خيانة زمن

تكملة بارت ٣٥

السلام عليكم متابعيني شكراً الكل وحده سألت عن صحتي الحمدلله احسن شويه ع العلاج والحمدلله البخاخ طلع مياثر ع الصيام جان اتاذيت صدگ

اما الي يلومون وهم ممقدرين وضعي بطلت ابرر واحجي خليهم  براحتهم

البارت القادم هو اخر بارت بالقصة

انطوني مجال اكتبه براحه ومااستعجل بي
خاص وضعي واني صعب اتنفس اظل اكره كلشي وكوه الي خلك نفسي مو عاد اكتب نهايه محبوكه

………… ..

سرور ..

چان الوكت متأخر بالطريق عينه عليه اتمنيته يحچي. شي ماحچه ولا شرحلي شسوه بس بداخلي مطمئنه اكيد حاجاهم وبيين موقفه

وصلنه البيت الكل نايمين ظل هو راح يجيب يسر نايمه ويقفل الباب واني صعدت الغرفتي احس صارت جزء من حياتي اتعودت عليها رغم ابيت اهلي مرتاحه ومدللة بس من ردت ابات هناك اتمنيت يجي ياخذني احس صاره هالغرفه مكاني  شويه ودخل وراي بيده يسر نايمه خلاها بمكانها واتمدد

رتبت نفسي وظليت اتحجج الم الغرفه واشيل الاغراض واخلي اتوترت الهسه مااعرف شلون ابدي وياه احجي او ابادر بشي بعدني اخجل واستصعب هالامر

باوعتله جان مبتسم

گال

..البيدج فرجة شعري  مكانها هنا ع الميز شلتيها تلث مرات ذبيها اذا هيج معذبتج ختولي مو لازمتني

خجلت حيل وارتبكت ازيد

ضحك هو واشرلي

تعاي هنا يمي اريد انام

طفيت الضوه ورحت المكاني اتمددت اندار عليه فاتح ايده الي
سحبني وخله راسي ع ايده

.. تصدكين جنت متاني منج اشاره واجيج ورسالتج جانت انقاذ الي ماادري شلون انام بلياج عبالك ماجنت عايش سنين وحدي

تنهد وكمل كلامه

انتي ابيت اهلج جنتي ومافارگه لاعقلي ولا گلبي انوب صرتي الي كل عقلج اخليج بغير مكان تنامين

حچيت بصوت ناصي خجلانه حيل

..بس انت تأخرت وگلت اسألك..  الصدگ اني هم اتعودت هنا

شدد حضنه الي وباسني

..تعودتي هنا لو عليه

..نصيت راسي صار بين صدره ورگبته

..اخخ اخخ منچ ومن گلبي حچايه منچ لو حركه بسيطه  حتى لو مامقصوده تفتحلي الف باب للسعاده مو باب واحد

احس گلبي يدگ سريع ظل
وحتى النفس صعب عليه

حاچاني وشال طرف گذلتي وظل يحرك بشعري بخفه

..باچر تنزلين انه  وياچ تعتذر منچ مرت كاظم وابوي راح يحاول يعتذر انتي گليله مايحتاج تعتذر انت عمي وبمثابة ابوي عيب بهالعمر يعتذر مو صح
وانه اعتذرلج مكانه