دفعت 💔ثمن انتقامك💔🌷

part17

#دفعت_ثمن_انتقامك
#للكاتبه_الهميل_الشارد

الحلقه 17/

وذابت حور مع اصراره وعاشت لحظتها مع امجد اللي زاد حضنها وكأنه يبي يخفيها في صدره وهو يد علي ظهرها ويد يلعب بشعرها وهي حاوطت رقبته بيديها وبعد اشوي فطنت حور علي روحها وادف عمكن امجد اللي انصدم فيها وقالها : كنك ? 😨
حور بتوتر بس بتبين روحها قويه : اا ااانت شن ادير ? نحن شن اتفقنا ?😓
امجد ضحك عالجنب وشافلها
وقاللها بهمس : بس نا ماجبرتكش علي شي ..يعني برضاك ياجميل ,😉
وغمزلها وحور تلبكت وجت بتطلع من الدار مسكها
امجد من يدها وجذبها لصدره وقاللها بهمس وهي مغمضه اعيونها واتحاول تسيطر علي قلبها اللي يخبط ومن قوة دليفه خايفه امجد يسمع صوت نبضات قلبها وهي حاطه ايديها علي صدر امجد ولحظه مرت عليهم وهم سارحين في عالم ثاني هو يتنفس في عطرها اللي حاصره😍 وهي غارقه في ريحته الرجوليه اللي اتمووووت فيها .

.وانا قريب انسيح في جرتهم 😂

ماعلينا ..😒

امجد همسلها : حوور ..ارفعي راسك .
حور في وضعيتها وامجد ذاب عليها ورفع راسها من عند حنكها بيده وقعد يتأمل في وجهها اللي انقلب طماطم علي بعضه .😆 ومازالت مغمضه اعيونها وبدا يقرب من شفايفها💋 و.يسمعو تخبيط قوي عالباب خلاهم اينطو ويسيبو بعضهم كانهم دايرين كارثه وحور انحرجت اكثر ومشت فتحت الباب لقتها غزاله ..
غزاله بأبتسامه : معليش عالأزعاج 😊 بس نبوك ياحور لوطا ماما نجاة تبيك .☺

حور بأبتسامه : حاضر هيا حنمشي معاك توا .☺

امجد : وييين ..? نبيك اشويه ياحور .😳
حور لفت عليه وبغل : لا خلاص ..كملنا بنمشي مع غزاله .😒

وطلعت وسيبت عمكن امجد يغلي ويمسح في وجه من الفرصه اللي راحت عليه .. ,💔

غزاله بعد خذت حور مشت بيها شور دارها وحور مستغربه وقالت حور : غزاله شن في مش عميمة نجاة تبيني ?😰

غزاله بعد خشت بحور وسكرت باب الدار قالت : هشششش بصراحه نا اللي نبيك مش ماما نجاة ..😓
حور : انشاءلله خير ..في شن تبيني حبيبتي ☺
غزاله ترددت وبعدها قالت : بصراحه الموضوع ايخصني وايخص خوك مرعي .😔
حور : باهي ..وشن هو .☺
غزاله : دزلي مع وحده في الجامعه صاحبها يبقى صاحبه ويبي رقمي ..نعطيه ولا كيف الراي .😔

حور ابتسمت. حبيبتي اولا انحييك انك تشاوري فيا علي موضوع زي هضا ..وكبرتي في عيني وثانيا مرعي مش عشان خويا بس والله ماهو متاع وجيج ولف ودوران اكيده بيتعرف عليك ..وبعدين انتم توا مخطوبين .وثالثا والاهم. انك مفروض تشاوري عميمة نجاة ومرعي مفروض يشاور امجد بيش كل شي يبقا واضح وبرضا هلك .ولا شن رايك .😊

غزاله : صح كلامك خلاص انا حنسأل ماما نجاة .وانتي قوليلا يسال امجد واكيده امجد حيوافق .😌