خيانة زمن

36

صباح الخير…

حاولت اختمها بس احداثها طويله البارت هذا 3200 كلمه وبي نصف الاحداث بعد بارت يلله اكدر اختمها

… ..

ماهر…
چنت فرحان احلى فرحه بعرس الغالي
ماعايش هاي الفرحه وحاس بفرحة عرس الاخوو بس وياه

ايام وانه ماتركته اريد اثبت الروحي گبل لااثبتله انه وهو اخوان
احس بفرحتي توازي فرحته بروحه
كل مااشوفه يضحك اضحك بدون مااعرف السالفه وعليمن هالضحك وليش احس روحي فرحان وبس

الحنه والعرس ووگفتي وياه گبلها ولو اوگف بعدها سنين مااحس اوفي حقه
عبالي اتدوم فرحتي ومثل كل مره
وعيت على سالفه وجعتلي روحي مو بس روحي
گلبي حيل يوجعني من زينب..

من جهه خايف عليها ومقهور ومن جهه ودي اطيح بين اديني واعلمها السوته

اشهر وانه وياها احاول مااقصر عليها بشي كلشي اجيبه الها گبل الطلب

ارجع تعبان من شغلي واگلها نامي وخلي الولد عليه العبهم واتعبهم واتعب زياده وانام العصر اخذهم اطلعهم مااكلفها بشي ولا بطلب احاول گد مااگدر اريحها چنت فرحان حيل الله عوضني عن كل يوم مر علي بضيگ وحزن..

اخذت حقي وگفت على حيلي سويت المايگدرون يسوونه حزمه اولاد وانه وحيد بس چانت امي ساندتني ولازمه ظهري

والله سخرلي اخوان ونعم منهم احسبهم نعمه الي وسام وحسين
والحمدلله مادام مظلوم چنت الله نصفني بالدنيا وبالأخره ينتظرون عقابهم ع كل المريت  بي

نعم الله سبحانه زادت وفاضت عليه رزقني ببنية حلال تحبني تقدرني بسيطه تراعي الله بيه و بأمي ورزقني منها توم اولاد من اشوف ضحكتهم احس الدنيا ضحكتلي وع عينها شفت كل الخير
مشكلتها حركه زياده ماتهتم الروحها وتعبها الف مره محذرها
ولو راحت الاهلها الا ترجعلي بمصيبه حاولت ماتروح الا ايام العرس لحت وگلت خطيه احرمها بسيطه اتحمل كم يوم چنت ناوي تخلص الزفه ونرجع واخذها وياي
اتفاجأت بيها متخربطه والمصيبه چانت تطلگ
انه اتذكر بذولاك التوم ابد ماخليتها توصل هالحال اول ماحست امي بيها علامات تغيير  كالت ناخذها وخذيناها اشوفها تتلوه واحس گلبي يتكطع منها وعليها اعرفها ماتگعد ظليت الوم روحي ليش رضيتلها تروح
تالي طلعت هي المسويه بروحها هيج وصاعده تنزل بطاطين !!
ياريت لو شي يسوه
وانه محذرها من الشغل ابيتنه هناك مااخليها الحوش استلمته انه عنها من زمان اغسله بالليل يصبح نظيف  والبيت ع طول ايد امي بي هم ماتگعد وحسين كل فتره يجيب سرور تنظف وتروح صح مايبقى ع طول ومو مثل نظافته وشلون جانت مخليته يلمع گبل بس احاول مااخليها ونتحمل كلت شلون ماجان والا لو عليها جان طيحتهم من اول اشهر

ماشايف بنيه ماتريد الراحه حتى لو بيدها مصير اثنين الف مره اگلها مو على  روحج وبس مسؤوله من طفلين هم امانه عندج