دفعت 💔ثمن انتقامك💔🌷

part22

#دفعت_ثمن_انتقامك
#للكاتبه_الهميل_الشارد

الحلقه 22/

وفي الصبح حط امجد حور في العياده واسقد علي عمله وحور اتصلت بالمجهوله. واول مارنت ردت عليها المجهوله طووول وقالتلها: ابروحك قاعده ?
حور : اها بروحي توا في العمل .
المجهوله : تمام اطلعي وخوذي تاكسي وامشي للعنوان. ************ حتلقيه مع صاحبته ايهدرز معاها وانتي حاطك في العمل ومطمن عليكي .
حور : بس كيف نتأكد انك ماتكذبيش عليا ?
المجهوله : دايتي بيش تعرفي اني نحكي جد ومانكدبش عليك حنجيك ونمشي معاك !! اكويس هكي ?
حور بتوتر : ماشي ... حنرجاك .
وفعلا راجتها حور وقبلها اتصلت بأمجد وحكتلا وهو طبعا ايراقب في الوضع من مسافه ويتواصل مع حور بالفون ...المهم حور ترجا وترجا وهي مقمعزه عالكرسي في ممر الأنتظار في العياده نين وقفت عليها بنت شابه مليانه وبيضا ونقشها صغير وتمضع في لوبان ..سهفتني عاطها دعوة 😋
المهم البنت ديما في العشرينات بس حور حارت فيها وقالتلها البنت : هيا ..وقت راه.
حور بتوتر واستغراب : بس مش في الاول نتعرفو الاول .
البنت : كيف ماعرفتينيش ?
حور : بصراحه وجك مألوف ..بس دكرينذ خيتي .
البنت .انا .. انا هيام ..بنت ولد عم الحاح بدر ..يانذ امجد يكون ولد عمي ,
حور اذكرتها في سرها ..هذذ البنت اللي بعد اسبوا عرذ حو وامجد مابتش اتذرن علي حور كان ادكرتنها ,, اللي لابسه قصير . وشافت لحور بأستكراد ,, و اللي ماجمعتش منكن تراجع الحلقات الاولى بعد طريحة حور 😒
المهم ..,,,, حور: اها اذكرتك ..مشكورة خيتي هيام. اللي نبهتيني علي امجد ,
هيام في سرها ( مغير هيا معاي وانا اللي حنشكرك طول عمري ..😒)
وطلعت حور مع هيام وركبن في تاكسي وكله تحت انظار امجد وطلع ورا التاكسي وقعد في مسافه بيناتهم ...وبعد مسافه ساعه تقريبا وصلو لفيلا مش كامل بنيها ونزلت البنت وهي تبربش في فونها وكانها بعثت برساله وحور مركزة عالبنت هيام  واعيونها يتجولن في المكان وقلبها يدربك وقالت لهيام : هيام انتي متأكده ان امجد قاعد هنا مع وحده يبيها .?
هيام.: اها متأكده .. واخرا اليوم عنده موعد معاها .
حور : وكيف عرفتي ?
هيام : ماهو البنت اللي يبيها نعرفها وتحكيلي في كل شي .
حور حست بملعوب يبي ايصير وخست هيام للفيلا وحور بدت ترجع للخلف تبي تتأكد ان امجد يشوف فيها وتطمن انها بأمان بط امجد مابانش عليها وخافت حور وفجاءة سمعو حد ينادي فيها طبعا المكان شبه مقطوع فيلات بعيدات عن بعضهن نظام مزارع والتفتت حور علي صوت حد مش هيام اللي نادت لقت راجل : اهلين بالحلوة .
حور: انت من ? وين هيام ?
وتطلع هيام من الفيلا وماسكه فون في يدها وهي تحكي : انا هنا ياحلوة .
حور بأستغراب : يعني شنو ? طلعتي تكذبي عليا ?
هيام بضحكه خبيثه : هههههههههااي الله ينور عليك ... فهمتيها توا .
حور بشبه ثقه : بس انا كنت فاهمتك من الاول ياهيام .
هيام للراجل : دير شغلك ..ولا ترجا في اوامر يعني .
الراجل : لا ..مش محتاج ياحلوة .
وصفر ويطلعو راجلين تانيين من وراهم وهنا حور تخزرطت ..بدل ماتصكها عيطه توا 😒
ماعلينا ..
حور خافت وحست الوضع مش لصالحها وبدت اتلفتت وهيام بنظرة شماته لحور قالتلها : واخيرا ..انتقمت منك .
حور بأستغراب : وعليش ..? شن درتلك انا .?
هيام : تي كيف شكلك ماعارفه شي انتي ,!?
حور : احكي بلاش الغاز ,
هيام : اها ..تمام ..طبعا ياحلوة انا هيام طليقة امجد .. وحبيبته السابقه ..
حور : 😨شنوووو ?
