دفعت 💔ثمن انتقامك💔🌷

part23

#دفعت_ثمن_انتقامك
#للكاتبه_الهميل_الشارد

الحلقه 23/

وطلع الدكتور من غرفة العمليات وجاه امجد خايف ومتوتر وسأله : خير يادكتور شن فيها حور ?
الدكتور بوجه حزين : للأسف المدام ....
وسكت والكل علي اعصابه ياريت حد عطاه كف 😤
الدكتور : المدام خشت في غيبوبه .
الكل انصدم واللي شهق واللي يبكي والحاله حايسه عندهم وامجد بصوت مليان عبره:   يعني شنو ? فهمني 😬
الدكتور : المدام دخلت. في غيبوبه وبصراحه مش عارفين السبب ..بس ..
مرعي بلهفه : بس شنو احكي يادكتور 😒
الدكتور : الغيبوبه ممكن اطول معاها ومرات لا قدر الله ماتفيقش ..
امجد : مستحيل .
الحاج بدر :باهي يادكتور ممكن نطلعو بيها برا ?
الدكتور : مش حيتغير عليها شي... نفس هنا نفس برا ...
احمد خو حور : يعني مافيش امل يادكتور  ,?
الدكتور : الامل عند الله سبحانه ..نحن انديرو اللي علينا. والباقي على الله ..ادعولها ,
امجد بصوت حزين : والجنين ?
الدكتور : لحد الان مستقر بس نبضه ضعيف ..ممكن تجهض المدام . ومرات لا على حسب الحاله ..
ماعطاهمش زبدة الله لا تربحه 😒
ومشا وسيبهم متنكدين وحايرين وغزاله تبكي 😭 نجاة وغدير يبكن بالعبرة.. والكل محتار شن اللي وصل حور للحال هضا وقرب احمد من امجد ..
أحمد : امجد شنو اللي صار وخلا حور توصل للمرحله هذي ممكن اتفهمنا ,😡
امجد حط ايديه علي راسه وقاله : حنحكيلم كل شي ..بس ادعولها..والنبي ادعولها 😢
وحكا امجد علي كل شي من اول ماحكتلا حور عالرساله والخطه اللي داروها بيش يكشفو اللي بعث الرساله وكيف اتصل بالشرطه بعد عرف ان هيام ورا الشي هضا وكيف لقيوها معاها رجاله وحور ماسكينها وكللل شي لعند جت الرصاصه في حور والكل مصدوم. احمد بتركيز : باهي كيف عرفت رقم فون حور ? من وين خذاته 😐
امجد رفع راسه وشافله وقال : والله صاح ..كيف فاتتني هذي ..من وين جابت رقم حور  ?
وقعد الكل يشوفو لبعضهم ونجاة سألها امجد اذا ممكن هيام يوم حفلة اسبوعه بحور  سألتها علي رقم حور ونجاة نفت والحاج بدر شاف لرحمه وطول قاللها : اكيده انتي ,, 😬
الكل تفاجأ وقالت نجاة : ياحاج ........
قاطعها الحاج بدر وقال: ماتنكريش ..ماتقعد. اللي انتي هذين حركاتك ونواياك الخبيثه ,
رحمه منصدمه واعيونها دمعن وقالتلا : عيب ياحاج
.معقوله اتشك فيا ?😢
بدر: انعم .. من عمايلك ..نبي نعرف بس كيف طحت علي راسي وخذيتك بس ..
نجاة : خلاص ياحاج مش وقت دوة توا في المستشفى . في الحوش نحكو ,
امجد وقف. انتم روحو انا قاعد هنا ,
مرعي : ياامجد حور في غيبوبه يعني قعدتك هنا مالهاش فايده .
