مساء الورد 🌹
……
صير مثل الطير من ينغث يطير
مايچلب بالعزيز الغاثه
…… .
كرار..
بيدي دفتر وقلم وحاير منين ابدي
ماعندي غير اكتب البگلبي وبعدين يجي وكته وينقري
البيني وبين ابوي محد يدري بي من الناس
حتى اخواني نسوني ونسوو وگفاتي حتى امي ماطريت ابالها ليله وحنت رويحتها علي
ولاأخت جاسها گلبها واتعنت الداري
كلهم يدرون بيه انه وين ويدرون بروحي شگد تهواهم وشگد اميل ع روحي واسوي اليردونه الهم حتى لو طلب بسيط
مااتذكر يوم رادوو شي ماعفت البيدي وتعنيت الحاجتهم
چنت شيريد ابوي حاضر وتم
واحاول اصيرله سند حالي حال الباقي من اخواني بس هو ظل متخوف مني يدري بگلبي معلگ بأولاد عمي
كل مانجتمع وينفتح موضوع واجيبلهم طاري الصلح
حاولت اتكرب الماهر صدني واحسه مو طايقني ظليت اسعى اريد اعوف الصح شنهي ووين
الحد مااخذت بنية عمي عشگ الطفوله هاي باليوم الصارت بيدي حسيت الله منطيني الجنه كلها مو انه الرايح للجنه هي الجايتني
اخذت وعد ع روحي مثل ماگال اخوها مااخليها تحتاج احد
بس اجت وهي مكسوره وكل الدلال مو بعينها حسرتها ع اخوها وكسرته الي سببتها اله اكثر وانه مالومها ولا الومه صح صعبه بس ماظل النه درب نمشي بي غير هذا جنت كل لقاء بيناتنه اكلها اصبري اريد اخذج بصلح حتى نرتاح بس هو اخر مره شايفها ووده علي الي عرفته مخيرها ومامتخليه عني
مثل الحلم من صارت بين احضاني رغم ظروف عرسنه الصعبه چانت عندي احلى ليله
وعدتها اصلح كلشي ويجي يوم ويرضا عنها ردتها تمشي امورنا ع مااسوي الي ابالي
جان ابالي موضوع عرفته متأخر وبديت اخططله اريد اساعد الكل بي مو بس ولد عمي
ماصبرت وصارت مشكله وبوكتها نسيبي زيد الطين بله وگله ابنك يتحرك من وراك ويدور عليك الزله
ابوي
خيرني بين اطلك مرتي وينسى كلشي سويته الحد هسه لو انساهم وينسوني
مافكرت ولا يحتاج تفكير سرور للموت مااعوفها
بت عمي ورويحتي هاي .. ومن وراي اهلها اتبرو منها اروح اكسر بختها واكسر جناحاتها اكثر شلون يصير
عفتهم وعفت كلشي وراي
ثاني يوم ابوي سحب سيارتي وسحب الشغل مني
البيت بارد بليه لباخ لا كلوب بي ولا شمعة ولا حتى جام يحمينه من البرد
خلصت ليلها ملفلفه تبچي وخلصت ليلي ع الفانوس اسوي الشبابيك بكراتين
ماكو لا غطا ولا فراش طلعنه بطرگ هدومنه
ليلة مرت علي بسنة
اشوف وجهه اتغيير من البرد نزعتلها سترتي لبستها ولفيتها الحضني
ماكو كلام اگدر اگوله الها يبعد خوفها لأن خوفي اكثر منها
خايف من الجاي من دنيانا لو قست اكثر شيصير بعد اليوم
طلع علينه الصبح واحنه بكعدتنه احس اجسامنا متشنجه
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
