مساء الخيرات حبايبي
اسفه ع التأخير واسفه هم البارت 2000 كلمة بس هذا الكدرت اكتبه بوجود خطاري
اكيد اعوضكم لو صارلي مجال
…………… .
الاسبوع الأول للعرس اريده يخلص حتى التفت للشاغلات بالي
حسبه تجيبني وحسبه توديني
سرور الحلم ماطمني عنها زاد نار صدري وخوفي
حچي عمامي والشباب انو لازم انخليلنه موقف ضد تدخلات نسابة عمي بالعشيره
ولازم. الضلاب تدخل بقوة
تقسيم الماي بحصص متساويه للكل
وهواي امور العطلني عنها الوادم الي اتبارك
من غير دوامي يراد اشد حيلي بي وگاعي الي صار حسين يساعدني بيها حسين ابو وابوي اولاد عم
واخر فتره مافاركني واكدلي الگاع تظل تحت رعايته وانه مشغول وهو شاطر ويعتمد عليه اكبر مني بثلث سنين تقريبا
شغلي لازم ارجعله وبس اسدد السلف افتح مشروع هالمره وابالي اشتري گاع بالولاية وابنيها محلات واستفاد من ايجارها
مريتي زينه بس بعد عدها سوالف طفله والي بعمرها يمكن ماتكون ناضجه كلش بس مونستني بسوالفها بدون ماتدري
الي يمنه ومعروفات ابناتنه بعمرها كلشي فاهمات وواعيات بس بنات الولايه يختلفن مهما كان
نوبات اعلمها نوبات اضحك واگول تتعود علينه خل اضحك ع سوالفها
عدها طيش احسها بس فاهمه وتاخذ تعلوم
وهي تضحك اذا علمتها شي وماعجبها بسرعه ينگلب وجهه وتلمع بعينها الدمعه
بيوم الخامس من العرس چانن نسوان يم امي وجايات يباركن رادن يشوفنها راحت حيل مستحيه
ومن طلعت ابالها انه طالع ومحد بالبيت
طلعت تركض واطفر وتفتر البيت جبير واتراولها فارغ اخذت راحتها
عجبني شكلها جنها فراشه تتنقل بين الوردات
بس عيب من امي هيج تشوفها
واي وحده من حبايبنه بيها نگد عليه وعليها
وانه اصلا طبعي ثگيل اكبر من عمري عقلي وشكلي يوحي الهالشي
صحتها
… بهداوه ع كيفچ شجاج اطفرين هيج امشي برهدنه ماهيچ حبيبه الي يشوفچ ينگدج
..احس اتكسرت واتفتفتت ذره ذره خليته يريد يطلع ودخلت اسلم شمبقي هنا مو ع اساس طلع
سمعت النسوان يمدحن جمالي وشكلي وعمتي فرحانه بيه وهيه هم گعدت توصف اكثر وتحجي فرحة رجلي بيه وتدعي الله يديمنه
الهسه تصير مواقف واضحك قليل.. و اجفص هم وصار كم يوم انه وياهم عمتي حبيتها بس هو حيل اخاف واستحي منه والله اخاف وحقي
گالولي شاب واتصورت عنده طيش الشباب الضحك الشقه ماعنده لواته يكون فاهمني قريبه العمره
من شفته عبالك تلاثيني مطگطگ الدنيا ع ايده
أنت تقرأ
خيانة زمن
ChickLitللخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن وا...
