خيانة زمن

3

يسعد صباحكم حبايب ❣

راحوو وانه ظليت محتار خاف صدگ صاحب الگاع  يغير كلامه لو شاف الفلوس زادت خليتها ع الله وخابرت وسام

..خوويي وين انت

..وين انه هسه راجع من شغلي وكاتلني الجوع اتانيك ناكل سوه

..الف عافيه اتغده واجيك اريد اخذك وياي نشوف صاحب الكاع گبل لاتروح من ايدي جنهم راح يخربونها

..شصار

..اجووني وهددو و ولو

..هااا بربك احد منهم حاجاك شال ايده هددو كلام لو شني تريد اجيك انه والولد

..لا يخوي شحدهم بس رادوو الگاع الهم مدري منين سامعين انه رايدها

..خرب طاريهم انسدت نفسي حته الجوعه راحت تعال انه طالعلك اتانيك ع الشارع وين التقينه من رحناله 

..اتغده مالك غرض كمل واجيك

..مااريد يخوي بس تعال نشوف حلها ولا يهمك
زيد فلوسها اذا كلش

..هو انه هذا المحيرني العندي كلهن حطيتهن عليها والباقي فلوس الشغل خو مااسحبه كله واظل هيج

..تعال هسه ونحلها لايظل بالك فلوسي كلها الك مهران لاتتكدر

..حچايتك هاي تسوى الدنيا عندي اريدك للشدات صويحبي

..بخدمتك انه بكل وكت راح اتانيك

..جايك

طلعت اله وانه مرتاح وابالي الله يحلها مثل ماودالي اخوو يسوى مية رجال بعيني وبوكت عازتي الكاه سند

وصلت المنطقتهم لگيته واگفلي  ع الشارع

اول ما شفته وگفت التكسي ونزلت

بعدني مامسلم صاح

..أشتعلوو عمامك بنار ونفط خو ماتزعل لو سبيتهم

ضحكت وجاوبته

..بانزين اسرع يخوي

..يفيد البانزين مايسوونه ازلاميش ذول صدگ جذب ادري هم مستحطينك كاتل الهم واحد ناهب منهم بت  لجو وياك لجه عليش

..انه ادري مگاميع الا الوي اركابهم وحق الحره واخوها عهد عليه اذا ماخليتهم يعضون اصابعهم ندم ماني ابن ابوي

..كفوو وانت كدها تعال نتفاهم گبل لانروح نتفاصل وياك
طلعت جگاره ورثتها وجريت نفس منها

..ولك شو صاير ادخن وسام الحجي يدري

..يدري ومغلس مالك غرض بيها هاي صويحبتي

شوف مهران عندي سبع ملايين ضامهن انه للوكت جنت ناوي افتح بيهن مشروع بس مو كد الي ابالي
وهسه مو وكت زواج واتزوج بيهن
انطيهن الك وانت لاتشيل همهن ابد