خيانة زمن

٣٥

صياح الخيرات حبايب

بارت حسب الطلب نص بارت هو لأن قصير 1640
كلمه هذا الكدرت اكتبه باجر اكمله الكم
ان شاءالله

………… ..

سرور…

اتفاجأت ساكت ومابرر موقف اهله طول وهو صافن عليه زادت العبرات بصدري ونزلت دموعي بغزاره اكثر

اتقدم عليه رفع راسي ومسح دموعي بأيده

..كافي تبچين خل افهم اهدي وخلينه نسولف

بنبرة صوته التمست الحنان نصيت راسي مقهوره وزادت شهگاتي

يسر من شافتني هيج زاد بچيها نصه عليها وشالها

..تعاي بابا لاتبچين تعاي وياي بين ماتهدأ امج ونحچي

درت عليه هو يحاجيها ويسمعني جاوبته ومقرره لازم اخذ موقف اذا ظليت هيج اول وحده تضرر بنتي

جاوبته واني معصبه ومقهوره

..مااهدأ النار البيه ماتخليني اهدأ مو ساعه وبس سنة ماراح تطفه انت ماحاس بيه انه ليش من البدايه ردت ابقى البنتي وبس محد خلاني لا من جنت مجبوبه وكاعده عليها خلصانه ولاهسه الخلصت من القهر والعار انوب اني بتي بهذا العمرر تتعير من وراي لو كبرت وهي تسمع هالحچي عني شتگول شراح تشوف امها

يسر بايده اشرلي بأيده  الثانيه يريدني اهدأ

..اوگفي خل افهم الموضوع ..ياعار؟ شبيچ بس فهميني جهال يتعاركون هم مخلين عقلهم وي الجهال انتي هم خاله عقلج وياهم هسه شويه ويلعبون سوه عيب تخلون عقولكم وياهم هذا الحجي حجيته جوه وهسه احجي وياج

گلت بگلبي هذا مافهاهم شي
جاوبته منفعله

..انه كل هذا مايهمني والله لو بنتي مفشوخه من جاهل مااحچي ولا اگول جهال شعليهم هي وولد خالها ساعه يتمالخون ساعه يتصالحون ابد مانتدخل جنت اني اعاقبها وشفتها زادت غيرت اسلوبي وياها وخالها ومرته مايقبلون احاجيها لو نتدخل بينهم

اني ع الحجي الصار حسين اني مااتحمل كل هذا مااتحمل اسمع حچي وبنتي موجوده وتكبر علي وتسمع اني لازكتلك سنين لمن اخذتك وناسيه اني ارمله ولزكت نفسي الك مااتحمل غلط واهانه صح فقيره اني مو صاحبة السان وماجنت هيج صگعات الوكت هي الخلت الساني ينربط صح اتحمل بس مو الهذي الدرجه مالي خلگ مكايد النسوان اني هسه يلله  قررت اعيش براحه اسعد وانسعد ابد مو مال قهر وتخطيط

اشرلي اجي يمه

بقيت بمكاني كارهه روحي وطالعه الدنيا من عيوني كلش اجاني هوو كعد يمي

..كل هذا بگلبج منهو مسمعج احچيلي منهو الحاچاج انه ابالي ع حجي ابوي نفسه طلب مني يسر من تنزل تنزلين انتي وياها اديرين بالج عليها وتشوفيها خاف تأذي احد حاجيته بهدوء وفهمته يسر حالها حال الي بالبيت
بس انتي سالفتج ثانيه ياهو  الغاثج