دفعت 💔ثمن انتقامك💔🌷

part7

#دفعت_ثمن_انتقامك
#للكاتبه_الهميل_الشارد

الحلقه السابعه:

المهم عند حور بعد نزلت الصبايا علي طول يصلن عالنبي ويسلمن عليها منبهرات بجمالها لعند وصلت. لوحده مقمعزة وحاذه رجل علي رجل ولابسه فستان قصير واجد لنص فخذتها وكانها حاطه علي وجها باكو الوان ومابتش اتسلم علي حور اللي استغربت معاملتها معاها وغزاله علي طول نقذت الموقف وخذت حور لباقي الضيوف وفاتت الحاله اللي قعدت اتخزر في حور ومنقهره والغل معبيها ..ومشا اليوم عادي حفله حلوة وغنن الصبايا ورقصن وحور فرحانه بالاجواء وبعدها طبست عليها نجاة وقالتلها : حور عقبتلك عشاء انتي وامجد و بعدين حتتعشي معاه في داركم باهي 😊
حور بابتسامه : حاضر عميمه ☺
وكملت الحفله وروحو المعازيم كلهم وقعدت حور مع عمتها ورحمه اللي وقفت ومشت لدارها وبناتها كيفها الا غزاله اللي طايحه فيها هدرزه وحور تضحك عليها وبعدها مشت حور لغرفتها وغزاله بعد تعبت من الدوة والهداريز ونجاة قعدت تشرف ع الخدامات اللي يضمن في حوسه الحفله ..وعند حور اللي بعد خشت لغرفتها مالقتش امجد فقررت تدوش وخشت للتواليت في اللخظه هذي خس امجد للغرفه تعبان وبطلان وطاح االسرير وطبعا لبس عربي عشان الحفله لبسته لونها بيج بالفرمله لونها بيج بالنبيتي والاسود والساعه والنظارات والشعر مانحكيلكن جو اللبس وهو لباس عاد والعطر اللي ملا الدار ايهببببل ..وسلح ساعته وحطها عالكوميدينو وحط معاها النظارات والنقال وعرف ان حور ادوش لان سمع صوت الميه واشويه وطلعت حور لافه منشفه علي جسمها وواصله لنص فخذتها ولافه شعرها بالمنشف ومفطنتش للي طايح يالاها لان الورغان لونه بيج ومخربش بالاسود 😂 قعد الا حربايه 😆
وهي اتغني وامجد فطنلها واستك في منظرها بس ماباش ايتحرك والغرفه طبعا وااااسعه وكبيره وهي اتنشف في شعرها وامطبسه وامعاطيته بالضهر وبعدها وقفت عالمرايا وبخت عطر امجد في الهواء وقعدت اتشم فيه وعيونها مغمضه وقالت بهيام : اااااه ريحته اتهبببببل. زي صاحبه 😍
و بعدها اشوي  وتمسك المشط وتبي تبدا في شعرها وهي اتشوف عمكن امجد منسندلها عالسرير وحاط ايديه ورا راسه ومبتسملها عالجنب وينظرلها في نظره انفجعت وعيطت 😨
حور: اااااه 😳
امجد: كملي ...صوتك حلو في الغناء 😌 كنك ساكته ,,😏
وحور مستكه رسسسسمي اولا من المنشف اللي لابسته بس والا الغناء اللي غناته والا الكلام اللي زرقت بيه 😒 وعمكن امجد سمعها ومانحكيلكن علي وجهها طمااااطم 😆 وقعدت واقفه في مكانها ومعش قدرت اتحرك وامجد وقف ومشا ناحيتها وهي اتوخر وهو ايقدم نين خبطت في الساس وهو ساارح في منظرها وجمالها الطفولي وشعرها اللي نازال عليها وواصل لخصرها وبشرتها المبلوله وشفايفها الورديه واعيونها البنيه وحاولت تهرب منه من يساره حط يده عالساس منعها ردت بتهرب علي يمينه حط يده التانيه وحاصرها بعيونه وعطره الرجولي وانصدمت بمنظره باللبسه العربيه اول مرة اتشوفه بيها وقعدت ترعش بتوتر وهو لاحظ توترها قط تي كلا هو 😆,,
وقاللها. : بشويش علي روحك قريب ادوخي ..😏
حور :😳
امجد قرب منها نين حور حست بروحها بدوخ فعلا ودفاته بيديها علي صدره نين باعداته عنها ورااااحت تجري للتواليت وسكرت علي روحها وهي اعيونها متخزرطات ووجها قعد احمر من الحشم والربكه ^ وامجد ضحك عليهاوقاللها بصوت سمعاته : كنت نبي انقولك جيعان وين عشاي لكن تفكيرك راح بعيد بس 😏
   وخذا دبشه وطلع بيدوش بالتواليت اللي برا ..
وبعد تاكدت حور ان امجد طلع من الدار .. سكرت باب دارها ولبست بيجاما سكريه بلمعه ساتان ولفت شعرها وتعطرت وهي تذكر في الموقف واضحكت بدون وعي واشوي وخبط باب دارها انفجعت حور بصوت هادي : ممم .مم.من 😨
نجاة : انا عمتك نجاة ياحور ☺