امجد بعناد : لالا مانقدرش ... مرات تفيق ..وحتفيق بأذن الله حتفيق وتشفى وتعاود معاي للحوش ..غير ادعولها بس وادعولي بالله ,,
ونزل راسه واعيونه دمعن وباته تعجب في ولده اللي تغير بشكل غريب كيف من امجد الواعر اللي كاره جنس حواء وتعقد من سيرتهن ..لأمجد الحنون الحساس مليان حب لزوجته ..وقرب منه الحاج بدر وحط يده علي كتف ولده وقاله : خلاص براحتك .. وخلي فونك معاك بيش نطمنو عليك وعليها وبأذن الله ربي يشفيها .. ادعيلها ياأمجد .
وروحو الكل وامجد قعد في المستشفى ومع ان الدكتور بينلا ان وجوده مش ضروري اول مايصير معاهم جديد ايكلموه بس شي عناااااااد سكر راسه ومايغباكن في قعدت المستشفى كراسي ورهدنه وامجد يحاول يخش علي حور اللي جثة ممدوده في الغرفه متاعها لعد نقلوها طبعا ..
وقعد يجدا في الدكاتره انهم يسمحوله ايخش عليها ويمنعو فيه بحكم معاها مريضات تانيات ..فقرر امجد يكلم مدير المستشفى بينقلها لعياده خاصه وفعلا كمل اجراءات نقلها على احسن عياده وطلب منهم ايحطوها بغرفه وحدها وخش امجد عليها اعيونه دمعن وبكا علي منظر حور اللي راقده وجهاز التنفس علي فمها وخشمها ولابسه لبس العمليات مازالت ..وشكلها ذابل وقرب منها ومسك ايديها القيهن مسقعات حضن ايدها بين ايدبه وبدا يدلك فيها ويهمسلها : حور ...حوريتي ..تسمعي فيا ? رد بالك اتسيبيني حوريتي .. 😢 نوضي .. انتي اقوى من هكي .. محتاجلك انا ..ارجوكي 😢
وبدا يبكي وباس ايدها وقاللها : حوريتي. انا اسف كل اللي صارلك مني انا ..انتقمت منك علي شي انتي مالكش ذنب فيه .. وانتقمت منك الخاينه هيام علي شي برضو انتي مالكش ذنب فيه .. دفعتي ثمن انتقامي وانتقام غيري 😢 وانتي لا تشكي ولا شي .. انحبك حوريتي بالله ماتسيبيني .. يارب ماتحرمني منها يااارب اللهم استودعتها عندك زوجتي حور هي وابني ..انت الذي لاتضيع ودائعك ,,😢
وقعد امجد علي هالحاله ايااام واسابيع وحور علي وضعها ماتغير عليها شي ووضع جنينها ايتابعو فيه الدكاتره مازال صامد وقاعد امترس المنجوه 😆
وامجد مايفارقش حور الا وقت الصلاة يمشي للجامع اللي قريب من العياده لخاصة ايصلي وايروح جنب حور يهدرز معاها ويحكي وكأنها واعيه وتسمع فيه. وطبعا عمله معش مشاله وبما ان صلاح ولد عمه معاه في العمل قعد مكانه ويساعد في الحاج بدر والحاج معاملته لرحمة بالبعد والكره زادت وفي يوم والعيله مجتمعين ورحمه تبكي للحاج وتحلفله وهو شي امسكر راسه ودفها قبل رحمة طاحت مسكنها بناتها غدير وغزاله وغاده خلاااااص بتنفجر ووقفت وهي اتعيط واتقول : اناااااااا ...اللي عطيتها الرقم انااااا مش امي
والكل استك رسمي من باتها ونجاة وغزاله وغدير وحتى رحمة 😨😲,
غاده بندم : .. بس ماتوقعتش انها بتقتلها ..نحسابها اتخرب عليها وايطلقها امجد وبهكي ننتقم منها ومن امجد ,
ويقرب منها باتها ويعطيها كف 👋 نين طاحت من قوته وقال لرحمة : هذي تربايتك .. عبيتيها حقد وشوفي النتيجه ,
رحمه وهي تبكي : بس والله ندمت وعرفت روحي غلطانه.. وبنتي ماكنتش نحسابها ادير هكي .😢
بدر : بعد ايش يا رحمه ? بعد خليتيها شيطان .. مستحيل اتكون بنتي .. ونا ماعمري نقصت عليكن حاجه ... وامجد مايحمل فيكن حاجه وطلباتكن مجابه عنده ... ليش بس ...ادمرن فيه ليش تنتقمن منه ومن مراته حرام عليكن .. تنتقمن منه ونسيتن انتقام الجبار العظيم المنتقم .
