خيانة زمن

32

مساء الخير متابعيني

طبعا البارحه اعتذرت ونوهت العطل بالنت ووعدتكم بالليل انزل الي صار بعد مانزلت التنويه بساعتين يعني كنت مقرره اكتب الضهر ورجع النت انقطع من جديد مااجه الا الييوم العصر والسبب كان صيانه بالبرج كل منتصل بالمكتب المشتركين  منه هذا كان جوابهم

طبعا قريت التعليقات مااعرف ليش البعض ميعذرون
والي يكول ميهمهم متابعيهم تهمهم بس التعليقات والي كاتب هذي النقطه اصلا ميعلق

ابد متهمني التعليقات والله يهمني متابعيني يعجبهم الاكتبه لان اعرفهم ذواقين

المهم اشكركم للمتابعه بس ترى هي قصه اكتبها هوايه عندي اكتب

وانتو للمتعه تحبون تقرون مو فد شي توگف عليه الدنيا حتى تكون هذي ردة فعلكم احنه بشر ومعرضين الكلشي

ع العموم هي قربت تخلص باقيلها كم بارت

والله مشغوله بامتحانات ابني بس مااكدر اتعذركم للعطله وكلت اكتب الي اكدرله بس دائما الظروف تعكس وياي

اعتذر اذا ضوجتكم بس مو بيدي

البارت ٣٤٠٠ كلمه

اكيد بدون تعديل لان اخاف النت يتوقف باي لحظه

………………………

ماهر..
اخذت فلوس من العندي ع اساس اشتري بيهن گاع قريبه  البيتنه السرور جانن ذني جوه ايدي اخذتهن واجلت الگاع الغير وكت فلوسهه موجوده بس بالمصرف مخليهن

طلعت الوسام وانه اتذكر كل وگفاته وياي چنه زغار بالعمر بس وگفاته چانت وگفة زلم ويعادل مو اخو واحد يعادله اخوه

هو الخلاني اشتغل خلاني افتخر بروحي ماطخيت الاحد
خله اهله يصيرون اهلي وسام چان شمعه تضوي الدرب اله والغيره الي صارله خلاه يطفه وحيل حيل اتغيير ماعاد مثل الاول حتى من نسه جرحه جروح اهله عاشت بي رغم مسامحهم يحاجيهم كاعد وياهم بس سحب نفسه للاخير منهم ومن غيرهم حتى مني يمكن يخاف ينجرح اردود يمكن فضل الوحده لو حب يشوف ربعه واهله من جديد
رحتله وگبل لااروح
خابرته  وگتله انه جاي اكيد هسه متانيني

وصلت اله نزلت وعيوني بيهن هواي عتب اله عتب اخ الأخوو
شفته گاعد ابابهم  انتبه الي ذب جگارته البأيده وگام سحگها برجله وعينه تتفحص ملامحي الظاهر قراني هالمره جيتي اله مو عاديه

اتحمحم وگال

..ياهلا بأبو محمد كل الهلا بالنسيب والاخو الماكو اعز منه

..وبيك اكثر ..باوسته وكملت كلامي

بعد ماكو تقدير لا للنسبه ولا للخوه مع الاسف عبالي انه بعدني عندك  عزيز

..اعز واغلى من اليشوفن شكم مهران عندي انه  شبي الاسد غاضب اليوم ياهو الموديك عليه وعيونك شرار