دفعت 💔ثمن انتقامك💔🌷

part 6

#دفعت_ثمن_انتقامك
#للكاتبه_الهميل_الشارد

الحلقه السادسه :

وقعد امجد يحكي لروحه : بس خليها مش حنشكرها ولو انها تستاهل بوسه عالراس واليدين اللي طيبن. احلى اكل ..مش غير شكيره ..بس لا حنشوف طبعها الأصلي حيطلع ولا لا ?? واذا هضا وجهها ولا لا ..حنشوفو يا ...حووور 😎
وكملت حور الضم وهي خلاااااص واصله حدها تعب وبطااال وخشت لغرفة النوم وخذت دبش من ضفة الدولاب وخشت للتواليت وخذت دوش وولبست وهذ تتوجع من ظهرها تي الوحده بعد هالدهك يوجعها ضهرها يابال هي من التعب والضرب اللي كلاته 😒 وقمعزت عالكنبه اللي في الغرفه وهي حاطه المنشف علي راسها وتذكر في كلام امجد لها بعد جابتلا القهوة وحزت في نفسها ووجعتها روحها وفي سرها (معقوله لهدرجه يكرهني 😔لهدرجه مش باين عليا اني حلوة ونجذب اي حد ولا امجد هضا قلبه حجر ..ولعند امتا نقعد هكي ..?? زعما في وحده في قلبه 😳لالا شكله مش شكل واحد ايحب هضا طبعه غريب😒 ...بس ..بس ايهبببل 😍اااه لو يرف قلبه ناحيتي حتى طشه ... وليش نتمنا ..انا مراته ولازم انخليه يشعر ناحيتي في النهايه هو زوجي غصبن عنه ..يبي ولا مايبي واذا كارهني مادام ايحس وعنده قلب يكره فاكيده حيحب ..نجرب شن خاسره 😶
وقررت عمتكن حور تلعبلا عالشناكل 😃 زعما تقدر علي امجد واتلين طبعه والا حتنصدم فيه ..ادعلها 😒 المهم مشطت شعرها وخلاته مفتوح علي ظهرها ورقدت عالكنبه وبعد كم دقيقه خش عليها امجد القيها راقده وضامة رجليها لصدرها وقرب منها وحط ايديه علي خدها القيها مسقعه طفا المكيف وجاب ورغان وغطاها وطلع وهو حاير ويفكر ..وقعد يشوفلها وسارح في ملامحها وشعرها الطويل ورن فونه طلع من الغرفة وقمعز في الحديقه وفتح القيه باته ..
امجد: السلام عليكم ياحويج ,
الحاج بدر: وعليكم السلااام ورحمه الله ..😊 كيف حالك ياامجد ?😊
امجد: الحمدلله ..بخير ..وانتم ☺
بدر: كلنا بخير والحمدلله ..قتلك ياامجد بكره دايرين حفله بسيطه بعد سكرت راسك وماتبيش حفلة الاسبوع ..امك نجاة عازمة اقاربنا ويبو يتعرفو علي عروستنا وهضا شي ضروري بكره بيش اتجو اتغدو معانا باااهي ?😐
امجد: الحفله غداء ولا كيف ??😕
بدر: لا الحفلة عشاء لكن امك موصيتني انقولك اتجيب حور قبل الغداء اتغدو معانا وتجهزو من قريب ..☺
امجد قرن حواجبه وقال: انشاءلله ..😐
وسكر باته منه بعد اطمن عليه وعلي حور وامجد مستك رسمي وغمت عنده كيف يسير اذا حور قالت ان هو ضربها وخلا ضهرها اخطوط اخطوط وخدمها وهانها ..وبعدها قنع روحه وقال: اصلا كان حكت تبقا جت منها ..ونفتك منها ومن علقتها 😒
وخش القي حور نايضه واتشوف للورغان وبعد شافاته ابتسمتله ابتسامه خفيفه وهو كشر وجه وطلع للصاله حور وجعها اسلوبه معاها لان ماذنبها شي ولا زعلاته من اول ماجاته يعني شن السبب اللي مخليه ناقم عليها وكاره يحكي معاها تعذبت من الشيطان وخشت للتواليت ووضت وطلعت صلت العصر اللي أذن وقبل فاتها وقته وبعد كملت طلعت للصاله لقاته مقمعز ايدخن ..فاتاته ومشت للمطبخ اتفكر في العشاء شن اطيب .. طبعا نسيت روحها انها عروس ومن حقها تدلع وتعيش احلا ايامها في تعريستها بس من الهم والجروح اللي ماليات قلبها نسيت روحها ودنيتها وقعدت علي روتين ضم ولم وتطييب لعند امتا ?? لعند ربي يفرج عليها ..😢
المهم ..خش عليها امجد وقال: جهزي روحك بكره قبل الظهر حنمشو للفيلا ..😒
حور بصوته الهادي: حاضر 😔
امجد هو ماسك السبسي بيد ويد في جيب سرواله : وماتاخذيش الا اللي حتلبسيه في الحفله لان في الليل حنعاودو للمزرعه 😒
