دفعت 💔ثمن انتقامك💔🌷

part15

#دفعت_ثمن_انتقامك
#للكاتبه_الهميل_الشارد

الحلقه 15/

وطلعت حور وتشوفلكن امجد يرجا فيها عالدروج واول ماشافها استك رسمي مش منه من اللي شافه قدامه ملاااك. حور بالفستان الأحمر قصير وبلمعه خفيفه وعاكس علي بشرتها البيضا والمايكب وشعرها الطويل وكل شي فيها خلاه مسبوه ومبلم فيها وحور شافاته وبالرغم من زعلها منه بس مازالت تحمله مشاعر في قلبها بالرغم تقنع في روحها بالعكس ..
المهم مشت جيهتا وعمكن امجد فرح يحسابها جايته وقعد يمسح علي شعره نين وصلت فيه وفاتاته ومشت جنبه وركبت عالدروج وامجد غمتلا ولحقها وبعد خشت لغرفة النوم قعد ايشوفلها وهو متكي عالباب بالجنب وعرفها بتلبس طوقها والحلق وحصلت في تسكيرت الطوق وقرب امجد وخذاه منها وقاللها : تعالي تو انلبسه لك .😌
حور : لا مافيش داعي ..حنطلب من غزاله تلبسه ليا 😒
امجد بعناد : انا زوجك ..وتعالي قتلك بنلسه لكي مش حناكلك .😏
حور وقفت بتلف وتعطيه بالظهر وماقدرت اتلف لأن امجد حط ايديه علي اكتافها وقربها لحضنه وهو ياشرينتي انسكر في الطوق وهو حاط حنكه علي كتفها وخشمه علي رقبتها وغمض اعيونه وقعد ايشم في ريحتها اللي جنناته وابتسم وحور في حاله القلب يدلف وحايس جوا اتقول جبهه  😆 وقالتلا : خلاص اذا ماعرفتش حنقول لغزاله ,,بعد خلاص 😳
امجد : اسكتي ولا كلمه ..اهو نعرف انسكره ..😒
وبعد سكره شاف امجد لوجهها اللي تلون بالأحمر من الأحراج وقاللها : لعند امتا بس ياحور ...لعند امتا بتكوني  قاسيه عليا ..روفي بحالي ..وحني عليا ..
أنا انحبك ..انحبك ..فاهمتها الكلمه هذي ولا لا ?😍
حور تباعدت منه وقالت : اااا. اا امجد انا ..
ويقطع عليها ويحط امجد يده علي فمها وقاللها : ماننكرش اني ظلمتك ودرت واجد ..بس اتلومي وتعذري ياحور .. من غيرتي من كسرتي ..من جرحي اللي حسيته في روحي نفس مانتي مجروحه مني توا ...😳
حور اتشوفلا واعيونها بدن ايدمعن وقالت : بس انت ماعطيتنيش فرصه ندافع علي روحي او نحكيلك 😢
أمجد : عارف وانا غلطان واعترفتلك واعتذرتلك.. وصدقيني مش حنتخلا عنك ياحور لانك ليا لامجد وبس ..😌
وطلع من الدار وهو عالباب لف عليها وقاللها : بس طالعه اتجنني اليوم ... 😉
وغمزلها وعمتكن حور الوجه طماطم وطلعت من الدار وفاتت عنه وهو يضحك علي حشمها وقاللها بصوت عالي : انحببببك ..انتي ليا يا حوووور ...حوريتي. 😉
وحور زادت تجري بالكعب وماحوتك نزلت من الاحراج خايفه حد من العيله يسمع كلامه وخشت عالبنات وامجد طلع من الفيلا واشويه والفيلا تعبت اضيوف للحفله🎉 وكانت روعه وقرو الفاتحه رسمي وعمكن صلاح الضحكه من وذن للوذن وخش لبسها الدبله وغدير لاويه وجهها عليه وبعد كمل وجا بيطلع طبس همسلها في وذنها : افردي وجك ووريني اسنونك والا الجامعه تنسيها راه ..توا راجلك وكلمتي ماشيه عليك راه .😏
غدير : توسعن اعيونها 😨 واستكت ورفعت اعيونها فيه وهو منهبل عليها امغير ايعود فيها عليه وغمزلها😉 وباس راسها وطلع والبنات عاد مانحكيلكن شي ذاب وشي يحلم وشي يعيط وجو .ايهبل داروه لصلاح ..
وبعد الحفله والناس روحت ونجاة تشرف عالخدامه ويساعدن فيها حور وغزالة ونجاة اتساعد فيهن خش امجد وشاف لحور اللي مولعه المكنسه الكهربائيه وتكنس في الصاله قرب منها وحط يده علي كتفها لفتلا وطفت المكنسه وقاللها امجد : بكره عندك عمل ..سدك خدمه ..مش في خدامه .