هيام : وطبعا بزواجه منك كان يبي ينساني مش اكثر ولا اقل وشكله مازال في قلبه حب ليا لأنك بروحك قلتيلي انت مش مهتم بيكي ...يعني مازال يحبني ومش طايقك ياحلوة ..
حور بغضب : انتي اللي واخذه مقلب في روحك .. امجد صاح اول متجوزته ماتقبلنيش ...بس لانه كره جنس حواء بسببك ..لانك خنتيه ..بس امجد بدا ايحبني واللي بيناتنا مستحيل تعرفه وحده خاينه زيك .😡
هيام شيرت بيدها للرجاله اللي بدو يقربو منها وحور لفت وبدت تجري وهم في جرتها وللأسف مسكوها وحور اتقاوم فيهم .. وجابوها قدام هيام اللي عطاها واحد منهم مسدس 9 ملي وحور خافت واثنين ماسكينها وواحد منهم قال لهيام : بس اخسارة المزة هذي اتموت بالسرعه هذي ... خلينا نتمتعو قبل وبعدها انتقمي منها براحتك. .
هيام بضحكه عالجنب : هههه ياواطي اي مزة ? انت تبصر ولا شنو ?هو صاح الموت اشويه عليها بس اهو ..تفضالي الطريق قدام امجد .
وهم يحكوا مايجيبوا علم نين يركبن فيهم رتل سيارات واولهن سيارة امجد والرجاله اللي مع هيام  راحو طراطيش وهيا ارتبكت وشافت لحور اللي بعد طلقوها الرجاله بدت تجري  ناحية سيارة امجد وشافت هيام لباقي السيارات لقت باتها وخوتها الاثنين قارنين الحواجب ويشوفولها بقهر وحقد وشافت لأمجد اللي نزل من سيارته واعيونه علي حور وباين الخوف في عيونه عليها وباقي السيارات كانت شرطه وانتشرو في جرت اللي هربو بيمسكوهم .. وانقهرت هيام ورفعت السلاح علي جيهت حور اللي حضنت امجد وامجد فرح بعد تمت حور في حضنه وفجاءة يسمعو صوت رصاصه والكل استك وانصدم وقعدو يشوفو لجيهت صوت السلاح ايشوفو هيام رافعه السلاح وشاافو للجيهه اللي صوبت عليها لقو حور حاضنه امجد وامجد يقوللها : حور ? حور ? حووووووور
طبعا الرصاصه جت في حور وطاحت في حضن امجد اللي رفعها بين ايديه وشالها في السياره وطووووول عالمستشفى وعمتكن هيام انقبض عليها وباقي الشلتلت مسكوهم وشالتهم الشرطه وخوت هيام وباتها وجوهم مايتفسرنش بكككل من الفضيحه والقهر ...
طبعا الشي اللي خلا امجد يطول علي حور بعد كان يراقب فيهن في العياده وشاف هيام عرفها طبعا وطول بعد تبعهن عرف العنوان من حور عن طريق رساله بالفون وبلغ الشرطه واتصل ببات هيام وخوتها لأنها بعد خانت امجد عيلتها رفضت اتصدق امجد وهو ستر عالموضوع وماحد. جبد الموضوع بس بعد شافها شايله حور قرر يفضحها قدام هلها عشان ماحد يلوم عليه بعد يحبسها ...
وهضا اللي صار .. وعند امجد اللي شال حور للمستشفى اول ماخش بيها واستلموها الطاقم الطبي الدكتور طلب نقلها علي طول لغرفة العمليات وامجد اتصل باهله ونجاة والحاج بدر وغزاله وغدير وصلاح وحتى رحمة وغاده جو للمستشفى ..وغزاله اتصلت بمرعي وخبراته اللي بدوره اتصل علي خوه احمد ..وجو للمستشفى والكل يسأل شن في وامجد ساكت وخايف علي حور ايسيرلها شي وبعد كم ساعه طلع الدكتور وهو مرهق والكل يرجا فيه شن يقول ...
مرعي بخوف : هاا يادكتور طمنا عليها .
الدكتور : والله شن انقول ..الحاله حرجه الرصاصه جت في مكان حساس جيهت القلب والعملبه حاليا نجحت بس وضعها مازال منقدرش اناكدلكم ..خصوصا ان المدام حامل .
وسيبهم والكل علي وجوهم علامات الحزن والخوف وامجد في عالم ثاني خصوصا بعد سمع بحمل حور خوف وفرحه في نفس الوقت وغزاله منهارة تبكي ..وبعد اشوي طلعت ممرضه من الغرفه العمليات. تجري و عاودت بالدكتور علي الغرفه بعد  تم استدعاءه وخش معاها وغاب ربع ساعه وطلع وعلي وجه علامات الحزن امجد للدكتور : خير. يادكتور شن في ,?
الدكتور : للأسف المدام ..............................

             قراءة ممتعه ,,😉💚