حور : حاضر 😔
امجد شافلها القيها اتشوفلا وبعد جت اعيونه بعيونها ابتسمت وهو قعد سارح فيها اشوي وبعدها افطن علي روحه قرن حواجبه طلع من المطبخ وخلاها وحدها وهي نزلت اعيونها بكسرة خاطر..😔 وطيبت عشاها وطلعتلا سفرته دوراته مالقاتش طلعت للمزرعه لقاته ايدخن عالكراسي مشن ناحيته وحطتلا عشاه عالطاوله ولفت بتخش قاللها امجد: وين ماشيه?...قمعزي تعشي 😒
حور بغل: لا شكرا ..مايصيرش الخدامه تاكل مع سيدها ..حناكل في المطبخ ان اذنك 😒
ومشت وخلاته منصدم في كلامها ومستغرب في طبعها اتبين في شجاعتها وهي اضعف مايكون وابتسم عالجنب ورفع الغطا من عالسفرة وشاف لعشاه وعلي وجه ابتسامه رضا 😏 وطبعا تبن تقصقصن عالعشاء ياحناتي ..طيبتلا دجاج مشوي و بطاطا مقليه ونوعين سلطات حارات ورز ابيض باللوز والكبده الوطنيه ..تريحتن 😡 خلنا في الروايه عاد 😒
##########################
في حوش الحاج ابراهيم صاير يوم ماهو يوم ..عمتكن فجريه منفصله علي راقد الريح اللي قاعد معاها مرعي طبعا 😒 وطالقه بلعومتها علي طولها وهي واقفه وحاطه يد في نصها ويد اموجهتها لمرعي واتقول: ريت ياولد ورده مش علي ميفك امتا ماتبي تروح بدري وامتا ماتبي اطول وبعد يهلبك العشاء باتك يطلق السانه عليا يحسابني حارمتك ولا نمكر فيك ..خليك علي موعد معين بيش لما انحط العشاء تحضره اييييواه 😠
مرعي وبعد سمع ملامها وقف وقال بصوت هادي : اولا ياخالتي انا مانطولش بكيفي انا ملزوم بشغل من العشيه للليل ..وموعد المرواح ديما متأخر وانتي عارفه فعليش اتعاركي ?? واذا عالمرات اللي انروح فيهن بدري في حالة ايكون عندي امتحانات وصاحب المحل يسمحلي انروح بدري وكان عالعشاء صحتين ..مش لايم عليك اتعقبيلي ولا لا ..انتي حرة وكل واحد يعمل بأصله 😒
فجريه بغل: ااااه شن قصدك اطلع علي حقيقتك ماهو انت من يوم يومك السانك اطول منك وتبي اتقول لباتك وتفتن لكن وديني لو ....
وايقاطعها ابراهيم علي غفله : لو شنو يافجريه ? قولي كنك سكتي لو شنو ?? عليش راكبه فيه اكي ساعه عشان مايقوليش انه بلا عشاء ?? يكون في علمك مرعي ماعمره قالي حاجه لكن نا انشوب وعارف رذامت وانقول تو يهديها ربي وتعامل ضنايا بما يرضي الله !لكن شي انتي وحده لاتخافي ربي ولا عندك ضمير وماتبي حد معاك الا عيالك الصغار وبس الا عيالي من المرحومه ماتبيلهم طاري 😡
فجريه ارتبكت وحاولت اتبين روحها عاديه : لاااا ياحاج انت قاعد تغلط راه ..اااا انا ..انا مش قصدي شي نا انفهم فيه بس ان العشاء عنده وقت وانا مانقدرش نسهر. يعني 😓😒
ابراهيم : تي ماقالك شي حتى هو .. مالايم عليك لاتعقبيلا ولا شي وعلي قولته كل حد واصله 😒 مايسدش العيل الكبير هججتيه واخذ وجه ليا كم سنة ماريته ماني عارف شن ساير فيه حي ولا ميت متريح ولا لا ..وحور زوجناها ددون ماتشوف الراجل حتي قبل العرس وكله علي راياتك وتوا عاقبة علي مرعي اللي يقرا ?? وين تبيه يمشي ?لالكي انلزه 😠
مرعي والاته من باته اوز مرة ايدير موقف شجاع ويوقف في وجه فجربه وقرب من باته وقاله: خلاي ياباتي ماتحطش في بالك وهدي روحك ..انا مط حيعان تعشيت مع صاحب المحل ..والاسبوا الجاي حنخش داخلي لانذ تعبت من المشي علي كرعي وبالمره انوفر خق التاكسي وهانت سنه ونتخرج باذن الله .
ابراهيم : تمشي واتسيبني يامرعي ?!😢ولا عشان مش واخذ راحتك في حوشك ?😔
مرعي بضحكه: لا ياباتذ اولا انا مش حنسيبك يوميا بأذن الله حتشوفني مغير متفق مع وليد صاحبي عالموضوا هضا لنا فتره والله وماجتش الفرصت بيش نحكيلك .