حور : حرام الخدامه وحدها واجد عليها وبعدين المكنسه مريحه يعني وكان عالعمل حنوض متعوده عالسمور والنوضه بدري .😒
امجد بنظره شوق : باهي سيبي اللي في يدك وامشي تريحي .😍
حور : مالكش دخل بيا حنساعد عميمه نجاة وغزاله ونركب بعد انكمل .
امجد انقهر منها وركب لداره وفاتها وبعد ساعه كل حد خش لداره وحور منتهيه تعب خشت لغرفة النوم لقتها مظلمه وخشت للتواليت ادوشت وطلعت بمنشف لافته علي جسمها وفتحت ضفه الدولاب ولفت عالسهارة ولعتها وعيطت 😲ويقطع عيطتها يد امجد بعد سكر بيها فمها وهو يضحك😅 عليها وهي مسكت في المنشفه زيييين خايفتها اتطيح منها وتباعدت منه وهو متكي عالسرير ويتأمل فيها وفي منظرها اللي انهبل وانجن عليها وشعرها المبلول وقالتلا حور بعصبيه : انت شن ادير هنا ?
امجد : راقد في داري شن اندير يعني  !! حلوة هذي😏
حور : باهي ممكن تطلع بنلبس دبشي ,😒
امجد : مش غريب عليك نا ..راجلك كان ماعندك علم😉
حور بأستفزاز : اها عالورق كان مافي من خبرك 😒
امجد بنظرة خبث وابتسامه عالجنب : ماعنديش مانع انخليه عالواقع راه .😍
حور ارتبكت وفتحت الدولاب وخذت بيجامتها ودبشها وطلعت من الدار وهي معصبه وامجد اعيونه قلووووب في جرتها ..💕
وبعد لبست خشت للدار وجففت شعرها وطبعا كله تحت اعيون👀 امجد اللي فصلها تفصيل وحور تعبانه وتبي ترقد وبعد مشطت شعرها خلاته مفتوح وطبعا لبست بيجاما حرير بيج بالقهوي مخربشه وروعه نظام سروال وكت وقطعه فوقيه اللي هي نص كم وشافت لامجد وقالتلا : ممكن تطلع نبي نرقد .😒
امجد برفعت حاجب : وارقدي ماسك عنك النوم ولا شنو رايك 😎
حور : امجد نحن اتفقنا انك ......😬
ويقاطعها امجد وقال : اتفقنا اني مانغصبكش علي شي ونا توا مش شورك نبي نرقد اعتقد هذي مافيها شي ياحور ..وارقدي مش حناخذ منك شي ولا حنجبرك علي شي نوعدك .😌
وشافتلا حور وخشت لجيهتها عالسرير ورقدت وعطاته بظهرها وامجد تنهد وهو ايشوفلها وغمض اعيونه ورقدو وفاتت كم ساعه نين حور فتحت اعيونها تبي تشرب وهي  حست بشي ثقيل نازل عليها ركزت واتشوف ذراع محاوطتها فنصت و لفت علي يسارها واتشوف وجه امجد قرررريب منها وراااقد وشكله ايهبببل بلحيته وحواجبه واعويناته وشفايفه وجسمه المعضل وحور ذبلن اعيونها غصبن عنها وقعدت تتأمل في ملامحه وبينها وبين نفسها فرحانه بقربه منها ولفت بالشووووي وقعدت امقابلته وبيدها تلمس في وجه ولحيته وخشمه وابتسمت بحزن وبدون ماتحس لقد روحها حاطه اصبعها علي شفايفه وتمرر فيه عليهن وفجاءة عمكن امجد فتح اعيونه وستكت حور😨 دقايق وهي ترمش بطفوليه وامجد ابتسم علي حركتها وبعد جمعت الحكايه عندها عيطت😲 وجت امصبيه وامجد قمعز وقاللها : كنك وقفتي تعالي ارقدي .
حور : ااه لالا ..اا..ااا.انا انت كيف تقرب مني هكي .. شن اتفقنا نحن .?
امجد في سره : ( اي اتفاق بس شكلي بنغلي الهم ونعلنها حرب عليكي 😍).
امجد : قلتها لكي من قبل مش حناخذ شي غصبن عنك ونحن توا راقدين ماحد خدا من حد شي ...الا اذا ....
حور انحمرت وانصفرت وانزرقت وعرفاته يعزقلها في الدوة خشت لمكانها تجري وتغطت وغمضت اعيونها وامجد مانحكيلكن علي فرحته ...
وتغطا وهو يتامل في شكلها وابتسم علي حشمها وانحراجها وحط يده علي خده وبعدها فمه وضحك بدون صوت وغمض اعيونه .

قراءة ممتعه ..فرنداتي 💋💗