رحمه : خلاص ياحاج معش اتزيد سادك .
وغاده خشت تجري للدار وسكرت علي روحها وهي تبكي وحسو لالذنب وضميرها بدا ايأنب فيها ... باهي فيها الخير في اللي يقهرك ولا يدفلم ذواجيت ولا انده ضمير ولا حزنون 😒
ماعلينا..  طبعا تأجل فرح غدير وصلاح ومرعي حصز عمل في شركه اعلاميه وحاله بدا اكويس وددا يبنذ فوق حوش خوه واحمد طبعا ايساعد فيه لانه حب ايعوضه عالسنين اللي ماعاشهن مع خوته ....
وامجد مازال يمشي لحور لا مل ولا تعب وهو يدعيلها ويقعد جنبها وايهدرزلها وبعد يبي يطلع ايبوس جبينها ويتأمل وجهها ..
ومن وقت الحادثه اللي صارت لحور اللي مر عليها شهرين وهي في غيبوبه وامجد. راقد الكرسي جنبها وماسك يدها حركت حور صوابع يدها بالشويه وبعد فتره بزت تفتح في عيونها وسافت ضي قووووي علي عيونها رجعت سكرتهن ..وحاولت اتحرك راسها ماقدرتش حساته ثقيييل ولفت ع يمينها بشوي شافت امجد كيف راقد وساند راسه علي سريرها وماسك يدها ووببن ايديهم الأثنبن ماسك كندرة بيبي صغيره لونها ازرق حلوة عليها دبدوب صغير .. وحاولت تحكي ماقدرتش ومسكت صوابع امجد بصوابعها اللي ماسكهن وضغطت عليه وامجد فطن بعد ايييش وفتح اعيونه وشافلها القي حور فاتحه اعيونها وابتسمتله وامجد من الفرحه قعد مستك وايشوف لحور وبعدها ضحك وحضنها ورجع شافلها وقاللها : حوريتي فقتي ... الحمدلله علي سلامتك. حبيبتي ,, سن اتحسي في روحك ?
حور بتعب وصوت باااادوب طالع : الحمدلله .. متغير حبيبي ماعرفتكش,
طبعا امجد من يوم حور خشت في غيبوبه معش حلق ولا اهتم بأكله ولا شي فباين عليه بلحيه كثيفه واعيونه محلقات وناحف اشوبه بس مازال طرفوووس بالذات بعد طلق لحبته العطيب  😍
المهم حور. :عطشانه نبي ميه ريقي ناشف ,
امجد بحب واعيون تعبن دموع : من عيوني حوريتي اشويه بس ,
وطلع ايدور في الدكتور وحكاله ان حور فاقت وطبعا سبحان الله في ناس اتسيرلهم الخاله هذي واللي عنده عمر ينوض وكل شي في يد الله ,,
والدكاتره اتجهو لغرفة حور وكشفو عليها وامجد فرحاااان بيطير ,, واتصل بأمه نجاة وخبرها والعيله فرحت وغزاله من فرحتها رنت علي مرعي قدام باتها نست باتها بكككل 😂
والدكاتره بعد كشفو علي حور وذمنو امجد عليها وطبعا نرعي اول ماسمع بالخبر طووول عالمستشفى ومعاه احمد واطمنو علي اختهم ... المحنه في الدنيا راس خيه وحده حتى هي 😏
مرعي : خوفتينا عليك ياحور ,
احمد :  الحمدلله علي سلامتك ,,
حور : ربي ايخليكم ليا ومايحرمني منكم ,
امجد : الحمدلله ربي كريم ...
