خيانة زمن

37

يسعد مسائكم ..

مو الاخير ترى 😁

3210 كلمه وبعد مخلصان مو بيدي ترى احداثها طويله

…… .. 

سرور..

صعدت ع الدرج والرجفه بيه ماكمل الدرج وياي نزل مستعجل واني ظليت ع وگفتي

سمعت صوت عمي هز البيت صاح

.. كاظم كافي شيل ايدك عنها امشي وديها البيت ابوها وخل يشوف عمايلها سكتنالها هواي

ظلت هي تصييح

..هذا ظلم فوك ماگطعتني فوك ماتصيح وتبجي عليه وهي مرت ابنكم ع اساس مو متزوجه شعليها صوره لكيتها بدربي  مامنتبهه الها

صاح كاظم عليها

..كافي سدي حلكچ ترى مليت منج مليت متاكد متعمده انتي

..هي شعليها

جاوبها عمي

..صمي حلگج فوگ سوايتج ولج ولد مييت ماله حرمه ابن عمها وابو بتها وسنين معاشرته شتردين منها وتشوفج تهينين بي  ترحيله فدوه انه شطت عليه انتي شني تسودنتي نسيتي حرمة المييت نسيتي هذا ابن عم زلمتج وبيوم من الايام جان اخو الهم الي وياه مو حماج مو عيب هيج تسوين ماانتبهتي من نبهتج ماشلتيها مااعتذرتي هي مجلبه بيج اطكج وانتي ساحگتها بعدج السوالف هاي نعرفهن زين

 

صوت حسين حاجه كاظم

..مرتك من العصر ذبت حجي عليها وسمعتها صدفه  نبهتهه وكتلها عوفج من سرور وحاجيتها حجاية اخو الاخته تدري شردت عليه ردت هي ماحاسبتك رجل لاتفرح بيها زايد وادافعلها ردت اسوي شي وبس انت الوگفت بعيني  وعفتها وگلت منعول يالشيطان لعيون اخوي اعديها
وهسه متأكد السوته متعمده تسوي

بس اريد اعرف انه هي مأذينج بشي
كليلي حتى اشوف العداوه هاي شنهو سببها

جاوبني كاظم

..ختولي لاتحاجيها ولا توجه الها حچايه انه اعرف البيها وانه الي احطلها حد
گومي ولي البيت ابوج بساع خليني اوصلج

چنت اسمعهم وصدري يصعد وينزل احس مابردت گلبي بيها
مانعه روحي من شوفته ومن صوره لأن مااتحمل اشوفهن تالي اشوفه وهو ينداس وجوه رجلينها

صوت عمي النبهني وهو يصيح

..حسين لاتحچي شي اي حچايه ماريد اسمع وانتو كلكم حچي زايد مااريد الي سوته محد يلومها عليه
صح المفروض تكون اهدأ بس كل بشر واله حد الطاقته وهي هذا حدها

حچايه وحده مااسمع بهالبيت الصار ماينعاد ومرت كاظم بيني وبين ابوها الحچي بحضور زلمتها غير هذا ماعندي اليحجي انه جبيله