دفعت 💔ثمن انتقامك💔🌷

part20

#دفعت_ثمن_انتقامك
#للكاتبه_الهميل_الشارد

الحلقه 20/

وخذا امجد من الراجل كيس كبير. وخش والضحكه ماليا وجه وشاف حور اللي مقمعزة وعاطياته بالضهر وخش لدار النوم وحط الكيسه وطلع وشاف حور اللي تتفرج عالتلفزيون وقاللها : حوريتي نوضي نبيك في حاجه !! ,
حور وقفت ومشتلا وقالتلا : نعم تبي تتعشاء ? العشاء اشويه وبيطيب .
امجد مسك يدها وقاللها :لا مانبيش انتعشا ..تعالي انوريك المفاجاءة .
ةحور فرحت وبانت الفرحه بعيونها وسألاته : شنو هي احكي .
امجد بغمزه حط ايده علي عيونها ومشا بيها ناحيه غرفة النوم وهي مبتسمه وتبي تعرف شن هي المفاجاءة وفتح الباب وخشو للغرفه وبعدها رفع امجد يده وانصدمت حور بالمنظر ..الغرفة متغيره 360 درجه هي من قبل حلوة وراقيه بس لعبلكن فيها امجد لعب ..مانحكيلكن ..حور طبعا فاتحه فمها واعيونها يجولن في الغرفه بين الورد المفروش عالارض بطريقه نازكه وراقيه واتهببببل 😍والطاوله اللي منسقها بالورود الحمراء🌷 والشموع 🎇اللي حاطهن بطريقه عجزت حور انها تتكلم من جمالهن ووسطهن تورته 🎂حلوه وعليها كل عام وانتي بخير حوريتي وكرت احمر عليه كلمات حب روووعه مافيش داعي تعرفن هالمره 😏 ..شن مكتوب .وطبعا عشاء راقي من اللي يحبه قلبك وعصير وحلو عالجنب وفواكه حاطهن بطريقه اتهببل ,
ومدلها فستان لونه احمر وقاللها : البسي هيا عشان نحتفلو بعيد ميلادك حوريتي ,😘
حور بصدمة مسكت الفستان وقالتلا : هضا كله ..عشاني نا ,
امجد : اكيد ..امالا لمن ..? هيا البسي واجهزي .. متشوق نبي انشوفه عليكي 😉
شافتلا حور وهي منحرجه وامجد طلع بيخليها تجهز علي راحتها وحور الفرحه مش سايعتها..
وخشت ادوشت ولبست الفستان وجففت شعرها وخلاته علي طبيعته ناعم بتلواي واسع وكأنها دايرتلا فلو وحطت مايكب بههههبل . بودره وجه ورسمت عيونها وكحلتهم وحطت روج من لون الفستان احمر بكتف واحد وظاااابط نظام بدي وكان قصير لنص فخذتها وتعطرت بعطرها وشافت لروحها في المرايا وهي قلبها يدلف في دلف مش عادي. وحطت يدها علي قلبها وهي اتقول لروحها : كنك ياحور خايفه اهدي انتي ماديريش في شي غلط هضا زوجك وعادي لازم تتشجعي واتكوني صريحه معاه .
في اللحظه هذي سمعت دق عالباب وخش امجد اللي اول ماشاف حور استك. ..تي تبكش ..لالا انصدم ..تي لا ياخياتي الراجل خذا وعطا هضا احسن تعبير الحق اعيونه اقعدن قلوب قلوب 😍 ونفس الحال عند حور مع انها انحرجت منه وتحشمت بس هبلها بلبسه وشكله وشخصيته ..جاها لابس بدله المنجوه ...😆
عارفتكن تبن تعرفن وصف البدله 😒
بدله سوودا بدون جاكيت نظام سروال وقميصه الابيض والسديري الرجالي الأسود والقرواطه الحمراء والشعر 😍حي بلا ..ماشطه لاورا وماشي بلمعه شكله ادوش العطيب 😒
وماسك في يده باقة ورد حمرا اتهببببببل وتقدم من حور ومدلها الباقه وقال : اتهبلي حوريتي 😍
حوريه بنفس الخجل : شكرا ..حتى انت تهبل 😶
امجد بفرحه : ايوه هكي اجبري بخاطري حبيبتي 😍
حوريه امجد بنحكيلك حاجه قبل ماتقول اي شي .
امجد : احكي ياحبي ,
وحكتلا حوريه عن الرساله اللي جاتها وخافت منها وامجد يسمع فيها نييين كملت وقاللها: ريتي ياحوريتي ..اللي دزلك الكلام هضا كذاب وحنعرفه .. مستحيييل اتخش قلبي وليه غيرك ..
حوريه بحب : يعني تحبني جديات ياامجد مش عشان حاسس بالذنب ,
امجد : تي انموت فيك. انقولك وبعدين ليش ماقلتيلي عليها الرساله اول ماجاتك ?
حور: عشان بصراحه كنت متردده ..وحرت الحق ..بس قررت انقولك من اول ماهدرزنا الصبح في المزرعه قررت نحكيلك عليها ,
امجد باس جبينها وقاللها : لازم تتعاقبي عليها الحركه هذي ..انتي لازم توثقي فيا ياعيون امجد بس مش توا بعد العشاء
حور تحمرطت وتخزرطت والوجه عاطه جميع الالوان
وتعشو وحلو وهم يهدرزو وجوهم حلو وبعدها ولع امجد موسيقى هاديه ورومانسيه ومسك يد حور وبدا يرقص معاها وحور الوجه حمررررر ..تي مش وقت حشم بالله 😒
وحط راسه علي كتفها وبدا يشم.في ريحتها ويبوس وحور العيون هك 😨ورفع امجد راسه القيها متوتره
وقاللها : انحبك حوريتي. لازم توثقي فيا انا زوجك مش صاحبك 😍
حوريه ابتسمت بخجل وقرب منها باسها من شفايفها وهي مستسلمه عالأخر وحاوطت رقبته بيديها ورفعها امجد بين ايديه ومشا بيها للسرير و .............