وقنع مرعي باته وحاول ايطمن باله وعمتكن فجريه نست لدارها وهذ فرحانه انها حتتخلص من اخر واحد من عويل ضرتها ورده وتيرح وتمرح هي وعويلها في الفيلا برواحهم ..عاطها محماط ..😬
############################
صباح يوم جديد ناضت حور وجهزت اللي تبيه وقررت تستغل المناسبه هذي لصالحها وتنفذ اللي في راسها 😌 👉 وامجد جهز روحه ولبست حور عبايتها وطلعت وركبو السياره ومشو لفيلا الحاج بدر وعند الحاج ابراهيم ناض مرعي وجهز دبشه كله وكتبه ومذكراته وكل شي ايخصه وطلع مع باته اللي واجعه ولده انه سيب الحوش وواجعه حال اعياله المطرطشين ..كله من العقرب مراته طرطش اعضامها قولن امين 😡 ..ووصلا للجامعه وشاف غرفته اللي مع رفيقه في الداخلي والمشرف اللي في الجامعه طمنه عليه وقاله يقدر يزوركم في اي وقت وتريح الحاج ابراهيم اشوذ عالاقل ولده يامل ويشرب ويقرا عطبك يوم 😒
ماعلينا انجو لفيلا الحاج بدر بعد وصلو العرسان عاااد وسلمت عليهم العيله كلها وطبعا قلتلكن ان امجد عنده ثلاث خوات من باته امهن رحمه وهن غدير وغادة وغزاله الصغيره وطبعا عسووووله واتحب خوها امجد بشكل غريب وديما اتحصل في هزايب من خواتها وامها عشان خوها ومش معدله عليهن وعجبتها حور. وطبعا استقبلتهم نجاة وبعد السلامات قالت لامجد: خوذ عروستك وامشي لغرفتك ياامجودا وبعد ايطيب الغداء حنكلموكم 😀
وركب امجد شور غرفته وحور اتبع فيه ومنبهره بكز تفصيل في الفيلا من اثاث وديكور وفي سرها : ماشاءلله تبارك الله الفيلا رووعه ,
وخشو للدار وعلي طول مسكها امجد من يدها وقال: ردي بالك نسمعك تحكي لامي او باتي شي علي ساصار بيناتنا في المزرعه فااااااهمه 😬
حور وهذ اتشوف لعيونه :وهو شن صار ? اصلا ماصار شي ,,
امجد قرب وجه من وجهه حور وقال بهمس : ريحي روحك خيرلك والاااا مش حيسير طيب 😡
حور وهي مازالت اتشوفلا : ونا ماقلت شي عليش.. عليش متوتر انت .
طلق يدها وطلع من الغرفه وخلاها ومشا الوقت وتغدو وبعدها بوقت حور اتهدرز مع نجاة حبتها وتريحتلها الا رحمه اتخزر في حور ومنقهرة مناا وبناتها المبار نفس الوضع ..عليم بخت بختها حور هذي ..😒
المهم نجاة طلبت من حور تمسي اتجهز روحها لان العصر خلاص قريب ياذن والمعازيم علي جية وقالتلها حتجيك مزينه ..وفعلا اشوبه وجتها المزينه وددت فيها وبعد ساعه نزلت مع غزاله وطلعت بتقول حور جاهزه والمزينه روحت وخش امجد يبي ايغير وينصدم في اللي شافه قدامه ..ساف ملاااك جنيه حوريه فعلا اسم علي مسما حور لابسه فستان موف داكن بالذهبي اقصير لفوق الركبه بشوي وكندره ذهبيه وتسريحة سعرها خلتها المزينه نازله علي ضهرها. والمايمب خياااال ولون الفستان عاكس علي بشرتها البيضا وعمكن امجد قعد امبلم فيها نين ابتسمت حور وقربت منه وقالتله : شن رايك ..حلوة ?😶
امجد ابتسم وقال : حوريه ..😍
وضحكت حور علي كلمته وهزاته ضحكتها اللي اول مرة يسمعها وقعد سارح فيها نين خشت عليهم غزاله اتقول مداهمه وخذت حور من قدامه وهي اتقول: هيا ياحور الضيوف وصلو ويسالو عليم هيا هيا 😃
وكرتها من يدها وحور التفتت علي امجد اللي قعد سارح رسسسسمي 😆 وبعد اختفى زولها من قدامه فطن علذ روحه وعاود قرنهن وخش للتواليت 😒
مافيش فايده فيه 😒
المهم عند حور بعد نزلت الصبايا علي طول يصلن عالنبي ويسلمن عليها منبهرات بجمالها لعند وصلت. ل ..................

سامحني طولت عليكن بس اتعبت اليوم اشوي وحسيت بشوي ارهاق ..😷

قراءة ممتعه 💋