خيانة زمن

28

مساءالخير حبايب البارت بدون تعديل

حاول يمد ايده عليها ووگف صيح عليها انهارت گعدت ع رجليها تبچي

صاح عليه شلونها البنيه بدليلها وانطينياها مااخليها يمها بعد لمن ترتاح وتصحا الروحها

بدلتلها لگيت سرور ع گعدتها وع نفس انهايرها وبچيها وماهر واگف قريب الها خفت من شفته بهالحال عصبي عاگد حواجبه يباوعلها بخزره
حاولت ابعده عنها اعرفه مايتفاهم اذا يفقد اعصابه حاجيته

..ماهر اخذها وياك شويه اشتريلها وطلعها والولد عيب منه هم واگف بالباب

مسح وجهه وگالها تعاي بابا يسر اخذها بأيده ..ودار على سرور حاچاها بهدوء

..ارتاحي  وشواي نسولف حالتچ هاي بعد ماينسكت عليها

طلع ماهر وبأيده يسر وينتظرونه محمد وعلي يم حسين

عله بچيها بصوت عالي وظلت تلطم ع وجهه بقهر

..سرور اشبيچ اتخبلتي انتي ..شجاج يمعوده ع الحچي خلي يولن ياهي  احسن منج وتهتميلهن

زاد بچيها وهي تشكي

..گليلي شسوي كل هالقهر والضيم الأنه بي واسمع حچي فوگاها.. مناك عمامي وحچيهم اليوصلني سهام ومنا نسوان اخو حسين مامقصرات مايتزوج هو بيش طالبني خل يتزوج حتى العالم تجوز مني

..سرور تردين الصدگ انتي غلطانه بعدج شابه راح يصير اربع سنين واكثر وانتي معلگه هيج هم كافي الله يرحمه كرار والحي اولى من المييت بنتج خطيه ماتشوفيها تحب اهتمام وتريد عائله تحس بيها مثلها مثل باقي الجهال تنتبه الكلشي بنتج ذكيه فكري بيها جيبيلها اخوه

..زينب انتي شتحجين ولج هو رايح من بالي حتى اكدر اشوف غيره هو انه نفسي مامصدگه مييت شلون اخلي رجال غيره يجيسني اشلون اتعايش وياه اورط روحي اورطه محد بيكم فاهمني اتمنى والله اتمنى انساه بس مو بيدي اتمنى مثل غيري عادي اتقبل واعيش ويظل ذكرى حلوه ابالي بس مااكدر مااكدر مو بيدي وبنتي كسرت ظهري احس روحي فاشله كلشي بيه غلط

لا بريت اهلي وجازيتهم
ولا انه البيه حظ وحويت رجلي ولا نجحت بأمومتي بنتي جاي اخسرها شويه شويه گامت ماتريد الگعده يمي

..سرور هي طفله طبعا ماتريد اذا انتي تكملين شغلج تجين الغرفتج لو تبجين لو تكتبين شتسوي يمج هي حتى لعب ماتلعبيها البنيه تريد اهتمام اكثر
اني ولد واثنينهم نفس العمر ومطلعين روحي ومتعبيني ومخليتلهم وكت العبهم بي وافرح من تجي تلعب وياهم وحتى هي تفرح بس ماتعوض اهتمامج هذا غير ابوهم من يجي يلعبهم لمن يتعبون غير عدهم طاقه وين يرحون ولو شافت ماهر يلعبهم تلعب بس تريد شخص يهتم بيها هيه اكو بعمرها مايهتمون لا يفهمون بس هيه لا كلشي تنتبه
انتي تردين بنتج وياج عمتي من تحاجيج تزعلين اني من اجرب اخذها تكولين لحد تدخل اريد اعلمها واسحب نفسي اذا ظليتي هيج صدگ تخسرين بنتج