دفعت 💔ثمن انتقامك💔🌷

part19

#دفعت_ثمن_انتقامك
#للكاتبه_الهميل_الشارد

الحلقه 19/

وفي الصبح ناضت حور بعد الفجر بشوي وخشت للتواليت وتوضت وصلت الفجر وطلعت المصحف وقعدت تقرا في قرآن في الصاله. واشويه ركزت علي صوت جاي من برا وبعد كملت قرايه حطت المصحف عالطاوله وطلعت بالأسدال وقعدت اتبع في مصدر الصوت وبعد لفت جيهت الأسطبل واتشوفلكن امجد يلعب في حصانه ال (بلاك ) والحصان يلف حوليت امجد وامجد لابسلكن سروال جينز اسود وقميص نس كم اسود وفاتح البطمه الاولى للقميص ومركز مع حصانه ناشافش حور اللي تتأمل فيه وذاااااايبه العطيبه ومشر منها الا انتن 😂👊
المهم واقف امجد في نص الساحه وماسك سوط ومن بعيد ايلعب في خصانه اللي ايتبع في حركات امج, كأنه متعود وفاهم صاحبه وبعدها ركب عليه امجد وقعد يلهد بيه بالسوبه وايشوف حور واقفه وتهايالي شاف حتى القلوب اللي يتحاومن فوقها 😍😂
ونشا جيهتها بالحصان وهو مبتسم وفي عيونه نظرة حب وركزت حور في الأخير وتوترت وياشرينتي نش معدله عادذ ...تي علي من ياماما عليا ولا علي امجد ولا علي اللي يقرا توا 😏
ماعلينا ...بعد وصل امجد لنهايه السور اللذ دايرينه للخيل ناداها .
امجد : حووور .
حور قربت من الحاجز امتاع الخيل وهذ اتشوف مرة لوطا ومره لامجد وترمش بأحراج ..
حور.: صباح الخير .😳
امجد : يا صباح الحب علي حوريتي .😍
حور : احممم ..فيش ادير عالصبح بدري ..? ,😶
امجد : انريض في بلاكي ..تعالي .حنعرفك عليه .
حور : قصدك حصانك هضا اسمه بلاكي ?😰
امجد ضحك ونزل من علي حقانه وقعد ماسك بيد خيط السرج متاع تحصانه وبيد اتكا عالخاجز وهو يتأمل في حور وقال.  : لر مايمشيش عقلك بعيد مش بلاكي اللي في غرندايزر ..😂 حصاني اسمه بلاك لانك كيف ماشايفه مالقيتش الا الاسم هضا يليق عليه ..😏
وللتفت امجد لحصانه وقرد وجه الحصان من حور اللي خافو وقاله لحب وهو ايشوف لحور : وهذي حوريتي يابلاك ..اللي ملكتني وملكت رفيقك صاحبك .
وغمزلها 😉 وشير علي قلبه وحور الوجه مانحكيلكن علي لونه ..
حور نزلت راسها وقالت : ماشاءلله عليه ايهبل .😶
امجد :عارف روخي انهبل نببك اتحني عليا بس 😍
حور تحمرطت وقالت : نش انت يامغرور قصدي بلاك ايهبل ,😒
امجد ضحك عليها واستفزاته بكلامها وعض غلي ساربه التحتاني وقاللها
امجد.: قولي شن منوضك بدري ..?ما امبارح نسمع في ضحكن للمربوعه ..سمرتن واااجد قبل خشيت عليكن وخذيتك منهن وسكرت عليك في دارنا 😌
حور : لا والله ,,? عادي بنات ونهدرزو .. وبعدين انا نضت القيته وقت الفجر نضت صليته وقريت اشوية قرآن وسمعتك انت وحصانك دايرين ازعاج ..بس .
امجد : اتحبي تركبي عليه .?😊
حور بخوف : لالا ..مافيش داعي ..مرات انطيح .😓
امجد : معقوله تخافي وانا معاك ? 😉
حور : لا مش قصدي .. انا انخاف بصراحه ومانتحكم في روحي مرات نقعد انعيط. 😓
امجد ضحك عليها ومسك يدها وباسها وحور الوجه معد بان من الحشم وحاولت تمشي وتسيبه بس امجد شدها ليه وقاللها : حوريتي ..ممكن طلب .
قربت حور وهي اتشوفلا وقالت : نعم .
امجد : قهوة حوريتي بس .
حو. : حاضر  .
وخشت للفيلا لقت نجاة واعيه ومرت حسن خو نجاة في المطبخ ولابسات اسدالهن متاع الصلاة ويجهزن في الفطور ومانحكيلكن علي جو الفطور في الصبح بدري 😋 بنت خبزة الحوش اللي ادير فيها نجاة والشاهي اللي عالنار وحور خشت معاهن طيبت قهوة. وبدو باقي العيلة بالواحد ينوض وحطو الفطور وحور شالت صفرة الفطور لأمجد اللي برا وخذاها منها وخش ببها عالمربوعه وفطر مع باته وباقي الرجاله ..
وفي وقت الغداء طيبن الصبايا الغداء وخشت رممة ياشارينتي اندير معاكن وطبعا صدف يوم جمعه وقبل وقت الغداء اتصل امجد بمرعي واحمد وعزمهم وعطاهم العنوان وفعلا قبل وقت الغداء وصلو للمزرعه واممد بزوجته واعياله العتولين 😍ورحبو بيهم ومرعي واحمد فرحو لأختهم حور وزادو اطمنو عليها ..تي هابا كان يعلمو بالخبر اللي داره امجد لحور في الاول ?! زعما انقوللهم 😒 ولا خلني ساكته خير😒 المهم رحبن الصبايا بمرت احمد وخشت خاطرهن وهي حبت حور وفعلا حور حست بأجواء العيله والسند ..
غزاله رمبت في العويله بوس وتضبيط 😂 البنت هذي اطروح وخلاص واتموت في الاطفال ,

