لحضور اللي رقدت للصبح وناضت في الصبح بدري صلت الفجر وأخذت القرآن وبدت تقرأ فيه وبعد كملت دعت أن ربي يسخرلها أحلامها وطلعت جهزت الفطور وناضت العيله ولقت كل  شي جاهز وبوتين يومي معتاد بالنسبه لحور وجتها فجريه وقالتلها: اليوم الغداء طيبي بازين فاااهمه؟ افويزا خاطره فيه 😒
حور : حاضر خالتي 😔
فجريه جت بتطلع لفت عليها وقالت : ااه وطيبي مكرونة باشميل لفرات عرفتها ماتحبش البازين 😒
حور  قعدت اتشوف لفجريه وساكته وفجر ماعجبهاش انها ساكته وقالت: بالكي مش عاجبك ياحنه ؟ 😬
حور بتوتر:  ماقلت شي نا ياخالتي 😔
فجريه بصوت عالي: وماتقدري اتقولي شي ياحنه 😬
حور لفت اتكمل في شغلها اتفادى في مرت باتها ومشاكلها وفي خاطرها تحسب عليها وخلاص وطيبت البازين والباشميل لضنوة باتها اللي يبغددو ويشرطو😒 ياقلت توبو يلعب  فيهم هم وامهم 😤
المهم ...
************************************
في فيلا الحاج بدر نجاة مسكت فونها واتصلت برقم وبعد اشويه   ..
نجاة: السلام عليكم ....كيف حالك؟ انشاءالله اليوم في الليل نبو انجوكم ونتفاهمو علي موضوع الخطبة والفرح ..اها..تمام ..خلاص متفقين مع السلامه .😊
وسكرت منها ومشت لغرفة المكتب  الحاج بدر اللي يتناقش مع ولده أمجد علي شغل وبعد خشت قمعزت وشافلها الحاج بدر وقال: خير ياحاجه نجاة في عقلك كلام 😊
نجاة ضحكت وقالت: مش غير ياحاج 😁 عندي كلام وباهي اللي القيتكم مع  بعضكم 😊
بدر: احكي ياحاجه نسمع فيك 😊
نجاة: كلمت هل البنيه وقلتلهم في الليل انجوكم عشان نتفقو علي موضوع الخطبة 😀
وهنا عمكن أمجد غمت عنده وقرن حواجبه وشاف للروشن والحاج حمد فهم علي ولده انه مش متقبل الخطوة هذي في حياته بس تعب من عناد ولده وكره للصبايا وقرر يجبرا عليها لأن في خاطره ولد واحد ويبي يفرح بيه فقال لنجاة : خلاص ياحويجه الليله بأذن الله تمشي  انتي ورحمه وحيوصلكن أمجد  ومنها ايشوف عروسته في النظرة الشرعيه😊
أمجد بصوت حاد: مانبي انشوفها ياحاج.. بعد اذنك لا نظرة شرعيه ولا غيرها شن يبي ايغير في الموضوع يعني  😒
نجاة بصوت حنون: مافيها شي يا وليدي اتشوفها بالكي اتغير رايك وتقتنع بيها البنيه اختياري راه والله كان عارفتها ما تعجبك ماكلمت عليها😟
أمجد وقف وقال : خلاص مادام الموضوع منتهي عليش تاخذو في رأي كملو اللي بديتو فيه 😒
وطلع من المكتب وهو متنرفز من موضوع خطبته ونجاة وجعها الكلام وطريقه اسلوبه في حكيه ونزلت رأسها ولاحظ الحاج بدر زعلها وجاها وقاللها : ماتزعليش منه يانجاة عارفة ان أمجد ايحبك ومايحمل فيك شي امغير انقهر أن الموضوع مغصوب عليه.. واشويه ويجيك ابروحه ويراضيك  😐
نجاة بصوتها الهادي : عارفة ياحاج بس مانبيش يزعل مني وحاسس اني نجبر فيه علي موضوع الزواج بالغصب..لازم ينسى ماضيه ويعيش حياته ويعرف أن جنس حواء يختلفن مش كلهن كيف بعضهن 😔
بأس بدر رأسها وقال: حيعرف ويتغير بإذن الله وقولي قالها بدر 😊
