مساء المحبه ❤
……
زينب..
بعد ماتأكدت من حملي واتصالحنه اني وماهر اعتذرت عن تصرفي بعصبيه اما غيرتي عليه من حقي.
هذا طبعي ومثل مامتعوده على اطباعه لازم يتعود ع غيرتي الكلام القريته مو عادي وتصرفي نابع من خوفي عليه وحرصي ومحبتي اله
شرحتله اسبابي بعد الرضا ووعدني عمره مايشوف غيري ولا يفضل وحده عليه
بعد فتره قرر ياخذ عمتي عمره ولأنها مريضه اصر يروح وياها هو يرعاها
فرحتله هو هم يستاهل العمره ويكون بار بأمه وعمتي خطيه هذا قليل من التستاهله انسانه صبوره وحكيمه الله يجازيها خير بس حيل استوحشت من گبل روحته وأول يوم الي راحو كل شويه اريد ابجي
ماهر اتعودت عليه وحبيته مو حب عادي لا اتعلقت بي حيل وعيت على كلشي وياه مشاعري والحب الحقيقي وياه شفته اتزوجته بزغري كلشي وعيت عليه وياه محبته الي ودلاله رغم بعده عمره زغير اول زواجنه بس جنت احسه واعي وابد ماعنده طيش الشباب
والحد هسه اشوف كل مايتقدم بي العمر عقله يكون اكبر
بليلة الي يريد يروح ظليت گاعده وياه للصبح حس بخوفي والقلق البيه اخذني الحضنه وهو يأكد عليه
..خلي بالج من روحج والولد والي ابطنج وصيري سباعيه ماانطول هواي وصيت وسام وامج يجون يمكم الفلوس يمج شني التردينه اخذي وعينچ ع سرور وبتها
راح اشتاقلج هواي مهرتي
..مو بكثري تشتاق انه من هسه وحيل اتوحشت
..شوفي اگلج شي
حچاها وهو يحك لحيته وعدل حاجبه بطريقه عبالك يشغل نفسه
..انه بطبعي مااعرف اسولف هواي يمكن مو من النوع اليظهر عاطفته بس انتي تدريني اشكد احبج صح
هزيتله راسي بمعنى اي
..بس ماتعرفين هذا الگلب من انتي يمه يدگ غير
وماتدرين انه شلون اشوفچ اشوفچ هدية الله العوض بيها تعبي واشوفچ دعاء امي الي
اشوفج حبيبه وسند اشوفج غاليتي وام ولدي وراحتي وانسي
كل هذا اشوفج بي لاتصدگين بيوم اكسر خاطرج لو تنزل دمعه الج بسبب مخاوفج بعديها لو اخر يوم بعمري مااكسرلج خاطر والله اريدج ترتاحين وتنتبهين الروحج
حضنته حيل احس مي بارد وغسل بي اعضاء جسمي كلامه الي خلاني احس احساس الصايم ويشرب ماي يحس ببرودته وصلت وغسلت كل عضو بجسمه
طلعو الفجر رشينه وراهم ماي
الصبح اجاني وسام وجايب امي
گال انه اظل هنا بس بالليل وبالنهار مااضايقكم اروح للديوان من بره لو اطلع يم حسين واشوفه من ارجع من شغلي
ارتاحيت بجيتهم سرور گبلها بفتره چانت مقهوره على بتها تريد حسين حاولت تمنعها بكل طريقه ماگدرت تالي هي طلبت من ماهر يوديها اله بعد ماصخنت ومو زين عليها ترتفع حرارتها بعدهي بمرحلة خطوره خاف تنشمر وصعب تسيطر عليها بهذا العمر يمكن اطوول حالتها الطبيب محذرها
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