وتعاونن الصبايا ودارن الغداء مع بعضهن ..كسكسي بالتقليه ولحم بقري ومعاه المبطن وموالح دارنهن البنات والسلطات والبرودو بلحم دجاج والخضرة حانط يمسح الكبد ومانحكيلكن عالمحشي والعصابين والمصير والمشروبات وحطو الغداء وتغدو العيلتين وحور فرحانه وبعد الغداء مانحكيلكن عالحلو فواكه اشكال والوان والشاي الخضرا والحمرا وبعدها بوقت جابن البنات قهوة وبكلاوة وكيك وجو حلو وايهبل وباتو يومين والعائلات جوهم حلو وتهدريز. وغزاله ومرعي بخطفو في نظرات لبعضهم ..مالا شنو مازال ماقرا فيها فاتحه رسميه عاد يلزمو الحدود ولالا ? 😒
والعويله دايرين جو في المزرعه يجارو مرة ورا الدجاج ومره ايلزهم الديك وعياطاتهم قالبات الدنيا 😂
المهم بعد جو بيروحو الكل.. نجاة قرلت من امجد اللي لاحظت التغيير اللي باين عليه ضحك وجو حلو وحتى مع حور وحبت تستغل الفرصه وطلبت منه يقعدو كم يوم تانيات هو وحور مع بعضهم ويرد باله منها ومكتلا علي عيد ميلادها وغمزتلا ومانحكيلك فهمها العطيب عالطاير وروحت العايلات الا امجد وحور اللي حكتلها نجاة انها تقعد وحور في الاول عارضت لانها تشتغل وقالتلها نجاة امجد بيتصل بمدير العيادة وياخذلك أذن ..وقعدت ورضيت عمتكن حور وامجد عابيلها عالنيه 😆,,
علي قولت احلام ناويلك علي نيه 👌
المهم وفضيت الفيلا الا من حور وامجد اللي خست بتدوش وامجد وصا علي شي بالفون وطلعت حور ولبسو ببجاما قطنيه بيتيه لونها مشمشيه هاديه وعليها تويتي وكانت لخصرها  وجففت سعرها وتعطرت وحذت بودرة جسم ريحتها اتهبببل ودارت مايكب خفيييف كحل اسود وروج مشماشي هادي وبودره وجه ودهنت ايدبها بكريم رطيب وخشت لسريرها طبعا ماتقولنش ليش لبست توته قطنيه 😒 بحكم الجو بدا ايسقع والمزرعه بالذات يقع وجو ايهبل وامجد خش بعد اطمن عالمزرعه من برا ووصا البواب واطمن عليه والعامل طلعا ايروح متاع الخيل وايجي في الصبح ..وخش ايدور بعيونه علي حوريته علي قوله مالقيهاش فتح دار النوم القيها خاشه في سريرها خس لاتواليت وادوش وطلع لبس تيشرت ابيض وسروال توتا وتعطر ومشط شعره وخش في سريره وهو ايشوف لحور وقرب من طهرها وحضنها وابتسم وهو بحسابها راقده  وقال بهمس : اااااه ربحتك اتجنن ..😍 ينعلي نا وخلاص ..حور ..حوريتي ?,
وعمتكن حور ضربت الحوله ياشرينتي راااقده ..باسها في رقبتها ورقد ..وطلع ثاني يوم وناضو وصلو وجوهم حلو ..وفطرو وامجد يتغزل بحور بكلام رومانسي وحلو وهذ الوجه سيمافرو ..
امجد : حوريتي نبي نسألك ,وباريت اتجاوبيني .
حور : اتفضل. ,
أمجد : سامحتيني ?
حور شافتلا وابتسمت وقالت : أكيده سامحتك ..اذا ربي يسامح ويغفر ..انامانسامح ?
امجد بفرحة : انحلك حوريتي 😍
حور : حتى نا ,😶
امجد بخبث : حتى انتي شنو ?
حور : مازال مش توا انقولها لكي ..نش كل حاجه مرة وحده عاد ماتبقاش طماع 😏
امجد بغمزه :  لا نا طماااع راه وطماع واااجد 😉
امجد : عندي لكي مفاجاءة ,
حور :شنو هي ?
امجد : كان قلتها ماتقعدش مفاجاءة عاد 😂 بس المرة هذي مفاجاءة نبدو فيها حياتنا مع بعضنا صح وماحد يخبي علي التاني شي ونوعدك انعوضك بعد المفاجاءة 😉
حور فكرت في سرها انها شن بدير فيالرساله اللي جتها تحكيلا ولا تفوت الموضوع ولا كانه صار بعدها قررت انها وواجه باللي قراته اذا صاح او لا هي حتتقبل الحقيقه مهما كانت .ومشا الوقت لعند المغرب حور في النطبه وامجد سكر دار النوم اللي كان كارس فيها ساعات وطلع وسكرها مرة تانيه وحور مستغربه😕 فيه وماركزتش  عليه واجد وكملت شغلها وطلعت من المطبخ وقمعزت عالصالون في الصاله وهي ترجا في امجد اللي طلع لوتحد جاه قدان المزرعه بحكي معاه وخذا منه كيس كبير. وخش والضحكه ماليا وجه وشاف حور اللي مقمعزة وعاطياته وخش لدار الةوم وخط الكيسه وطلع وساف حور اللي تتفرج عالتلفزيون وقاللها :.........................
قراء ممتعه سموحات 💖💖😘