بارت مفاجأ 😁
بس لا تتعودون ها
ولاادققون ابد الي يدقق ع السحكه ميشوف مفاجأه بعد ابد
اهم شي غلسوو 😂
2000 كلمة ترى 😌
………… ..
سرور..
طلعت من بيت اهلي منهاره هو وصلني وظل واگف قريب الباب اساسا بالعرس چان حاضر بس مامخلي ماهر ينتبهله بس باقي ولد عمومتنه شايفينه ومشجعي بس كايليه غير مره حاجي
طلعت واحس الدنيا مو بعيني حلفت باب بيت اهلي بعد مااطبه طول عمري
امي الي طردتني كبال الكاعدات كلهن
اكلها يمه انه بنتج غلطت ميخالف بس خليني اشاركج فرحتج شاركيني انتي فرحتي انه ابيتي وكل شويه اتذكر گفله واكفلها وحدي وماخذني الواهس الفرحة اخوي
تدفع بيه وتكلي بساع گبل لايطلع اخوج يشوفچ مااريده ينغث
..يمه فدوه انه اعرف شلون ارضي بس احاجي واباركله لااطرديني هيج يمه بنتج انه ..بيت ابوي هذا
..البيت بيتي وابوج لو تعزينه ماتسوين السويتي بأخوج اطلعي وروحي العمج وزلمتچ مهنايه بيهم
..يمه انه حامل احتاجچ خلي ماهر زعلان انوب ارضي بس ارضي علي انتي
دفعتني اطلع بيه وخالاتي يكضن بيها وهيه بدون وعي منها تدفع و تطردني وصلت الباب الحوش طلعت بدفعه قويه اتعثرت حيل اجيت اطيح ع وجهي مااشوف من دموعي
الزلم جانت توها طاشه ماكو احد قريب بس الي ينظفون الجدوره الكبار والمواعين بعيد شويه عنه صايرين وره بيت اهلي مناك
حسيت اجه كرار حضني گومني من الگاع
..شهگت بصوت عالي وبچيت بصوت احس لو ميته احسلي
..اششش كافي لاتبچين هذا هوو يولون تولي الدنيا كلها انه امج وابوچ واخوچ شتردين انه اصير بس ع كيفج وي روحچ گومي
مع الأسف ماهر ماحسبته هيچ ..رجال هو ويطردله مره بتالي الليل ومو اي مره اخته شلون تطلع منه مع الاسف والله
..ظل يصفگ ايد بأيد حسيته مقهور حيل
دار عليه عيونه حمر حيل
..شتردين كليلي شلون ارضيچ هسه شلون اخليچ تقتنعين انه كلشي الچ وتنسين اهلچ كليلي شلووون
بصوت متگطع جاوبته
..مو ماهر ماهر مايدري بيه امي طردتني
گلتها وغصيت بالبچي
..انه وانتي ليش هيچ نتشابه حتى بهمومنه
شسويلج هسه انه.. ماكو كلمة تواسيچ لو اكو جا واسيت روحي بيها
اخخخخ اخخ
شبيدي شحط لگلوبها العالم اذا المحنه انشالت
تنباع وماشريتها
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
