خيانة زمن

34

سرور..

چنت خايفه ومتوتره حيل وتفكيري ابنتي شاغلني وتفكيري بهذي الليله بالذات شلون اطيح الحاجز المخليته الروحي اتفاجأت من طلب مني ابدل وارتاح وانام
نقذني انقاذ من افكاري التعبتني بدلت واتعشينه
من شفته شلون مرتاح ويتصرف على طبيعته عيونه تلمع وهو يحاجيني لمعه غريبه مو مثل اي نظره شايفتها مو نظرة حب وبس احسه يعطف عليه هم يحتار شلون يتصرف بدون ميضايقني يمكن اول مره اطول واني اباوع بعيونه هيج

گطع تركيزي صوته حاچاني  وهو مبتسم

..شلون انه بهاي العيون السابيتني بكل نظراتها
تعرفين شي؟ افهمج انه من عيونج وافهم البيج

ارتبكت ونزلت عيني حسيته يقرا الي بداخلي اتوترت من داخلي

اتفاجأت  من لزم ايدي

..مااريدج تتقيدين اتصرفي براحه هنا .محد يريد راحتج كثري والله ..من اشوفج على راحتج  انه من يمي ارتاح

رفعت عيوني اريد اشوف ليش هيج يحبني وليش هيج مهتملي وانه احس روحي مااستاهل كل هذا

ركز بعيونه عليه واشر بأيده ع راسي

..احچي كولي العندج ولااتعبين هذا ترى اتعبين وماتلگين جواب

اريد اسأله هواي اسأله ابالي.  سكتت لحظات  اتشجعت وحچيت

..دوم اسأل روحي انت ليش هالگد تحبني وانه مااستاهل حبك يعني مامريحتك رغم اخر فتره هواي صرت افكر بيك واريد اسوي الي يفرحك اجازيك بشي ولو قليل بس ماجاي افهم انت ليش هيج تشوفني

تنهد وبعدها ابتسم وجاوبني

..سألتيني مره وگلتي ليش وگتلج هاي الليش ماعندي الها جواب
وهسه اگلج لو ينعاد بيه الوكت وتتغير الظروف هم راح احبج بدون ماافكر ليش .بس راح اسألج انه هالمره اذا انعاد الوكت بيج واتغيرت الظروف بالنسبه الج راح تحبيني مثل مااحبج تشوفيني استاهل لوهم تفكرين هواي وتترددين
اريد جواب صريح ها وخلي ابالچ ابد ماازعل ولااضوج نفرض يعني فرضيات مو اكثر

بدون شعور مني وانه اتذكر مواقفه و شهامته ورجولته وياي وي اخوي حتى وي المرحوم قبل

جاوبته بدون تردد

..اكيد احبك اي وحده مكاني تحبك

..والي يگلج متأكد بهذي ظروفج وظروفي الجمعتنه يجي يوم وتحبيني مثل حبي واكثر  وتشوفين روحج تستاهلين محبتي..  لااتعبين روحج وتفكرين خليها للوكت وبنفسج تشوفين

تعاي هسه بحضني خلينه انام  الهسه مامصدگ صرتي الي وابين احضاني 

نمت بحضنه وانه مااريد افكر بشي بس افكر ارضي ع الاقل ومااجرحه

حاولت انام حتى افكاري ماتاخذني وتسرق راحة بالي  حسيته  باس گصتي وطول مخلي شفافه عليها