مساء الخيرات حبايب ❤
اسفه البارحه لكيت البارت محذوف وعدت كتابته وعوضتكم 3400 كلمة
البارت جاي اعدل بي ومينحفظ مااعرف الخلل بالوات باد هالايام شنوو وليش ماادري
مرت ايام وبدا الدوام وحتى بالدوام اني ووسام نفس المعهد بس الاقسام تختلف وظليت اداوم واشتغل وادرس قليل بس كد امشي اموري واروح للكاع واكعد بيها
چنت كل وكتي بره والتهيت هواي عن امي
بيوم رجعت لكيتها طايحه وحدها مرتفع ضغطها وطاگ خشمها دم منظرها هد حيلي وانه اشوفها خاويه
اخذتها ورحت للمستشفى واخذت علاج استقر ضغطها الدكتور طلب منها حميه وانه ادري بيها ماشيه ع الحميه كتله هيه حاميه نفسها كال الحاله النفسيه تأثر
وانه ادري بيها ومتاكد تضوج وتستاحش تظل وحدها اطلع صور اخواني وابوي وتظل تنوح لمن يصعد
ضغطها ماكو شي يشغلها
هنا احس روحي تچتفت
لا اگدر اعوف الشغل ولا الكاع ولا الدوام
كلهن مرتبط بيهن واذا اتركهن اموري تتخربط
ماكو حل غير ازوج ولازم مو زواج عادي لازم اختارها بت ناس اهلها يتعاتبون خو مااجيب عله الامي اريدها بنيه كون حدر ايدها
وانه هم راغب الزواج اريدلي عايله واولاد
بس العندي هم يلله يجيبن ذهب وغرفه
وباقي المصاريف واحنه بعرب اعراسنه تكلف عشاها يكلف غداها
خليت امي ترتاح يومين وفاتحتها بالموضوع
ماكتلها علمودج وبس ادري بيها ماترضا وانه فعلا مو بس عليها انه راغب للزواج من صدگ
صفنت علي
..يمه انت متأكد الك خلك مره ومسؤولية رايد راحه وعايله لو علي انه
..شنهي يمه شو مافرحتي
..يوم عيد اعلگلي رايه بيضه يمه هيج واشوف مريتك واولادك يحوسون البيت واربيهم مثل ماربيتك هيج الله رايد يفرحني واسوي الماسويته لخوانك واصير ام العريس انه امك يماهر غير ارد الشبابي عشرين سنة
..چا السنة تردين كون مو هالشهرين
..گول وتراب ابوي موش انتي الوازيتيني ع العرس وانه مارايده
..يمه وتراب ابوي انه اريد اعرس اريد مريتي تتلگاني لو طبيت اريد ونيس الليلي چا مو بعينج انه مو شاب تارس هدومي ومصروفي مطلعه واعيشلي بدل العايله عوايل ولا انه مطگطگ ومو گد مسؤولية
..يمه تستاهل ونعم منك زلمه وتارس هدومك وتارس عيوني وعيون الوادم هم.. اليرضا منهم والمايرضا ياهي هاي صاحبة بخت وسعيدة حظ تاخدك وتتوسد ذراعك وتصير مريتك اعرفها انه لا
گالت اخر جملتين مبتسمة
..ضحكت خوش تبوگين السان يمه لا والله لا اعرفها ولا تعرفيها بعدني مامدور بس اريدلي بت ناس اهلها اجاويد واخت رجال كون
ابالي واحد بس مااعرف عده خوات لو لا
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
