خيانة زمن

33

رمضان كريم عليكم حبايب وعلى امة محمد
يارب تكون سنة خير ومحبه ع الجميع

باجر اخر يوم امتحان الابني ان شاءالله نعوضكم الايام التجي  دعواتي اله والكل الطلاب بالنجاح وربي ميضيع تعب اهاليهم
……… .

گعدت الحيلي مرعوب مالي حيل وجع وفراگ بعد مالي حيل اتحمل كلشي لو جرح زغير سطحي ع الجلد احس مالي طاقه احمله
اليوم احس روحي باضعف حالاتها رغم بينت للناس انه قوي وبذكائي گدرت اعرف خططهم بس احس استنزفت قوتي من الداخل موجوع حيل حتى عقلي تعب من كثر ماافكر

گمت بدون مااحچي وانه ادعي بگلبي يارب اذا هذا اختبار الي لهنا وهذا حدي مااكدر بعد كلشي ولا مرتي هي المحليه دنياي بعد امي كلشي اجاني بتعب وتخطيط الا هي اجتني هديه منك بدون تعب مني يارب لاتوجع گلبي بيها

ادعي بگلبي وانه ادور على محفظتي وسويجي اريد اتذكر وين حطيتهن تليفوني غالقه
دقايق مرت عليه دهر
وديتها مابيها شي بس تعبانه من حملها وضاجت من شغلة الرسايل  ..شصار ودخلت مستشفى طايحه محترگه نازفه كل ذني مرن علي وانه مااعرف البيها

لگيتهن المحفظه والسويج قريبات الي بس ماجنت اشوفهن من ارتباكي 
طلعت من البيت وسرور وامي وراي كالن خابرنه بس توصل

خابرت وسام بعد ماحركت السياره

..الوو

..هلا ماهر وينك يمعود نتصل وماكو لمن امي خابرت الحجيه يلله 

..وسام شبيها زينب وين انتم انه جايكم ليش مدخلينها مستشفى شبيها

..ماادري يمعود بعد كلشي مامفتهمين دخلوها جوه وممنوع ندخل وامي وياها ومريم

..ادري شطيحها هي ماجان بيها شي

..ماادري انه جنت يمك بس وصلتهم لكيتهم طالعين بيها مالحگت عليهم وراهم اجيت بس يمكن داريه بطلابتك الصارت ومرعوبه هي من امس حالتها مو شي وجانت تعبانه وضايجه يجوز تعب متراكم ماادري بس كالو حملها بخطر

..ياحمل يمعود يتعوض كلشي اهم شي سلامتها هي بدون كلشي تعبانه بهذا حملها اكثر ..وسام  دشوفلك صرفه تشوفها بيها تسمع عنها شي بين مااوصل يمعود حتى دربي مااشوفه هسه

..هسه اودي ع امي وافتهم بس گلي انت طالع وحدك جا ماخابرت حسين واحد من اخوانه شلون تطلع وحدك بالله اتعرضولك

..ياهم يتعرضولي  خيولون شيردون يسوون مو الصالحهم كلشي يسوونه يطيح حظهم عليه

..الحذر واجب ماهر دتعال بسرعه هسه انه يظل بالي يمك انوب

..مااطوول شويه واوصل ماعليه شي لاتخاف

سقت بسرعه مناطقنه ظلمه بالليل
الحد ماطلعت الشارع العام سيطرت اكثر