حور فتحت الباب : اسفه عميمه معليش كنت انغير بس ☺
نجاة : لا عادي حبيبتي امغير جبتلكم عشاكم اكيده علي لحم بطنكم انتي وامجودا 😀 بعدك حشيشته اوكالي 😀
حور: تسلمي اعميمه سامحينا تعبناك 😄
واشويه وايخش عليهم امجد ماسك فونه في يده وقال لحور : حور مكالمه لكي ,,
حور انحرجت ونزلت راسها وقالت. من ?
امجد : خوك مرعي يبي يحكي معاك ,
وفرحت حور وخذت الفون من امجد وكلمت مرعي وامجد يشوفلها وهو قارن حواجبه وفي عقله افكار وتسأولات زعما هضا طبعها بريئه ولا تمثل عليها نيين ننصدم فيها ..وقعد سارح ونجاة اتكلم فيه اللي فاق علي صوتها اتقول : امجد تعشا انت وحور شكلكم تعابانين وبكره نتلاقو وكيف ماقتلك مشي للمزرعه بكره حبيبي ماشي ? 😊
امجد : مانقدرش ياأمي ..يومين وانكونو عندكم ...خليني علي راحتي وماتزعليش مني 😐
نجاة.  علي راحتك ياغالي المهم بعد توصلو للمزرعه رن عليا طمني عليكم وهضا عشاكم اذا تبي اتعشو في المزرعه انلفا لكم ,☺
امجد : ا ولا يهمك حتلفه حور ونتعشو في المزرعه ..😊
والتفت علي حور اللي سكرت من المكالمه ووجه باين عليه الحزن ومدتله الفون وطلب منها اتلف العشاء واتجهز روحها عشان يروحو للمزرعه وهزت حور راسها بمعنى حاضر بدون ماتتكلم وفعلا لفت العشاء ولبست عبايتها ووشاحها ولبست اخمارها ونزلت ورا امجد عالسياره وطول الطريق وهي ساكته وامجد غمتله من سكوتها وفاتها ووصلو للمزرعه بعد فتحلهم البواب وخشت حور للمطبخ حطت العشاء عالطاوله وبدت اتستف فيه وهي سارحه خش امجد عليها في المطبخ القيها سارحه ..عصب وقال :
امجد : كنك سارحه بالله لكي كم ساعه من بعد سكرتي من خوك وانتي شارده وماحكيتي ولا كلمه شن في ?
حور انفجعت من عصبيته وقالت : هاا .. ماكني شي ..
بس ..مرعي ..
امجد : كنه خوك ?
حور: سيب الحوش وخش داخلي في الجامعه .
امجد: تو بالله هضا شي ايزعل خوك يقرا ولا ?
حور: اها
امجد : خلاص يعني لمصلحته مافيها شي ..وامتا مايبي ايزورك وايشوفك ..تم. ?😒
حور ابتسمت وقالت : صااح? يعني نقدر نعزمه وايجيني وانشوفه ?☺
امجد : اكيد خوك ومن حقك اتشوفيه .😒
حور بفرحه : شكرا ....شكرا واااجد 😀
وتعشت حور مع امجد وهي فرحانه بان امجد مش حيمنعها اتشوف خوها ...ورقدو وامجد طول الليل محتار في حور وتصرفاتها البريئه ووجواح راكب في عقله وسارح ...وبعد كم يوم في المزرعه حور اتحاول اتقرب من امجد وهو مازال يصد فيها وخايف يفتح قلبه لحور ينجرح منها وهو مش ناقصه ..وروحو للفيلا مع هله وطبعا فرحت بيهم نجاة وغزاله الا رحمه وبناتها التانيات شي ماطاقنها ولا حبنها ..غيره عاد ماتبيش شرح هذي 😏
وفي يوم الحاج بدر جاب تذكرتين سفر لامجد وحور وقاللهم ان هذي هديته لهم بمناسبة زواجهم وطبعا حور فرحت بيها واااجد وامجد في عقله موال وثاني يوم سافرو وطبعا سفريتهم كانت لكندا ..وحور خافت من الطياره بحكم اول مره اتسافر وقعدو كم يوم فيها
وحور مبهورة بكل شي وسعيدة ان امجد بدا ايعامل فيها اكويس لكن في مرة امقمعزين في غرفة الفندق وكانو امجاورينهم زوج وزوجته اجانب وطبعا الزوجه انعجبت بامجد وعرضت علي امجد بعد خبطت علي غرفتهم  اللي يفهم في كلامهم ان هي وزوجها يبو يعزموهم عالعشاء وانها معجبه بيه وزوجها معجب بحور وطبعا جرها امجد بالكلام وين شاف حور وكيف وهي قالتلا بعد ركبتو في المصعد معانا وهي لابسه كبوط حلو وسروال الجينز الضابط وقعدت توصف لعمكن امجد 😒اللي اعيونه ولعن ولز الحيوانه وخش علي حور اللي امقمعزه عالتلفزيون  وقال بجنون ,,
امجد: ممكن اتفهميني كيف الحيوان ايشوفك وايقول انك عاجبته 😡
حور بدون فهم : نعم ? اي حيوان مش فاهمه ?!😓
وايوقفها امجد و.......

سامحني متابعااتي االإطاله بس والله غصبن عني 😟
وحنزل التامنه بعدييين مرات قبل الفجر ..

قراءة ممتعه 😍😘