مساء المحبه حبايبي تاخرت عندي خطار وانشغلت عنكم عذروني ❤❤
…… ..
زينب…
سلم علينه ورجع للديوان مبيين تعبان بس فرحته مغطيه على تعبه وحمودي وعلاوي يفترون وراه وين ميتحرك هم وياه
الطبخ الولد اتكفلوه وجابو طباخ جان شغلنه سهل گد الماي والجاي والگهوه هم يمهم سووها ع منقله
انشغلنه بعمتي تعبانه حيل ..يمنه عمتي ام حسين وباقي نسوان عمهم وجنه منتظرين خالاتهم يجن خابرن ع اساس جايات
اجواء الفرح حلوه وحتى تعبها حلو ويصير خفيف
مهما كان ثگيل مينحس بي
عيني ع ام حسين طول الوكت عينها السرور
يمكن لأن ابنها رايدها وتريد تتفحصها بكل حركه
سرور حلوه ملامحها بس دافنه نفسها بالحزن وهواي مكبره روحها
كل شويه وراحت البتها تخاف عليها وبتها تريد يم محمد وعلي وهذي تخاف عليها ماتأمن تنطيها
اخذتها وراحت گالت اشغلها بشي قنعتها اطلعها بره وتشوف ياهو من الولد موجو اذا وسام لو واحد من اخواني اني اطلعله احاجي ياخذها يم خالها والجهال خطيه هم فرحت بجيته الظاهر مشتاقتله
طلعت سرور شويه اباب المطبخ واني وراها اريد اشوف منوو من اخواني موجود
لمحت حسين بأيده جكاره ذبها من ايده بس شافها واتوجه علينه وهو يتلفت خاف احد موجود
وصل قريب النه سلم وگال
..محتاجين شي
سرور انخرست ولا عبالك جانت ادور واحد يودي بتها يمكن نست شتريد
عينه عليها وهي ساكته مدنگه
حاچيته اني
..ابو علي بدون زحمه فدوه يسر تريد يم خالها وشلعت گلب امها تريد تطلع وتخاف عليها من عمامها خاف يصيرلها شي لو من جدورة الطبخ خاف تحترگ
جاوب وعينه ع سرور واخذ يسر بأيده
..سهله هاي خلوها يمي انه اوديها وعيني عليها فوتن جوه
جاي ادخل وسرور وياي سمعتها اندارت وحاچته
..حسين فدوه دير بالك عليها لا تنوخذ ردود
..لاتخافين ارتاحي مااخلي احد يگرب الها ماكو شي مايوصلون بعد هسه هم الله يعلم بحالهم متانين ماهر شيسوي والخوف ذابحهم كل شويه مخابرين احد من عمامنه
رجعت بخوف وانه افكر ماهر شراح يسوي بس لايرجع يطالب
حاجيته
..ابو علي فدوه انت بلغه وشويه شويه وقنعه مايتعارك فدوه مو ماتكله انه اخاف من هاي المهمه وادا محد گاله اطيح براسي واهم شي تهدأونه
..لابويه لاتخافين احنه وياه كلنه وانه احاجي لايظل بالجن بس خل يتغده ويرتاح مو وكتهه
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
