يسعد اوقاتكم متابعيني الغوالي ..
..……
..واذا ماهر گعد شلون ؟
..ومايگعد هسه ماتگليلي مسويتها قصه لاتفتحينه انه اطفر الباب واخذجن واطلع
ضحكت وسد التليفون طلعت ع كيف ماهر نايم بالهول
زينب امها يمها وهو ولده يمه نايمين اثنينهم
رحت من باب المطبخ طلعت امشي على اطراف اصابعي
فتحت باب الشارع السرگي الفوگ عالي مااوصل اله
بس ماهر يسده بالليل ويفتحه الصبح
وطول اليوم يبقى الباب ينسد بالسرگي الوسط
ظليت احاول اوصل سمعت صوت حسين
يضحك عليه جي شافني ماالوح الباب
..ميلي هيج انه افتحه
مد ايده وفتح الباب من دفعه طلع صوت
فزيت ايدي على گلبي
ضحك من شافني
..شبيج خايفه ناهبين غير مريتي انتي
ضحكت اتقدملي وباس گصتي
..ولچ انوب دوم اخليچ وامشي بدون مااگلج.. اريدج هيج تحچين
بعده حاضني واني واكفه وياه وصافنه بتفاصيله اول مره انتبهله
حسين اسمر عيونه كبار واسعه حيل ورموشه كثيفه وحاجبه مقوس
طويل اوصل الصدره رغم هو ضعيف بس ضعفه حلوو مو نحيف حيل
انتبهلي اباوع عليه اول مره اشوفه هيج وانتبهله
اخذ وجهي بين ادينه
..انتي رايده تموتيني اليوم گولي
..اسم الله ليش
..شو جني عاجبج اول مره حچي حلو وراها نظرات اريد اوصل النتيجه البعدهن خلينه نروح ونشوف وين توصلين
اريد ابعد عنه ظل هو لازم وجهي باسني
انفتحت الباب ماهر طالع سامع حركه
..ولك ماتستحي بالباب اتوازيت خو ما اتوازيت
استحيت حيل من ماهر
وحسين ضحك
..حلالي ويحلالي وين ماجان شكعدك انت
..سمعت حركه ومابيه حيل وگوه كمت وجبت سلاحي وطلعت لو حاطها حدر ضلعك هسه انه شكول خليتني اطلع باسلاحي وتالي انت تحبب من الباب
ماتستحي خليلي حرمه عاد اباب بيتي انوب الغرف طاردتكم باقي الحوش
..بايگ واستحي مريتي من وراك انحرمت منها يومين بعد سنتين مااوفي هاليومين الراحن
ضحك ماهر وجاوبه
..يعينك الله ..شجابك بهالليل
..اسأل اختك گالت عيني ماتاخذ نوم وانت مو يمي
الا تجي هسه تاخذني
..كون اختي الرادتك تتهنه باتوو هنا اليوم شيردكم وبتها نايمه
..لو عليه عادي انام هنا بس هي تگوول ماارتاح الا بغرفتنه
أنت تقرأ
خيانة زمن
Romanzi rosa / ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