وعند أمجد ركب لغرفته فوق وخش وهو معصب وطول سلح القميص الأسود وقعد بالكنتيرا عالسروال الجينز الأسود واتجه لكيس الملاكمة الخاص بيه اللي معلقه في ركن من غرفته وقعد نازل فيه ضرب وبسرعه لعند عرق وادهش وهو ايصك  علي سنونه وضرب آخر ضربة بقوة وعيط وهو ايتخيل في وجه شافه عالكيس قدامه زاد من عصبيته وقال لروحه: نكرهها من قبل مانشوفها نكرهها هي وكل جنس حواء ومستحيل نرحمها حنعذبها وتندم عاليوم اللي وافقت تجوزني فيه  😠
هابا عليك بخت 😒 ناقصه الحكايه هي ؟ 😤
ماعلينا خلنه داهش ويضرب في كيس ملاكمته ونمشو لحور   اللي قاعده اتخزرط فيها فجريه ومسودة معيشتها 😒
فجرية: سامعه ولا لا ؟؟ وجك هضا ماتحطي فيه حاجه فاااهمه واتقدمي للصبايا واتفزي للمطبخ ونسمع صوتك ياويلك تسمعي ولا لا ؟ ردي يابلا 😬
حور وهي ترعش: ح حا حاضر  ياخالتي حاضر 😦
فجريه بحقد: ولو اني مانتمناك إلا خدامه ليا ولعويلي لكن يالله بالكي نحصل منك اللي في بالي علي قول رحمه 😏
حور ماسمعت شن اتقول فجريه بس فاتت اتكلمها ومشت اتنفذ اللي قالت عليه مرت باتها وجا الليل ودوشت حور ولبست حور توتا عاديه للركبة وطبعا هضا شرط من فجريه عاطها بليه 😬 ومشطت شعرها ضفيره وصلت لخصرها وحطت اشويه عطر ومشت عالمطبخ اتجهز في القهوة والحلو والعصير وجت نجاة هي ورحمه وصلهن أمجد ومشا سكر رأسه مابا يخش للمربوعه استقبلتهن فجريه بضحكت المجاملات وفضلتهن في دار الضيافة وطلبت نجاة اتشوف حور وجت حور خشت اتسلم وهي منحرجة انها قابلتهم بتوتا  مش لبسه حلوة ونجاة عاجبتها  حور من جمال وأدب وحشم وأسلوب هادي..
نجاة: ماشاءالله عليك بنيتي ربي يحفظك 😊
حور بحشم :تسلمي عميمه😶
نجاة: الله يسلمك حبيبتي ..وبأذن الله نبو الفرح في اقرب وقت لان الحاج موصيني يافجريه إذا يناسبكم نهايه الشهر انطلعو الفرح😀
وفجريه حست بحقد علي حور واشويه استأذنت حور ومشت جابت القهوة وبدت اتضيف فيهن وفات الوقت ورن فون نجاة لقاته أمجد وسلمن علي فجرية وحور اللي  قلبها يدلف من الخوف والربكه  وودعت صباياها ومشت اتضم  في حوسة الضيافة وروح خوها مرعي وباتها وهدرزتلا فجريه اللي قالنا الصبايا وإبراهيم طول وافق وفي خاطره يبي حور تجوز وتفتك من وجه فجريه 😂
#########################
عند فيلا الحاج بدر أمجد غامة عنده وحس روحه مش متريح وطلع مشا لغرفة أمه نجاة القيها مقمعزه عالكنبة في دارها تقرأ في قرآن واستأذن وخش وقمعز جنبها وقعد امنزل رأسه  بحزن وهي كملت قرايه وحطت المصحف ع جنب وشافتلا وقال امجد: سامحيني يا أمي ...مش قصدي انزعلك أو نجرحك بالله سامحيني 😔
نجاة بحب: مش زعلانه منك ياحبيبي 😊بالعكس انا حاسة بيك ...بس نبيك تعطي روحك فرصه وحده بس ..واتشوف أن الصبايا مش كيف بعضهن ..والدليل انا ياعمري 😊
أمجد : انتي نادرة ياأمي ماكيفك حد 😒
نجاة: تسلم حبيبي ..بس عاطي نفسك فرصه وشوف اختياري  مش ديما يعجب فيك اختياري في كل شي ؟😊
أمجد : حاضر ياأمي  بس اذا ماتفاهمت معاها نتفارقو راه اني قلتك..
نجاة : انشاءالله خير .
وطلع أمجد من دار أمه بعد رضاها وباس يدها وراسها
ومشا للمطبخ سمع مرت باته الثانيه رحمه تحكي بالفون واتقول ....................

تابعني بكرة عسولات 😉
                  

    قراءة ممتعه 💚💋