مممممممشششششششششفففففففففرررررررررر
💖💖💖💖💖💖💖💖💖💖💖💖💖💖💖

ايواااااه 😒 خلوهم في حالهم ببلاش قصقصه ..
وطبعا عاشو لحظتهم وعدت ليلتهم حب ورومانسيه ووعود لبعصهم انهم مايتخلوش عن بعضهم مهما يواجهو في حياتهم ..

وطلع الصبح يعلن عن احداث جديده وامل وحب في حياة امجد وحور وناض امجد دار الفطور لحور اللي مازالت راقده من ليلة امبارح وخش القيها راقده عالسرير وشعرها منثور عليها وقرب منها وقعد يباعد في خصلات شعرها ويبوس فيها من خدها ويلعب علي خدودها وخشمها نين فاقت بعد شافاته حست بحراره بالذات بعد اذكرت ليله عيد ميلادها ..
امجد : صباحو علي احلا حبيبي ,💜
حور : صباح الورد حبيبي ,
امجد : الله اكببببر الحمدلله اللي حنيتي عليا ياروحي .😍
حور : امجججججد 😶
امجد : ياعيونه 😍

حور قمعزت وشافت للفطور وشكراته وامجد يتغزل بيها وماااااحوتك طلقها خشت للتواليت ادوشت ولبست بيجاما حرير سكريه وطلعت فطرت ومشا يومهم رومانسيه وحب وقعدو يوم .وثاني يوم روحو للفيلا واول يوم مشا عادي في الفيلا وثاني يوم رحمه خشت للمطبخ طيبت شاهي وخذت كبايتها وخشت عالحاج بدر في مكتبه واول ماشافها قال .........................
قراءة ممتعه 💚