مساء المحبه ❤❤
……… .
..شفتهم اذا هيه متغزله ووتذكر حبها العذري
..يا حب وانه ماشفت الحب ولا عرفته الا وياچ انتي ليش ماتقتنعين انه الچ مو الغيرچ ولا راح اصير
..چا كلي هاي مني
..وروح ابوي مااعرفها ولد بنت ومنين ماادري شلي غرض هسه انه گاعد يمج واجتني اتعاركيني عليش شفتيني متختل ادور هالسوالف مييت عليها انه ليش ماتعقلين گلنه تغارين والغيره حلوه بس مو هيج ادمرين روحج والله حتى انه مااهتم خلي هالشي ابالج انتي اتعبين
..واني تعبت كلش تعبت وانت ماتحس بيه…
خليت وجهي بين اديني وبچيت ماادري شجاهن دموعي ماصرت اسيطر عليهن
..بالله العظيم مو عاقله انتي احد غاثج وتردين اطلعينها بيه لو هيج صاير عقلج بگد عقل اولادج
انطيني التليفون بويه خل اعرف السالفه انطيني
مدلي ايده يريد ياخذه اجت الرساله الثانيه قريتها احس النار بيه جانت خامده وانذب عليها بانزين گبل لاياخذ التليفون شلته وشمرته سمعت صوته اتفلش غمضت عيني وانه منتظره ردة فعله ماباوعت بعينه ابد بس عرفت التليفون اتفلش كورت روحي احميها بأديني وغمضت
قرب يم وجهي وبيده شال شعري من وره بقوة حسيته انشلعت جذوره رفع راسي صارت عيونه بعيوني خوف الدنيا كله صار بيه
..تدرين بروحج بعد السويتي انتي مو مال احترام ابد ..ومنا وجاي اعرف شلون اتعامل وياج .انه هيج تسوين وياي شفتيني احبج ماانطي بيج تشيخين عليه عبالچ احترمچ من اشوفچ هيچ
تدرين سوايتج هاي سواية وحده مامتربيه ماتعرف العيب اجيتي من اهلج شحلوج الظاهر انه فسدتج وصار وكت لازم تنعدلين بيج بخت بولدج والله الخاطرهم لزمت روحي عنج
هد شعري ودفع راسي بقوة نصى اخذ تليفونه وطلع
الخوف الجنت بي خلاني بطلعته اجر نفس بقوة
يارب دخيلك انه شسويت شلون هيج اشمر التليفون ماصحيت على روحي الا وهو مفلش عيوني تجري دموع ولدي اجوو يمي بستهم اخذتهم الحضني
مر الوكت نامو وهو مااجه ومااله صوت
طلعت على اطراف اصابعي حتى بالديوان ماكوو
وين صار يارب لا بالهول لا بالديوان لا بالغرف لابالحديقه وين يروح
عيني ع الحديقه اتلفت اريد المحه حديقتنه جبيره وبيها اشجار وزرع مو بسهوله تبيين بالليل
شفت خيال جان گلوب واحد مفتوح ع الجهه الثانيه صاير ضوه خفيف لمحته گاعد بس شو هذا يراسل!
يعني تليفونه مابي شي وكل هذا الوكت كاعد يراسل لگاهه حجه واخذ راحته وبعد مااكدر احجي غبيه خربت على روحي شلون هسه شسوي
احس نار تسعر بگلبي رجعت الغرفتي كل شويه ارجع وهوو نفس گعدته اخر شي لكيته جاي يريد يفوت للبيت لمحني جاي اراقبه مااهتملي
فات جوه اخذله فراش ومخده وغطا من نضدة عمتي ونام بالهول
وهذي اول مره يسويها
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
