مساء الخير والمحبه الاحلى متابعين ❤
مشتاقه الكم هواي هواي
رجعتلكم بقصه جديده واقعيه اجتماعيه مثل متعودتو ع اغلب قصصي
نزلت الكم مقتطفات ومااعوف شوكت ابدي بيها حسب ظرفي
يجوز باجر ويجوز بعد اسبوع
………………………………………… .
كاعد بأطراف الگيعان اتنووع للخضار الجان كله النه
وهسه ينشاف وبس ومالي كل سلطه لا على الگيعان ولا ع الفلح
مدري انه الخذلتهم مدري هم الخذلوني مدري الزمن جار عليه وبدل دناي بدنيا ماهي الي
مخنوگ خنگه بس الله يعلم بيها
اخخخ يابووي رحت وراح كلشي حلوو وياك
بس اظل اعتب عليك طول عمري وتعذرني من اعاتبك واكثر اعتابي
اعاتبك چي دللتني وماعلمتني الدنيا من توجع وجعها ماينحمل
واعاتبك چي الي اعتبرتهم سند وامنتهم علي وع حلالي ومالي خانو الأمانه
عمري 18 وحاير بدنياي
انه الفرطت بحگي لو الدنيا فرهدتني
مااريد كلشي بس اريد امي تظل بعافيتها واخيتي اكون نعم السند الها
لاتهمني الشيخه ولا اموالها
بس اليوجع احبابي جارو علي
وخلوني بين هاي وذيج واثنين يوجعن
صرت مثل اشعير بوسط ارحى
واعضاي يدورون بيه
نفضت اهدومي ورحت اتمشه
واته اتذكر الوادم وفرتهم بيه گبل لو مريت
ثاري حته السلام مصالح
جنت من امر منا كلها تصيح
ياهلا بابن الشيخ منور الشيخ الزغير
وچنت حيل فرحان بمحبتهم
مايوم شلت خشمي ولا تعليت
هسه جن محد يشوفني
مشيت وبالي يم امي اخخ لو اعرف علتج يالغاليه شنهي
شنهي اليوجعج يابعد عيوني انتي
اليوجعج يوجعني ثلث شبان دفنتي ورابعهم ابوي
بس احس مصابج يختلف هالمره
عريت من بيوت الجنت احسهم ذخر
وصارولي عدوان
صح ماعاديهم بدم معركة بين العمام خسران الربح بيها
بس اظل طول عمري وراهم الحد مااخذ حكي واخليهم يردونه وهم الممنونين
من ذاك اليوم وكلشي انتها بينه
لانسبه ظلت النه يمهم ولا الهم مره يمنه
الي يخون الامانه ويتحايل على ولد اخوه
مايسوى النسب لااريد مخولهم الولدي
ولا اريد اصير خال اولادهم
لگيت روحي واصل الدارنه بدون ماادري رجليني ماخذتني
مااريد اطب وانه ضايگ خلگي اني الي بيها كافيها
صار اكثر من سنتين ع وفاة الوالد وهي يوم عن يوم تذبل اكثر
لمحت سرور جايه من ابعيد مخطوف لونها
بس لا البالي صدگ
خيتي لاتخليني اجور اعليچ كتلچ الي ابالچ مايصير
الا لا انتي اختي ولا انه اخوج
اتقدمت ليها
..وين چنتي
بلعت ريگي بخوف واحس بلاعيمي مجرحه
ورجليه ماعادت اتعيني صح انه اكبر منه بسنه
ولا يوم ماد ايده علي لو طاكني بس عيونه وخزرتهن تخليني اهابه غصب عني
جاوبته بعد ماعاد علي السؤال وعاكعد حاجبه ورافع الاخر
..خويه هنا چنت شسمه
..فوتي كبلي وروحي الداري بالچ ترحين يم امي
وسولفيلي كلشي
وروح ابوي وتراب گبره
اذا ماكلتي الصدگ تخسرين ياسرور وحگ من سماچ
.ابتعدت عنه بخوف واحس گلبي يريد يطلع بس هالمره مامنها اكول الي بخاطري جن دوب اظل متانيه رضاه
يدري بيه احبه وهوه يحبني
چا انه شنهي ذنبي
فززني صوته وهو يدخل داره وراي
..اي ياسرور سولفي
..خويه ماهر چا انت تدري البكلبي شنهي وتدري بي رايدني عليش تعاند
..ولچ انتي غمه وكل خير مابيچ حسافه انتي ظليتيلي عله وراحت ذيج الحيود
ولچ شلون امنچ بيد ناس خانت امانة الله
والله وامان الله
ترى ظال من عگلي حبه وماكاتلي واحد منهم لاتخليني اكتله وجدام عينچ كونه يهمچ
بعدي عنه وگليله ايس
يتبع
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