مرعي : جديات ياأمجد انت تعبت معاها ..وقفت معاها انموت وماننسا جميلك ,
امجد وقمعز جنب حور وحاوطها بذراعه من كتفها : ماعنديش فيها جميل .. هذي حوريتي ,
حور تحشمت قدام خوتها وهي الوجه احمممممر ,
وضحك امجد وقال : والله مارايفت الا علي وجها بعد ينحمر كيف توا 😂
مرعي. واحمد : 😂😂
وايدق الباب وخشو الحاج بدر ونجاة وغزاله اللي بعد شافت مرعي وشافها العيون قعدن هك 👈😍
وغدير وصلاح وطبعا رحمة وغاده اخر وحده وكانت متندمه ومش عارفه كيف بتلاقي حور ,,
وخشو وسلمو عالموجودين وحمدو حور علي سلامتها وطبعا حور عرفت انها حامل ومانحكيلكن عالفرحه.وقعدت اسبوع في العياده تحت ملاحظة الدكاتره وبعد كتبلوها علي خروج والحاج بدر قرر ايدير حفل كبيرة علي سلامة كنته وبالفعل بدو فيها ثاني يوم طلعت حور من المستشفى والكل مبسوط  وفرحان وغاده في دارها اتعارك فيها امها .
غاده : يعني كنت ظالمتها هي وامجد ,😔
رحمة وهي اتهز في راسها : اكيده يابنتي.. احسبيها اكويس امجد الرزق له ونحن نحسابو الرزق لباتك وهو ااطي كل شي لامجد ... وعمرنا ماحسينا بحاجه ناقصتنا .
غاده : 😔
رحمة : اليومين اللي قعدتهن مع عيت خوي شفت الذل والقهر والعازه ... مش كيف هنا في حوشي مع باتك وخواتك ونجاة اللي ياما جرحناها وهي عمرها ماقالت كلمة تجرحنا ..واللي نبوها اتجينا ..
غاده : بس باتي داير شركه ,
رحمه : ذلعت من فلوس امجد .. او بالاصح امه .. بس عنده حقة باتم كيفه كيف امجد .. ووا بالله عليش انفكرو في رزق دنيا ونحن حالنا خير من غيرنا .
غاده : انا من كلامك ياامي .. ماعمركش قلتي الكلام هضا ... ماكنتش عارفه نا .
رحمه خضنت بنتها وطلبت منها انها تبدا صفحة جديده ولازن تعتذر من امجد خوها وحور مراته وفعلا طلعت غاده ومشت لحور في دارها وخبطت وفتحلها امجد وحور طبعا منسنده عالسرير ..ماتقولنش تدلع اوامر طبيب راه حتى هي غيبوبه 😒
وخشت بعد استاذنت واعتذرت من امجد اللي حضنها وباس راسها وقاللها : انتي اختي ... معقوله مانسامحك .. وتدللي عليا فاااهمه .
غاده بدموع : فاهمه ..
ولفت علي حور اللي تشوفلها والدموع بعيونها وبدون كلام فتحت حور ايديها لغاده عشان تحضنها وفعلا لاده حضنت حور وهي تبكي وغاااارقه في ندمها وقالت : سامحيني ياحور 😭
حور : مسامحتك. ... انتي خيتي ياغاده .. معش تبكي 😢
وامجد فرح من موقف مراته الحنونه وهدرز علي اخته ومراته وطلعت غاده وهي مرتاحه بعد تغيرت نفسيتها وتلاطمت مع نجاة اللي حضنتها وطلبت منها السماح لانها ياما غلطت فيها ونجاة بطيبتها وحنانها سامحتها وطلبت منها نجاة تمشي معاها لباتها لانه مازال زعلان وفعلا خشن عليه في داره اللي مع نجاة وغاده متوتره من طبع باتها وشافلها بدر وارتما غاده في حضنه ياعوينها حصلت احضان 😒 .. وحده منكن تظبط اللي يالاها وانا ساع نظبط بنتي 😂
المهم .. باست علي راس باتها ويده وطلبت السماح وسامحها .. ومشا اليوم حلو وعائلي ويستعدو لحفلة بكرة والكل مبسووووط ,,